1

C[h]ançon voil faire per rime e per lioine

Del fil F[e]lip lo rei de Macedoine,

[Qu]i ti[nt Espagne deci q]u'en Babiloine,

[Ai]se [e] Afrique e Tire e Sidoine,

5

[E] tot lo mont mist en si grant aigoine

Qui ne le volt servir per son espoine

[N]el pot garir ne l'escuz ne la broine,

Morir l'estut, que n'i quist autr'essoine.

2

Quant Alix., li filz Felips, fu nez,

10

Per molt granz signes fu li jors demostrez:

[L]i ceus mua totes ses calitez,

[S]oleil e luna perdirent lor clartez,

Por poi ne fu li jors toz oscurez,

Crolla la terre e se mut de tot lez,

15

[En] plusors los fu granz la tempestez.

[L]i reis Felis fu molt espave[n]tez

De cel enfant qui si fu demostrez.

Ce signifie qu'il sera molt senez

E que li enfes conquerra mainc regnez.

3

20

Quant Alix. nasqui, en icel jor

Ot lui nasquirent .xxx. fil de contor

De Macedoine, del fé l'empereor;

Cil enfant furent de l'ahé lor segnor.

E[m] manctes terres li conquistrent honor,

25

Tuit lo servirent de gré e per amor,

Por lui sofrirent fai[n] e sei e dolor

Em Babiloine, en Inde la maior,

En l'aspre terre en la superior

O li serpent li firent la paor.

4

30

Li reis Felis ot cel enfant molt ger,

D'un de ses druz li a fait norricer.

Olimpias em preia, sa moller,

Que laida fenne ne l'osas[t] atocher.

Li petiz enfes aveit lo cur si fer

35

Que lait de fenne ne voleit alaiter

Ne la vianda desur son dei coster.

Une pucele, filla d'un chivaler,

L'estoveit paistra a un orin coller.

5

Li enfes crut d'ahé e d'escïent

40

Plus en .vii. anz qu'autra ne fist en cent;

Quant que il veit e quant que ot aprent.

Losengeor ne prisa il nïent

Ne sa parola plus que trespas de vent;

Chivalers aime e honore forment,

45

Quant que il a tot lor met em present.

Tant per es larges ne prisa or ne argent,

Les chivalers teneit toz a talent.

6

Li reis Felips quist a son fil doctors:

De tote Grece eslist les .vii. mellors.

50

Cil li aprenent des esteles les cors,

Del firmament les soveirains trestors,

Les .vii. planetes e les signes auçors

E les .vii. arz e toz les granz autors,

D'eschas, de tables, d'esparvers e d'ostors,

55

Parler ot dames corteisament d'amors,

De jugement surmonter jugeors,

Bastir agait por prendre robeors.

7

Quant li .vii. maistre l'orent apris forment,

Un en i ot de plus grant escïent,

60

Sur toz les autres sot cil d'enchantement;

Neptanebus ot non, men escïent.

Per lo rëaune o desïent la gent

Que Alix. ert sis filz veirement;

Plusor o distrent, mas il ne fu nïent.

65

Li reis Felis l'engendra veirement,

Pois l'enpeinst Alix. d'un mur au fundament;

Pois l'en pesa, si'n ot lo cur dolent,

Forment lo regreta, mas ne valut nïent.

8

Tant crut li enfes qu'il ot .xv. anz passez.

70

Molt per fu proz e molt de grant beutez,

Vars ot les oilz cume faucons müez;

Tant per est fers de nul n'est regardez.

Gent ot lo cors e les flans ben mollez,

De totes genz esteit forment amez.

75

Pris li corages d'aler esbaneiez;

Ben fu vestuz de dos pailes roëz,

Pois afubla un mantel de cendez,

Ben val mil livres de deners moneez.

Ot lui esteit de jovne gent asez,

80

De fil de contes e de filz d'amirez

Qui tuit lo servent volenters e de grez,

Chivaus lor dona e mulez sojornez.

9

Un jor s'alot desduire per un pré

Solz lo palais de la reial cité;

85

Ot lui esteient .v.c. danceus josté.

A sei apele Festivon, Tolomé,

Cil dui esteient si dru e si privé.

Fremir oït un chival engertré,

Cuda oïr lihon enchaené.

90

Ses druz apele si lor a demandé

Ce que pot estra, ne li sia celé.

10

Danz Tholomés parla premerament:

"Sire, dist il, nel celerai nïent,

Feus sia ja si unques vos en ment.

95

C'est uns chivaus qui manjoe la gent,

De mareschaus a mangé plus de cent,

E cort plus tost qu'acesmee de vent.

N'a sonc d'aveine, d'orge ne de froment,

Pain cuit manjoe e beit vin e piment."

100

Ot le Alix., desrenge e destent;

Enqui fera mostrer son hardiment.

11

"Sire, dist Tol., escolta ma raison.

D'un tel chival poëz oïr lo son

Qui plus est fers que tigres ne lion,

105

Grant a la gole, de denz sembla dragon.

Li reis Felis, quant pot prendre lairon,

Il ne li fait autra dampnation,

Mas au chi val lo dona a livreison;

Il l'a plus tost geté en son goitron

110

Que .xii. lof n'avreient un moton.

Quil dontera reis ert sens contençon."

12

"Per ma fei, sire, molt est fers li chivaus,

Hunc en cest segle ne fu veüz itaus.

En une chartra lo tent tis peres enclaus,

115

Vers lui nen ose abiter mareschaus;

Toz les menjoe e les bons e les maus.

Se .v.c. homes i aveit ot tinaus,

Nel destreidrïent il plus que fereit un chaus."

Ot le Alix., desrenge come faus,

120

Demostrer volt com il sera vasaus.

En la chartra est ben enclos li chivaus

Qui plus est fers que nulla rens charnaus,

En une tor le tent li reis enclaus;

En tot lo monde ne fu veüz si maus.

125

Alix. lo chetera de maus,

Jusqu'a petit le veira li chivaus.

13

Quant a la chartra pot anceis avenir,

Il ne trova qui l'us osast ovrir;

Fert a un mal, les gons en fait sallir.

130

Li fers chivaus vit son segnor venir,

Les pez devant comença a flatir,

Baisa lo chef, semblant fait de servir.

Quant Bucifal vit son segnor venir,

Ce sachez ben paor ot de morir;

135

D'ore en avant li covendra servir.

Li reis l'a fait molt richement norrir.

14

Quant Bucifal vit venir sun segnor,

Baisa la testa, grant semblant fait d'amor;

E Alix. lo prist per grant vigor,

140

Au gef li mist le frent qui fu faiz a Monflor,

Saut sur lo dos si s'en eist de la tor,

Dreit au palais en vint a l'aumaçor,

Desfublez fu si ot gente color.

Contra lui vindrent e duc e vavasor;

145

De Bucifal lor vent si grant freor

N'en i ot nul qui n'oüst grant paor,

Li plus ardiz vosist estra en um for.

15

Par les degrez s'en monta li vasaus,

Dedesoz lui monta danz Bucifaus;

150

Fers fu li sires e fers fu li vasaus.

Per mé la sale tresvola come faus,

Despecce tables e brisa eschamaus.

Tuit li plusor fuient a lor ostaus,

Ce lor est vis cent anz dura ciz maus.

155

Li reis Felis dit a ses seneschaus

Qu'il lo defendent ot fuz e ot tinaus.

16

Quant Alix. vit lo rei Felipon

En tel paor e en tel suspiçon,

E de la sala füeient li baron,

160

Nus d'eus nen osa ester en la maison,

Del fer chival desent sur un peiron;

Per un fren d'or lo rent a Festivon.

Cil lo tent plus que tigre ne leon;

N'ert pas mervelle, quar il sembla dragon.

165

Li filz lo pere en a mis a raison,

Ne laisera ne li demant un don.

17

Alix. en vint dreit a son pere au deis,

Il li a dit: "Saus sïés! sire reis.

Asez soi forz e soi jovnes e freis;

170

Volet que sie chivalers o borgeis?

Adobet mei a quise de Greceis,

Vostra rëaume vol metra en defeis;

Si vos nel faites, o tornera a sordeis."

Respont li peres: "Dit avez que corteis."

18

175

Quant la novele en vint a la reïne,

Ele seeit dedevant sa cortine,

Ensemble lei une bele meschine

Qui d'un fil d'or aveit lïé sa crine,

El afubla un bon mantel hermine;

180

El est venue en la sala perrine.

Quant veit son fil, corteisement l'encline,

Aprés li fu molt protchana veisine,

Ele l'embrace per desoz la peitrine,

De lui baiser en la boche ne fine.

19

185

Quant l'ot baisé e acolé assez,

"Beus filz, dist ele, bona fussez nez.

Per vos ert ben li fers chivaus dontez,

Vostra deit estra, sire, si vos volez.

Per vos ert ben li regnes governez.

190

Xv. [anz] aveze quatra meis passez,

Il est ben dreiz que sïez adobez.

Des or mais deivent pareistra voz bontez."

Respont li enfes: "Mere, merciz e grez."

20

Li reis Felis, qui ne fu mie lent,

195

A la reina parla premerament:

"De vos, reïne, vengent li vestiment,

De mei vendrunt li autra garniment.

Vostra fil faites bagner astivement,

E sei doncel se bagnent epsament;

200

Per soa amor en adoberai cent."

Quant l'ot li enfes, motes merciz l'en rent,

Il li encline del chef hastivement.

21

Quant la reïne oït lo rei parler,

Fors de sa chambre fait les dras aporter.

205

Pois si a fait aus donceus comander

Que bagner s'augent la jus au port de mer.

Li reis a fait les chivaus amener,

Totes les armes lor a fait aporter.

E la reïne a fait ses chivalers mander,

210

Lor vestiment lor a fait aporter.

Li doncel sallent quaus e anz en la mer.

22

Si la fusez el pré soz la marine,

Soz les degrez de la salle perrine,

Lai veïssez tanta pellice hermine,

215

Tant bel blïaut e tanta pel martrine,

Tant jovencel, tanta bele meschine!

Olimpias i esteit, la reïne,

D'un vert samiz vestue e eschevie,

Environ lei tendu une cortine

220

Qui plus reluist que cristaus ne verine;

Ce esteit fait por oster la chaline.

23

Si lai fusez soz la marine el pré,

Desoz la sale, tres au pé del degré,

Lai veïsez tant destrer enselé,

225

Tant bon hauberc e tant escu clöé,

Tant bon espee e tant brant aceré,

Tant bel pitral e tant estré doré,

Tant esperon a fin or nïelé!

Tot cist herneis esteient asemblé

230

Por les donceus qui'n serunt adobé.

24

Quant li donceil issirent de la mer,

Les dras lor fait la reïne aporter,

Aus chamberllens les a fait despleier.

Cil les lor portent sens nesun demander,

235

Chascuns em prist por son cors conreer;

E la reïne vait son fil atorner,

De cheres armes le fist ben afaiter.

Son conestable a fait aprés crïer,

Que la quintaine ne volt pas oblïer,

240

Que Alix. i fferra come ber.

25

Quant Alix. fu bagnez e sis druz,

A une part s'en est alez toz nuz.

Uns chamberllens i est corranz venuz;

Braies li porta e chauçons ben cosuz,

245

Chauces de paile e solerez aguz.

E Tolomés li est devant venuz,

E Festivons, sis amis e sis druz.

"Sire, dist il, por quei n'estes vestuz?

De la quintaine sunt cha li pel feruz,

250

Men escïent cha firunt es escuz."

26

Oëz, segnor, l'estoire per rime e per leoine

D'Alix. lo rei qui conquis Garsedoine

E tote Espagne deci qu'en Babiloine.

Molt per fu proz, plus fist que Charlemaine,

255

Hunc tant ne fist li forz reis d'Alemaine.

Molt fu proz Alix. e sa gent fu grifaine,

Per unt que ele aut tot derumpeit e fraine,

Des vergers e des biez fu perdu la gahaine.

Dant Tolomés l'apele, qui forment lo laideine:

260

"Por quei n'estes vestuz, gentis reis de Miceine?

Cil vostra compagnon ferent en la quintaine.

Je vos di veir, beus sire, fé que ge dei Eleine,

Je ne vos mentireie por tot l'or de Miceine."

27

Danz Alix. demanda sa chamise

265

E la reïne la li a el dos mise.

Unques ne fu cosue ne reprise,

Ovree fu sur l'aiqua de Tamise,

Per haute mer en fu portee en Frise

Au rei Felipe, cui ele fu promise.

270

Or l'a li enfes cui ele fu tramise,

Ne poeit estra en nul lo meuz a sise.

Qui l'a vestue cha sa char n'ert malmise,

Ne de luxure ne fera trop esprise.

28

Sus sa chamisa a vestu un blïaut;

275

Ben pot hom dire que .c. livres d'or vaut,

Quar quatra fees le firent en un gaut

Sur Babiloine, el poi de Monribaut;

Sos cel n'a home si hardi cha i aut.

Uns enchanteres qui ot non Rainbaut

280

Per grant enging fist aveir cel blïaut

Per un oisel c'um apele girfaut.

Qui l'a vestu n'a trop freit ne trop chaut.

29

Desus vesti un pelliçon hermine,

Les goles furent d'une beista marine

285

Qui fu trovee el lac Sancte Cristine;

Panter a nom e luist plus que verine,

La gole ot roge e tota la peitrine;

E quant lions la veit, si li encline.

Qui l'a sur sei si a tal medecine

290

Que cha n'avra pel chanu en la crine.

30

Pois afubla un bon mantel martrin

Qui fu cuverz d'um paila costantin.

Li reis Felis l'ot d'un rei sairazin

Que il ocist au poi de Montarbin;

295

Ben vaut .c. livres de fin or peitevin.

La reïne le traist de son escrin,

Son fil lo dona, au nobile meschin.

Hom qui lo porta n'avra cha mal de vin,

Tant n'en set beivre au seir ni au matin.

31

300

Olimpias li a centc un baldrei,

Cha chivalers qui l'a environ sei

N'ert abatuz ne honiz en tornei.

Pois li a mis un tel anel au dei,

Si com reconte cil cui ge ben en crei,

305

Hom qui lo porte cha n'avra trop grant sei.

Monta li enfes sur un blanc palafrei,

E la reïne lo conduist jusqu'au rei.

32

Quant au palais fu li enfes venuz,

Del palafrei est a pé decenduz.

310

Toz li barnages est encontra venuz,

Plus de .v.c. en i ot de chanuz

E autretanz de jovenceus crenuz;

N'i a celui ne li renda saluz.

"Rëau! s'escrïent, nostra reis est venuz."

315

E Alix. s'en est molt irascuz,

Les deus en jura e les soes vertuz

Qui rei l'apele cha ne sera sis druz.

33

"Segnor baron, por que m'apelez rei

Quant ge de terre nen ai travers mon dei?

320

Mas g'en avrai encors, si cum ge crei,

Si Deus garist les donceus que ci vei.

Il me serunt, ce cuit, de bone fei,

Je lor serai tes cum estra lor dei."

Quant ot ce dit, si s'aproisma del rei,

325

E il lo baisa si l'asist joste sei.

Remant la noise perla sala e l'esfrei.

34

Quant per la sale se turent li baron,

Li reis Felis mist son fil a raison:

"Beus filz, dist il, molt as gente faiçon,

330

Ben te convint cil hermins pelliçon.

Remembre tei de la succecion

Que t'estot faire vers Daire lo felon."

Dist Alix.: "A m'il en sa prison?

Ja ne porte je mais lance ne confanon

335

Si ne li tranche lo chef soz lo manton."

Dist li barnages: "Ciz a cur de baron."

35

Quant per la sala se furent tuit teü,

Danz Alix. a au rei respondu:

"Pere, fait il, ne parlez del treü,

340

Recreant furent tuit cil qui l'unt rendu.

Ja ne por[t] ge ne lance ne escu

Si ge mais'n a vallisant un festu.

Por sol itant cum il en a oü,

Li trancherai le chef desor le bu."

345

Dist li harnaches: "Deus t'em prest la vertu!"

36

Forment s'escrïent li petit e li grant:

"Dreiz empereres, por quei demores tant?

Dona a ton fil armes a son talant;

Si tu nel fais, devendrons sei comant,

350

De lui ferons e segnor e garant,

Te gurpirons come rei recreant.

En une chartra te geterons devant."

Quant l'ot li reis, si se dreiça en estant.

37

Quant vit li reis sa maisnee privee

355

Por Alix. marie e tropblee

De s'armaüre qui fu tant demoree,

Passe avant, vait li cencdre l'espee

Qui fu forgee ultra la mer bethee.

Une reïne qui ot non Pantalee,

360

Qui em batalla en solt estra armee,

La li tramist per une soe fee.

Sos cel n'a home, si en receit colee;

Que ge mais sie per nul home sanee.

38

Auberc li done o enterine malla,

365

De l'or d'Araiba fu tote la ventalle;

Contra lui sunt tuit li autra coralle,

Hunc ne fu hom por cui il face falle.

Pois li presente l'elme de Cornualle,

Li reis Arcus l'ot man jor en batalle.

370

Pois que il la lace per desus la ventalle

Ne pot chaler qui fere ne qui malle.

Cuverz esteit d'une riche toalle,

Li gentis reis a son ger fil lo balle.

39

Escu li done de coste de peison,

375

La bocle fu a orfreis environ.

Tres en meu lo ot escri un lion,

Ce signifie la ferté del baron.

Il fu chadis au fortisme Sanson,

Qui lo dona au saive Salemon;

380

Cil lo tramist au fort rei Felipon.

Hunc en cest segle ne fu veüz si bon,

Quant arme i ffert resort come bozon.

40

Espé l[i] done li reis Felis enprés,

Uns febl[e]s hom i oüst tot son fes.

385

La lance fu d'un quarter de ciprés;

Li fer en fist li fevre au rei Sercés,

Cha Deus ne place que il forge ge me[s];

Sos cel n'a home, si'n es feruz d'eslés,

Sempres ne moire ainz que sia confés.

390

Li reis Felis e li Macedonés

Lo tolirent per force au rei Sercés

En la batalla soz la cit de Röés.

41

Quant Alix. fu del tot adobez,

Les esperons a en ses pez fermez;

395

Li reis sis pere les li aveit donez,

De fin or furent, a esmal nïeslez.

Hunc chivalers ne fu plus bel armez,

Poëz saver qu'il fu ben conreez.

Bucifal fu devant lui amenez,

400

Chere ot ben fate, oregles e costés,

Cropa reonde e fu bene enselez,

Li stref furent de fin or adobez

E li pitraus fu d'un paila envolsez,

Fors solamet les rennes tot li frens fu dorez.

405

Per grant vertu est li danceus montez,

Ponc per les rues cumme faus abrivez,

Grant aleüre en esf venuç aus prez.

Tot le barnages est aprés lui alez.

42

Quant de la cit fu le enfes issuz,

410

De la quintaine furent li pel feruz.

Bucifal ponz, chi li saut fait menuz

Quant il lo broche des esperons aguz;

Basa la lança, fert per mé les escuz,

Trestot les a peçoiez e fenduz,

415

Bris(es)ent les perche e li pels e li fuz,

Per grant vertu s'en est oltra coruz.

Dist le barnages: "Daires est maus venuz,

Per cestui ert aquitez le traüz."

43

Quando Alix. fu oltra trapasez,

420

Ponç Bucifal e broche per les prez;

Fait un eslais qui mult per fu loëz,

Pois desendi suz la sala aus degrez.

De mances dames fu le jor esgardez;

Dit l'una a l'atra: "Mult e bene acismez.

425

Si in un lit estions a lui asemblez,

Que a plait mis cors s'il li est veez!"

Le donceus est desenduz aus degrez,

De tot partes est bene evironez.

44

Quant Alix. desendi au degré,

430

A Fistion a son caval livré,

De cheres armes a son cors desarmé,

Su ses spales a un matel geté,

Per la man prende un so[n] dru Tolomé,

Susc en la sala sunt ambidu moté.

435

Le res lor a le manger apresté,

Pöés saver qu'il i ot a platé;

Li baner crïent l'eu per la cité.

45

Per la cité vont criant li bancer

Aus cavaler s que il alent manger.

440

Il i vot tuti, ne se funt pax preger;

Quant lavé ont, lors mans vont essüer.

Li res Felips asist sum fil premer

Dentro les dos, tres davant sa moler;

Ço ert sa mere qui sur tot l'avoit cher,

445

Tant fort l'esgarde ne pot de l'oil cegner.

46

Quant mangé orent, li reis fait napes traire.

Ec vos un mes de la cit de Cesaire,

De Nicolas qui s'acorde a rei Daire,

E si li manda guerre li voldra faire.

450

Quant Alix. a oït lo contraire,

Molt ferement en regarda sun paire

E en aprés li a dit son viaire:

"Pere, dist il, done mei cest afaire,

Cha Des ne place que me veez mais maire

455

Si ne l'oci o pendo come laire."

47

Li reis Felis est levez del menger,

Corteisement a dit au mesager:

"Amis, dist il, pensez de l'espleiter,

Per tei voldrai a Nicolas nuncer

460

Que ors li vol Alix. envïer;

Unc ne reçut si corteis mesager.

Ensemble lui irunt mi chivaler;

Se il de lui ne me poënt venger,

Je mais vers mei n'enn ost uns repairer."

48

465

Li reis Felipes a oït lo mesage.

"Beus filz, dist il, vos oëz quel ultrage

De Nicolas qui tant est plens de rage,

Molt prisa poi e tei e ton lignage.

Tu iras a lui e menras mon barnage

470

E mostreras iloc ton vasalage."

E Alix. l'en a dit son corage:

"Per icel Deu qui me fist a s'image

Ne lo garra ne l'escuz ne la targe

Que de son cors ne li face damage."

49

475

Danz Alix. fu de cel ost baners;

Saut sur lo deis cum hom qui fu litgers,

Neguns lions ne fu unques plus fers,

Corteisement somont ses chivalers:

"Segnors, fait il, dites aus escüers

480

Que tost vos augent amener les destrers.

Or i parra qui ert bons chivalers."

Tuit li respondent: "Nos irons volenters."

50

Si lai fusez a l'esir des degrez,

Molt oüsez debrisez les costez.

485

L'uns empenc l'autra come hom forsenez,

Plus de quaranta en i ot de crevez;

L'uns voleit estra devant l'autra aprestez.

A dos cenz mila les a li reis esmez,

A son ger fil les a li reis livrez.

490

Les grailes sonent de fin or adobez;

Pois lor a dit: "Franc chivalers, alez."

51

L'escüer se metent en l'estree,

N'i a celui qui n'ait lance paree;

De bones armes luist tote la contree,

495

Des escüers i ot grant asenblee.

Alix. chivauge desoz une valee,

Environ lui sa maisnee privee.

Quant vint la nuit, qu'orent fait lor jornee,

Soz Monterin herbergent en la pree.

500

A Festivon fu l'engarde livree,

Il la fist ben jusqu'a la matinee,

Que li soleiz abati la rosee.

52

La nuit herbergent es prez soz Montarin,

A l'aube clere se metent el chemin.

505

Lo jor encontrent un corteis pelerin,

Ben resenblot a nobile meschin,

Bliaut aveit d'un paile costantin,

Sur ses espalles geseient si bloi crin,

En sa main porte un baston pomerin.

510

Quant Alix. lo veit lo chef enclin,

A une part lo trait fors del chemin.

53

Dist Alix.: "Dun estes vos, amis?"

"Per ma fei, sire, de la cité de Tyrs;

Nes soi rei Daire, molt fui cha sis amis.

515

Mesavint mei d'un sen dru que ocis;

Se ne fuïsa, ne fuse ore pas vis.

Querant aloe un de ses enemis,

En penser ai a gaster son païs;

Men escïent ce est li reis Felis,

520

Por un treü que tos tens li a quis.

Si lai pois traire, meudre en ert li estris."

54

Dist Alix.: "Amis, cum avez non?"

"Per ma fei, sire, hom m'apela Sanson;

Nes soi rei Daire, del meuz de sa maison.

525

Mesavint mei que ocis un felon

Qui de mon pere aveit fait trahison.

Fuiant m'en vois dreit au rei Felipon;

Il a un fil qui Alix. a non.

Se me pois metra en sa succeccion,

530

Vers lo rrei Daire movrai grant contençon."

55

Dist Alix.: "Molt est proz e vassaus,

Mas en quel lo fu enuit tis ostaus?"

"Per ma fei, sire, en la cit Nicolaus;

Me herbercha uns de ses mareschaus.

535

Quant vint au jor, que il chanta li chaus,

Per la citté ohi les mareschaus

Qui comandoënt enseler les chivaus.

Tota la genz i veneit des chasteus,

Fors de la vila en vi toz pleins les vaus;

540

Men escïent vos alez encontr'eus."

56

Dist Alix.: "Amis, hunt il grant gent?"

"Per ma fei, sire, il l'unt grant verement.

Je non sai pas lo nombre a escïent,

Mas ballez mei un bon chival corrent

545

E unes armes qui sïent a talent,

Jes esmerai, quar jo n'en sai nïent;

Si lai m'enveies, ge irai veirement.

Une Nicolas ne garda sairement,

Il est trahitra, fei mentie epsament,

550

Vers lui vodrai mostrer mon hardiment."

57

Danz Alix. li dona bon destrer,

Fors Bucifal n'enn aveit nul tant cher,

Totes les armes qui sunt a chivaler.

Il geta jus lo baston de pomer,

555

Saisist les armes e saut sur lo destrer.

Quant il fu sus, ben sembla chivaler,

Gent ot lo cors e lo viaire fer.

Dist Alix.: "De vos faz mesager,

Mas ors te vol(t) por creance baiser."

560

Ce dist Sansons: "Conoistrai vos premer."

58

Dist Alix.: "Molt es corteis, Sanson,

Je mais vers tei ne celerai mon non:

C'est Alix., fille rei Felipon.

A Nicolas vol rendra gueherdon

565

Deu rei mon pere que gurpist sa rraison.

A lui irez e vos e Festivon,

Des ores vol que sïez compagnon.

Ce me diras a Nicolas, Sanson,

Que n'est pas ben que moirent tant baron;

570

Per nos dos cors sia la contençon."

