RIALFrI

Bataille d'Aliscans (Bologna, Archivio di Stato)

Armando Antonelli, Brandelli d'epica. I. Chanson de Aliscans, in «Medioevo romanzo», 36, 2 (2012), pp. 281-309: 296-298.

Edizione digitalizzata e marcatura digitale a cura di Serena Modena

 

 
 
 I.
 
 c. 1 recto
 
 
 
 
5
 
 
 Sainte Marie, reïne coronee,
 Quar fuse gie morte et enterree!
10Ma granz dolors n’ert gemais obliee
 Josque jo ere en la terre botee».
 Adonc i ot mancte lerme ploree.
 Mout fu li dous en Orenge pesanz;
 Plore Guiborc des autres ne sai quanz,
15«Sire», dist ele, «o est remés Bertranz
 ‹E› Guielins et Guischars l‹e va›llanz,
 ‹G›auters de Termez, Gaudens e Guinemanz,
 E Vivïens li hardiz combatanz
 Que jo norri ot mei plus de VII anz
20E li barnages de la terre des Franz,
 Que te bellai quant de ci fus tornanz?
 Rendéz les mei sains et saus et vivanz».
 «Dame», dist il, «mort sunt en Alischanz.
 De‹ci› la mer dejoste les Archanz
25T‹ro›vames Turs, Sarazins et Persanz,
 Ceus de Palerme e toz les Gorgacansz,
 E ceus de Sutre et toz les Agolanz,
 Les Minconeus et toz les Aufricanz,
 Ceus de Mamiste, les filz Maresalanz
 
 
 c. 1 verso
30
 
 
 
 
35
 … t le fist …
 Girarz meis niés, del Gomarquis li franz,
 Guischars li proz, Gauters et Elinanz
 Sur tos les autres fu Vivïens aidanz
40Quar anc ne fu por Sarazins fuianz,
 Par nulle force sol plem piè reculanz
 Mas de paians fu li plantez si granz
 E tant en vint des nies et des chalanz
 E des dromonz et des esqueis corranz
45Anc tant n’en vit nus hom[e] qui seit vivanz
 D’escuz et de armes fu ‹c›uverz li Archanz
 Contre un des noz i ot ben .C. Persanz.
 Mort sunt mi home, n’en n’est unz eschapanz
 E jo meismes navrez par mi les flanz.
50Tant i estui, sens menconge disanz,
 Qu’en .XXX. loes fu roz mis chaceranz,
 De mon escu nen enter dos espanz,
 Toz fu quasez mis verz elmes luisanz,
 Par mes espalles, par les laz dependanz.
55Ne m’en blasmez, si ge m’en soi fuianz».
 «Non faz veir», sire, «Ihesus vos seit garanz!»
 Granz fu li dous el palais segnoriz;
 Les gentis dames plorent par lor mariz