RIALFrI

Francesco Novello da Carrara (Cronaca)

Francesco Novello e la riconquista di Padova (1390). Poemetto storico carrarese edito dall'esemplare Vaticano, a cura di Giorgio Ronconi, Padova, La Garagola, 1994.

Edizione digitalizzata e marcatura digitale a cura di Serena Modena






 

 
 IV
 
 Capitolo quarto, vv. 22-36
 
 Ora costui, volendossi partire,
 s’apresentò ’nanci al governadore,
 e sì li disse: «Dieu vos gard, sire».
25«Vos soies bienvenu», dit il alore,
 «ce alé vus faisant, ma compagnie?»,
 come colui che gli avea grande amore.
 «Gi viegn avan vetre signorie»,
 disse il mio figlio alora, «por avoir
30vetre consil et vetre bone aie.
 Gi sui ensì con tot mon avoir
 Por aler bien segur vetre zemin:
 gien d’armes et argiant a mon pooir».
 Parlando ora fra<n>cese et or latin,
35li domandò brigata per sua scorta,
 e quel sir gliela diede al suo demin.
 
 
 V
 
 Capitolo quinto, vv. 37-72
 
 Partito quinci, andò verso Romano,
 e cavalcando trovò in su la strada,
 al mio parere, un rico paisano.
40El mio figliuol cominzò in quella fiada.
 E sì li disse: «Sire, Dieu vos gart!
 Dite moi chi èt sir de se contrada».
 «Sire, dit el, en tot sete part,
 n’a ren gientil segnor de le Daufin,
45franch et ardis, escoi come liopart».
 «Or di, feit il, è segur le zemin?»
 «Hoc, respondi, tout environ:
 con perles, con argiant et con or fin!»
 «Or di moi, frere, li pap èt a Vignon?»
50«Hoc, biaus sire, co ses gardenal
 E con ses capelans et clerenzon.
 E li burgiois trop feit gran mal
 e ceus de Franze ancor, che le mantien
 por gaagner, contre Dieu fait gran fal»
55Ensì se destruent li Cristien!
 Car tout Itaile se crevente en gerre,
 et por ze prent orgoil li paien.
 Se ’l roi de Franse et le roi d’Inghilterre
 voloit regarder a son gran nome,
60tantost estoit concorde sor la terre,
 et acorder l’Apostoile de Rome
 con le notre pastor! Car, par ma fois,
 ie ne li croi le valor d’une pome!
 Por ceste deferance li Turcois
65sor li cristien ont fait pasagie,
 prist ont terre et desconfit ou rois.
 S’el avoi tant de forze et de coragie
 qu’il conquist la Rasse e l’Ongarie,
 trosqui a Rome avroi le treusagie!
70E poi li dise: «Sir, le ventre vie
 estoit ensì» - e volsesi a man destra -
 «Dieu vos garent, douse compagnie!»
 
 
 VI
 
 Capitolo sesto, vv. 40-45
 
40E discorendo per quella fiumana,
 intrò in mare e giunseno a Marsilia,
 e dismontò tra quella giente strana.
 Intrò dentro el signor co’ sua familia,
 cui conoscendo, el vescovo Rimondo
45dit: «Sir, bien venés por sento milia!»