59

Li pro Sanson, quant il l'oït parler,

Unc ne se pot atenir de plorer.

"Deus, dist Sansons, te poscha aorer,

De mon segnor que m'as doné trover!"

575

Desent a terre del correot destrer,

Qu'il lo voleit baiser e acoler;

E Alix., qui lo volt honorer,

Desent a pé e fait que corteis ber.

Qui les veïst baiser e acoler

580

De frans donceus li poüst remembrer.

60

Quant l'ot baisé e acolé asez,

Pois joist ses mains, a lui s'est commandez.

Poist apela Festivon son privé.

"Alez, fait il, en la garda de Dé,

585

Au creator sïez vos commandé."

Ambedui sunt en lor chival monté,

Tant chivaucherent qu'il virent la cité.

61

Quant a la cit sunt li doncel venu,

L'ost Nicolas virent defors issu,

590

E sun grant tref desus un poi tendu.

Devant son piz met chascuns son escu,

Les espez baisent e pognent de vertu,

Per mé tot l'ost en sunt au rei venu.

Devant son tref, o esteient si dru,

595

Li mesager sunt a pé decendu.

Sanson parole, Festivons s'est teü;

Li seneschaus son aste a coneü.

62

Li seneschaus reconut lo meschin

E dist au rei sempres en son latin:

600

"Per ma fei, sire, ça vei un pelerin,

Il but erser a ma capa d'or fin,

Se li donai e pain e char e vin;

De mon ostal se leva oi matin.

Gel conois ben el paila costantin

605

E a la teste o pendent si bloi crin.

Il a changé son baston pomerin,

Men escïentre, por cel espé fraisnin.

Qui que il seit, ben sembla de franc lin."

63

Li proz Sanson canut lo seneschal.

610

"Sire, dist il, Deus te porgart de mal.

Ot tei manchai erser a ton ostal

E oi matin m'en tornai tot un val.

Ultra cel bois enz el chemin reial,

Lai encontrai un no bila vasal:

615

C'est Alix., qui'm dona cest chival,

Il n'a mellor fors lo sen Bocifal.

Se Nicolas li vol tenir estal,

Batalla'n ert, une ne veïstes tal."

64

Quant Nicolas a oï la raison:

620

"Amis, dunt es, e coment avez non?"

"Per ma fei, sire, hom m'apela Sanson,

Nes soi rei Daire, del meuz de sa meison,

Qui m'a chaicé per malvaisa achaison.

Or me soi pris a un noble baron,

625

C'est Alix., filz lo rei Felipon.

Per mei te manda e per mon compagnon

De la batalla seit en t'eslicion,

Gent contra gent o ton cors contrel son."

Respont li reis: "Or oi ardi guiton."

65

630

"Per Deu, Sansons, molt per es enuiere.

Per ma citté passas er come lerre;

Xxx. citez vi tenir a ton pere,

Il est mis uncles, je fui filz de son frere;

Mis cosins es, ben deis estra aiüere.

635

E Alix. fu filz d'un enchantere;

Gurpis lo fil de la pute de mere.

Pois te menrai a Daire l'enperere."

Respont Sansons: "Reis tro[p] per es parlere."

66

"Par Dé, dan reis, molt avez dit grant falle,

640

Vostra consel ne pris une mealle.

Nen est pas dreiz que a mon segnor falle,

Per dreit nïent querez la desevralle.

Mas faites sus traire cesta rencalle,

Il est toz prez que vostra cors asalle."

645

Respont li reis: "N'est pas bens que l'en falle.

Se Alix. vent vers mei en batalle,

Nel defendra ni escuz ne ventalle

Que tot nel fenda entrosqu'en la coralle."

67

"L'oz Alix. seit lai oltra passee

650

E li men seient de de çai en la pree;

Soz le pin seit la batalle fermee,

Quar Alix. meine trop grant potnee.

Se il del premer cop eschape de m'espee,

Ne pris ma force une pome paree,

655

Ben porra dira ne val une tostee.

Trop peres jovnes issuz de sa contree."

Quant l'ot Sansons, por poi ne traist s'espee.

68

"Fous reis, fait il, molt poëz menacer,

Vostra menace ne pris mie un dener.

660

Quant vos verrez Alix. au vis fer,

Plus lo crendrez que aloe esparver.

Or vent li jors qu'il se voldra venger,

Qu'il vos toldra la corona d'or mer."

A icest mot si sunt pris li destrer,

665

Per les estrés montent li chivaler.

Tant chivaugerent li corteis mesager

Que a lor gent vindrent a l'arberger.

69

Quant li mesage sunt venu a lor gent,

Li proz Sansons del bon destrer desent

670

E Festivons sis companz epsament.

A une part, auques secreement,

O Alix. firent lor parlement;

Que dux, que contes, i ot ben plus de cent.

E dist au rei molt afaiteament:

675

"Per ma fei, sire, Nicolas vos atent,

De la batalla n'eschiva il nïent,

Per voz dos cors sera, men escïent."

70

Li proz Sansons reparla en greceis:

"Per ma fei, sire, encors dist il sordeis:

680

Que trop es jovnes issuz de ton paeis

E estes fous e fera vos ce peis.

S'a lui jostez per vos dos el chaumeis,

Cha de son cop n'eschaperez anceis

Trosque li jors vos semblera treis meis."

685

Dist Alix.: "Or oi vilain corteis.

Per icel Deu de cui ge tenc mes leis

J'en conquereie de tes quaranta e treis."

71

A icest mot hunt lor consel finé.

La nuit herbergent li baron per lo pré

690

Jusqu'au matin que parut la clarté;

Sonent li graisla, au gemin sunt entré.

Tant chivaugerent li chivaler prové

Que de Cesaire virent la fort cité,

L'ost Nicolas defors tot asemblé,

695

Le rei meïsme suz lo pin adobé,

Prest de batalle e de son ost sevré.

Quant Alix. vit lo rei adobé,

Fremist e jure a guise de desvé.

E Festivon, cui il l'ot commandé,

700

D'un vert samit son bon auberc foré,

O un cisel menüement ovré;

Danz Alix. l'a en son dos geté.

E la ventalle li latcent si privé,

Pois lacee l'eume qui vaut une citté;

705

Sol li jargonce del cercle d'or listé

Reluseit plus que chasteus enbrasé.

72

L'espee prent, si la cene a sa guise

Desor l'auberc sur la pellice grise,

Quant plus l'estrenc, sis ardimez aguise.

710

Ela fu cha au fort Reibaut de Frise,

Molt a duré, unques ne fu malmise;

Cent anz e plus fu en un sarco mise.

Reis Nicolas vit mal la guerre enprise,

Morz ert e pris si vent en la devise;

715

Nel defendra ni escuz ni chemise,

Elme ne brogne qui sur lui seit asisse

Que tot nel fende deci qu'en la peitrise.

73

Au col li pendent un fort escu bocler,

Desus ert volt d'un grant peison de mer,

720

Daufin lo claiment cil qui sevent nommer,

Grant joie meine quant veit l'aiqua trobler.

Li enchanteres qui fist les os joster,

Ot l'or d'Araibe sarcir e treschiter,

Per nigromance les ffist acobler.

725

E cil lo prent qui cU:da surmonter

Totes les genz o il pensa abiter.

74

Antigonus Bucifal li ameine,

Un bon destrer, unc ne mancha d'aveine.

Engendrez fu en l'isle de Miceine

730

D'un olifant e d'une dromedaine.

Xx. anz e plus lo fist norrir en laine,

Li reis Felis l'en traist a molt grant peine.

La sele fu de l'os d'une batleine,

E cel i monta quil tint en son domeine.

735

Quant il fu sus, un saut fist per l'areine,

Plus esnist cler que ne chanta sereine.

Nicolas est entrez en molt mala setmaine;

Oi est li jors venuz qu'il en avra estreine.

75

Quant Nicolas vit lo rei adobei,

740

A ses homes parole si lor dit en segrei

Que cha nus d'eus mal [ir]a aprés sei,

Oniz sereit si emfrandreit sa lei.

Baisa la lance, met l'escu devant sei;

E Alix. vint vers lui a desrei,

745

Lance baisee, lo confanon d'esplei,

De grant vertu se ferent li dui rei.

76

Danz Nicolas l'a premeiran feru

Desoz la bocle tres en mi sun escu;

Ne l'entana vallisant un festu,

750

Sa hasta brixa, le confanun perdu.

Quant Alix. le vit si irascu,

Sum bom corage nen a mie perdu;

Baisa la lance, fert per mé sum escu,

Que tot li a depecé et fendu,

755

Le blanco ubergo desmalé e rompu.

L'asta fu fort, il l'empet de vertu,

Rompet les congles, le arçom sum fendu,

Petral ne reine ne li a rein valu,

Plena l'asta, l'a a campo abatu.

760

Bucifal broca, sur li est coru,

Se Deus ne pensa, ça sera malvenu.

Del fora trait les bom brando amolu,

Le ques che set i avra ça perdu,

Astivement l'a el costé feru.

765

Le chevo o tota la ventayle li a sevré del bu,

Una grant tesa si chi tuti l'ont veü.

Prende le nasal, Aristé l'a rendu;

Per Festivon, son ami e son dru,

L'a a son pere envïé por treü;

770

N'a pas falli, del tot l'en a chalu.

La citté prist e tot que mantenu,

Sum blanc argent e tot son or molu,

Tot lo dona e tot l'a dispendu

A sum barnage qui emprés l'a seü.

77

775

[L]a citté prist e tot lo mandement,

Sales e tors e tot qui ço apent.

Pailes d'Aufriqua, lo vin et lo piment,

Destreis et muls e tot l'ore l'argent

A son barnage dona tot e despent.

780

Ceus de la vile a pris per sairement,

Per homenage e per alïement

Qu'il li ferunt tot son commandement;

Totes lor terres e tot lor feu lor rent.

Aprés orrez tot atireement

785

De ses proeises, de son conquerement.

78

[D]e Daire lo Persant si cum il l'oi conquis

E del rei Prous do Inde qu'il chaiça et ocis

E des bones Arcus que il trova e quis

E de la fort citré Babiloine qu'asis

790

E de la voiz de l'arbre qui de sa mort li dis,

Esa cum Apelés l'image contrefis,

De Got e de Magot que il inclaust e pris,

Que ge mais n'enn istrunt tros venquege Antiscris,

Del duc de Palatine qu'il pendi et ocis,

795

Esi cum Aristotes l'entroduist et apris,

La virté de l'estoire si cum li reis l'escris

Un clers de Chasteldum, Lamberz li Torz, la fis,

De latin o'l ere qui en romanz la mis.

79

Ce fu el mei de mai que hom dit roveisons

800

Qu'Alix. repare(nt) de desduit de faucons;

A son maistre vient et a ses compagnens...

* * * * *

80

....e....

....

805

Qil....t....

S....

L....

H....

D....

810

S....

Or....

E....

T....

81

Per bres e per mesages quant Daires ot apris

815

Que Alix. s'est de la guerre antramis,

Per trestotes ses terres enveie ses corlis

E manda toz ses homes que ben seit chascuns fis

Cil qui no ert a lui entrosqu'a .xv. dis

Qu'il em perdra les menbres, ne l'en sereit aidis

820

Li ors ne li argenz que ot Semiramis.

E quant ot asemblé la gent devers Tigris,

Si ot .xxx. itant genz qu'Alix. n'ot Gris;

Mas por ço fu oniz e a la mort aquis

Qu'aus filz de ses garçons aveit son consel mis,

825

Donees gentis fennes e es onors asis.

Cil li unt si son regne afolé e malmis,

Les vilains confunduz e les borgeis enquis,

Ceus qui ne se rehement en menoënt toz pris,

A lor mollers en unt molt grant aveir tramis,

830

Les povres chivalers ceus per teneit si vis

Qu'asez sunt plus dolent que se il fusant pris,

E huntes e contraires hunt tant fait aus gentis

N'a home en sa contree ne li seit enemis.

E quant vent au besong sur l'aiqua de Gangis,

835

A dit li uns a l'autra: "Cha n'ait sanc Paradis

Qui por malvais segnor se lait nafrer el vis

Ne qui'n receit colee desur son escu bis;

Combatent sei li sers dunt il a fait marquis,

Qui noz avers nos tolent e tenent por chaitis;

840

Cha cil n'avra la terre qui nos en face pis.".

Or s'en torna chascuns tot dreit en son païs.

Daires remest el champ come hom se[n]s aidis,

Veit en aler les seus si s'en torna fuidis,

E a dit a ses homes: "Cest mal m'avez vos quis.

845

Tant lor avez fait tort e desur eus enquis

N'a baron en ma terre ne me seit enemis.

Asez lo me mostrerent, hunc dreit ne lor en fis.

Or m'en peisa forment, tart est li repentis,

De vos me vencherai si'n pois estordre vis."

82

850

Daires fait sa besogna; quant il ot ordenee,

Molt per i ot grant masse de la gent desfaee.

Quant il furent ensens e l'ost fu asemblee,

Ensi cume li reis l'ot somose e ordenee,

Molt en i ot petit que son cors ne agree.

855

E! Deus, tant bele lance i fu lo jor mostree.

Clers fu li jors e beus e gente l'avespree;

Des riches armes luist trestote la contree,

Tant bon destrer esnis per icele contree,

Tant bon hauberc, tante sele doree.

860

De la gent Daire i ot grant asemblee,

Aus povres chivalers a tolut lor soldee.

83

Ce fu le meis d'avril, un poi devant l'essue,

Qu'Alix. li reis a sa gent esmoüe

Por aler desur Daire a la teste chanue.

865

Grant fu la gent qui lo jor fu moüe,

Morz sera reis Daire sens nulla retenue;

Sur l'aiqua de Gangis la r[i]vere unt tenue.

Alix. chivaucha sur la mule crenue,

Molt ot gent cors, fere l'esgardeüre;

870

Grant paor a cil qui veit sa figure.

Li chivaler chivaugent la petite ambblaüre,

La terre Daire ert tote confondue.

Portent li chivaler falcon de terce mue

E girfaus ben müez e faucs de quinte mue.

875

Sur l'aiqua de Gangis la riviere hunt tenue,

Ne remant sur la rive cigne ne bone grue

Que ne seit des faucons e prisa e retenue.

Alix. chivaucha, qui molt fort s'esvertue,

Totes les terres depecé e fondue.

880

Perdue est la bleve e la grant semeüre,

Les vignes sunt gastees e tote derompue,

Totes les genz des vignes a la cité s'en fue

Por la paor de l'ost qui si fere est moüe.

Li reis vait a sojor, ne vol la gent menue

885

Travaller ne lasser, quar tost l'oüst perdue.

Tant la mena soëf qu'ele s'est embatue

En la terre au rei [Daire] por qu'ela ert moüe,

Totes les viles arses e la gent confondue;

E poises que l'ost fu en la terre ferue,

890

Gasterent la contree, qui molt esteit remplue

De tot lo ben del mont e garnie e vestue.

Alix. chivauge tot sa grant amblaüre.

Prenent paine froment e farine molue,

Or e argent e dras e monee batue,

895

Vin veil e char salee, o seit o cuite o crue;

Rren qu'il vollent aveir ne lor es contendue.

Dos cittez li unt arses e la terce fundue,

Per unt que que il augent la terre est confondue.

Daires ot la novele; quant il l'ot entendue,

900

Fremist e devint ners e toz li sans li mue,

De mautalant a si la parole perdue

Que il ne pot parler plus c'une beste mue,

Anz art d'ire e esprent e la chars li tressue.

E quant l'ardors li fu un poi recorreüe,

905

Si se dreice em pez por la mesavenue.

Il tire e depeile sa grant barba crenue,

Molt per a grant dolor de la descovenue.

Entrosqu'a quatre jors avra tel avencture

Unc tes ne vint a home per sa mesavencture.

84

910

Daires tramet ses homes au fort rei Alix.

E cil i sunt alé qui ne l'osent ofendre

E sunt venu au rei per main a un divendre.

Nuncent li la batalle, si Daire ouse atendre,

Deci qu'a quince dis, pensa de lui defendre.

915

Ice li manda ben sens noise e sens bestende:

Ben li sera mester qu'il se poise defendre.

Tuit lo verrunt sens falle e sens defense,

Que Daires a juré que se il lo pot prendre

Qu'il li fera lo col a une art estendre;

920

E menaça ses homes que ger lor cuda vendre

Sa terre que il gastent e tes sosdees rendre

Que non'n eschapera li maires ne li mendre

Se ço est qu'Alix. l'ose en batalle a tendre.

85

Per bres e per mesages quant Daires ot apris

925

Q[u'A]lix. s'esteit de la guerre antramis,

Per trestotes ses terres enveie ses corlis

E manda a toz ses homes que ben seit chascuns f[i]s

Cil qui no ert a lui entrosqu'a .xv. dis

Qu'il en perdra les membres, ne l'en sereit plaidis

930

Li ors ne li argenz que ot Semiramis.

E quant ot asemblé la gent devers Tygris,

Si ot .xxx. tant gent qu'Alix. n'ot Gris;

Mas por ço fu vencuz e sis regnes conquis...

* * * * *

86

935

Des que Daires sot bien que il est veritez

Que li nois e li cris de la guerre ert levés,

Il l'a mandé en Inde per ses briés saielés

Que ses hom Alix. s'est vers lui revelés.

Porus viegne en s'aïe ab [m]il de ses privés,

940

[J]a uns non i venra qui no seit bien löés;

Il avra a son os, si'n iert aseürés,

Quatre .c.m. sols de diners moneés;

Les armes Alix., qui est molt forsenés,

Li donra il trestotes ains que mais soit passés

945

E Bucifal avoc, qui tant per est löés.

"Honiz s'est li quev[er]s, quant ab moi s'est meslés,

Nel garira ja vile ne chastels ne cités

Que ja nel suia tant qu'il ert desiretés."

Li mes li dist a boche qui les briés ot portés

950

Que se il y aloit qu'il sereit foletés,

Quar tant est Alix. pleins de rage e desvés

Que il ira sor lui, ja nonn iert retorniés.

Porus ot la novele, si'n est molt esfreés

Qui li donast tot l'or de quarante cités

955

Que il n'alast en lai o il estoit mandés.

En la fin de sa terre a ses homes mandés

E fu bien de bataille garnis e conreés,

Quar Alix. crient qu'il intre en ses regnés.

87

Des que Daires sot bien Porus venir ne volt,

960

Per trestote sa terre toz ses [barons] mandoit;

Mas si estoit haïs que nuils hom ne l'amoit,

Por ses cuilvers felons que desur els posoit.

Por quant si ot tant homes de cels qu'il ajostoit

Trente mile en ot plus qu'il de Griois n'avoit;

965

Va encontre Alix. com il plus tost pooit.

E quant vint al besoing, l'uns l'autre regardoit,

E dïent tuit ensamble: "Musart somes perfoit

Qui somes ot D., qui nos deseritoit,

Quar quant us de ses sers am nos se corezoit,

970

Por poi ne nos batoit e bien nos laidioit.

Cil qui honis estoit quant D. le mostroit,

Il l'oït volentiers e tres bien l'escoltoit;

Ja cil dreit nen eüst qui del sers se clamoit."

Chascuns baisse sa lance, en son païs tornoit.

975

D. voit qu'il s'en tornent, a poi ne forsenoit,

E a dit a ses sers: "Garzon, vos m'avez mort;

Mi home me gurpissent, tant lor avez fait tor."

Uns soldaers li dist, qui ot lui s'en alot,

Que a tort estoit reis e bien pas nen errot

980

Qui sur ses gentils homes ses cuilvers aposot.

Pire est erguoils de sers que nus veris ne sot;

Nuils hom nel doit ja creire, quar en la fin dezoit.

D. jure ses des, cels que il miels amoit,

Que d'el[s] se vengera s'el vif en estor soit.

985

Zo que Daires a dit Liabatanas oit

E Belfal ses compaing, qui tres bien l'escoltot.

Ambedui li gloton, chascu[n]s d'els le haot,

En le fuge l'ocïent por zo quils menazot.

88

Des que Dai. sot bien qu'il ert a mort nafrez,

990

Il manda Alix. per un de ses privez

Qu'il le viegne veoir ains qu'il soit desvïés.

Li rois fist que gentis, corant i est alés.

"Sire, zo li dist D., un petit m'entendés.

De zo que venuz estes vos rent mercis e gres.

995

Une fille ai molt bele, a moiller la prendés,

Por li vos servira trestoz mos parentés,

Lor cors e lor avors vos iert abandonés.

Ne creés vos cuilverz ne ne vos y fïés;

Los miens que ja avoie essauciés e levés

1000

A dolor me funt vivre, si com veïr pöés.

Si farunt vos li vostre se ne vos y gardés."

89

"Sire, ce li dist Daires, ne vos en quer mentir,

De zo que venus estes ai ja tot mon desir.

Ne vos chalt vos cuilverz desor vos a tenir,

1005

Ja ne joirés de re[n] que vos puissent tollir.

Li mien, que ja voloie essaucier e tenir,

A dolor me funt vivre e ma vie fenir.

Quant il m'ourent navrei, si pristrent a fuïr;

Por la dolor des plaies que moi estut sofrir .

1010

Ainc n'en poi un tot sol conoistre ne choisir."

Por la mor[t] qui l'anguoise a jetei un sospir;

L'arme s'en est alee, li cors prist a nercir.

Alix. le rove come roi sepelir,

Quar seit qu'om le doit faire, e plaindre e costeïr.

90

1015

"Segnors, fait Alix., avenuz m'est genz quos,

Cil qui D. unt ocis m'unt mis en grant repos

E m'onor acrute e essaucié mon los.

Qui hor le gehiroit ne feroit pas que fos;

Ja del linatge D. ne seroit uns si os,

1020

Si re[n] li mesfasoit, nel tormentasse a clos.

Es braz avrunt onicles e torques a lor cos,

E leverai plus haut, cui qu'en poist ne qui gros,

Qu(i) home de ma compaigne, tant sache avoir grant los."

91

Quant li serf unt oï la parole le rei,

1025

Devant lui su nt venu, dit li unt en secroi:

"Sire, nos l'avons mort, sil t'afïuns per foi,

Mais bien voluns que saches que fait l'avons por toi."

"Seignor, fait Alix., or estez un poi coi.

Quant vostre seignor lige avez ocis por moi,

1030

Segunt vostre servize le guerredon vos doi.

De rien que promis aie nen efraindrai ma loi,

Quar torcles e onicles avrés, si cum ja croi,

De vos lever en halt ferai prendre conroi."

92

Li reis fait apeler Thol. e Clinçon,

1035

Avoc els sunt venu li autre copaignon.

"Seignor, fait Alix., entendet ma raison.

Ambedos ces cuilverz me metez en prison,

D., lor seignor litge, un[t] mort en traïson.

Por ço que fait li unt en murdre e a lairon,

1040

Ne l'osoien t gehir li traïtor garçon.

Quant jo por lor conoistre lor promis gaerdon,

Segunt le lor servise avront por veir le don,

Quar torques e onicles avront il a bandon

E leverai plus hait, qui qu'en poist ne qui non,

1045

Que home de ma copaigne, tant sache avoir alt non;

Por zo que ma parole n'ait puint de mesprison

Les bras en lou d'onicles de cordes les lion,

Les ars en lou de torques es cols lor pauserons

E por l'onor en alt a forches les pendron."

93

1050

Lai o D. fu morz, tres dedevant ses portes,

Les fait li reis mener a dous de ses coortes.

Les braz en luc d'onicles lor fait lïer de cordes

E environ les cols les hars en lo de torques,

A munt es hautes forches les fait traire a roortes.

1055

Sor l'eve de Gangis, dunt les rives sunt tortes,

Fait sebelir les chars des gloto[n]s qui sunt mortes.

94

Quant ensi ot li reis destruiz les traïtors

E tormentés a forches e fait tels deshonors,

De per totes las terres a mandé les doctors.

1060

"Seignor, fait Alix., or me rendez les tors,

Les chastels e les viles, les cités e les bors,

E ja vos recrestrai a trestoz vos honors."

Cil le funt volentiers, qui orent grans paors,

E il comanda estre cel que lui plaist segurs.

95

1065

Ce fu el mes de mai qu'il se sunt combatu,

Alixandres li rois ot D. en champ vencu.

Quant ot en son domeine lo regne retenu,

Ses privez y ordeine, tes com ses plaisirs fu,

Qui per tot Oriant li cuillent sen treü.

1070

Set jors unt sojorné, al huime sunt meü,

A l'issir del uiuois sunt en Inde venu.

Porus en estoit rois, uns hom de grant vertu,

E ot [ot] soi mandé toz cels de Galeru;

Deci qu'en Ethiope n'ot home remasu,

1075

Garimandois i vinrent, qui por le chaut vont nu.

Grans quatorze lies en sunt li champ vestu.

Ja ne remanra mais si avra colp feru.

96

Porus ot une fille qu'il aveit molt gardee;

Por zo la teneit chiere e avoit molt amee

1080

Que sa meire en fu morte le jor qu'ele fu nee.

Voit la gent de sa terre por la guerre esfree,

Ne set cui la comant, crient qu'ela li soit robee,

Quar se yl la perdoit, qu'ela i fust trovee,

Des que li Greu l'avroient vilment seroit menee,

1085

Ja mais segnor n'avroit si seroit avilee.

Quandace la reïne, qui estoit sa privee,

Mande que a lui viegne per charte saelee,

E cele i vint molt tost garnie e conree

Ot cinc zens chivalers del meils de sa contree.

1090

Molt grant avoir li charge si li a presentee.

Dune se part de sa fille per itel destinee

C'onques puis ne le vit qu'ela en fu menee.

Porus tent altre part e tost l'ot oblïee.

Li Greu sunt aprochié, li guerre est afilee,

1095

Ja mais sens grant damage no la verés finee.

97

Molt per est granz la genz que Porus ajostot,

Unques rois d'Orïent plus grande ne tenoït,

A grant esforz i vint qui unques plus l'amoit.

Entre les nient somons e cels que il mandoit,

1100

C. mil en i ot e plus que des Griois n'avoit.

Quant li beste movoit qui un de cels portoit,

Deu avoit a garant qui d'eloc eschapoit.

