RIALFrI

Cinque aguraçes

Lorenzo Renzi, Stratificazione provenzale-franco-veneta nella «Canzone dei Desideri» marciana, «Atti dell’Istituto Veneto di scienze lettere ed arti», Classe di scienze morali, lettere ed arti, a.a. 1967-1968, CXXVI, 39-68; poi in Id., Le piccole strutture: linguistica, poetica, letteratura, a cura di Alvise Andreose, Alvaro Barbieri, Dan Octavian Cepraga, con la collaborazione di Marina Doni, Bologna, Il mulino, 2008 (“Collezione di testi e studi. Linguistica”), pp. 237-63.


Edizione digitalizzata a cura di Serena Modena
Marcatura digitale a cura di Luigi Tessarolo

 

 
 
 Cestes sunt cinque aguraçes li qual se fistrent cinque cevalers zascun por soi meesme.
 
 
 I
 - Ora ause mille marche d’arçant,
 et autretant de fin or et de yos,
 et ausse a pro çibadas <...>
 bos, vaces, feudes et moltons,
5et mille libre çascun zorno por dispendre
 et forte chastel ou me poes defendre
 sì che nul home me poust fublar,
 et ause porto d’aqua dolçe et de mar.
 
 II
 - Et eo ausse tant de seno
10e de mesura cum’unqua ave Salamon,
 ne no pousse dir ne far faliment;
 et trovassme loyal toute saison,
 largo prometent e bien attendre,
 a çesceun demandidor de bien rendre,
15sì che nul home me poust blasmar
 in mia colpa cevaler né zublar.
 
 III
 - Et io voldravi aver bella donna et avinent,
 conta, gaya, cum bel respos,
 et zascaun zorno mille cevaler valent
20qui me seguisse ov’io allasse et o’ ie fusse
 sì acesmas como eo savravi entendre;
 né no me manchas da comprar né da vendre,
 né nessun grant avoir me poust sublar
 et aver in terra que saus dimandar.
 
 IV
25- Et io voldrai viver zoant
 tant quant lo mondo durera gayo e amoros,
 et li me faite plasis a tota zent,
 et saus parler lenguaço sessanta dui,
 et que pousse alto volar e descendre,
30né nulla reim me poust offendre,
 sì che saus <...> divisar
 quel che l’homo dise e sa in cuor pensar.
 
 V
 - Et eo voldrai esser a Deo tant humelment
 che m’amas tant cum fu ses compagnons
35zoè saint Pere e saint Paul veirament,
 et intrasse per luy vichario dal celo in ius
 et poi me volesse il un priego intendre
 <.................... .......................>
 sì che nulla arma poust in perdicion andar
40e que de infern le poust fors trar.