Fazio degli Uberti, Il Dittamondo

Fazio degli Uberti, Il Dittamondo

Fazio degli Uberti, Il Dittamondo e le rime, a cura di Giuseppe Corsi, vol. I, Il Dittamondo, Bari, Laterza, 1952 («Scrittori d’Italia»).

Edizione digitalizzata e marcatura digitale a cura di Francesca Gambino

Libro IV, capitolo XVII



	Pur seguitando la mia cara scorta
	e ragionando, il nostro cammino
	di Normandia in Francia ci porta.

	Tra l’oceano e ’l giogo d’Apennino,
5	tra Rodan, Reno e Pireno si serra
	la Francia tutta e cosí la confino.

	E poi che noi entrammo in quella terra,
	in vèr Parigi fu la nostra strada,
	che Nantes bagna e che la Senna afferra.

10	Io vedea arsa e guasta la contrada,
	le larghe strade venute sentieri,
	i campi senza frutto e senza biada.

	E mentre che di ciò stava in pensieri,
	noi vedemmo un da traverso venire
15	in abito e con segno di corrieri.

	“Dieus vous salf”, fu il primo suo dire.
	“E tu soies, fiz ie, le bien venus”,
	vago di dimandare e lui d’udire.

	Apresso disse: “En quel part alez vus”?
20	“A Paris”, respondi. “E ie encore”.
	E ici se taist, qu’il ne dist plus.

	Cosí andammo presso che due ore;
	ma poi che ’l tempo mi parve e fu a vis,
	presi a parlare senza piú dimore.

25	“Di moi, biau frere, ie voi cest païs,
	qui tant estre soloit biaus e noble,
	degasté tout, en feu e flame mis.

	Comant fu ce? où est l’argent e l· moble
	au roi de France, qui tant en solt avoir?
30	Car nus savoit conter ne dir le noble”.

	“Amis - fist il - quant que tu dis est voir,
	car en toute crestiente n’estoit rois,
	qui tant eüst grant richece e pöoir.

	Com ales est d’ici iusque a un mois
35	dir ne l· sauroie; mes de tant bien t’afi:
	chaucuns s’en fet le signe de la crois.

	Degasté l’ont e maumenes ensi
	par son valor Adoart d’Engleterre,
	cil de Gales e li bon quens de Arbi”.

40	E ie: “Por quoi encomença la guerre?”
	“Por quoi?”, fist il; “car por son eritage
	demandoit Paris e toute la terre.

	Dont nostre rois le tint a grant outrage
	e por tel chose fu començé l’estrif,
45	qui France a gasté e trestout son barnage.

	Asez en sont por le mont de chetif,
	homes e femes, jovenciaus enfans,
	e plusors mors, qui encor seroient vif.

	Bien a la guerre duré vint e sis ans
50	tant fiere e fort entre ces rois ensemble,
	quant iames fu entre Cartage e Romans.

	De sous Cales chascuns sa gens asemble,
	iluec morust Jeans li rois ardis,
	cil d’Alençon e plus barons ensemble.

55	Le nostre rois s’en fuï desconfis;
	apres s’en vint Adoart e Bretons
	trestout ardant iusque pres a Paris.

	Une autre fois semont ses barons
	li rois de France e fist son garnimens;
60	por soi vengier trestout mist a bandons.

	Que vous diroie? moult amasse grant gens
	fort e ardie; mes tel fu son pechie,
	car vencus fu e il pris ensemens.

	Por voir te di que cil de Gales mie
65	n’avoit gens a mon roi desconfire,
	si prope dieus ne li fust en aïe.

	Or t’ai conté en brief nostre martire:
	encor te di que ie ai pëor de pis,
	si dieus par temps ne tramest son mire”.

70	“Bien ai oï trestout ce que tu dis;
	mes fai moi sage si li rois Adoart
	en ses victoires a grant terre conquis”.

	“Oïl, fist il; partout sont li liepart;
	en Gascogne flors de lis ni est remes,
75	en Normandie, neïs entre Picart.

	Por grans assiege li fu rendus Cales.
	Que te diroie sus la mer de Bretagne,
	quant qui tenoit mon roi s’en est ales?”

	“Amis, fiz ie, a la roial ensagne
80	messager sembles; di moi lau tu vais,
	si dir se puet e s’ici non remagne”.

	“Voir est, fist il, que messager me fais
	a la postoile de part le roi de France,
	por quoi en brief ce croi oïr porais”.

85	A la parole qui tant outre s’avance,
	pensai en moi e dis entre mes dens:
	cestui a dou roi e de pes esperance.

	“Or me di, frere: i morust grant gens
	en ces batailles?”. “Quatre vint milier,
90	respondi cil, e plus si com ie pens”.

	“Di moi: a fils qui le puisse vengier
	li rois?” “Oïl, Charles le daufin,
	respont apres, uns ieune bachelier”.

	Ensi parlant, nous guië nostre chemin
95	droit a Paris, lau mon cuer avoie;
	e l· messager, a tout le chief enclin,

	prist congié e se mist a la voie.