98

De ceus qui pois viendrent n'es hom qui numbre en die.

Des chivalers de Parte e de cels de Sulie,

1105

Qui la erent alé querre chivalerie,

Cent .m.'n ot hot sei Porus de tel balie

Que il n'i a celui qui n'ait targe florie

E bon chival corrant e broine a or sarcie

E espee trenchant e elme de Surie.

1110

Alix. les voit, tot zo tient a folie

E a dit a ses homes: "Ne vos esmaiés mie;

Cela gens que veés n'est puint amanevie,

Ja un point ne tendra se bien est envaïe.

De l'or e de l'argent qui per ce val formie

1115

Sera riches clamés toz les jor de sa vie

Qui bien le conquerra o l'espee forbie.

Le matin en irons, quant l'albe ert esclarcie."

Quant l'ot Emenedus, ne puet müer ne rie.

99

A l'auba aparaisant sunt d'ambes parz levé

1120

E seignent lor espees, del trestot sunt armé;

Or furent de bataille garni e conreé.

Quarante dous eschieles a li rois ordené:

Tote la primerrane commanda Aristé,

La seconde Philote, le tierce Tholomé,

1125

A chascune des altres a bon conduit doné.

Dan Clin e a Filote a li rois commandé

Que quant Porus ert fors ab trestot son barné

Que cil a pé se metent entr'els ela cipté;

Devant la gelde anent mil chivaler armé,

1130

Que non tornent arriere Persant e Felisté

Ne negu[n]s de cels d'Inde, quant il ierent lassé.

Molt per fu grans li presse quant il furent josté,

Debrisé sunt li ort e cil vergié quassé,

Esterpees ces vignes e abatu li blé.

1135

La poüssés veïr tant escu eströé,

Tant ausberc desconfit, tant elme esquartelé,

Tant riche chivaler del tot desafeltré

E tant poin etant pié per la terre colpé;

En lor sanc se toëlent cil chivalier navré.

1140

Garimandois s'esmaient, quar trop sunt agrevé;

Por la paor qu'il unt, s'en sunt fuiant torné.

100

Li bataille fu forz e li gens fu grifaine,

Ne tornent per ce liu tot nel peçoit e fragne,

Des vignes e de blez est perdue l'ovragne.

1145

Cil de Perse s'en fuient tot dreit a la montaigne;

Alix. les siut ot se ruiste compaigne.

La poüssiés veïr tant mort per le champaigne,

Del sanc e des cerveles fu quoverte li plaigne.

Porus voit le damage e le mal qui e[n]gragne,

1150

Volentiers s'en fuisist, quar no set com remaigne.

Maldit le roi de [Grece], qui sa gent li mahaigne,

En pieze n'iert mais jors que de sui ne se plaigne,

Sa citei a perdue sens nuille recovragne;

Li Gré dïent soënt: "Zia mala bargagne."

101

1155

Eminedus fu proz e fu nez de V alterne,

N'ot meil lor chivaler dosqu'en fine posterne.

E sist el chival noir c'om apele Pïerne,

Alix. lo tramist lo princes de Salerne.

O l'eschiele des Gres qu'il conduist e chaele

1160

El cuer de la bataille vait ferir Oliferne,

Rois fu de la montagne entre bise e galerne.

Emenedus le fiert, qui de rien ne l'esperne;

Ne li valt ses escuz le fun d'une lanterne,

Son ausberc li detrenche qui fu fais a Lïerne,

1165

Per mi le cors li met l'ensegne de Palerne,

Si que mort lo trebuche lez une viez cisterne.

102

Sichen de Valebron vit Oliferne mort,

Il broche le destrier, lo gonfanon destort.

En l'escu de quartier vait ferir Licanort,

1170

Si que l'aste pezoie, qui ert de sicamort.

Filotes li traverse, si l'a feru si fort

Que jambes reversees l'abati en un ort;

Li chivaus fu braidis, arerre s'en resort.

Porus puint al travers, qui li fait tel confort

1175

Ne laisse por les Greus que tres lui ne l'en port,

E fui ensanble ot lui Abïuz de Gomort.

103

Asael sest armez desur un chival ros,

N'encontre chivaler nel face angoissos;

Porus le vait ferir, quant Sichen ot rescos,

1180

E[m]peint l'a per vertu, del destrier le fait blos.

Del margaz u il siet fu ses elmes terros.

De meïsme la puinte fiert Joas l'orgoillos,

E d'ambedous las hanstes volent a mont li tros,

Que jambes reversees s'abatent en l'erbos.

1185

Li chivaus Joas fu jovnes e estorçors,

Sas rennes traïnant s'en vait tot un perros.

Il resaillient en piés iré e v[er]goinos,

Ot les brans acerins se fierent corrozos.

Abïuz de Gomort, quis depart ambedos,

1190

I vint molt tost poignant el destrier arbrioz,

Porun rent son chival, qui'n estoit besoignos.

Amdui se sunt torné e Joas remeist sos.

104

Moab, uns reis de Frise, sist sur une gazele

Qui plus cort de ravine que novele arondele.

1195

Vait ferir Tholomé, qui les altres chapdele,

En l'escu de son col, que tot le desancele.

E Tholomé fiert lui en l'escu de müele,

Desoz la bocle a or le frain e eschantele

E l'ausberc de son dos desmaille e desclavele,

1200

Que tres per mi le cors li conduist l'alamele;

As doilles de l'espee en a trait la boële,

Que mort l'a trestorné desoz l'erbe novele.

105

Moab ot un nevo de novel adobé,

Unques en nuille terre ne vi plus bel armé.

1205

Emenedap l'apelent Persant e Philisté.

Quant vit morir son uncle, Moab le fil Daré,

O no fu pas merveille s'il ot su[n] cuer troblé.

E sist el chival blanc qui fu destre criné,

Pluss tost cort de ravine quant il l'a esfreé

1210

Que falcs aprés l'aloe quant li fams l'a grevé.

Si lorain e ses armes valent une cité:

Ses aubers fu letgiers si ot molt grant clarté,

Li escuz de son col estoit d'or toz listé.

Janbers li Tors li dist per tote verité

1215

Que bien(t) valt ses conrois une grant irité.

L'asta de son espié fu d'un fraisne plané,

En sum ot un penon d'un vert paile röé.

E puint entrels dos rencs lo blanché afilé,

A haute vois escrie Dan Clin e Tholomé,

1220

Un d'els demande joste, quar molt l'a desiré.

Quant Tholomé l'entent, grant joie en a mené,

Le chef de l'auferant a vers lui trestorné

E a brandi la hanste de l'espié novelé

E fiert Emenadap sor son escu listé;

1225

Desoz la bocle d'or li a frait e tröé

E l'ausberc de son dos desrot e desciré,

Que tres per mi le cors li a le fer boté;

Tote plaine se hanste la jus acraventé.

Emenedap salt sus, trait le brant aceré,

1230

Vait ferir Tholomé sor son escu listé;

Per l'arzon de devant a le colp avalé,

Le col(p) de l'auferant li a per mi colpé;

Tholomé chiet a terre del destrier abrivé.

Li vasals resalt sus quant se sent aterré

1235

E a traite l'espee al puin d'or afiné,

Si fiert Emenedap sor son elme gemmé

Que le flors e les pieres en a acravanté;

Per entrodous espalles a le colp avalé,

Que la teste ot tot l'elme a fait voler el pré.

1240

Alix. l'esgarde, qui forment l'a löé,

Ainc per un chivaler ne vi tel colp doné.

Per la renne li trait un blanchet pomelé,

E Tholomé i monte per son estrié doré.

106

Ne sai que vos alasse tote jor acontant:

1245

O aus joste Alix. a l'albe aparissant,

A(a)ins passa mïesdis qu'il unques fu issant.

Sadeus, un rois da Parches, sor sen chival corrant

Alait per la bataille sa lance brandissant,

Macedonois e Grèus vait molt afebloiant.

1250

Alix. le voit, toz teins de maltalant,

Il broche Bucifal si traist l'escu avant,

De l'espee qu'il porte li done un colp molt grant,

Li escuz de son col ne li valu un gant,

De l'ausberc qu'ot vestu no(il) pot avoir garant,

1255

Lo piz e la coraille li vait tot deronpant;

Enpeint l'a per vertu, mort l'abat a itant.

Si com li rois s'en torne, ec vos Sadoc pognant,

Son dol cuida vengier, mas ne li valu naiant.

107

Sados vint d'oltra Egipte, reis fu de Salamandre.

1260

En son ausberc detriés vait ferir Alix.,

Si que l'anste pezoie quiert de Solimendre.

Eumenedus fiert lui, qui sist el cheval d'Andre,

Si que l'elme li trenche, qui fu al roi Isandre;

Le sanc e le cervele en fait a terre espandre.

108

1265

Sidrac de Babiloine sist sur un auferant,

Ot Tholomé vait joindre si vait esperonant.

Dan Clins, li fils Carduit, le fiert en trespassant,

Si que l'elme li trencha e le cervele espant.

Per la renne saisist lo bon chival corrant

1270

Si l'a rendu Joab, qui besoi[n]g en ot grant.

Porus voit sa compaigne qui molt vait deronpant

E les Greus qui s'ocïent e quels vont enchauzant.

De torner a le vile ne fait negun semblant,

Tot droit as deserz d'Inde s'en est tornés fuiant.

1275

Eschac y ot tel pris unques ne vi tant grant,

Quar retenu il furent quatre cent olifant

Qui portoient les co un li archier erant.

109

Astarot de Nubie veit que Porus s'en vait,

De torner a la vile negun semblant ne fait.

1280

Il escrie s'ensegne, a una part le trait,

Unques de toz ses homes ne pot aüne[r] se(n)t.

A un vassal des Greus vait doner tan grant

Que l'escu de son col li a percié e frait,

Tres en mi la poitrine son gonfano[n]li lait;

1285

Asterot oltre passe e cil chiet el garait.

E Tholomé l'esgarde de la o il s'estait,

A malvais se tendra s'ensi aler l'en laist.

110

Astarot de Nubie ne fine ne ne cesse,

Quatorz[e) chivalers lor a mort en la presse,

1290

Si que de tos ses homes un tot sol non i lesse.

Tolomé puint encontre, vers Asterot s'eslesse,

Si fort le fiert sus l'elme que tot li fent e plesse,

Mal ait quanque Asteroz s'en muet ne ne s'en besse.

Por Tholomé ferir chascuns d'els s'en rapresse,

1295

Ot les branz acerins li donent tel confesse

Senpres fust afolés quant le siut Clins d'Aresse;

Il e si compagnon l'en traent de la presse.

111

Quant Clins vit Thol., qui ert en tel trepel,

Ne que dous compagnons n'avoit ensanble o soi,

1300

Por Tholomé rescorre pognent tuit a desroi.

Ot les brans acerins les metent en esfroi;

Si lor unt abatu l'orgoil e le boffoi

N'i a celui de vivre sache negun conroi;

Li chival s'en vunt oltre tres per mi le tornoi.

112

1305

Astarot vit ses homes qui gisen el sablon

E sset que ja per els n'avra rescossion.

Il fu forment navrés el piz sos le menton

E del senestre lez ot trenché un braon.

Ne vos merveillés pas se il quist garison,

1310

Trestot dreit a le vile s'en fuit a esperon.

Dons Tholomé l'enchauce e si trei compagnon;

Plus s'en fuit devant els iriés per le sablon

C'une fors arbaleste ne traisist un bolzon.

Tholomé dist as suens: "Quar nos en retornon;

1315

Trop nos est eslongiés, ja mais nel bailleron."

Quant areire revindrent tot le petit treton,

Fu li chans toz vencus e livrés a bandon,

Qu'anc pois n'i ot feru d'arme ne de baston.

113

Quant vit li magnes reis que li chans fu vencuz,

1320

La cité prent per force, el palais est venuz.

Les portes sunt d'ivoire, unques n'i fu nus fuz,

Per totes les pareis est li fins or batuz.

Ens entre li rois o trente de ses druz,

E a(i) trente pilers tels de fin or veüz

1325

Que por bien esmerer fu trente fez fonduz.

"Des! dist li maines rois, dont est cis ors venuz?

E aisi grans avers un fu aconseüz?

Per lo mien escient, il est del cel pleüz,

Quant del fin or d'Araibe que zai ens est moluz

1330

Puet om faire massiz .l. mil escuz.

Qui or voldra avoir por qu'est il unques muz?

Ja l'en donrai ja tant ja mais n'iert confunduz."

114

Quant Alix. ot lo palais principal,

1335

Por parler a ses homes s'arestut el portal.

Per un chivaler mande lo maistre seneschal.

Celui qui est a pié mentent lo a chival

E a fait livraison a chascun a l'ostal.

Ens en entra li rois, avant met Bucifal,

1340

A un piler l'arenna joste le dois reial.

Al chep de cele table ot une chambre ital

La dedens sunt temprei li baing esperital;

Li balsmes qui vient i cort per un chanal.

Unques Des ne fist mie de cel home charnal,

1345

Se il su puet bagnier un sol jor a jornal,

Ja mais en son vivant sente dolor ni mal.

Li chaelit qu'i sunt ne sunt pas de metal,

Anzois sunt de fin or entaillé a cristal.

Chascun des pecols a fermé un esmal

1350

Qui plus cler reflamboient que ne funt estaval.

115

Au chef de cele chambre si ot un sozterrin

Quils meine a une troille qui fu faite d'or fin.

D'Ethiope le firent trei fevre barbarin

Si com lor enditerent quatre clerc sarrazin;

1355

Tote l'ovre qu'i est fu taillé en ermin.

D'ebene sunt les forques, li chebro[n] cipresin,

De fin or sunt les foille, de cristal li ressin

Entaillé a esmals per merveillos engin,

E cuide quils esgarde tuit soient plein de vin.

116

1360

Quant ot asset la trille esgardee e joisie,

Va entor le palais tote une erbose vie,

Quar veïr volt de l'ovre com ert fors establie.

Unques Des ne fist arbre d'or n'i soit entallie

Ne maneire d'oisel n'i soit a or sartie,

1365

Es ungles unt onors e es bes margeries.

Per un us est entrez en la botellerie,

De mil e set cens nes le trova si garnie,

Poi en i a d'argent, tote l'ovre est cancie,

Bien a passé trent[a] anz c'une n'en fu emplie.

1370

D'iloc s'en est venus en le mahosmarie,

Des ymages des des trova grant establie,

Quar il non i a nuille ne soit grans e formie,

Que ne soit de fin or massice e emplastie;

Chascuns tint un vassel d'our u un sacrifie.

1375

"Des! dist li maignes rois, com faite manentie!

Cam ert puissans li sire qui zo avoit en baillie,

Quar sen tote la terre qui en est desertie,

Si com li mers le clot qui environ tornie,

De l'or qui zai ens est puet estre replenie."

117

1380

Lors sojorne Alix., molt fu granz sis barnez,

De lui ne fu a dire negune richetés.

A l'albe aparissant fu primeirans levés,

Prist treis mile somiers d'or e d'argent trossés,

Tant en done a ses homes qu'a chascun fu asés.

1385

Ains qu'il soient tuit fors, fu li soleils levés,

Qui reluist els escuz de fin or adobés,

Els ausbers jazerans e es elmes gemmés;

Grans quatorze lees en vait luin li clartés.

Del joi que ot li rois si s'en est arestés,

1390

Puis fait soner un graisle sils a toz asemblés.

Quant aünés les ot, sis a toz marcïés:

"Mi home macedoine, molt vos ai ahaniés

E criem qu'il vos anuit que tant vos ai menés.

Faitas m'avez batailles e conquis mains regnés;

1395

Zo fait vostre vertus e vostra grans bontés

Que de totes las terres sui rois des rois clamés.

Bien le me dist mes cuers si sai qu'est verités:

S'un petit de trevail por mei sufrir volés,

Porun me porrés prendre, s'un petit vos hastés,

1400

Ains qu'il soit a ses homes es desers d'Inde entrés."

Zo respondent si home: "Si com vos commandés!

Nel set garir desers ne marés ni fertés

Les esclos ne siuuns se vos conduit avés."

118

Quant vit li magnes reis sa gent entalentee

1405

De sa volonté faire si com l'a en pensee,

Plus tost qu'il unques pot l'a quatre jors menee.

En Caspés surit venu a la quinta jornee

Si l'a de trestot bien si plantiva trovee

Que tote icele gent tint a boneüree;

1410

Por zo volt que li terre li soit abandonee.

A sei mande les princes de tote la contree,

Il fait mander les sains si unt verté juree.

Puis lor a demandé quais est tote l'entree;

Cil li unt respondu: "Terre est molt desertee,

1415

Quar l'ardors del soleil l'a si fort eschalfee

N'i a se serpens non dunt ele est abitee."

Tot zo tient Alix. a rrienzonge provee,

Que richeise y ait que li vueille estre enblee

E que por ço li aient la vertei trestornee.

1420

Il en jura sa teste qui est d'or coronee

Ains seroit a tos jors qu'il ne cendroit d'espee

Ne voie le merveille dunt Inde est frequentee

E quant ot li soleils sa chalor degastee.

Anzois que il eüst se raison afinee,

1425

Por seïr al soper fu l'eve demandee.

Per toz les paveillons est li novele alee

Qu'a l'albe aparissant seit trestote montee,

Por entrer es desers garnie e conree.

119

La nuit jut Alix. tant que ciers fu li qis.

1430

Cent cinquante doctors per le contree a quis,

Itels com li eslistrent li prince del païs,

Quil conduist a Baustres, dunt Porus ert marchis.

Por ço que de toz cels volt estre li rois fis

E que nuils ne s'en face del bien mener eschis,

1435

Lor a por salf conduit granment avoir promis;

Mais est entrez li mois que s'est el deserz mis.

Mas cil se pendent [plus] devers ses enemis

Quils mainent es desers que plus serient chaudis,

Qui sunt d'aiguas ameres e de serpens porsis,

1440

Ja n'en bevra cil hom qui n'en perde le ris;

Miels volent il morir que uns n'estorche vis.

120

Quant Alix. mut, des cors fu granz li glas.

Monté se sunt un poi qu'om claime Lilifas

Por esgarder ses homes dunt li val sunt tuit ras.

1445

Entre muls e chamels e dromedaires gras

Qui portent paveillos, chandelabres e dras,

Escüeles d'or fin e copes e enas,

Plus a d'or en lor freins de trente mile mars;

En l'altre garison avoit quatre cens chars

1450

E plus de mil charretes qui portoient les dras;

E bestes a ocirre ne mainent a eschas,

Quatre loees tinent quant paissent a espars.

Del chaut e de la voie sunt si home si las

Ot zo qu'il unt chargié que d'armes que de dras,

1455

Sis argüe li seis ne püent faire pas.

Li traïtor quils guïent el cors unt Sathanas,

Quils meinent es desers qui del soleil sunt ars,

Ne cuident que des Greus n'eschap ni als ni bas,

Miels volent il murir que li rois n'en soit quas.

121

1460

Icel jor fu molt l'ost confundue e matee,

Del chalt e de le soi a poi n'est forsenee.

Qui pot avoir de l'oil sa boche en a tempree,

Cil qui gote non a se broigne a engolee,

Per la freidor del faim a se soi debotee.

1465

De l'eve de la pluie encontra une napee,

En una cheva roche s'ela fu lai trovee,

Talent ot grant de boire, non a gote goste[e],

Ains la verse en son elme, le roi l'a presentee.

Alix. tint l'eve si l'a molt esgardee

1470

E set, se il le boit, ja ert sa gens desvee,

Quar se chascuns non a, sa sez li ert doblee,

Si l'a voian lor oils a la terre versee.

Une cope d'or fin a li rois demandee,

D'ovre galatiæne fu per pans nïelee,

1475

Mil livras y aüst s'ele fust monedee;

E ot so[n] bon servise e s'amor molt löee,

Por gaerdon de l'eve l'a Cefilon donee.

E li home e les bestes sunt lié de l'avespree,

Por la freidor de l'air qui vint a la seree;

1480

N'i a celui de soi n'ait la boche crevee.

Mal ait li garisons qu'il unt la nuit gostee;

Devant lor paveilons gisent gole baee,

Recuillent le serain qui vint a la vespree.

122

A l'auba aparaisant fu tote l'oz moüe,

1485

Li soleils ert levés, li chalors les argüe.

Li maines rois garda les une roche agüe,

Ne gaires luin d'iloc a una aiga veüe;

D'un pui o ele estait est el val descendue.

Qui ot tente ne tref el plain l'a estendue;

1490

Dementres que chascuns de l'arbergier s'aiue,

Alix. descent de le mule crenue.

Plus fu amere l'eve, quant li rois l'ot beüe,

Que suie ne fauterne, aluisne ne cheüe.

Tel enguoisse ot li rois toz li cors l'en tressue

1495

E set sens grant anguoisse n'en bevra beste mue,

Si l'a a tote l'ost voëe e deffendue,

Puis fait cuillir sas tentes, a sa voie tenue.

Les la rive de l'eve une sente a seüe

Trosqu'a une fertei qui lor est aparue

1500

En un isle entre roz plus luin c'uns ars ne rue.

Li gens qui dedens ert estoit demie nue,

Anc puis n'en parut uns qu'il orent l'ost sentue.

123

Li reis vint a la rive s'esgarda la ferté,

Ne trove pont ne planche ne navie ne gué;

1505

Li champ qui sunt defors sunt tuit ars e bruslé,

De l'ardor del soileil menüement crevé;

Tresque premierament ot Des le mont formé,

De trestotes anones n'i ot plain poig semné.

Li rois bronche vers terre s'a un petit pensé;

1510

Quant il se redreza, s'apela Tholomé,

Sor la senestre espalle li a son bras jeté,

Puis li dist en riant: "Veÿs anc tel ferté?

La gens qui lai ens sunt tienent a bonaüré,

Il nen arent ni sempnent ne no cuillent nuil blé

1515

Ne no sentent la ens ne yver ni esté.

Nuils hom de char ne seit dunt il aient planté,

Anzois vivent de vent o de la graze Dé.

S'a force nel puis prendre, petit pris mon barné.

Quatre cens chivalers, quant il ierent el pré,

1520

Lor trametrai a l'or[e] belement a celé.

Tot en ferai fors traire quant que y avra trové,

Ja n'i remanra hom, tant soit de viel aé.

Cil savent les desers, qui per tot unt alé;

S'il ne nos y conduient a molt grant salveté,

1525

Si no nos mostrent eve, ars serunt e venté."

124

L'aqua fu molt prefunda e li mareis fu mos.

D'ambes parz de le rive percreüs fu li ros,

Tretze piés a de halt e treis toises de gros;

Il n'a ferté en Inde, chastel, n'en soit enclos.

1530

Quatre cens chivalers del meils e des plus os

E qui en sa copaigne avïent meilor los

A(ls) mis li rois en l'eve, lor ausbers en lor dos.

Ainc uns non i entra qu'il ne fesist que fos,

En l'eve avoit tels bestes entre les tros repos,

1535

Li paÿsant les claiment les ipopotamos.

Quant les sentent noeer, si lor saillent as cos,

Nes puet garir aubers, tant soit serrez ne clos,

Ne forz escus boclés, tant soit de trois cuers vos,

Qu'altresi nes tranglotent comme foilles de chos.

125

1540

Quant vit li magnes reis sa gent isi morir,

Por ses homes aidier cort ses armes saisir.

Vint corrant a la rive, en l'eve volt saillir;

Dan Clins e Tholomé le courent detenir,

Irïement li dïent : "Reis, por quoi vols morir?

1545

Quar te membre del saut que tu fesis a Tir.

S'en mors en altre terre, que porrun devenir?

N'a home en ta compaigne qui te deie servir,

Ains qu'il puisse en sa terre torner ne revertir,

Qui ne soit aseür de la teste tolir."

1550

Li rois s'estot un poi si geta un suspir.

Les traïtors quis guïent fait devant soi venir,

Il en jure ses des mal le volent traïr.

126

Cil furent cent cinquanta quil deveient guïer;

Les cent en a fait prendre e en l'eve giter,

1555

Li ypopotami saillent quant les sentent noër.

Tant en i salt ensamble nuils hom nes puet nonbrer,

Quar cudoient plus proie qu'a l'altra fez trover,

Si que tuit cil de l'ost les courent esgarger.

Unques icele nuit ne lor lut reposer,

1560

Por les bestes de l'eve quis vuelent afoler.

Molt fu liés Alix. quant il vit ajorner,

E a dit a ses homes: "Ci fait mal converser.

Que nos gaagneroit ici a demorer

Ne harberger lez l'eve dont nuils ne puet goster?"

1565

Il fait cuillir ses tentes si s'en prent a aler.

Lez la riva de l'eve vit dous homes ester

En un chalant de ros, cent homes puet porter.

En indïene lengue les a fait salüer,

Eve dolce por boire lor a fait demander,

1570

E s'il vuelent avoir, se li viegnent mostrer;

Il lor en dora plus qu'il n'oserent nonbrer.

127

Cil lor unt respondu: "Nos n'avons d'aver cure,

Quar ne fames marchié de nule creature;

Ensement comme bestes unt commune pasture,

1575

Prent li uns l'avoir l'altre sens conte e sens mesure.

Mais por tant qu'estes fait a la nostre figure

E veiuns que de soi avez si grant ardure,

Vos ensegnerons eve od umbre e ab freidure.

Veés vos lai cel pui a cele desjonture?

1580

De l'altre part si a une grant coverture,

Uns estans d'eve dolce iloc sort per nature,

O non a plus en Inde, si cum dit l'escripture.

Iloc a un sentier qui dusch'a l'estanc dure;

Se voie nel vos tolt per molt grant aventure,

1585

Ains none y pöés estre la petita amblaüre."

128

"Savez vos ors, segnor, que vos voluns mentævre?

Por zo que vos dirrom, ne vos volums decevre.

Quant venrez a l'estanc, trovarés grant arbroie:

Beals pins e beals loriers, olivers e genevre;

1590

Molt grant est li herbatges que paissent li adoivre:

Gardés n'i deschargiés nïent de vostre atoivre,

Quar n'a merveille en Inde le nuit n'i viegne bevre;

Se serpent vos i trovent, des armes estes soivre."

129

Or s'en torne li reis, s'oriflambe levee,

1595

Tot droit a la crevace que cil li unt mostree;

Quant il fu passés oltre contre une arbalestee

E unt a main(t) senestre une voie tornee

Qui d'ors e de lions ert freschement alee,

Cil quis deivent guier ja li unt meserree,

1600

Trestot lor escïent changié e trestornee.

Unques ne fina li oz dosqu'a una valee

E trovent une pierre qui ert a coverclee;

Desoz a voit une orse de novel feonee.

Quant ele oï le noise, s'a le teste levee,

1605

Crient perdre ses feons, si salt gole baee,

Tres en mi sa voie a une mule encontree

Qui estoit de ferine e de forment trossee.

De cele destre p(l)oe li dona tel colee

Que la senestre espalle li a del cors sevree.

1610

Li mule chet a terre, la farine est versee.

Uns chivalers l'esgarde s'a la lance levee

E vint pognant a l'orse tote s'esperonee,

Si le fert ens el flanc que a mo[r]t l'a navree.

L'orse geta un brait, quant se sent enganee,

1615

Qu'il n'a beste el convers qui n'i soit asanblee;

Celes firent tel brait e getent tel crïee

Que oïr les puet om pres d'une grant jornee;

Li bataille commence de alte relevee.

Il n'i a Greu no i fiere o de lance o d'espee,

1620

La o li lion tornent fu l'oz desbaratee,

Nes puet garir albers ne forz targe listee

Qu'il ne boivent l'estanc e traient le corvee.

Quant li nuiz les enclot si depart li meslee,

E chascune des bestes est a sen liu ralee;

1625

S'il i eüst del jor encore une loëe,

Tote s'en alast l'oz confundie e matee.

130

Quant les beistes departent, au rei vent Licanors:

"Sire, del herberjer que a dit vostre sors?"

Ses navrés met en biere e fait ardo(r)ir les mors.

1630

Encontre lo prim son s'en est tornee l'os,

E quan sunt aroté, tan fait soner des cors,

Tant y ot des buisines que li tuns fu si fors

Que hoïr les puet hom des desers dusqu'as pors.

N'i en remes choans, quolovre ne crapos,

1635

Laisarde ne serpent qui tant se soit repos

Qua la freschor del sanc ne se mete en son clos.

Cil qui es fors de rote il per fait molt que fos,

De cent pars est saisis e traïnés es cros.

131

Tolomés les en guie, li proz e li senez,

1640

Tot un antis senter e rengiés e sarriés.

Cil qui eis fors de rote ne fait pas que senés,

Quar les bestes lor saillent e devant e delés:

E lion e liupart e grifons empenés.

Sor les chevals les prennent sils en portent armés,

1645

Nes puet garir ausbers ne forz escuz lités

Qu'il ne trenchent la char e rompent les costés.

132

Thol. va avant, qui tote l'ost conduit.

Ainc le nuit ne mangierent ne pain ne char ne fruit,

Mais chascuns en anant un poi de froment cuit.

1650

L'areiregarde fist Dans Clins, li fils Carduit,

N'a home en sa compaigne cui forment n'en enuit.

Li vermine est meüe qui aprés lor dos bruit;

Tel paor a chascuns por poi qu'il ne s'enfuit,

Quant Dan Clins lor escrie: "Arestés vos trestuit.

1655

N'aiés nuille paür se li vermine muit,

Mais chascuns chevalers sor un serpent s'apuit.

Se cest areiregarde poüns bien faire anuit,

Grant gré nos en savra Alix., zo cuit."

133

Cil de l'areiregarde sunt chivaler honeste,

1660

Il trestornent trestuit la un Dan Clis s'areste.

Ou trovent grant serpent, sil fendent per la teste,

E qui plus ne puet faire, si l'esquache ot sa beste.

Al trestor qui lor firent lor unt fait grant moleste,

N'i a remés serpent, tant soit de grant poëste,

1665

Qui molt ne soit bleciés o en cors o en teste.

134

"[S]eignor, ce dist Dan Clins, oëz per quel mesure

Nos dut ore avenir si grans mesaventure.

Se fusuns envers l'ost tant com u[n]s arpens dure,

Que l'ost se trestornast ne ganchist s'aleüre

1670

Ne Alix. seüst ceste desconfiture,

Ja mais ne nos amast ne n'eüst de nos cure."

135

Estes vos unes bestes(t) per mé les gastineis;

Indïen les apelent les icacatrigois.

Il unt les coes blanches si unt les oils tos nors

1675

E les costés vermeilles si unt les chiés tos blois,

E sunt grant percreü com asne espanois;

Cil s'en ferent en l'ost per devers les Tiois.

Quant se urtent en l'ost molt fu gros li arbrois,

Si mordent e regibent e mainent tel esfrois

1680

Que per mi las narines lor salt li fus griois;

Totes ardent les crignes des destriers castelois.

Des Gres y unt ocis plus de quarante trois,

Quant venuz est poignant li sire des Tyois;

A altre voz s'escrie le marcis Ariclois:

1685

"Gardés nus ne se fie que nel sache li rois;

Ja mal iroit a cort ne no serroit as dois."

Les bestes vunt requerre ot les brans colenois,

Quatre cent en unt morte chacié del chaumois;

Molt fu grans li hustuis que mainent li Tiois,

1690

Quant poignant est venus Alix. li rois.

136

Alix. li rois i est venuz poignant,

E sist sor un destrier indïen e ferrant

Dunt il ocist a Sur Talamot le tirant.

Quant il vit mort ses homes, molt ot le cuer dolant,

1695

Une liue entire les sut esperonant,

Tres en mi uns desers les vint aconsiuant,

Quatorze en a ocis o sen espei trenchant;

Quant l'alamele brise e li fers de devant,

Lores fu coreciés, unques ne fu mais tant.

1700

Del fo qu'eles getoient li unt mort l'auferant.

Quant a pié fu li rois, molt se senti dolant,

Prent l'escu per l'ænarme si se covri devant

E a traite l'espee si fiert per maltalant;

Li beste qu'il consiut nen a de mort garant;

1705

A une s'en combat si remeist a itant.

Quant li ber Arciglés i est venuz pognant,

Si li a presenté un destrier agolant;

Quant il i fu montés, cil li dist a venant:

"Unques mais ne fu hom de vostre maltalant.

1710

Ne prisiez vostre vie ne no l'amés un gant."

137

Alix. retorne dolanz e abosmés,

Molt fu dolans de cels qu'il vit gesir pasmés,

E a dit a ses homes: "Ensemble vos tenés.

El primier chief devant vaist Clis e Tholomés

1715

E en celui derriere Articlés e Jasés;

Ne vos esmaiés mie, li estancs ert trovés.

Se Des nos y conduist, malgré les perjurés

J'an ferai la justise solunc zo que volrés."

138

Devant la meenuit, anz que chante le gal,

1720

Issi l'oz d'une combe si ent[r]a en l'igal.

Li choan e les nutres qui issirent del val

L'orent tote nuit fait paine, travail e mal;

Il n'i a chivaler qui tort fors a estal

Que li choans n'en porto lui o sun chival.

1725

Alix. apele son maistre mareschal

E dist qu'il li aport un grant paile reial,

Por paor des choans fait covrir Bucifal;

Quant li ot atachié as botons del poitral,

Oil n'en perent ne chiés ne li esperonal.

139

1730

Li chauant des desers sunt greignor que voltors

E a molt greignor l'ale que n'est uns covertors.

Quant il vole sur l'ost, en l'air done tel crois

Cil qui est fors de rote molt per i fais que mois.

Si li chauant lo trovent, ja vers lui n'avra frois,

1735

Que lui o lo chival n'en porta a estros.

Deci qu'a l'ajornee lor dura cil tanbos.

140

Devant la meenuit vindrent chauves soriz,

Neires come corneilles e greignors de perdriz.

Il n'i a chivaler, tant seit d'armes garniz,

1740

Se vole pres de lui, ne sie esbaïz;

Del somechon de l'ele si lo fert el nariz

Plus de quatre loees en remant estordiz.

Tant lor dura ciz maus que ne fu departiz

Que li soilleilz leva e li jors esclarciz.

1745

Tuit s'en vont aroté de lor armes saisiz;

Unques n'en sorent mot, si cum dit li escriz,

Quant entrent au senter qui arseir fu gurpiz.

141

Or sunt lé cil de l'ost del senter c'unt veü,

Molt en menent grant joie li vel e li chanu

1750

E preient Damridé, qui el cel fait vertu,

Por les armes aus autres qu'arers sunt remasu.

Ensi unt chivauché a force e a vertu

Qu'anceis que fust meidi sunt a l'estanc venu;

Qui ot tente ne tref el pré l'a estendu.

1755

Un petit se resorent por lo chaut c'unt hoü,

E quan sunt refreidé, si unt un poi beü.

Pois hunt detrés lor dos tot lo bois abatu;

Quant vint enprés la none quant aserené fu,

I tocherent le fo e il ars per vertu.

1760

Per aiso se sunt il grant masse defendu

Des lions e des bestes qui lo seir sunt venu.

142

Quant la nuiz e li jors prist essems a mesler,

La chalors abaisa, molt lor fu grans mester.

Dos mile lampes d'or fist li reis alumer,

1765

Pois fait soner un graisle por l'aqua demander,

Si que per tote l'ost sunt asis au soper.

E quant furent asis, sis en estot lever;

Quar unques de viande n'i osereit goster,

Quar tantost les escrïent cil quis devent garder,

1770

Qui les merveilles virent des deserz asanbler;

Cil qui primers les vit l'ala al roi conter.

Li rois bronche vers terre, senblant fait de penser,

E puis se redreza si fait sa gent armer.

143

Trestot premeirament lor vindrent blanc lion,

1775

Trovent le fu ardant si courent environ

Por ço que de le soi unt grant destruccion;

Per mi le fu ardant se metent a bandon.

Mais li home Alix. ne sunt mie garzon,

Chascuns tenoit s'espee devant son paveillon,

1780

Qui bien ne se defent de mort n'a reenzon,

Il les botent e fierent e fant grant tuïson;

Por quant burent de l'eve cun qu'en poist ne cui non.

Cil qui d'iloc eschapent tochent a esperon

Per mi ces (gre) grans tertres a lor conversion.

1785

Aprés vindrent ceraudes e li escorpion,

Chascu[n]s drece sa teste e trait son aguillon;

Qui bien ne se defent tendra soi a bricon.

Chascuns prent s'espee o en sa man baston,

Sis getent des herberges e funt grant tuïson.

1790

Cil rebevent de l'eve o volsissent o non.

144

Devant la meenuit est la vermine meüe,

Unques en nuille terre si grans ne fu veüe,

Del chalt e de le soi lassæe e confundue;

Per mi le fou se metent por le soi quis argüe.

1795

Li grans en va bien oltre, li fus les art e mue

E arriere s'en vont quant de l'eve unt beüe.

145

Contra la meenuit vindrent chauves soriz,

Si vienent es herberges, greignor sunt de gopiz.

Ne mordent rien sens home sempres ne soit feniz,

1800

Mais li om en est tost trespassés e gariz.

Des chivals e des bestes les unt si degarniz

Molt en geterent mort, si cum dist li escriz.

146

Des cros e des crevaces eissent serpent cöé,

Greignor sunt que colump, qui se sunt devalé;

1805

Aprés la mienuit vindrent serpent cresté.

De dous chiés u(n) de trois sunt li plusor armé,

De blanc e de vermeil sunt li alquant bendé,

Li oil lor reflamboient, qui sunt enveriné.

Per mi le fu se metent si l'ont tot esbrasé.

1810

Quant cil de l'ost le voient, si hunt le u levé,

Od espiés e ot lances lor sunt encontre alé.

Qu'en diroie je plus? Trente eni sunt dampné,

Qui tuit sunt des serpens ocis e afolé.

147

Contra quatre loees devant l'auba aparant,

1815

Es vos une grant beste qui a non Datirant;

Le front ot bien armé de trois cornes devant.

Quant ele voit le fu, si muert de maltalant,

Choisist les paveillons si va entor corrant.

Mais li home Alix. li corrent dedevant;

1820

Qui le fiert o de lance o ab l'espee trenchant

O a hache molue o a dart en lanzant.

Quant que li home funt ne prise ele un gant,

Vint de lor chivalers lor a mort en botant,

E mahaigné y furent cinquante dui serjant;

1825

Per force s'est ferue en l'eve lor voiant.

148

"Seignors, fait Alix., n'enn adesez mais mie;

Une rien vos dirai, n'est hom qui m'en desdie:

Besoins e mals talans fait tote rien hardie;

Tant les laissés ester qu'ele soit refroidie,

1830

E quant avra beü, si ert espaorie,

Ja un puint ne tenra se bien est envaïe."

149

La granz oz d'Alix. yquiloc s'areste

E porprent le rivage que no'n isse li beste,

De l'une part l'escria si li a paor fete.

1835

Vers cels qui mot ne dïent s'est el rivage trete;

Chascuns del bien ferir de cele part s'afete,

Ab mails e ab cogniés li unt la teste fraite.

150

Devant l'auba aparant vindrent niticorace,

Porprenent de l'estanc la riviere e la place.

1840

Bloi sunt e piés unt ners e bex quoma becace,

Chascune fait tel noise com saaz qui saace.

Negu[n]s hom ne dit mot ne altres n'i menace,

Ains dist li uns a l'autre que seit cois e se tace.

Des peisso[n]s de l'estanc funt li oisel macrace;

1845

Quant il en unt asés, si s'en revunt lor trace.

151

Quant li solelz leva, si prist a esclairer,

A l'estanc se disnoient serjant e chivaler.

Menbre lor del conduit qui sis dut engigner,

1850

Dunt li rois fist les cent en l'eve trebuchier

Dedevant la ferté as bestes por mangier;

Per lo men escïent, il s'en voldra vengier.

Li rois les comanda tos vis a despoillier,

Puis lor a fait les mains estroitement lïer,

1855

E quant il s'en torna, sis commanda laisier.

Puis lor a dit un mot qui sembla reprover:

"Vos remanrés ici por garder le vivier;

Solunc vostre servise recevrés cest loier."

Il fait le fu derumpre, oltre vont li somier.

1860

"Seignor, fait Alix., pensés de l'esploitier."

A icestes paroules sunt brochié li destrier.

152

Quant Alix. mut e les herberges voient,

Tant fait soner des cors tuit li desert en bruient.

Li serpent des desers por la noise s'en fuient,

1865

Es croz e es crevace[s] s'encloënt e s'enduient.

Molt se vunt dementant cil cui l'aler ennuient,

Li chalors est si grans gaire vivre ne cuident,

Un val unt avalé e un grant tertre puient.

Il se sunt aresté, sor les astes s'apuient,

1870

Les prez virent de Baustres e les eves qui ruient

E les gaagneries e les dras qui essuient,

Les pastorels qui joient e les bestes qui muient.

Cels devant fait armer li rois qui l'ost conduient.

153

Cel jor por Alix. fist Deus molt granz vertuz,

1875

Grant pieza ains meidi est des deserz issuz.

Porus ne seit encore de ço qu'il est meüz,

Las ert de la bataille dunt il ert recreüz.

Detrés sei regarda s'a les Grezois veüz,

Bien conut as ensegnes des grans espiés moluz

1880

Que zo est Alix., qui n'est pas recreüz;

Forment se merveilla comment est la venuz,

Comment e per quel guise il i est deronpuz.

Molt fu grans li erbatges sor l'eve de Calluz;

La vint li maines rois s'est a pié descenduz.

1885

Sor le rive de l'eve unt lor grans tres tenduz

E per la praerie les pavelluns menuz.

154

Porus regarda l'ost qui se vait herberchant,

Ot les paveillons voit toz les prez porprennant.

Per quatre chivaler e per son droguomant

1890

A mandé Alix. trop le vait enchalzant,

Un poi l'a trop sorpris, quar trop levait siuant;

Vint jors li duinst de terme, si'n avra pris molt grant,

Tant que il ait mandé por sa gent d'Oriant;

Lores avra bataille, ja nel quera avant.

1895

Quant Alix. l'ot, si'n respont en riant:

"Ja li donrai les triues per ital covenant

Que marchié nos aportent sil donent covinant."

155

Donees sunt les treues e fait li sairement.

La o li rois sojorne e sa bataillæ atent

1900

Fu crïez li marchiés a toz comunalment:

De tote icele chouse qui a marchié apent

Qui voldra si l'achat si'n duinst pris avinent.

Porus est a le porte por noveles qu'aprent,

A cels qui de l'ost vienent enquert comunalment

1905

Le covine Alix. e son contenement.

Chascuns li respunt zo que il n'en seit nïent.

Uns Greus le nunce al rei qui volentiers l'entent;

Por aler al marchié monte sor un giment,

E furent li müé sei reial vestiment.

156

1910

Montez est Alix., au marché volt aler,

Un bocel e un sac fist detriés sei trosser.

Porus le vit venir sil rova arester.

"Sire, dist Alix., ne mi loist demorer;

Chamberlens sui le roi si vois cire achater.

1915

Dunt nos li ferons cirges anquenuit al soper,

E chanestals e vin, se j'an puis ci trover."

Comme Porus l'oï, sil rova arester:

"Amis, fait il, per certes tot te ferai livrer,

Tot quanque tu vas querre avras sens achater,

1920

Si te ferai encore de mon avoir doner

Se tu oses mes letres Alix. porter."

157

"De vos letres porter, si ge avie prou,

Bien le vos sa vrai faire, se i cuit a voir prou;

Zo sachiés vos por voir, bien vos est avenu.

1925

Il n'a si privé home ne chamberlenc ne queu;

Asés, quant ja me voil, me gap a lui e geu.

De son privé conseil itant vos en desneu:

Tos temps se muert de froit, ja n'iert en si chalt lou.

Quant ja tornai de lui, desoz un paile bleu

1930

Dous mantels afublés le laisai a un feu."

158

"E! Des, ce dist Porus, e ja est il estés

E si fait si grant chalt com vos veïr pöés;

Quant il ore si chalfe, molt est viels e alés."

"Veire, fait il meïsmes, quar pecce qui fu nes,

1935

E s'est auques per ço e fraiz e condonnez.

Trop a perdu del sanc, tant a esté nafrés."

159

De zo fu molt Porus e alegres e clers

Qu'Alix. est veuz, e il ert bachelers.

1940

Ses letres fait escrire el lengatge des Gres,

Molt menace Alix. e blastenge ses des.

"Trop a estés frairins e toz jors ert ités.

Mal vit sa covertise e ço qu'il ert avers.

Mas si ge le pois prendre, tost estera finés,

1945

N'en portereit la testa Dan Clins ne Tholomés,

Ne ja ne verreit Grece uns toz sous de se pers."

160

Alix. s'estut josta un piler marbrin,

Asez s'oï clamer e avere frairin;

Quant Porus lo menace, si tint lo chef enclin,

1950

E a prises les letres ot lo sael d'or fin,

Montez est el jument que mena por rocin.

Asez en porta cire e chanausteus e vin,

Unques ne li costerent vallisant un terin.

De la porte est issuz si se met el chemin,

1955

Des marcheant de l'ost a seü lo traïn.

Si home li demandent: "Dunt venés vos en fin?"

E il lor respondi:."Ça'n alai oi matin,

Por Porun escharnir mi soi mis a tapin."

161

Molt s'en rit Alix. quant ot lo bref desplit,

1960

E quant l'ot peceié e(n) l'escripture vit,

Lores s'en gaba plus e quatre tans s'en rit,

E a dit a ses homes: "Entendet mei un petit.

Porus molt me menace e se tent en despit.

Mes oreilles oiant m'a oi molt grant [lait] dit,

1965

Se il mei poët prendre que m'eüst desconfit,

Il me toldreit la testa, n'en avria respit."

"Sire, dïent si home, n'a dreit qu'il vos afit,

Que solament la treille que l'autr'er vos gurpit

Li avez vos tolit grant joie e grant delit."

162

1970

Porus tramet ses homes em Baustres la sobragne, -

N'i remest a somondre valee ne montagne, -

Nis lo laboreor qui la terre gahagne,

E toz ceus d'Orïent, que nuils nen i remaigne,

Si qu'a l'uitisme jor sens nuille demoraigne

1975

Entre Inde e les desers seient tuit en la plaigne.

Porus jure ses des e son cors e s'entraigne,

Se nus en i remant nis en terre grifaine,

Que il sera penduz sens nuille demoraigne.

163

1980

Or a sas gens de Baustra somo[n]se dons Porus

E toz ceus d'Ourïent, que n'i remaigna nus.

Cil des deserz i vinent trousqu'aus bones Artus.

Quant li vintesmes jor fu passaz e uns plus,

Xxx. e .vii. reis i ot e bien cinquanta dus,

1985

Chascuns ot tel esforz cum il aveir pot plus.

Prent cingua[n]ta olifanz, un chastel leva sus,

E fu enz ot ses gens li reis d[e] Jotarus,

Molt i fist perres metre por tüer ceus dejus.

164

Quanc que Porus a fait a li reis esgardé,

1990

S'est venuz au chastel qu'il aveient levé;

Si li Greu s'i aprochent, sempres erent tüé.

Entor les olifanz fist faire un fosé,

Xxx. pez ot de haut e treis teses de lé.

Or sunt li olifant si pres e si serré

1995

Que ge mais n'en istront se il n'en sunt geté.

Quant li duc e li prince furent tuit ajosté,

Estre les povres homes, qui ni sunt pas conté,

Furent per cent fees einquanta mil armé.

165

Quant Alix. vit la bataille en la pree,

2000

Ses escheles ordeine e sa genz fu armee;

Pois a vestu l'ausberc si a ceinte l'espee,

Mist l'escu a son col sur la brogne saffree

E monte au chival o ot sele doree.

Quel part que li reis broche, ne vait mie a celee,

2005

Plus de cent cors lo seguent qui sonent la menee;

Quant il vient en bataille e sa genz est lasee,

Si repairent aus cors, ne vait mie esgaree.

Il sist sur Bucifal s'a sa lance levee,

Lo duc de Baustra encontra qui ot traite l'espee,

2010

D'un Grec qu'ot abatu fu tote ensanglentee.

D'iloc o il lo vit a s'enseghe escrïee,

Il broche le destrer tote la randonee

E a feru lo duc sur la targe roëe,

Tot dreit devant lo piz la lie esfundree,

2015

La brogne de son dos derote e essiree,

Per amdos les espalles li tranche l'eschinee,

Au doilles de l'espé en a trait la coree,

Tote plene sa lance l'abati en la pree.

Les gens a icel duc s'en fuit si esfree

2020

Que por tot l'or del mont ne fuse retornee.

Li reis monte en un terdre s'a sa gent esgardee.

"Ohi! fait il, maisnee, seüre e honoree,

Si estés por m'amor de toz ben porpensee

E tante estrange terre en avez trespasee

2025

E tant fame tant sei, tanta pene enduree.

Se tant vif que ge poise venir en ma contree,

L'amor qu'avez ot mei vos er[t] gueherdonee."

Anceis que il oüst sa raison afinee,

Astarot de Nubie a l'angarde montee, -

2030

E sist el chival neir que li dona la fee

Qui por s'amor passa l'autr'er la mer salee, -

E dist une raison qui bien fu escoltee:

"Alix., fait il, trop as ta gent menee,

Oi est venuz li jors qu'il ert desbaratee,

2035

Quar la premeire josta m'a li reis otree.

Enveie cui tu vous por rècevre colee,

Se l'escu ne li franc e oci ot m'espee,

De tot lo men segnor ne voil aver denree."

Dan Clis ot la parole, s'a la teste levee,

2040

Alix. saisist aus renges de l'espee:

"Reis, dona me la josta que cil a demandee,

Je mais ne ferai autre se cesta m'es vee."

166

"Reis, done me la joste, zo li a dit Dant Clins,

Prez soi que me combata por tei e por les Gris,

2045

Je ferai la bataille, vers lui m'en ahatis;

Se tu la me defens, tot ton feu te gurpis."

Alix. l'esgarda si li a fait un ris;

Des .xii. pers apele li rois entrosqu'a sis:

"Signors, dire vos voil zo qu'il m'est avis.

2050

Dan Clins fera la joste, quar ensi lo devis,

Gardez que il ni seit ne retenuz ne pris."

Li .xii. per(t) respondent: "Ja n'ait saint Paradis

Qui vos faudra Dan Clins per tant cum il seit vis."

Quant Dan Clins entendi que de la josta es fis,

2055

Il monta el destrier que il aveit conquis

En la disconfeiture o Daire fu ocis.

La lance sur lo feutre s'est es grans galos mis,

Encontra celui a lo grant tertre pris;

Astarot de Nubie li vint devant lo vis.

167

2060

Astarot de Nubie fu molt bons chivalers

E lez de la bataille si l'apela primers:

"Dites mei, beus amis, este[s] vos soldaers

O un des .xii. pers qu'Alix. ten chers?"

"Vasaus, ce dist Dan Clins, trop per estes litgers;

2065

Je sui drux Alix. e sis gonfanoners.

Se ge mon nom vos cel, venge mei destorbers;

Je ai a nom Dan Clins, si est tes mis mesters

Anc en cort o ge fuse ne amai lousensers.

Tu avras la batailla, quant ensi la requers."

2070

Il se sunt desfïé si brochent les destriers.

168

Il se sunt desfïé e si antreferu

Que les lances peceient e fendent li escu;

Totes pleines les lances se sunt antrabatu.

Quant a terre se sentent, n'i unt gaires geü,

2075

Anz resallent en pez cum home de vertu.

Dan Clins sot d'escrimie si l'a primers feru,

L'espee li decent lez le cors e l'escu;

A l'autre cop l'oüst o mort o retenu,

Quant cil d'Inde e de Baustre e li home Poru

2080

I pognent tuit ensemble si unt levé le u.

Alix. le veit, paor ot de son dru,

Les .xii. pers apele, e cil i sunt venu.

A haute voz escrie: "Dan Clin avons perdu."

Lors pognent tujt ensemble, n'i unt plus atendu,

2085

Aus trenchans des espees l'unt molt tost socoru.

Alix. meïsmes li a Bauçan rendu,

Pois dit a l'autre mot: "De mie part salu,

De m'amor vos faz don, quar tuit avons veü

Que blecé l'oüsez e son cors retenu."

169

2090

Li reis tire ses rennes, aus bons estrés s'apue

E comande Aristé qu'i[l] sa gent li condue.

Il a pris un espé por ço qu'ostïer cude,

Porun quert per lo champ, quar crem que il s'en fue,

Por ço qu'a l'autre cop torna si tost en liue;

2095

Quant il nel pot trover, molt forment l'en enuie,

N'encontre chivaler ne lait la sele voe,

Ne torne cele part que toz li vaus n'em brue;

Li dart que li Gré lancent vont plus espés que plue.

N'encontre(nt) chivaler que n'ç>cie e tue.

170

2100

Li cons Aristés meine la compagne reial,

E garde sur senestre si choisist Rodoal,

Que Porus amot plus que nuille ren charnal.

D'un Grec qu'ot abatu en meine lo chival;

Si ne li pot rescorre, tent sei a deslial.

2105

L'ensegne qu'il porteit commanda au seneschal;

Lo chival esperone e ateint Rodoal,

De l'espee qu'il porte lo ferit el nasal,

La boche ot la monton l'en abat contre val.

Lo chival o il sist trencha per lo pitral,

2110

Lo destrier qu'en menot prent au sozmontonal

Si l'a rendu au Grec a guisa de vasal.

Alix. lo vit, por ço li tent a mal

Que il gurpit l'ensegne por nuil home charnal.

171

Molt fu proz e hardiz Aminadab li reis,

2115

Duiz de chivalerie e satges e corteis;

E dist a Thol.: "Mal entras el chalmeis."

Prent l'escu a sun col per la guige d'orfreis,

Irez plus que lions vait les sauz a Grieis;

Tel li dona sur l'eume qui fu plus bians que neis,

2120

S'el ponc ne li tornast ses bons branz vianeis,

Ja oüst del vasal aquitees les leis;

E Thol. fert lui qui ne fu pas galeis,

Il li monstrara senpres un des cous bretroneis;

Antre lui e l'escu decent li acers freis,

2125

La guiga li trencha de l'escu lioneis;

S'il ne ganchis sur dèstre mort l'aüst demaneis.

A icest cop i pognent plus de .v.c. Indeis,

Per force li rendirent sun hauferrant moreis.

172

Li dotze copaignon i sunt venu pognant,

2130

Ja hi avra feru, qui qu'en plor o qu'en chant.

Filades part des rencs si vint esperonant,

Ne lai(ssa)ra qu'il n'asalla un amiral persant.

Tel li done en l'escu a or resplandisant

Que deci el menton le va tot perfendant.

2135

Il a estors sun colp si l'abat mort a tant,

E escrie s'ensegne: "Baron, ferez avant!"

E il se fierent tuit manctre comunalmant,

Ot lor bones espees les vont fort demanchant,

A Thol. rendirent sun bon chival corrant;

2140

E li vasaus i monta tant acesmaemant

Qu'il n'i balla estref ni arçon n'en i prant.

173

Porus vait per lo champ, qui sa grant gent enorte,

Salatïel rescos, un fort rei de Mamorte,

Tant s'esteit combatuz tote s'espee ot torte.

2145

Il broche lo destrer, brandist l'espé qu'il porte,

Un eschele des Gris acolli en reorte.

Porus vait per lo champ qui les seus reconforte,

Sovent crïe s'ensegne, que sa genz ne resorte.

174

Quant Porus ot rescos lo rei Salatïel,

2150

Il broche lo destrier, tint l'escu en chante!.

Licanort encontra, qui sist desur Morel,

De l'espee qu'il porta dun trenchel li cestel

Li vait doner un cop derer le haterel,

Que chambes reversees l'abati del podrel.

2155

E garda sur senestra, chausist un jovencel

Qui fu druz Alix. adobez de novel,

La teste li a route, cil chet en un ruisel.

Pois regarde sur destre s'a veü un tropel

Des homes Alix. qui del sanc sunt masel,

2160

Il broche lo destrer, cele part vent isnel;

Cui trenche pé o poin o espant lo cervel,

Xx. chivalers armez, n'i a cel n'ait chastel.

Desus ses autres des a juré Lucabel,

S'il encontra Alix., lo veillart, lo mesel,

2165

Ne li vaudrunt ses armes ne li mete el putel.

Ce dïent cil de Baustres: "Molt avons bon chapdel."

175

Licanorz saut en pez, cum hom de grant vertu,

Porus s'en passa ultra quant il l'ot abatu.

2170

De Morel li pesa, que il aveit perdu;

S'ors no s'en pot vengier, ten sei a confundu.

Un riche duc de Baustres a detrés sei veü;

Il broche l'afilé, qui li cort per vertu,

Tel colp li a doné del brant qui moluz fu

2175

Que trestot en travers l'a tranché per lo bu.

Xx. chivalers a morz e un duc retenu,

Tant a quis Alix. que il li a rendu.

176

Eminedus broche lo bon chival liart.

E vit un duc de Baustre qui des Gres fait isart;

2180

Il broche lo destrer, pognant vint cele part.

Li dus ne l'atent pas a guisa de cohart,

Tel li done en l'escu o hot peint un leupart

Que plein pé e dimei li mist el cors lo dart.

Quant il se sent nafrez, de maltalant toz art;

2185

S'ors ne se pot venger, tendra sei a coart.

Li dus s'en est tornez, mas trop est meüz tart,

Eminedus lo fert derere ot un fausart,

A un sol cop per mi l'eschinee li part.

Cel cop vit Alix., qui fu e[n] sun esgart.

177

2190

Eminedus en va astez per la bataille

E encontra un roi, ne larra ne l'assaille.

Un cop li a doné el piz soz la ventaille,

Lo bon espeut li passa tres per mi la coraille;

Alix. l'esgarda, ne pot müer n'i alle.

2195

Quant il lo vit nafré, semblant fait ne li chaila,

D'un gonfanon lo ceint que li polmons n'en saille,

Fait apeler un mire, por saner lo li baille.

178

Filotes sest armez desur un chival neir,

Un riche duc a mort, ne li poüst chaleir.

2200

Dui rei le vont ferir per issi grant poër

Que tres per mi le peiz funt les espez parer,

De quant que il lo botent hunc nel porent moër;

Se or ne s'en vengast, jel veïssez arder.

Lo bon bran acerin lor fait ensi parer

2205

Que les ches d'ambedos lor fait del bu chaer.

Alix. l'esgarde si l'est alez veer;

Quant il vit de ses plaies le sanc a fais plover,

Dejosta Eminedus lo rova aseer;

Fait un mige apeler qui ert a son voler,

2210

Por saner les barons lor promet grant aver.

E cil li respondi: "Ge vos di ben por ver

Que il serunt tuit sain tel jor com oi au ser."

179

Filotes sist armez el chival espaneis,

Qui derere fu falves, devant blans come neis.

2215

El cor de la bataille vit un duc e dos reis

Qui molt ruste damage faiseient de Gr[i]eis;

Il broche lo destrier si s'eslaisa aus treis,

Les dos en a ocis, le terz prent demaneis

Sel rendi Alix. per les rennes d'orfreis.

180

2220

Desur un chival neir Perdicas sist armez;

E vit un duc de Baustres qui de l'ost fu tornez,

Les chivaus en menot de dos Greus qu'ot nafrez;

Se ne les pot rescorre, tent sei a maumenez,

Il broche lo destrier, qui molt cort abrivez;

2225

Li dus le veit venir si li est retornez.

Les escuz de lor cous unt rumpuz e percez,

Li auberc furent fort, les espez unt cassez;

Li dus lo sent hardi, fuiant s'en est tornez.

Perdicas les escrie: "Vasal, quar m'atendez!

2230

Molt est bons li chivals si ensi m'eschapez."

Il broche lo destrier si s'est a lui hurtez,

Tel colp li a doné de l'espee del lez

Que a un tot sol cop li trencha les costez.

Ce dïent cil de Baustres: "Cist Grezeis est desvez,

2235

A deables seit hoi li seus cors commandez."

181

Porus vait per lo champ, des Gres fait grant magrace,

De sanc e de cervele fu cuverte sa trace.

Quant Dan Clins lo perceit, si en brocha Laface

E trait l'espé avant, lo fort escu enbrace.

2240

Porus lo veit venir si lo fert d'une mace,

Epsament lo fendi cum se il fust de glace

E lui e lo chival abati en la place.

E Dant Clins refert lui, qui de mort lo menace;

Li chivaus chet soz lui en une grant crevace.

2245

182

Dan Clins salli en pez, quant a terre se sent;

Anz que Porus se let, per lo nasal lo prent.

Pois escrie s'ensegne por ralïer sa gent,

E cil i sunt venu ot grant esforcement,

2250

A la rescose furent plus de mile .vii. cent.

E li home Alix. ne resunt mie lent,

Chascuns de ço qu'il pot del retenir content;

D'ambes parz s'antraferent manctra commu(l)nalment.

Porus a trait l'espee qui au costé li pent

2255

Si a feru Dan Clin, que tot l'elme li fent,

La coife de l'auberc contra val li desent;

Del colp fu estordiz, a la terre s'estent.

Ja s'en alast Porus, quant Tol. decent,

Ne s'en ira ensint si estort ne li rent.

2260

De bons branz acerins se fierent tel present

Que les escuz se tranchent, qui sunt a orpiment.

183

Porus salli em pez, quant il fu abatuz,

E escrie s'ensegne por ralïer ses druz

E cil i sunt venu aus granz espez moluz.

2265

Alix. reclaiment ot les graisles menuz.

Lores fu li estors plenerement feruz,

Xx. mili chivaler y unt les ges perduz.

Porus s'en fert antr'eus, quant il fu abatuz,

Au bo[n] bran acerin si s'est d'eus defenduz

2270

Hunc ni ot si hardi del prendre ne seit muz,

Per quant ne pot durer qu'il n'i seit retenuz.

O il veit Alix., si s'est a lui renduz;

Ben lo conut aus armes e a ses granz vertuz.

Quant vit per la ventaille les blois chivos crenuz,

2275

Dunc sot qu'il fu gabez, si s'est aperceüz,

Quil dist que Alix. esteit veuz e chanuz.

184

Porus rent Alix. sun brant trenchant d'acer

E dist en sun lengatge que il l'aveit molt cher.

Alix. l'entent sens autre latiner,

2280

Qui de trestoz lengatges s'esteit faiz ensegner;

E quant il tint lo brant, sil prist a menacer,

L'auberc li fait fors traire e l'elme deslacer.

Porus vit Alix. armé sur sun destrier

E vit que de ses armes l'aveit fait despoillier,

2285

Paor ot merveillose de la teste tranchier;

Envers lui s'omelie si li prent a preier

Que il nel face ocire ne son cors laidenger,

Quar sol de bele garde en puet aver d'or mer

Plus que n'en portereient .xxx. mile somer;

2290

Dunc lo prent per l'estref, lo pé li vol baisier.

Pité'n ot Alix. sil rova redreicer,

Tote li rent sa terre si li a fait bailler,

Ses prisons li ameine si li fait deslïer.

E quant Porus lo vit, prist sei a merveiller

2295

E dist que hanc ne fu nus hom filz de moiller

Qui ousast tel don faire nel poüst comencer.

Alix. li rove conduit appareiller,

Qu'entrer volt aus desers e molt les volt sercher,

E volt veer les bonnes, s'il non a encobrer,

2300

Que Artus aveit fait en Orïent ficher.

185

Quant Porus se rendi, Got e Magot s'en vont.

Ne fu si crüels genz tresque Des fist lo mont,

Unques nen avront joie lo jor que mal ne funt,

Menacent Alix. que dolent lo ferunt.

2305

Li magnes reis l'ot dire, aprés lor dos s'apont

Tot dreit aus porz de Qus, dunt li val sunt prifunt

En la montagna aute envers lo cel a mont.

E cil sunt passé ultra, que repairé ne sunt,

Trosque Antecriz vegne mais d'iloc non istrunt.

186

2310

Got e Magot s'en vont, perdu unt de lor gent.

Mort en furent dui mile e nafré .iiii. cent,

Porté s'en sunt en bere li auquant laidement

E dïent d'Alix. qu'il lo ferunt dolent,

Fil a putain lo claiment, né per enchantement.

2315

Li magnes reis l'ot dire si s'en ire forment;

Il en jure lo cel e quanc que i apent

Que de ça la montaigne les ardra s'il les prent.

187

Tot dreit aus pors de Qus s'en fuit Gos e Magoz,

E li reis Alix. s'en mist en lor escloz.

2320

Anz qu'il fusant tuit oltra, s'est si a eus apoz

Que plus de .xxx. milia en i ot ben de morz;

Li autra s'en vont ultra, eschapé sunt as noz.

Del dol qu'en ot li reis enfremist tota l'oz,

E fait de la montaigne trestoz cerger les cloz,

2325

Anc nus n'en i remest qui tant se fust repoz.

188

Li poi de Qus sunt haut envers lo cel tot dreit.

N'i a de toz passages ne mais que un destreit,

Per iloc s'en passa ultra la genz qui Deu ne creit.

Molt en peise Alix. quant eschaper les veit,

2330

Ja se mesist aprés, quant Tholomés lo veit,

Qui dist s'il i aloit grant folie fereit;

Meuz s'en vengereit il e plus les destendreit

S'ot chauz e o cimenz lo pertus estopeit;

Je mais uns n'en istra entrosque la fins seit.

189

2335

Arestez s'est li reis e faît lo ciment faire;

A cloire lo pertus ne demorerent gaire.

El demain per son l'aube en Inde s'en repaire;

Porus lo vit venir, toz sis cors si esclaire,

Les tresors que il a li fait mostrer e traire.

190

2340

"Sire, ce dist Porus, ore te vol somondre

Que veies mes tresors, dunt hom ne set lo nombre,

Que mi ancesor firent desoz terre repondre;

Tant en done a tes homes que nus n'en posse groindre.

Lo don que tu m'as fait qui es quil pot espondre?

2345

De ta volenté faire nulle rens ne m'enconbre,

Meuz am lo ten servise que per grant chalor umbre."

191

Alix. respont cum hom de grant poër:

"Laise ester ton tresor, ne t'en quer ponc mover,

Ne ja ne tuit mi home n'avonc cure d'aver.

2350

Sez que dist Salemonz el livre de saver?

Bons reis adreice terre e si a grant poër,

Li avers la destruit e fait gasta maner.

Qui ren ne volt doner ques homes cuda aver?

Cil o il plus se fie lo met e[n] nonchaler.

2355

Se jo t'ai ren doné, or le me fai parer,

Condui me es deserz, si tu m'i poz valer,

Si fai porter ot tei tant de ton estover

Que n'estoche mes homes es deserz remaner."

"Sire, ço li dist Porus, ce saches tu por ver

2360

Que meuz t'am a servir e faire ton voler

Que a mes malvais des, qui m'ont laisé chaer."

192

"Sire, ce li dist Porus, or entent mon lengatge;

Quant Daires fu vencuz suz Gangis el rivage,

Asez me fu mandé per bres e per mesage

2365

Que molt te demenot avertez e forz rage.

Mas tu vais conquerant segnorie e barnage;

Qui lo te contredit molt per fait grant folatge,

Nel pot garir deserz ne forz fertez marage

Que tu nel seues tant que li as fait damage.

2370

Zo que tu as conquis per force e per barnage

Humilitez te venc e fait rendre ton gage.

Plus m'as tu oi doné e trestot mon barnage

Que ne se reembreit l'amiranz de Cartage."

193

"Porus, fait Alix., asez t'a hom comté

2375

Que me vois combatant toz jors per averté.

Avers hom ne conquert mie autrui regné,

Anz pert molt de sa terre, que si volent li dé.

Sez cum m'aiment mi home per ma grant largeté?

De ma volonté faire se sunt toz jors pené,

2380

E s'ai fait a chascun tote sa volenté.

Si m'ament en lor curs, qui si sunt aduré,

Que meuz voldreit chascuns aver le chep colpé

Que vers mon enemi oüst lo dos torné.

Quant il sunt devant mei sur lor chivas(is) monté,

2385

Quanc que ge vei aus oilz tot m'est abandoné.

Per lor ruiste proëcce ai conquis maint regné

E tant chastel ohu, tanta bone cipté."

194

"Parus, fait Alix., saver deis e enquerre

En quel sen reis avers confunt e destruit terre.

2390

Defors ardent e preient tuit cil qui li funt guerre,

E ceus qu'a a sun sen acuse e fait enquerre.

Povres est e chaitis qui entre lui reperre,

Il li tol son aver e en prison l'enserre;

Quant il crie merci, ren n'en i pot conquerre.

2395

Quant il pot eschaper, si plore e son dol mere,

Ses enfanz a son col s'en fuit en autre terre."

195

"Parus, fait Alix., entent sens contravaille:

Avers hom crem toz jors que sis avers li falle;

Quant que il pot tenir tot met en rebostaille.

2400

Quant il a tot mucé e mis soz la moraille,

Il n'en donra cha pois qui un sol dener vaille.

De ses homes confundra creit ben sa cuvertaille,

A tot lo plus felon sa terre acense e baille,

E cil li espelluche e confunt e trevaille,

2405

Lo povre home menjoie deci qu'en la coraille;

S'il enpronte o acreit, n'en ert ja sol meaille.

Quant il n'i pot plus prendre, si'n fait po[r]ter la paille;

La povre genz s'en fuit e la terre anoaille.

Quant li sire l'ot dire, sil tenta controvaille;

2410

Por ço qu'en a l'aver; fait semblant ne li chaille,

Des que li fers i pert qui monte un os de qualle.

Pois esdevint si fel quel part qu'il unques aille

Nen encontre preveire ne moine cui n'asaille."

196

"Per zo si sachent ben li bas home e li haut

2415

Avers hom est plus sous que hermites en gaut;

Qui ren ne vol doner toz est venuz el saut,

N'a vesin qui sa terre ne li taille e retaut.

Pois qu'il en est a honte, sis avers que li vaut?

Avers hom volt tos tens que hom pent e travaut

2420

E face sun servise e ren del seu ne baut;

Cil o il plus se fie au grant besoing li faut.

Pois qu'il n'a pro en lui, quel part que volt si haut;

Se li sires pert ren, dahaz ait cui en chaut."

197

"Parus, fait Alix., mon conduit m'apareille,

2425

Si irai aus deserz o a tanta merveille,

Pois revendrai en Inde, ou tu fesis la treille;

Tes des qui sunt chaeiz forbis e apareille.

Je conquerrai Egipte trosqu'en la mer vermeille

E prendrai Babiloine si ma genz lo conseille,

2430

Quar a ver voil la tor qui ot lo cel coreille

S'aucirai lo serpent c'om dit que toz jors veille."

198

"Sire, zo dist Porus, ge faz appareiller.

Les bestes totes vives menerons por menger,

E l'autra garison porterunt li soumer;

2435

Il nen avra en l'ost sergant ni chivaler,

Lecheor ne putan, garçon ni escuier

Qu'en vaisel de fin or nes poscha appareller;

Ja por chalor que ait ne l'estovra laiser

Ventoser ne se face o de vene sagner.

2440

Chascune des herberges ferai si conreer

Nis la coite de paille n'i ert menz au coucher."

"Porus, fait Alix., molt te dei aver cher,

Qui per ton bel servise me vous eslosenger."

199

Ore sunt cil de Bastres somos e bani tuit

2445

Que seient aus desers trosqu'a mardi a nuit

E sïent de faucilles e de volains estruit

E portent vin e aqua, sal, farine e pain cuit,

Peis, feves e lantilles, pevre, comin e fruit;

E menrunt Alix. e Porun quis conduit.

2450

Il en jura lo cel, l'aiqua, lo vent qui bruit

Qu'icil qui remandrant serant ars e destruit;

Ja ne porunt garir neper jor ni per nuit.

200

Ore s'en vait li oz a joie e a baudor;

Cil de Bastres les guïent per issi grant amor,

2455

Ne fussant li serpent qui lor fant grant paor,

Cha uns d'eus en sa terre ne fust a tel dolzor.

Porus sert Alix., quar lui tenta segnor;

Il ne trove aus deserz herbe de bone hodor

Qu'il ne face collir e aporter la flor.

2460

Tres per mi cez granz terdres sunt lor adreiceor,

Si qu'aus bones Artus vindrent au sisme jor.

201

Quant li reis vit les bones, molt fu joianz e lez,

Dos images vit d'or, dunt molt est esmaiez.

"Sire, ce li dist Porus, de çai vos herbergez,

2465

Ne passez cez ymages, quar ço sereit pechez;

Hunc Artus e Libis n'orent avant lor pez,

Desveabletez est, tost serïez neiez.

Lunc la rive de l'aiqua est si perfunz li bez

A val trosqu'en abisme tost serïez mucez.

2470

E del peril de l'aiqua si vos eschapïez

E en la ferme terre la ultra venissez,

E d'oiseus e de bestes tost serïez mangez."

202

"Quant Artus e Libis vindrent en Orient

E orent tant alé que ne porent mais tent,

2475

Dos ymages molt beles d'or firent de lor grent

Ses mistrent en tel lo qu'encors sunt aparent.

Reis, fai lor sacrafice que n'aient maltalent

Per ço que tote t'ost est venue autretant,

Coment firent cil dui qui erent deu poisant."

2480

Quant Alix. l'ot, si respont en riant:

"Li home d'esta terre sunt fol a escïent,

Qui creient cez ymages e quis vont soplïent,

Qui n'oient ne ne veient ne d'aler n'unt talent.

Qui les trebuchereit enz en u[n] fo ardent,

2485

Nen ant tant de vertu que il s'en levesent.

Lo matin irai oltra a estros ton veiant."

203

Iloc jurent la nuit tant qu'il fu ajorné,

Grant peze fu de jor anz qu'en sïent torné.

Tant i unt faites cleies, rose raime geté

2490

Qu'a merveillose peine sunt tuit oltre passé.

E quant vi(n)t Alix. sa gent a fermeté,

De la joie qu'il ot a Porun apelé;

Porus i est venuz, s'apela Tholomé.

Alix. lor dist: "Qua[r] nos fussons disné!

2495

Devant nos gardons ben, quar detrés sunt li dé,

Ne se fïerent gaires en lor grant deïté

Quant il por un mal pas furent espaventé;

Nos n'avomes garçon qui ne l'ait trespassé."

204

Tholomés vait avant por lo manger aster,

2500

E quant il s'en retorne, si fait l'aiga doner,

Si que per tote l'ost sunt asis au disner.

Mais molt i furent poi ques en estuit lever,

Que unques de viande n'i ouserent goster,

Quar cil les escrïerent quis devïent garder,

2505

Qui les merveilles virent des deserz asenbler;

Tant virent olifanz nus hom nes pot esmer.

Cil qui primers les vit l'ala au rei conter.

Li reis bruncha vers terre, senblant fait de penser;

Quant il se redreça, senblant fait de l'armer.

2510

Alix. comanda ses chivalers monter

E ceus de pé remandre les herberges garder,

Si que per tote l'ost fait busines soner,

E fait les trues prendre e batre por crïer,

Aus chivaus por henir fait las egas monstrer

2515

E les homes hüer e les graisles soner;

Trestoz les holifanz en funt de l'ost torner.

Quant veit que il s'eslognent, si s'esforce d'aler,

Aus chivalers les ruve ot les lances boter;

Dos cenz e .xx. e .vii. en unt fait reverser.

2520

Quant lor unt les denz traites, sis a faiz escorner;

Meuz valut li yvoires qu'il en fist aporter

Que ne vaudreit d'or fin chargé .xv. somer.

205

"Sire, ce li dist Porus, cesta terre est molt fere,

Trop est desabitee, ne sai avant que querre.

2525

Se nos passons encore un autretel rivere,

Nos ne penseruns mais de retorner arere.

Domentre que nostre ost est alegre e entere,

Nos en tornons en sus tote nostra charere.

La terre est forment mole e desoz si plenere

2530

Qui istreit plein pé fors de la veie corsere

Ne sereit mais veüz eh negune manere."

"Porus, fait Alix., jel faz per ta preiere."

206

Un poi de fosé firent devant eus por defeis;

Iloc jurent la nuit, au main leva li reis.

2535

Arere s'en retornent cil d'Inde e li Greceis; .

Tres devant les ymages funt estendre lor treis.

Por ço que lo jor ert la calende del meis,

Volt faire sagrefise au for de celes leis;

Porus e Alix. sacrafïent maneis,

2540

E ot au sacrefice vaches cinquanta e treis.

Les laus del sacrefice chanterent en indeis

Dun chapelain qui erent revestu a orfreis.

207

Quant unt de la ca[le]ndre celebree la festa,

Les devises del meis lor anunça li prestra.

2545

Pois s'en retorne l'oz desur Inde a senestra,

Li conduiz les en guie une vie champestra.

Une moiste pailu unt trové a man destra

Qui per los ert si mole qu'erbe n'i poeit neistra.

De diverse maneire lor salli une besta;

2550

Lo pel ot gros e dru e poignant cum aresta,

Ne crent fer ni azer, tant est de fere gesta.

Quant cil de l'ost la hüent, de mautalant s'aresta,

Au trestor que li fist lor a fait tel molesta

Xiiii. chivaler lor a mort a tempesta.

2555

Li Gré li vont entor, si qu'a vive poësta

Ot mauz e ot maçues li peceient la testa.

208

Quant il furent tuit oltra, sers e bas vespres fu.

La nuit sunt herbergé dejoste une palu.

A l'auba apaireisant, anz que fusant meü,

2560

Lor sunt Liostifal dedevant l'ost venu,

Je mais autretel home, ce cuit, n'erent veü.

Xii. pez unt de haut, grant sunt e percreü,

Hunc n'orent fil de drap afubl[é] ne vestu,

Quel tens qu'il unques face, il vont tote jor nu

2565

E sunt per tot lo cors comme bestes pelu.

Tel meis estunt soz aiga, que ga n'erent veü,

E tant cum il sunt lai, vivent de peison cru;

E quant vinent sur terre, si resunt d'el peü,

Il vivent tuit d'encens e de bon balsamu.

2570

Li liger bachaler por traire y sunt corru.

Quant virent les saetes, fuï sunt e perdu;

Molt en peise Alix. quant ben ne sunt seü,

Que meuz en amast quatra s'il fusant retenu

Que .c. soumers chargez d'or e d'argent molu,

2575

Quar anceis qu'il oüst sun pavaillon tendu,

Oüsunt de peison sens rei e sens cornu

Plus que nus oiseleres n'avreit d'oiseus a clu;

E fust per tot lo mont a merveilles tenu

Comment poüsant estre ne pris ne retenu.

209

2580

A l'auba aparisant sunt monté li baron,

Li conduiz les en guie dreit a Occeanon.

Sur la rive de l'aiqua el ros e el sablon

Lor aparurent fennes d'une conversion, -

Dedenz une jornee entor e environ

2585

Ne trovast hom herberge ne habitacion, -

En l'aiqua conversoënt a guise de peison,

Mas tant estoient gentes e beles de faiçon

Que de la beuté d'eles ne saveit hom raison;

Plus relusent lor chep que pene de paon.

210

2590

Quant virent cil de l'ost que si beles esteient

Ne que por paor d'eus pas ne se reponeient,

Quant molt en i veneit, en l'aiqua se feroient,

Les petites compagnes tres bien les atendoient;

Quant il erent o eles, volenteis i gesoient.

2595

Quant il erent si las que faire nel poeient,

Celes levoënt sus, en l'aiqua les traïent,

Tant les teneient soz qu'iloc les estegneient.

211

Quatra s'en sunt torné qui au rei sunt venu

E content la canvigne des fennes c'on[t] veü

2600

E de lor compagnons cum il sunt retenu;

Por neient les quereient, neié sunt e perdu.

Quant cil oënt lo conte que li quatra unt rendu,

Por la beuté des fennes se sunt si esmoü

Qu'encors en i alast s'il en fusant creü,

2605

Mas Alix. jure quanqu'est e quanque fu

Que ga n'i ira nus, s'il sunt aperceü,

Ja nes amera tant qu'il ne sïent pendu.

212

Alix. chivauge lo poi de Falicost.

Ruste fu la montagne, ne porent aler tost,

2610

A grant peine sofrirent la chalor e lo rost;

Il ne trovent tant d'ombre o uns sols d'eus s'adost.

Liostifallor sallent des desers de Rimost,

Testes orent de gent, si com nature vost,

Xii. pez hunt de haut, molt sunt grant e enpost,

2615

Ot granz peres pognaus vindrent arocher l'ost;

Li archer i unt trait, qui armé furent tost.

Quant virent les saetes, fuï sunt e repost;

Li archer s'en revenent, qu'Alix. nes jost.

213

Molt fist bien Alix. que ceus d'Inde a creüz,

2620

Avant la meenuit esteit sis oz meüz

Por retorner areire lai dunt il est venuz,

De la landa indine dunt il esteit issuz.

Ja esteit granz li fous, e li reis decenduz

A un estanc qu'il trovent entra terdres aguz

2625

Qui toz esteit plens d'aiquà, mas sempres fu beüz

Des chivaus e de homes que aveit deceüz

Li ardors del soleil qui si granz ert creüz.

D'ambes parz de la rive unt homes perceüz,

Chascuns esteit per mé trosqu'au lonbril fenduz

2630

E ot chascuns dos testes e dos pez e dos buz.

Li Greceis se merveillent quant il les hunt veüz;

Molt per les vehisez dolens e irascuz,

Quar tel gent unt veüe que n'unt pas coneüz;

Vers eus vindrent pognant e esteit chascuns nuz,

2635

Anc ne vestirent drap qui fust faiz ni teissuz,

Tuit ensembla lor lancent canes e paus aguz,

Plus de .v.c. serchanz lor i unt morz renduz.

Cil de l'ost s'estormisent, gas oüsant seüz,

Quant uns estorbillons lor est devant venuz

2640

Que tentes e aucubes lor a toz abatuz,

Les soumers treb(r)uchez e des tisons feruz;

Manteus e pavaillons y unt assez perduz,

Entrosque vers lo cel en porta lor escuz.

Enprés icest damage lor est autre creüz:

2645

Epsament comme neif est fous del cel ploüz,

Qui tote art la contree epsament comme fuz.

E dïent tuit per l'ost: "Libis est irascuz,

Antre lui e Artu funt ores lor vertuz,

Per lo conseil aus des nos est cist maus moüz."

214

2650

Quant li venz fu chaüz e li estorbillons,

A mont devers lo cel a guise des tisons

Virent les rais venir ardenz come brandons.

Cil de l'ost s'estormisent, qui creiment les charbons,

De lor escuz se covren t, zo fu lor garisons;

2655

E cil qui nuil n'en orent tenent sei per bricons,

Uslees unt les barbes e trestoz les grenons.

Quant del cel fu chaüe la rujors e l'arsons,

A netger commença de l'air qui fu embrons;

Ne demora pois gaires qu'en get si granz faisons,

2660

Ne nos hom savreit dire, David ne Salamons.

Alix. commanda a trestoz ses barons

Que il meinent les bestes entor les paveillons

E abatent la neif ot pals e ot bastons;

Por la chalor des beites fu granz la remisons.

2665

Aprés zo lor vint d'aiqua si granz confusions

Que tote en porte el val la nef e los glazons.

Li estans rempli d'aiqua, qui ert e granz e lons.

215

Quatre jors fu li reis que d'iloc ne se mut,

E fist molt grant freidure e neu geta e plut;

2670

Hunc l'espeise de l'air por iço ne descrut.

Alix. demande a ceus d'Inde que dut

Qu'emprés si grant chalor si grant freidure mut.

Cil respondent au rei qui l'aveient seüt

Que estez esteit fors e li ges d'iver grut.

216

2675

Los veillars indïens unt aus deserz trovez

Qui unt longues les barbes trosqu'au no de baltrez.

Li reis lor a enquis: "Qui estes, dunt venez?"

Il li unt respondu: "Ci est nostre regnez,

Es deserz de Rimorz est nostre naïtez.

2680

Li queus est Alix.? E quar le nos mostrez,

Quar veer lo volum plus c'ome que seit nez,

Por zo que sur toz homes est cremuz e dotez."

Li chivaler li dïent: "Tote l'ost esgardez,

Celui qui meuz vos semble segnor si lo prenez."

2685

Cil esgardent lo rei, qui es gros e quarrez,

Large ot la forcheüre, molt fu beus figurez;

Autresi lo coinurent com si lor fust monstrez.

"Sire, funt li veillart, si en nos vos fïez,

Es desers vos menrons, ja mal en doterez."

2690

Quant Alix. l'ot, sis en a marcïez,

Richeis conreis lor dona e bons muls enfeltrez.

217

"Segnors, fait Alix., ge vos comant e rou:

Remuons nos herberges si querruns autre lou;

2695

Je vei molt neir le cel, inde e paile e crou.

Il ne nos promet mie serenité ne jou,

Anz est ire des des qui nos unt en esfreu,

Tel chouse m'on[t] oi faite dunt ai au cur grant dou;

Quatre cent chivaler, qui molt esteient prou,

2700

I avomes perdu de lo neuf e del fou.

Lo manger aprester augent avant li cou."

218

Li mort sunt sevelli, li Greu s'en sunt torné.

Un grant terdre poierent s'unt lo val avalé

2705

E trovent aus herberges lo manger apresté;

A pé s'en vont desduire quant il se sunt disné.

Desoz une grant roche trovent un loc chavé

O Artus e Libis aveient conversé.

Cil orent si lo lou beneieit e sacré

2710

Q(ua)u'anc pois qu'il en issirent n'i a veit hom entré

Qui ne fust au terz jorz sens home atraïné,

A la boche en travers l'un sur l'autra jeté.

Por ço qu'il n'en unt plaie ne il ne sunt nafré,

Ne pot unques saveir li rois la verité

2715

Comment il erent mort e iloc aporté.

Hunc nel creï li reis jusqu'il ot esprové.

Li vellart indïen sunt devant lui mandé,

Qui el regne aveient longement conversé;

L'un des dos avant l'autra a li reis conjuré

2720

Que de cele merveille que il a trespassé

Li dïent ambedui tote la verité:

S'en la roche a fantoume, serpent ni enferté

Qui tant sotdeement lo secle a deserté.

Li dui veillart respondent, qui sunt de grant haé,

2725

Que Artus e Libis per lor grant dehité

Entoscherent lo lou si l'unt enfantosmé.

219

Quant li geus fu chaüz e la neus fu fondue,

Li estans fu empliz de l'aiqua qu'ert chaüe

E de la grant merveille qui del cel fu ploüe,

2730

Qui per icel convers esteit si espandue

E de totes les parz en l'estanc acorrue

Doz pez ot plus de haut qu'icele qu'ert beüe,

Ja qui le lor contast per eus ne fust creüe

E se il nel oüsent si veirement veüe.

2735

Alix. monta e tota l'ost remue,

Un grant terdre puierent dunt la roche est ague.

Unques mais n'i ot sente ne charere batue

N'unques mais per nuil home n'i ot veie tenue,

Por l'angoise del chaut toz li plus forz tressue.

2740

Li veillart indian, qui la vie unt soüe,

Unt el recoil del val une forest veüe

Qui ben esteit dedenz e garnie e vestue

De tote icele rien qui a cors d'ome aiue.

220

L'oz decendi del terdre si est venue el val.

2745

Malt furent travaillé li home e li chival,

Quar l'arsons del soleil lor fist lo jor grant mal.

Alix. les guie, qui set sur Bucifal,

E en l'areiregarde a mis sun seneschal;

Li armé vont avant qui guïent lo costal.

2750

Del chef de la montagne saillent Liostifal,

Malt sunt grant e isdos, unques genz ne vi tal,

Plus lor lusent li oil que pere de cristal.

Chascuns tent en son poin une pere pognal;

Devers le haut del terdre lor leverent estal,

2755

Ot les peres cornues les trebuchent el val.

E li archer i traient ensemble comunal

E cil del pé les hüent e funt grant batestal.

Malt menerent grant joie quant furent en l'igal.

221

La forest sist molt ben dejoste une rivere,

2760

Molt per fu bele e gente e reonde e entere.

Unc ne fu arbres menz ne devant ne derere,

Ne ja hom n'ert si os que un sol cop i fere.

Hom ne demande espece ne nuille herbe tant chere

Dunt il n'en i trovast, quant la flors est premere

2765

En abril o en mai quant li beus tens s'esmere.

Iloc est mandragore, qu'a trover n'es ligeire;

Nus hom n'est tan hardiz qui la remut ni quere

Ne l'estosche murir d'une mort itant fere

Ja ne porra aler ni avant ni arere.

222

2770

Un verger ot molt bel en la forest planté,

Peires i ot e pomes e granz fies d'ahé

E dactes e amandres e iver e esté,

Therubin e narders, mil arbres de bonté;

I venent per nature, hunc n'i furent planté,

2775

De la forest teneient une leue de lé;

E entre les devises del verger ot un pré

De totes cheres herbes garni e asazé.

Hom ne demanda herbe ne ne vint en santé

Dunt il nen i trovast tot a sa volenté.

2780

Il nen a sos cel home tant enferm n'engroté,

De poison ode poldre tant fort envenimé,

S'un petit i aveit dormie repousé,

Que ne s'en alast lez e trestoz en santé

De la flairor des arbres e de la sanité.

223

2785

Molt fu beus li vergers e gente la praele,

Molt i flairot soëf l'encens e la canele,

Garengaus, recalices, cituaus e tutele.

E en meu loc del pré sort une fontale

Dunt la doiz esteit clere e blanche la peirele,

2790

A roche or espaneis pesast hom la gravele.

De fin or tresgeté i ot une marcele

A dos pez de cristal, qui ne chet ne chancele,

Qui receit lo conduit qui vint per la tüele.

E desoz chascun arbre aveit une pulcele,

2795

E n'enn i aveit nuille serchante ne ancele,

Mas totes d'un perage, chascune ert damisele.

Les cors orent ben faiz, petite la mamele,

Le vis freis coloré e clere la maisele.

Plus ert espris d'amor qui veeit la dancele

2800

Que s'il oüst lo cur bruslé d'un estencele;

Plus li salleit li cors que chivaus de Chastele.

Alix. en unt dit li vellart la novele;

Quant li reis l'oït dire, joianz li fu e bele,

Quant que ill a alé ne prise une gonele

2805

S'il ne les veit de pres; les dos villarz apele:

"Concluiez m'en mon ost delez cele vaucele,

Quar trosqu'en la forest n'ert ostee ma sele."

224

Devant la forest ot un poncel torneïz

Sur l'aiqua de Gaiança, qui eis de Valbruniz.

2810

Les estatges del pont sunt de marbre voltiz

E les solives sunt totes a or massiz

E les planches d'ivoire a bons esmaus tresliz.

De l'autra part del pont ot un tresgiteïz,

Dos enfanz de fin or e mollez e faitiz;

2815

Li uns fo lons e graisles, li autres gros, petiz,

Membres orent ben faiz, luncz formez e traitiz.

Si cum l'oz aprosma e il oënz les criz,

Chascuns saisist un mal, ch'ert lo pas contradiz.

Desoz eus ot dos bres, que uns clers ot escriz,

2820

Qui les fait per augure defendra lo ppassiz.

Alix. decent del destrer amanviz

E monta sur lo pont si s'est ultra acolliz.

Quant vit les dos enfanz qu'orent les mails saisiz,

Il se retraist arere, qu'il crent estre periz.

2825

225

Quant li reis vit les dos qui se vont defendant,

"Veez ultra cel pont un grant enchantemant;

Dos enfanz ai veüz, l'un petit l'autra grant."

Quant sa genz l'entendirent, molt s'en vont merveillant,

2830

A cel mot ot gurpi maint riche auferrant

E montent sur le pont qui plus tost pot avant,

Vont veer la(r) merveille que li reis vait contant.

Adunc i ssunt venu li dui veillart persant

Qui per mei les deserz vont lo rei conduiant.

2835

Li uns a dit au rei que il n'en set niant,

E l'autra li promet que il l'en dira tant

Que il cudot saveir per veir a esciant

Qu'il fera remaner trestot l'enchantemant.

226

Li vellarz li a dit que il fera laiser

2840

Celui defendement sens nesun demorer;

Alix. li prie que pens de l'espleitier.

"Sire, fait li vellarz, ne vos chaut a coiter;

Laisez mei belement atorner mon mester.

Cha en ferai ja l'un en terre trebucher,

2845

Que vostra oz lo verrunt a un peison manger,

E l'autra em porterunt deable o averser."

227

Pres de l'enchantement s'est cil ag[e]noillez,

Dunc saut del pont en l'aiqua si revint sure pez.

Ses mains tendi en haut, contra mont s'es dreicez,

2850

Pois se rebaissa a val, si s'es dos fez plongez

De tel aïr en l'aiqua que toz est depecez,

Veiant les oilz lo rei fu d'un peison mangez.

Pois que li uns fu d'eus en l'aiqua perillez,

Ne pot durer li autres, si li fallit li pez.

2855

Uns deables l'em porta, qui forment s'en fist lez,

Contra mont vers lo cel, la fu toz desirez;

Le chep l'unt peceié, les menbres els costez;

Veiant lor oilz en fu uns grans fos alumez.

"O! Des, fist Alix., per les toes pitez

2860

De quanc que me donez seiez vos gracïez;

Cil qui fist cez enfanz fu molt oltracuidez,

Ensi ert (el) encors ars e en aiqua neiez."

Les mailz que il aveient ceus unt enqui laisez;

Alix. i cort, qui s'i est essaiez,

2865

Il n'en levast un sol por estra detranchez.

228

Aprés lo rei si vont tuit le per essaier;

De folie (i) se volent pener e travaler,

Lo menor ne poüssent quatre bou charïer.

Quant veient cil de l'ost n'i poënt espleiter,

2870

Adonc s'en passent ultra sergant e chivaler

E donzel e jeljon e turcople e archer,

Qui esteient en l'ost venu por gahagner.

De vianda sunt chargé e mulas e saumer;

Aprés passent les bestes que meinent por manger.

2875

Quant il furent tuit oltra, pres fu de l'avesprer.

229

Alix. commanda l'ost mener en avant,

Quar el bois es puceles prendra herberchemant.

Sun seneschal apele Thol. en riant

Si li dist la novele que cil li vont contant.

2880

E les pulceles eisent de la forest chantant,

Vestuas come dames e bel e avenant.

Quant eles veient l'ost, encontra vont joiant

Tant cum li umbres dure, que ne poënt avant,

Ja si poi n'i passassent mortes ne chaïsant.

2885

Molt menerent grant joie quant virent l'ost si grant,

Quar plus aiment les homes que nuille rent vivant,

Por ço que cuda aver chascune sun talant.

Cil de l'ost les aprotchent, molt se vont mervellant,

Quar de si beles fennes ne virent unc mais tant,

2890

Ne ne fusant trovees deci qu'en Oriant.

El pré lez la funtaine Alix. decent,

Qui plus flairot soëf que odors ne piment,

E tuit li .xii. per, que l'uns l'autra n'atent,

E li autra baron manctra comunalment.

230

2895

En la forest s'est l'oz cele nuit ostelee,

N'i unt autres ostés ma chascuns sa ramee.

Molt per i fu a aise la compagne preisee;

Les pulceles ne firent plus lungue demoree,

Chascune prent lo seu sens nuille recelee.

2900

Qui sa volenté volt (faire) unc ne li fu vee,

Anz lor fu ben per eles sovent amonestee.

Li liger bacheler qui l'orent desiree,

Qui pecce sunt issu fors de la lor contree,

Chascuns n'i ot sa feme ne s'amie amenee,

2905

Trestote icele nuit unt lor joie menee

Tant que granz fu li jors, clere la matinee.

Quant il vostrent manger, la viande unt trovee,

A .v.c. mili homes lor i fu conree;

Il demanderent l'aiqua si lor fu aprestee,

2910

E vont a la marcele qui per los ert crevee.

Aprés manger se vont deportant per la pree;

Qui volt fruit de manere ne gere herbe roëe

Asez en pot aver sens jouse demoree.

En la forest s'est l'oz quatre jors sojornee,

2915

Trosque ce vent au quint, qu'ele s'en est tornee.

Alix. regarde desoz une cepee,

D'un vermeil terubin est la folle estelee,

E vit une piucele, gente e encoloree,

Ensi come nature l'aveit enfaiçonee.

2920

Ce fu avis au rei, quant il l'ot esgardee,

Qu'onques tant bele rens ne fu de mere nee.

E a dit a ses homes: "Une ren ai pensee:

Qui avreit cesta dame de cest convers getee

E la poüst tenir en la soe contree

2925

Ben en devreit hom faire reïne coronee."

Dan Clins, li filz Carduit, l'a sur un mul levee,

Issi cum au rei plot l'en oüst donc portee.

Cele s'en veit porter, molt s'est espaventee,

De la paor qu'el ot s'est quatre feiz pasmee,

2930

E requert Alix., merci li a crïee:

"Gentis reis, ne m'ocire, franche chouse honoree,

Quar se g'esteie un pé de la forest getee,

C'une sole des unbres oüsse trespasse[e],

Sempres sereie morte; tes est m'endestinee."

2935

Alix. l'esgarde plus bele que n'est fee;

Por ço qu'el ot ploré ot la color müee.

Mervellose pitez l'en est el cur entree,

Il la mist a la terre, a Dé l'a commandee.

E cele s'agenoille, prefunt s'est enclinee.

2940

231

Alix. apele les veillarz sis conjure,

Si lur a demandé: "Per con faite nature

Sunt en cest bois ces(t) fennes? Est ço leis o dreiture?

Dunt vivent e que vestent? Qui lor livre pasture,

2945

Quant a trestote m'ost hunt trovee pasture?

Funt en eles aus des nesune forfeiture?

O unt eles trové jovente qui tant dure,

Quant ge n'i ai trové tombel ne sepulture?"

Cil respondent au rei, qui sorent la nature :

2950

"A l'entree d'iver encontra la freidure

Entrent totes en terre e müent lor faiture,

E quant estez revent, e li beus tens s'espure,

A guise de flors blanches venent a lor nature;

Cele qui dedenz naist est del cors la figure,

2955

E cele de defors si rest lor vesteüre,

E sunt si ben tallé, chascune a sa mesure,

Que ja n'i avra force ne cisel ne costure;

Chascuns vestimenz trosqu'a la terre dure.

Issi cum aus deeses de cest bois vent a cure,

2960

Ja ne voldrunt el main icele creature,

Que nen aient lo jor, anz que nuit seit oscure."

E respont Alix. : "Bon est lor teneüre;

Hunc mais a nulle gent ne vi tel troveüre."

232

Al quint jor mut li reis, n'i vol plus demorer;

2965

En la veisine d'Inde s'en voleit retorner,

E vit perles desers dos paÿsans aler.

En indiaine lengue lor a fait demander

Se negune merveille li savreient conter

Qui fust bone a entendre e digne a escolter.

2970

"Sire, funt li vellar, s'a nos volez parler,

Nos vos diruns merveilles, e si porras prover.

Zai sus en cest deserz poz dos arbres trover

Qui .c. pez hunt de haut e de groise sunt par.

Li sollelz e la lune les unt fait si segrer

2975

Qu'il sevent lenga d'Inde e ben greceis parler

E ben respondra a home quant qu'il a en pensé,

E qu'avenir li deite quanc qu'il a passer."

"Per Deu, fait Alix., lai m'estut il aler.

Si vos m'i conduisez, plus vos ferai doner

2980

De l'or molu d'Araibe que ne porrez porter."

233

"Sire, funt li vellart, ço nos fait esmaier;

Si menez la grant ost, ne porrons espleiter.

Se tu vous tost aler e viaz repairer,

Je mal irunt ot tei que sol .c. chivaler."

2985

Quant Alix. l'ot, prist s'en a corrocer;

Cuda qu'il lo volsisent autresi engigner

Coment les .c. cinquanta que il eslist l'autr'er

Qui(l) lo durent en Baustres conduire e adreicer,

Per trestoz les deserz le firent folïer.

2990

Amdus les a faiz prendre sis commanda a lïer,

Trestoz les fera pendre o les testes trencher.

234

Paor ont li vellart del rei qui est marriz.

Or sunt prest que tant facent e chascuns d'eus l'afit

Qu'il nes disvïent pas por mal ne por despit.

2995

Il li dirunt tot l'estra, metre face en escrit,

E s'il si nen o trove cum il li avront dit,

Arder les face o pendre, ja mal avrunt respit;

Quatra cent chivaler, mas qu'il seient eslit,

Li conduirunt il bien a joie e a delit;

3000

La granz oz s'en retort e Parus les en guit.

"Per Dé, fait Alix., asez avez ben dit."

Or ot ço que il volt, de joie s'en su(n)rit,

A Thol. commande gues gart e que deslit.

235

Alix. apele Porun, qui esteit reis,

3005

Si li dist que conduie la grant ost des Greceis,

Chameus e olifanz e toz les Indieis,

E si l'atende en Inde o en terre caspeis,

Quar si cum li unt dit li dui vellart indeis,

Qui ben sevent des arbres le convigne e les leis,

3010

Antr'aler e venir i metra quatre meis.

Ne laira por mal pas ne por autre defeis

N'ala veer les arbres c'um claime d'Ibroneis.

236

Moüz est Alix., li vellart vont avant,

E chivaucha chascuns un bon mulet amblant

3015

Per ço qu'il vont soëf e tot a lor talant.

Aiment plus Alix. de nuil home vivant,

De lui mal enginer ne funt mie semblant,

Dïent li qu'a ses homes prie a toz e comant

Que il faccent grant noise e si voisent huiant,

3020

Si s'ira la vermine devant eus esduiant.

Tres per mé ces granz terdres les vont si adreiçant

Qu'au quatorzisme jor avalent un pendant

E si se herbergerent tot de solleil estant.

Lo manger apparellent li quou e li serchant.

3025

Quant il orent sopé, de ço hunt joie grant

Que antr'eus e les arbres n'a mas que un dragant.

237

Quant li reis ot sopé a joie e a gas,

Il vent a un des arbres, qui fu faiz a compas,

E ot en sa compagne .v.c. Macedonas.

3030

Uns prestres saut en pez qui ne fu mia ras,

E ot denz come chens, ners fu cum charbons ars,

Aus oreilles li pendent li onicle e(s) topas

E perres precioses de l'aiqua d'Eufratas,

Pelos fu come ors e desnüez de dras

3035

E ot ben de hautecce granz .xv. pes e mas.

Alix. l'esgarde, crent que seit Satanas,

De la paor(t) que ot ne fait avant un pas.

Li presta dist tel chouse qui ne fu mie gas:

"Ensembla les tosetes se tu geü nen as,

3040

Tant poz aler avant qu'aus arbres tocheras.

E se tu nen es chastes, lai defors t'esteras,

Tu e ta compagnie qu'avoc tei amenas.

Ce que tu vous enquerre en ton cuer penseras,

Ensi que de ta boche un sol mot ne diras,

3045

Quar de tot ton penser ia verité avras."

Quant li rais de la lune fu per les rains espars,

La voiz qui vint des arbres dist au rei: "Que feras?

Unques ne fus vencuz ne ge mais n'esteras,

E crens molt morir d'arbres, ja mal en doteras.

3050

Sire estaras del mont e ot venin morras.

A un an e .viii. meis em Babil. iras;

Mais ert dunques entrez quan tu i pervendras,

Ne ja ultra lo meis un sol jor ne vivras."

Li reis ot de sa mort si tint lo chep en bas,

3055

Fremist e devint ners e de paor fu quas,

Ne pot ester en pez, si fu de paor las.

Si compagnon funt dol e descirent lor dras

Ne n'i volsisant estra por tot l'or de Baldas.

238

La nuit jut Alix., molt fu grans la freidors,

3060

Au matin per som l'aube comença la chalors.

Quant li rais de sollel fiert per les rais l'ardors,

La voiz qui est des arbres a dit au rei au cors:

"Ta mere fist ton pere hontes e desonors,

De laida mort morra ne n'i ert dols ni plors,

3065

Tote descoloree charra en quarrafors,

Li oiseil de cel air la mangerunt e ors,

Ne la veirra cil hom cui n'en prenga paors.

Mas n'ira mie ensi a tes beles serors,

Anz serunt bones fennes e si prendront segnors

3070

Si lor porterunt fei e morrunt es honors.

Aristotes tis maistres, qui des sages est flors,

Icil sera tostens sur les autres doctors.

D'aler en ton païs te prent molt granz tendrors,

Je mais n'i enterras, vain est cesta dolçors;

3075

Ja ne verras de Grece les palais ne les tors,

Morras en Babiloine, zo ert aus teus dolors."

239

Quant li reis ot hoï lo respos del matin,

Tant que la lune luz atendi lo serin;

Quant il ot de la mort, si tint lo chef enclin.

3080

La voiz qui eist des arbres dist au rei en latin:

"Unques ne fus vencuz ne ne perdras ton brin.

A un an e .viii. meis as terme de ta fin,

Irais en Babil. sus el palais marbrin,

Cil o tu plus te fies t'ocirunt ot venin.

3085

Je ne t'en dirai plus, va t'en tot ton chemin,

Quar se ge te disoie de t(r)a mort lo trahin,

Tost m'en voldrïent mal li home del destin,

Ot mei s'en iraistrïent tuit li dé enfernin,

Quant destorné avreie per mon sermon devin

3090

Ce qu'il hunt atorné de tei e de ton lin."

240

Li reis s'en vait plorant e ses chivos detire,

Fremist e devint ners e remist come cire;

N'a home en sa compagne qui ait talant de rire.

Si home lo confortent si li prenent a dire

3095

C'om ne gahagne prou en corroz ne en ire:

"Mangez un petitet, ne vos chaut trop aflire,

Quar vos lo savez ben si l'avez ohit dire

Que de la mort n'eschape li meudres ne li pire;

Morz fu Adam meïsmes que Deus fist a sa tire;

3100

La morz au premer home nos deit estra martire.

Se vos savez lo terme, granz meuz vos en ert, sire,

Qu'or mandarez en Grece e sil farez escrire

E si ordenerez cum ert de vostra enpire."

Ce respont Alix.: "Dit m'avez grant remire."

241

3105

Alix. li reis vit ses barons plorer.

Por sa gent esbaudir se prist a conforter,

E a dit a ses homes: "Ces dol laissiez ester,

Ce n'est mie tes chouse que hom posche eschiver,

Quar tres per mé la mort nos covent a passer.

3110

Anz que venge li jors qu'avez ohi nommer

Serunt mort tel mil home qui or sunt bachaler,

Qui cudent en lor terres sain e saut retorner.

Asez i a grant terme por bon los achaptar,

Je mais ne finerai de terres conquester

3115

Trosque que ge m'oie segnor del mont clamer.

Ne por paor de mort ne larrai a aler

Se pendrai Babil. qu'ai tant ohi loër,

E si avrai la tor qui au cel dut fermer,

Ocirai lo serpent qui la cuda garder."

242

3120

Au matin mut li reis, enn Inde s'en retorne

Lai o Porus l'atent e tote l'oz sojorne,

Del grant dol fu afliz, e si home tuit morne.

Por ço qu'il lo vit triste, e de ren ne s'ahorne,

Entendit ben Porus, qui la teste ot auborne,

3125

Qu'il a ohi tel chose qui a nuil pro ne torne.

243

Quant Porus vit lo rei des dos arbres venir

E les pers conseller e maisnees colir,

A ceus qui s'en aloënt revit les feiz plevir,

Lo jor pensa li reis, la nuit ne pot durmir;

3130

Por ço que Alix. ne se volt esbaudir

Entendit ben Porus e li vint en aïr

Qu'il a molt grant paor de perdre o de morir.

Sos cel n'a fors lui home qui l'ousast envaïr

Ne qui mau li ousast ne damage tenir.

3135

Por ço qu'il l'aveit fait de batalle fuïr,

S'en cuda ben venger, se il s'en pot partir.

Qu'Alix. ne die qu'il lo voila traïr,

Por lo rei corrocer commença a messervir

E fait les Greceis batre(s) e ses homes laidir;

3140

E cil s'en vont clamer, qui nel poënt sufrir.

"Porus, fait Alix., vous me tu donc gurpir?

Ice que t'ai doné ne t'ai sonc de tolir,

Ne te voil de parole corrocer ne laidir;

Mas va, si te conbat se tei vent a plaisir."

3145

"Sire, ce li dist Porus, cest mot vol ge oïr;

Jusqu'a quatorce jors vos convent a sentir

Cum jo savrai de lance e d'espe[e] ferir."

Alix. respont cum hom de grant ahir:

"Guarda qu'au comencer le poises ben sofrir,

3150

Quar se jo te pois prendre, gel te quer si merir

Que trestuit cil del segle ne te porrunt garir."

244

"Porus, fait Alix., qu'est tis sens devenuz?

Ne te sovent il mie de l'aiqua de Caluz,

Que tu venis pognant, e li chans fu vencuz?

3155

Tu cudas estre morz e a f(r)orches penduz.

Por ço que tu fus humiles e de surparler muz

Fus tu lo[r]s de ta terre saisiz e revestuz

E fus ot tes prisons deslïez e renduz.

Tu desis a tes homes per tes des recreüz

3160

C'umques mais en cest segle ne fu tes do[n]s renduz.

Or va, si te conbat, ro[m]puz est li festuz,

Je mais ne t'amerai ne ne seras mis druz.

Se te trois em batalle, morz es e confunduz,

Ja ne te garira ni aubers ni escuz

3165

Que deci aus arçons ne seies porfenduz."

245

Ores s'en torne Porus, mal est partiz del rei;

Tote somunt sa terre e met el tel esfrei

Qu'il en jura ses des e son cors e sa lei

3170

Qu'en Inde fautiame mal en remandrunt trei

Qui poschent porter armes ne qui cegnent baudrei.

Ne laira por mal pas ne por autre desrei

Qu'antra Inde e les desers ne se mete el chaumei;

O il o Alix. i sera pris au brei.

3175

246

Porus somont sa terre tant esforceament

Qu'il en jure le cel e tot quant i apent

N'a si lunctan ami ne si protchan parent,

Se il ne vent a lui ot grant esforçament,

3180

Que il nel face pendre e ventoler au vent.

Li aubalester furent .xxx. mile e .vii. cent,

Unques Deus ne fist home qui numbrast l'autre gent.

Seixanta chivalers des mellors d'Inde prent,

Envie a Alix., sa terre li defent,

3185

E dist que mais n'i entra, ne n'i prenge nïent,

Que s'il le trove enz tant cum uns ars destent,

Ja anz n'enn istra fors qu'il lo fera dolent.

Alix. l'ohi parler si ferament,

A malvais se tendra se il ne s'en repent.

3190

247

"Porus, fait Alix., or es en ta contree,

Asez m'as menacé e ta terre vehee,

Orgoil e grant folie as faite e purpensee.

Vez tu lai ma maisnee qui si est redotee?

3195

Tota la genz del mont n'avreit vers li duree,

Tu l'as ja per dos fez en batalle esprovee.

Cil qui ren n'unt forfait por qu'en prendront colee?

Combatons nos ensembla cors e cors en la pree,

E se tu me poz veintre o conq[ue]rre ot t'espee,

3200

Une fin te dirai qui t'ert aseüree:

Mi home s'en irunt tuit quite en lor contree,

N'en porterunt del teu que valle une denree;

E se ge te pois ventre, ja ai ta terre donee."

"Per fei, ce li dist Porus, anz l'avreiz comparee.

3205

Cesta fins que vos dites se m'est aseüree,

Je mais cesta batalle ne sera trestornee."

248

De la batalle faire l'aseüre li reis.

Porus s'en est armez, veiant toz les Greceis;

Il vesti une brogne safree de cher pris,

3210

Li pan e la ventalle sunt a or espaneis,

Eu cercle de sun elme sunt entallé li meis;

Li orles de l'escu fu d'un licor mareis,

Dedeors fu letrez e dedens fu toz ners,

En la plus aute bende ot peint un basoneis;

3215

Il lo pent a son col per la guige d'orfreis,

De pleine terre saut el destrer espaneis.

Quant se fu eslaisez, de ce fist que corteis

Qu'il escrie s'ensegne quatra feiz en indeis.

249

Alix. s'adobe a guisa de vasal;

3220

Il vesti une brogne, anc hom ne vit ital,

Ne crent que negune arme per mi li faça mal.

El cercle de sun elme sunt molt cher li esmal

E ot dos escharboncles dedesoz le nasal.

Sun escu a son col, salli en Bucifal,

3225

Prist un espé trenchant ot la hansta pognal

E encontra Porus brochant tot un egal.

Quant il le vit venir, si l'atent a estal.

Li reis lo dut ferir a la guise mortal,

Que la brogne li trenche lez la veine organal;

3230

Rumpent les (l)estriveres e cengles e pitral.

Tote pleine sa lance l'eslugne del chival.

Toz jonz s'en passa oltra si fist lo tor reial.

250

Anceis que il se seit arere repairez,

S'es Porus sus levez en estant sur ses pez.

3235

De ren n'est Alix. desjonz ne dessuiez,

O que il veit Porun vers lui s'est elaissiez.

Quant il lo veit venir, forment s'est esmaiez,

A une part se trait, quar el col est blecez.

Alix. l'escrie: "En perdons ganchissez,

3240

C'onques ne fu encores geldons per mei tochez."

Coment Porus l'ohit, vers lui s'est adreizez

E a a Bucifal les dos jarrez tranchez;

Li chivaus chet a terre, li reis vint sur les pez.

De zo fu Alix. corrozos e irez.

251

3245

Per zo s'il fu a terre e sis chivaus cheüz

Ne fu mie li reis recreanz ne vencuz.

Li maus talanz l'argüe, sore li est corruz;

Alix. l'ahaste qui molt est irascuz,

Sun escu li detranche, qui est a or batuz;

3250

A mont lo fert en l'eume, qui est forz e aguz,

Les bendes en confunt, li cercles est ronpuz.

Quatre plaies li fait, ben fu en char feruz;

Ja chaïst a la terre pasmez e estenduz

Quant il fu per lo rei surpoëz e tenuz;

3255

Pois li rendi l'espee si s'est clamez vencuz.

252

"Porus, rait Alix., molt fus(t) ja mis privez,

Tis cors e tis avers me fu abandonez,

E se tu ne te fuses de m'amor desevrez,

Le dons de Babil. te fust ores donez.

3260

Quar tu es or vencuz, recreanz e matez,

Te donrai un respit per ostages livrez;

Quant tu seras gariz e trestoz respassez,

Que tu venges en champ sur ton chival armez."

"Sire, ce li dist Porus, malament soi nafrez.

3265

Per la vostre merci a mes homes m'alez,

De ceus qui vos plaira .xxx. o vint en prenez."

Meïsmes Alix. les y a amenez;

Cum il les li ot toz per ostages livrez,

Li reis remest el champ e cil en fu portez.

253

3270

La nuit vint, Alix. iloc se herberja,

Sun chival vit morir, molt forment l'en pe(n)sa.

A s'espee meïsme lo cuir en detrencha,

Anc vilains de la terre mie n'enn escorcha;

Une fose fist faire, molt prefunt l'enterra.

3275

Une cipté comence, de haut mur la funda,

Trosqu'ela fu poblee, unques ne la laisa;

Alix. l'apela templum Bucifala.

254

Porus s'en fait porter a sun meillor repaire,

Mire ot a son talent, corteis e debonaire,

3280

Tele poisun li done qui lo cors li esclaire.

En .xx. jors fu plus sains que faus qui gurpis s'aire

E sot de la batalle que ne s'en pot estraire.

En sun espé trenchant fist une hanste faire

Une teise plus lungue que cele au rei nen eire;

3285

Per ço li cuide ben l'arme del cors fors traire.

255

Or fu gariz Porus, mire ot a sun talant.

Por ço que Alix. l'aveit fait recreant,

Vergogne ot vers ses homes, si se va reponant.

Per quatre chivalers e per son drogomant

3290

A mandé Alix. selunc son covenant

Prez est de la batalle, mas que lo jor li mant.

Li reis manda Aristé, cil li vint dedevant,

Tote Inde li dona deci qu'en Oriant

E l'ai(n)gue e la trelle e la richese grant.

3295

Aus mesatgers se torna si lor dist en riant:

"Ore me dites Porun que tot a son vivant

Ai donee sa terre Aristé per mon gant.

Se lo matin n'est ci per som l'auba parant,

Si ostage n'avront per lui pou de garant;

3300

Venger voil Bucifal ot m'espee tranchant."

256

Li mesatge s'en tornent, arere sunt venu,

De quanque il oïrent ne li unt mot teü:

"Alix. te mande e jure quanc que fu,

Se le matin n'es lai, ben avra coneü

3305

Que li ostage sunt del tot encorreü.

Veiant nos a donee ta terra a un seu dru."

"Sire Deus, ce dist Porus, cum m'as desconeü!

Ja m'a dos fez chaicé e cor a cors vencu.

Il a dreit, per ma fei, zo lor a respondu,

3310

Mas si li dé me salvent ma force e ma vertu,

Anz avra Alix. l'escu frait e fendu

Qu'il ait la terre quite que tant jors ai tenu."

257

Per main se leve Porus, molt per ot grant paor;

Trop crent aver tarde, de zo fu en error.

3315

Il a prises ses armes e monta el milsoldor,

Vint au tres Alix., lo rei macedonor.

"Reis, ce li dist Porus, or entent ma clamor,

Es desers te menai a joie e a baudor,

Volenters te servie e teneie a segnor;

3320

Si ne m'en parti mie a lei de traïtor,

Quant tu me desfias e gurpis de t'amor.

Ot tei m'ont encusé li teu losengeor.

Or as fait ta largece e fait don de m'onor;

Unques ne prisas tant ne mei ne ma valor

3325

Que ne l'aies donee a un teu vavasor.

Cun plus sert hom maint home de ce l'a hom peior,

E ge de tot en tot me teng au noallor

Quar Hunc deignai servir a fil d'enchantaor.

Or vai si prent tes armes, ge soi prez de l'estor."

258

3330

Ferement a Porus lo rrei araisoné

Qui fil d'enchanteor l'a son oiant clamé.

Li reis escolta tot, negun mot n'a soné.

De merveilloses armes a son cors conreé;

Il vesti sun auberc, latce l'elme listé

3335

E fist metre sa sele el destrier Tholomé;

La crope ot tote neire e toit vair lo costé,

Les espalles vermelles e tot lo cors teulé,

De blanc e de vermeil per los antrameslé.

Alix. i munta per l'estrés nïelé;

3340

O que il veit Porun si l'a araisoné:

"Porus, fait Alix., ge te teng por desvé.

L'autr'er te combatis ot mei en champ malé;

Quant ge t'oi abatu e enz el cors nafré,

Se lors te contenisses a lei d'ome sené,

3345

Que mon chival n'oüses toché ne adesé,

Lo don de Babiloine t'oüse ores doné.

Quant venis oi ici, tot l'avie en pensé;

Se merci me criases, tot te fust perdoné.

Or m'as molt grant lait dit; sez que as conquesté?

3350

Ne te lareie vivre tant que fus[t] avespré

Por trestot l'or del segle, tant t'ai colli en hé."

"Sire, ce li dist Porus, tot zo laisez, per Dé;

Ja en quanque vos dites n'avra ren conquesté.

Vez me ci de batalle garni e conreé,

3355

Mi ostaige sunt quite del sairament juré."

Il brochent les destrers quant se sunt desfïé.

Porus ot lunge lance, lo rei a enversé.

Anceis qu'il fust a terre, l'unt cil d'Inde uhé.

Alix. salli a pé en mi lo pré

3360

E vit que Porus ot le pennil esnüé.

Ot does mains lo fert de l'espé nïelé,

Qu'anbedui li coltel li sunt el cors colé;

Tote pleine sa lance l'a mort acravanté.

L'arme s'en est alee, li oil li sunt torné.

3365

E cil d'Inde e de Baustres sunt au cors asemblé;

Meïsmes Alix. l'a forment recreté

E de chivalerie e preisé e löé.

259

Li cors gist a la terre, li reis pas nel gurpi.

Por ço qu'il lo saveit coratjos e hardi,

3370

Une tel sepultura li funda e basti

Trosqu'a la fin del segle nen ert mise en ob[l]i.

Une cité commence, de haut mur la fundi,

Trosqu'ele fu poblee anceis ne la gurpi;

Li païsan l'apelent Alix. Pori.

260

3375

Li baron de la terre, li prince e li chasé,

Anceis qu'il s'en tomassent vindrent a Aristé;

De lui prenent lor terres, si li funt feelté.

Li reis les ama mult ses tint en grant cherté;

Por ço que il unt faite tote sa volenté,

3380

Lor a de sun avoir molt largement doné.

Cil prenent lo congé si s'en sunt retorné,

De lor segnor se partent per grant humilité.

261

Li reis vent des dos arbres, c'om apele d'Ibroine,

Qui unt dit qu'il mora per venin ot siphoine.

3385

Ses letres saelees envie a testimoine

A Divinuspater de Tire e de Sidoine,

Il e Antipater, li filz au vel Cydroine,

Que ne laissen por ren ne por negune essoine

Qu'a un an e un jor vengent en Babiloine,

3390

Se verrunt la richeise que meine por lo troine;

Il n'a en sa compagne si petite persoine

N'ait de fin or batuz toz les panz de sa broine;

Tant y a esmeraudes e peres de Sydoine

Qui valent lo tresor lo duc d'Escalidoine.

262

3395

Quant Divinuspater a veü lo sael,

Del dol e de l'angoise descire sun mantel;

Il apela Antipatre si li tent lo cartel.

Qua[n]c il conut les letres, ne li fu mie bel,

Si estreing son poin destre qu'il froisse son anel.

3400

Or plorent ambedui come petit tosel:

"Tant com nos fumes jovne meschin e jovencel,

Avions nos desduit e tot nostre avel;

Ores quant somes veil si devendrons apel.

Se il vit longement, ne nos ert mie bel.

3405

Ot venin l'ocions o mortrons am coltel;

S'auques vit Alix., tuit devendrons mesel.

Se l'aluns persiuant de chastel en chastel,

Dunc somes nos plus vil que fennes de bordel."

263

Dist Divinuspater: "Ciz reis nos tent por fos;

3410

Per ses letres nos mande, qui sunt faites an ros,

Qu'alons en Babiloine, dun reis esteit Minos,

Si verruns la richeise dunt si home sunt os."

"Sire, dist Antipatres, quar li tornons les dos."

Dist Divinuspater: "Por un poi ne vos jos.

3415

O estereit li hom tant hardi ne si os

Qui une sole nuit nos tenist vers sun cors?

Dunc n'a il tot lo munda dedenz sun poin enclos?

Ot venin l'ociom si estencdrons sun los,

De toz ses mandamenz seromes pois asos."

264

3420

Quant sevent li dui serf que pas ne remandrunt,

Oëz cum grant mervelle e quel peché i funt:

Lo venin apparellent de que il l'ocirunt.

Lendeman sunt meü, em Babiloine en vont.

265

3425

Per trestotes les terres est la novele alee

Que fi home Alix. unt itel destinee

Que sos cel n'à cipté de si haut mur rasee

Quis contretenist pas une bref matinee.

Il est [tels] per son cors, ce est vertez provee,

3430

C'un chivaler armé trancha tot ot s'espee.

Candaice la reïne en ot la renommee,

Tant l'aime en sun cur tote en est trespenijee;

Ne set cum i parout ne com seit sa privee,

Quar s'ele vait a lui, crent qu'ele'n seit (molt) blasmee,

3435

E se ele lo mande, ço semblera ponnee.

Del meillor or d'Araibe li enveie chargee,

De pailes orfresez une mule trasee.

Cil qui lo present meinent la li unt si loëe

Que li reis l'ama molt, si l'a aseüree

3440

Ja mais ne perdra terre tant cum il cegne espee.

Li mesatge s'en vont, lor raison unt contee

Que li reis l'aime plus que fenne qui seit nee.

"E! Deus, dist la reïne, cum soi boneüree,

Per lo men escïent li deu m'unt vesitee."

266

3445

Des riches dras de seie d'Inde superior

E de ceus de Nubie charga un milsoldor;

Un ensegne de paile e paroles d'amor

Tot tramet (Tholomé) Alix., lo rei macedonor;

E tramés ot les mes Epilas son penctor.

3450

Pree li e comande qu'a consel celeor

De la senblance au rei li escriva la flor.

Itant com il fu lai, a molt riche sojor

E a fait un emage de groise e de lungor

Trestot a la semblance au rei macedonor;

3455

La semblance de lui a fait de tel color

Quar qui verra l'image mal sera en error

De conoistra Alix. sens autra mostreor.

E quant il l'ot formee, vait s'en a grant paor

Tot dreit a la reïne ab la frescha color.

3460

La dame lo reçult e porta grant honor.

Celui qui fist l'image dona por son labor

Lx. livres d'or e destrer milsoldor.

267

La gent de cele terre e de l'Inde sertine

A l'esue de mai aveient un termine

3465

O asembloënt tuit el chef d'une gaudine.

Faseient un servisa, chascuns lunc son covine,

A une lor deese que apelent Lucine.

Candeolus i vait, li filz a la reïne,

E mene ot li sa fenne, qui fu jovne meschine,

3470

E .xxx. chivaler que aveit de s'orine.

En mi sa veie encontra lo duc de Palatine

Ot .vii.c. chivaler de sa gent brevetine.

Il vit la dame gente, si lor tol per rapine,

Que tot li descira sun pelliçon hermine;

3475

O ele valle o non, per force l'en traïne.

Candeolus o veit, de vergogne s'encline;

N'ot arme que s'espee, qui ert a or sarcine,

Ja en fendist lo duc deci qu'en la peitrine

Quant il se lait chaïr desoz un aubespine;

3480

Lo chival o il set trancha per mi l'eschina.

Candeolus s'en fuit per mi la desertine;

Se de son cors garir ne prent ore mecine,

Il estara penduz el chep de la sapine.

Fuiant s'en vait molt tost tres per mi la gaudine,

3485

Trosqu'au tref Alix. ne cesse ne ne fine.

268

Joste lo tref reial une aucube ot tendue

Qui fu de polpra inde e letree menue,

Li entree devant fu tote a or batue.

Lai s'asist Thol. si tent s'espee nue,

3490

De barons chivaler fu la place vestue.

Candeolus i vint por le gent qu'ot veüe,

Pensa fust Alix., come rei lo salue.

Thol. come reis li a raison rendue:

"Amis, que as, que quers, ques peine t'est creüe?"

3495

"Sire, dist li valez, a te venc por ahue.

Le dus de Paletine m'a ma feme tolue;

Se tu ne la me renz, a toz jors l'ai perdue;

E soi filz la reïne qu'om dit que est ta drue."

Thol. li respont: "Granz coite t'est creüe,

3500

Or en prendrai consel quant ma genz ert venue."

Pois manda Alix., sun dreit nun li remue,

Antigonun l'apele a la teste crenue.

269

"Antigoné, fait il, oies, a mei entent:

Quar socors cest vaslet, je t'em pri dolcement.

3505

Li dus de Palatine lo meine malement,

Que sa fenne li tolt e mie ne l'en rent;

Merci me crie e plore tant doloirosement,

E est filz la reïne qui me fist lo present.

Conseil t'en voil requerre, or me di tton talent."

3510

Li reis li respondi molt aceptablement:

"Cil qui merci te crie il est de bel jovent,

Molt per avras dur cur, si pité ne t'en prent."

Thol. li respont: "Or oi ben o zo pent.

Tu meïsmes i vai, tant meine de ma gent

3515

Que sa fenne li rendes si li dus la content.

Ja mal te veirai mais per nuil requerement

S'il nen a sa moller e lo dreit qui apent,

Li dus sia penduz e presentez au vent."

E li reis li respont: "Vostra commandament."

270

3520

Antigonus s'en torne, vint a Candeolon:

"Candeolé, fai[t] il, va t'en a ta maison

E si ameine ot tei si tu as nuil baron

E si me di lo lo o nos asembleron.

Ot muls e ot chameus noz enginz porteron,

3525

Escheles pleeïces e berfreis angloon.

Pois que seruns monté, ja mais ne finaron

Trosque soz Palatine el saucei desendron;

N'i a si haute tor per force ne pregnon."

Li vaslez li respont: "A Dé beneïçon."

3530

Trestot dreit a sa mere s'en vait a esperon.

271

La reïn[e] est aus estres, mas ne erent que trei,

E a choisi sun fil, qui vent a grant esfrei.

Ele li va encontra si lo prist per lo dei:

"Dunt venez vos, beus filz?" "Dama, ge vein del rei.

3535

Antigonun me charge e si me dit por quei.

Pois que sera montez, plevi en a sa fei,

Je mais ne gorpiré l'estref del palafrei

Trosque soz Palatine desendrons el saucei."

272

La reïne fu lee e meine joie grant.

3540

Un chivaler apele corteis e avenant,

Sun mesatge li charge, e cil s'en vait riant;

Cuvertures ot vaires por lo chival ferrant,

Por ses armes porter vont ot lui dui enfant,

Tot dreitement vers l'ost s'en vait esperonant.

3545

Li reis e Thol. s'aloënt desduient,

Lo mesatge a la dame aloënt conoisant

E quant il l'unt choisi, si li vont demandant:

"Amis, dunt venez vos, e que alez querant?"

"Sire, dist li mesatges, Antigonun demant,

3550

Prez soi de lui conduire trestot a son talant."

Alix. respont: "Aiez pais a itant.

Je soi Antigonus, ja mal iras avant."

Thol. s'en retorne desur un mul ferrant

E va per les herberges les barons somonant.

3555

Cinquanta mili homes ardiz e combatant

S'en issirent des lotges anz lo ssollel levant;

Li mesatges les guie dreit a Roche Pendant.

Lai est Candeolus, quis alot atendant,

E quant il les choisist, molt ot sun cors joant.

3560

Per lo chef d'une landa les va si adreizant

Que Palatine vindrent anz lo solel colchant,

Decendent en un pré si s'en vont herberjant.

273

Quant furent decendu el pré sur lo rivatge,

Li reis mande lo duc per un corteis mesatge,

3565

E quant il fu venuz, si li dist son coratge:

"Alix. te manda, e fait de mei mesatge,

Vez lo fil la reïne qui es corteise e sage

Que li rendes sa fenne e fait dreit de l'oltrage,

Quar se autrui moller vous tenir en putage,

3570

Iço est granz merveille e orgolz e forz rage.

E se tu ne la renz, ge te ferai damage;

Mis sires m'a mandé e somos per homage

Que arda ta cipté e funde ton estage

E te pende a la porte, veiant tot ton barnage."

3575

E li dus li respont: "Or oi molt grant folage

Que ge rende la dame qui lo cors m'asoage;

Certes ne la rendreie por la cit de Cartage.

Je ne tenc d'Alix. valissent un fromage.

Dahaz ait ja por lui enpleiera sun gatge."

3580

274

Alix. li dist: "Or te mande mis sire:

Si tu autrui mollier retens en adultire,

Dunc n'es tu pas lïaus, il lo me rova dire.

Quant jo tornai de lui, en mes bres fist escrire

3585

Seixanta mili homes del meuz de son enpire.

Anceis que il seit nuiz, te cuit jo si aflire

Que tes granz tors de marbre ard[r]ont plus cler que cire

E tei e toz tes homes livrerai a martire,

Ja n'en eschapera li meudres ne li pire."

3590

Li dus ot lo menace, de maltalant sospire,

Il comparra encui ce qu'il respont per ire.

275

"Par Deu, ce dist li dus, asset me tens por nice;

Tis sire me menace e forment me laidice.

Il a la lei au chen qui les autres pellice;

3595

Quant il trove mastin qui vers lui se herice,

Met coe antre chambes si groing com hom l'aïce.

Ma citez n'es pas clouse de verge ne de clice,

Mas de bone chauz blanche e de pere yoltice.

E li reis dit que rende ze qu'au cur m'es espice;

3600

Dahaz ait ja por lui se metra en jostice,

Ne lui ne sa menace ne pris un fil de licce."

276

Or s'en torne li dus, molt forment irascuz,

Tot dreit a sa cipté en est pognant venuz;

Encors n'esteit il mie au perron decenduz;

3605

Il esgarda dereire si cum il er[t] venuz,

Veit les engins dreicez e les befreis tenduz,

Le foc greceis que getent as chivalers grenuz,

Les hautes tors de pere ardent plus cler que fuz.

Dunc dist a sei meïsme: "Morz soi e confunduz."

3610

Il est alez avant vergoignos e toz muz

E a prisa la dama, dunt li maus est meüz,

E livre les ostages que li drez ert seüz.

Antigonus respont: "Tu es trop tart venuz;

Quant ta ciptez ert arse e li palais funduz

3615

E la roube fors traite e li avers perduz,

Se Candeolus volt si seras tu penduz."

Come li dus l'entent, molt s'en es irascuz,

Fremis e devint ners e de parler fu muz,

Del dol e de l'angoise a ses draps derompuz.

3620

Arimodés lo garde, qui est ferranz crenuz.

Li reis s'en est tornez, e cil remés toz nuz.

277

Quant la cité fu arse, fundue e enbrasee,

Li reis s'en esit fors, sa testa a desarmee.

A une des estaches o la porte ert fermee

3625

A fait pendre lo duc qui la dame ot robee.

Candeolun apele si li rent s'esposee

E l'aveir e la preie, tota li a donee.

"Candeolé, fait il, vai t'en en ta contree,

Si en meine l'aveir e condui t'esposee."

3630

Li vasaus li respont raison abandonee:

"Anceis irai au rei qui la m'a delivree.

Quant l'onors ne pot estra per mei gueherdonee,

Si l'en merciarai que nel tenge a ponnee."

Alix. respont: "Ce me plaist e agree."

278

3635

Un chivaler envie en l'ost por Tholomé,

E cil y est venuz desur un neir corné;

El chef d'une montagne se sunt antracontré,

Come rei lo salue si li a demandé:

"Que quert Candeolus? porque l'as amené?"

3640

E li reis li respont: "De tote la cipté

Sunt li palais fundu e li mur eströé

E la roube fors traite e empli li fossé,

E del duc a dreiture selunc sa volenté."

Thol. li respont: "Ben m'as servi en gré,

3645

Ja ne verras un meis que t'ert gueherdoné."

279

Tholomé desendi desur l'erbe menue

Sur la rive de l'aiqua lez une roche agüe.

"Candeole, fait il, quan ta fenne as oüe,

Va t'en a la reïne, de ma part la salue,

3650

Si li di c'une feis la vol aveir veüe."

Li vaslez li respont raison aperceüe:

"S'or i volez venir, ja'n avrez bone aüe,

Je vos i conduirai les plains de Valcrenue,

Ne troverez mal pas ne grant aigue creüe;

3655

De pailes orfresez est la chambre vestue

O se set la reïne, qui pas n'est esperdue;

D'anor e de richeise conois tant vostra drue

L'onors que m'avez faite vos sera ben rendue."

Tol. li respont: "Molt l'ai poi coneüe,

3660

Amors de riche dame change tos e remue;

Se ge i ere alez que l'eüse veüe,

Por mei torner arere direit une treslue."

280

"Candeolé, fait il, cui porrai envier?

Si ge envi ot tei un autre chivaler,

3665

Forz sera a conoistra e gres a acointer;

Antigonus y a ut, cil qui ot tei fu er;

Por zo qu'il t'ahia, si l'en avras plus cher,

Si l'en aconduiras se il en a mester."

Candeolus respont: "N'i avons que targer."

281

3670

Antigonus monta desur un palefrei,

La sele e li lorrains fu Salamont au rei;

Xx.v. chivalers mena ensemble ot sei,

E cil les en conduist les plans de Valsecrei.

"Alez seürement, n'en aiez point d'esfrei,

3675

Quar la terre est seüre e li home sunt quoi,

N'i a nuil qui ne tenge de ma merre e de mei.

Je m'en irai avant por faire lo conrei."

Antigonus respont: "Amis, e ge l'outrei."

282

Candeolus chivauge les plains de Valcremiz,

3680

Decent en la cipté, monta el palais voltiz.

"Beus filz, ce dist la mere, molt venez eschariz.

Que fait li meudres reis qui unques fust escriz?"

"A la meia fei, dame, lez est e esbaudiz.

Un mesatger vos manda, si sera li jors diz

3685

Que parlerez ot ui, ja n'enn ert pris respiz:

Antigonus a nom, li meuz amaneviz

Qui unques veïst d'ollz Persanz ne Arabiz;

N'a quatre chivalers en les vaus de Creniz,

Tant seient armé d'armes ne de aubers tresliz,

3690

Se il esteit antr'eus de ses armes garniz,

Qu'ains nes aüst toz morz que per eus fust saisiz.

Il fundi Palatine deci qu'en la raïz

E me fist dreit del duc, qu'il pendi au postiz.

Ne l'aiez vos pas vil por ço qu'il est petiz."

3695

"Beus fiz, dist la reïne, ben estera serviz,

Ja de ren qu'il demant ne sera escondiz."

283

La reïne oït dire qu'Antigonus veneit,

Ela li va encontra tant tost cum il lo vit,

Antigonum l'apela, per la main lo preneit

3700

Silo meine en la chambre o la peinture esteit.

284

"Sire, ce dist la dame, ne te merveiller mie

Se une gentis dama a t'amor envahie.

Ves tu lai cel ymage qui por tei fu bastie?

Ja ne troverai home qui zo a dreit ne die

3705

Que tu es Alix., qui tot lo mont soplie;

Quant tu vers mei te celes, molt fait grant vilanie."

Quant Alix. l'ot, n'a talant que il rie

E dist une parole qui molt ben fu oïe:

"Quant m'espee laisai, molt per fis grant folie,

3710

Quar si la tenise ores, n'en portases la vie."

Quant la dama l'entent, molt s'est espaorie,

A la terre li chet, merci li prie e crie;

Ço qu'amors li fait faire ne tenge a vilanie.

285

"Sire, dist la reïne, tu n'es ne reis ni dus;

3715

Se tu fenis senz er(t), e! Des, tant male fus.

Nulla rens ne nos veit, ci somes en reclus;

Preisee suie riche e d'une ren m'escus

Qu'il n'a si bele fenne trosqu'aus bones Artus.

De ta volonté faire nulla ren ne refus;

3720

S'en remaine enceinte, per Deu qui es lai sus

De la gloire del mont ne querrie aver plus.

Mei sies Alix., quar ge nel savra nus,

E a trestoz les autres seies Antigonus.

Si ge ne di lo fait, por ecço m'en escus

3725

Que les oscurres chouses sunt de l'estoire jus."

286

Uns des filz la reïne, sa mendre porteüre,

Est entrez en l'ainchambre, dit a sa mere e jure

Per ço est Alix., qui les reis desdreiture:

"Il a mort mon segnor per grant mesaventure,

3730

Lo pere a ma moller qui en a grant ardure;

Doné a sun rëaume e m'en tolt la dreiture.

Des que nos l'avons ci soz nostre claveüre,

Dama, quar l'ocions, que bien sereit mesure."

La reïne respont: "Tais te, foleteüre!

3735

Ce n'est mie Alix., g'en soi tote seüre.

Antigonus a nom, nez est d'Estremeüre.

Li reis lo m'a tramis que li envi ma mule.

Ja fu il ot ton frere en la desconfiture

E li rendi sa fenne e fist del duc dreiture."

3740

"Dame, ce dit li enfes, per tote creature

Iço est Alix., si cum dit la peinture.

Venger voil mon segnor e mei de ma dreiture

Que il me fait del regne qu'i[l] a mon sogre fure."

La reïne li dist: "Tais te, foleteüre!

3745

Se Antigonus t'ot, fait[e] est t'atorneüre;

Se il ne pot trover ne mas que ta centure,

Se te pendra il ja a bele lateüre.

Tu nen avras ja sen, fous seras per nature;

Por zo que lo resembla de la cheveleüre

3750

Cudes que il seit ço [de] corse d'estadure.

Unques neguns des des n'ot si grant desmesure

Que a si petit home donast del mont la cure."

Tot l'a torné del ver per cele cuverture.

287

"Ne me chaut, fait li enfes, se or est il o non,

3755

Que ben ai en talant qu'antre nos l'ocion,

Se savra ben li reis que nos pas ne l'amon."

"Veire, fait la reïne, a Dé malaïçon!

Li reis lo m'a tramis, si'n ferai trahison?

Fui, guarz, desure mei, n'ai son de ta raison;

3760

Les denz te peciase si tenisse un baston."

De sa paume li dona dejosta lo manton,

Desur sei l'a boté sil urte a l'estalon;

Plorant eis de la chambre si vint en la maison.

288

Pensive est la reïne e fu en grant freor

3765

Que li reis seit irez de son fil lo menor,

Pitosament li prie ot lermes e ot plor

Del vaslet qu'a oï li perduist la folor,

Quar se il nel faseit s'en sereit en error,

Qu'il fust de li partiz marriz e ot tristor.

3770

Quant'li reis vit les lermes, s'ot un poi de tendror

E dist a la reïne, qui fu de grant valor:

"Se il m'aveit peis dit e fait hunte grenor,

Tot sereit perdoné, dama, por vostra amor."

La reïne suspire per desus l'aumaçor,

3775

Tant dolcement le baise qu'il senti la chalor;

Ambedui unt ohu la veraie dolçor.

Pois eisent de la chambre el grant palais auçor;

Que ne s'en aperceivent, li a fait doble honor:

Tant cum poënt porter a un seu vavasor.

3780

"Antigoné, fait ele, ce donras ton segnor.

E tu, qui es mesatges, en avras por s'amor

Un mantel cenbelin de paile peint a flor;

E tuit ti compagnon serunt per lui mellor,

Chascuns avra dos pailes d'Inde superior.

3785

De zai venir a mei ne se meta en lavor,

Il n'i porreit parler, quar au chef ai dolor."

Antigonus respont dit de lausengeor :

"S'Alix. mis sire vos aveit a uxor,

Meuz avreit espleité que tuit si ancessor."

3790

Lores a pris congé si se met au retor.

Candeolus l'en guie les plains de Valgrenor;

Tol. lo rendi, lo riche pogneor,

Que il teneit ancore por rei macedonor,

Lores a pris congé si s'en vait a baudor.

289

3795

En son domeine tref est li reis decenduz.

Departi sunt li paile e toz li ors moluz

Que li aveit doné, que ne fust coneüz,

Candaice la reïne por ço qu'il ert sis druz.

Or aproisme li termes e li tens est venuz

3800

Que Babil. ert prise e li palais renduz

O il sera destruiz e sis grans lous perduz.

Li conseus de nuil home ne volt estra creüz;

Per nuils de ses barons ne pot estra tenuz

N'alast en Babiloine por mostrer ses vertuz;

3805

Por aler a la mort est au josdi moüz.

290

Anz que li reis moüst, a faita s'oraison

Dedenz sun tref de paile, dunt sunt d'or li fregnon

E les forches dedenz e defors li paison,

3810

Ne de fust ne de fer n'i a ren si d'or non.

Li reis en apela Tholomé e Clinçon;

Ot ces dos sunt venu li .xii. compagnon.

"Segnors, fait Alix., entendez ma reison.

Privé estes de mei e ben de ma meison,

3815

Unques des voz conseus no me vint si ben non,

Quar per vos teng jo quite terre promession,

La segnorie est mie trosqu'en Cafarnaon;

Per totes cestes terres n'a segnor si mei non,

Oi est venuz li jors qu'en avrez gaherdon.

3820

Ore venez avant si vos ferai gent don,

A chascuns un rëaume sens ire e sens tençon,

E si'n avrez les rentes, e quant nos revendron,

Si vos coronerai a la lei que tenon.

Alums en Babiloine, lo matin i movon;

3825

Une ren vos promet si prendre la poon:

Les tresors l'amiralt vos metrai a bandon,

Trestoz vos ferai riches, cui que pest o cui non;

Ne mais la povre gent e les borgeis gardon

Que ja per nos n'i perdent vallant un esperun.

3830

Se la ciptez est nostra, por que la destruiron?

Des aigues planteïves nos vendront li peison,

Des forez qui sunt larges avrons la veneison,

Une peze del tens nos i sojorneron."

"Sire, dïent si home, por Deu, quar en alon!

3835

Faites vostre plaisir, e nos l'otrïeron."

291

Per les herberges meinent grant joie e grant desduit

Quant oënt la novele, que per l'ost dïent tuit,

Qu'irunt en Babiloine aprés icele nuit.

L'eschargaita commande(nt) Dan Clin, le filz Quarduit;

3840

Il la fist richament ot ceus que il conduit,

Cinc cent chivaler furent, n'en fallirent que oit.

Per l'ost meinent grant rage e manjoënt lo froit;

Cil jogleor violent e font per l'ost grant bruit,

Plus de quatre loëes les ot hom ben, ço cuit.

3845

Tote la nuit menerent grant joie e desduit

Trosqu'a l'auba parant que li soleilz reluit.

292

Quant li soleils leva e li jors esclarci,

Dunc se levent en l'ost Macedonés e Gri,

E li reis Alix. se chauza e vesti;

3850

Quant fu apparellez, nel mist pas en obli,

S'oreison fist aus deus que li facent merci.

Per l'ost chargent soumers e si sunt ben garniz,

Quar il en unt esté autra feiz escharni

Quant il vindrent a Baustres en la terre Pori.

3855

En Babiloine en vont e movent au josdi.

Quant tuit furent monté e des lotges parti,

Li escüer i metent lo fo tot a un bri;

Pois chivaugent a joie les plains de Valgarni.

293

Quant Alix. mut, molt ot gente compagne,

3860

Licanor e Filote a commandé s'ensegne,

Li .xii. per chivaugent rengé per mé la plagne,

Uns païsans les guie, qui fu nez de Breagne;

Tot dreit vers Babiloine costeient la montagne.

Tant a or en lor frei[n]s d'Araibe e d'Espagne

3865

Plus de quatorce lees en reluist la champagne;

Qui a tel gent lo done il fait bone gahagne,

Qu'il ne trove chastel ne cipté qu'il ne fraigne

Ne hom si urgollos que per eus nos destregne;

Malvais urgol ne prise li reis une chastagne,

3870

A honte lo fait vivre qui servir ne li degne.

294

Si cum il ajornot e l'aube est esclarcie,

Tot dreit a l'amiraut est venuz un espie

Qui li dist que l'oz est a jornee e dimie.

"Coment, fait l'amiral, nel me celer tu mie,

3875

Di mei la verité si l'oz est ben garnie."

"Oïl, fait li mesatges, de tot bien replenie,

Que del vostre meïsme prenent la manentie,

Qu'il ne trovent nuil home qui de rien les desdie.

Alix. chivauge devant sa compagnie,

3880

Licanors e Philotes hunt s'ensegne enbailie,

Dan Clins e Thol. les chapdele e guie

E tuit li .xii. per, en qui li reis se fie."

"Per fei, dist l'amiranz, gel tenc a grant folie.

De quei cudent il vivre, fole genz esbaïe,

3885

Quant ma terre ert gastee e ma preie fuïe?

Si li dé me garissent ma grant chivalerie,

Ja ne verunt terz jor[s] que lor ferai sallie.

E ge pri a ma gent, que soëf ai norrie,

Ja huns n'en prenja autre qu'a ses mas ne l'ocie.

3890

N'ai cure de prison, n'en r[e]enbreie mie."

295

Quant l'amiranz entent qu'Alix. veneit,

Il a mandé ses homes on que nul en saveit.

Entrosqu'a la mer Roche, qui sun(t) regne cloeit,

Ne remant uns sous hom qui defensables seit

3895

Ne venge en Babiloine per force e per destreit.

Uns toz sous n'enn i vent l'amiranz ne conreit

E que il ne henort si cum il faire deit.

Li fossé sunt prifunt e li terrau tuit dreit,

Devant les barbescanes sunt li passatge estreit;

3900

Babiloine est si forz que nus hom ne la veit

Qui ne jur quanc que fu e les des o il creit

Que se tote la genz del monde l'aseeit,

Se sofraite de beivre o fans nes destreneit,

Trosqu'a la fin del segle per force ne l'avreit.

296

3905

Babiloine fu forz e l'amirauz fu fers

E ardiz e corteis e molt bons chivalers,

S'aveit en sa compagne tes .vii.c. soldaers

En cort o il fusant n'en ert uns losengers.

Un seneschal aveit qui n'ert pas pautoners,

3910

Nabusardant ot non, molt esteit bons guerrers;

Cil aime chivalers e honore e tent chers.

Babil. est si pleine que lai ens es celers

Funt les mareschaucies por colcher les destriers;

Li riche(s) home herbergent es tors e es solers.

3915

E la ciptez est riche de murs e de terrers;

Unques Deus ne fist home qu'il crement dos deners

Ne mas sol Alix., qui est toz costumers

Qu'il ne vent a cipté que n'asalla premers.

297

Babil. fu pleine de vin e de froment,

3920

De tote la richece qui a cors d'ome apent;

Qui ne l'a si la prent per tot comunament,

Quar l'amirauz o vole fist commandament.

Il apela a sei le rei de Ninivent,

A une part lo trait si li dist simplement:

3925

"Sire reis, quar me dites lo vostre esgardement.

Comment me contendrai vers issi faite gent?

Ben est que ge m'en tegne au vostra loëment."

Quant li reis l'entendi, si li dist bonement:

...............................................................................

3930

...............................................................................

...............................................................................

...............................................................................

...............................................................................

...............................................................................

3935

...............................................................................

...............................................................................

...............................................................................

...............................................................................

...............................................................................

298

3940

...............................................................................

...............................................................................

...............................................................................

...............................................................................

...............................................................................

3945

...............................................................................

...............................................................................

...............................................................................

...............................................................................

...............................................................................

3950

.................................................................................

...............................................................................

...............................................................................

...............................................................................

...............................................................................

3955

...............................................................................

...............................................................................

...............................................................................

...............................................................................

...............................................................................

3960

...............................................................................

299

...............................................................................

...............................................................................

...............................................................................

...............................................................................

3965

...............................................................................

...............................................................................

...............................................................................

...............................................................................

...............................................................................

3970

...............................................................................

...............................................................................

...............................................................................

...............................................................................

300

...............................................................................

3975

...............................................................................

...............................................................................

...............................................................................

...............................................................................

...............................................................................

3980

...............................................................................

"...............................................................................

Quar ren ne tenc de lui ne jarien n'en tendrai.

Si vol de mon aver, per amor l'en donrai,

E se il n'en volt prendre, ge m'en consirerai

3985

E si porra ben estre qu'a ses tres l'asaudrai.

E sapchen ben si home toz ceus que g'en prendrai

Au conseil de mes homes des cors me vengerai."

301

"Sire, fait li mesatges, jo preng congé a tei;

Je vei ici les dos qui irunt avoc mei:

3990

Lo duc de Pincenie e lo prince d'Alquei."

"Segnors, dist l'amirauz, alez a Dé tuit trei,

Ice vos voil preier que vos pensez de mei.

Alix. me dites trop me mena a beslei,

Que ma terre me gaste e met en tel esfrei.

3995

Cudereit me il prendre cum auselet ot brei?

Babiloine est si forz ne crent prince ne rei

Ne mas lo dé del cel, qui lo tot a soz sei."

Nabusardant a dit au mesatge en secrei:

"Dites a Thol. saluz que eu l'envei

4000

Por la premere joste que facce ensemble mei,

Encontrer me porra premeran el tornei."

Li mesatges respont: "Volenters per ma fei."

Li mesatge s'en tornent amblant per lo parrei,

Li porte[r]s li desferme la porte del ravei.

302

4005

Molt sunt corteis e satge e pro li mesatger,

L'amirauz n'i poüst treis mellors envier.

A l'issir des herberges trovent un latiner,

Lo tref lo rei demandent Alix. d'Aller.

"Segnor, ben lo vos sai, fait se cil, ensegner.

4010

Veez lai cel plus haut a cel aigle d'or mer,

Lai troverez lo rei desoz un oliver.

Jel vi or anz monter sur Vairun sun destrer,

Per lo men escïent, volt aler en giber;

Se parler y volez, ne avez que ester."

4015

Li mesatge l'entendent, pensent de l'espleiter,

S'encontrent Alix. soz l'umbre d'un lorer,

Oëz cum fait salut rendent a l'acointer:

"Cil Deus qui forma terre e Adam lo premer

E de la soe coste fist Eva sa moller

4020

Garischa l'amiraut e si doist encombrer

A toz ceus qui a tort lo volent guerreer.

Danz reis, il le vos manda, ne vos deit enuier,

Por issir de sa terre vos donra plus d'or mer

Que n'en porrunt porter cinquante e .vii. soumer;

4025

E se nel volez faire, ja celer nel vos quer,

L'amiranz vos desfie e tuit si chivaler.

Nabusardan vos manda, se volez torneier,

Envïez Tol. aus jostes comencer;

Molt volt ot lui joster, tant l'a hoï preser."

4030

Thol. li respont: "Molt l'en dei mercïer.

Les merziz l'en rendrai au brant tranchant d'acier,

Mon cors ne mon escu ja veer ne li quer."

"Segnors, fait Alix., n'ai suin de menacer,

Ja ne quer aus enfanz ranponner ne tencer.

4035

Oëz, segnors mesatges, que vos voil encharge:r:

L'amirant me direz, perjurer ne me quer,

Ja ne prendrai aver por la cité laiser.

Tant est forz Babiloine que m'i voil esprover;

Se prendre ne la pois, ne mi prez un dener.

4040

En cel palais plus haut me cuit faire sagner,

De ces meil lors vins veuz me farai aaisier

Entrosci que de Grece vendrant mi conseller.

Au consel de ceus dos en, voldrai espleiter,

Cil me ferunt la vile o tenir o laisser."

303

4045

Li mesatge se taisent e li reis a parlé:

"Segnors, fait Alix., vos m'avez desfïé

De part vostra amiral quil vos a commandé,

E ge redesfi lui, ja mal li er[t] celé;

Ben lo li devez dire, tant estes si privé."

4050

Li reis en apela Clinçon e Thalomé:

"Segnor franc chivaler, molt avez desiré

Aveer Babil. demain jusqu'au fosé.

Per matinet y seient vostre scuier armé,

Qui del pendre se feint ja ne veie il Dé."

4055

Cil li unt respondu: "La vostre volenté."

Li mesatge l'entendent, s'unt congé demandé;

Li reis dona chascun un esparver müé,

E il preirent congé, a tant s'en sunt torné

E venent a la vile lo galop e lo gré.

4060

La porte fu uverte e cil i su nt entré;

L'amiraut vait encontre si lor a demandé:

"Que respont Alix.? Laira sa foleté?

S'il asautra la vile, qu'en a il en pensé?"

"A la ma fé, sire (ainz), ainz a sage juré,

4065

E dit n'en tornera si avra la cité."

Nabuzardan demanda: "Que a dit Thol.?

Fera a mei la joste que jo li ai mandé?"

Li mesatges respont: "Molt vos en set bon gré."

La nuit vint, li jors faut, a tant sunt desevré;

4070

Gaites e eschaugaites sunt per lo mur monté,

Tote nuit se garderent, quar molt sunt esfreé;

A l'auba apairaisant sunt cil de l'ost monté.

Li ort e li verger sunt per force cassé.

Li reis vait en giber, ot lui sunt si privé.

304

4075

La ciptez fu asise a un mardi matin,

Pris sunt jusqu'a la porte li ort e li jardin;

Le tref lo rei domeine tendent vint Sarrazin,

Les cordes sunt de seie e li pomeus sardin,

E li treis fu d'orfreis, anc n'i ot ren de lin.

4080

Per l'ost crïent a vendre e pain e char e vin,

Dras de totes colors y aporten Hermin.

En l'ost unt tel richece c'um n'en set dire fin.

305

L'amiraus fu aus estres e sist aus fenestrés

E vit les pavellons tenduz lusanz e clers.

4085

A tant ec vos l'espie qui vient devers les Gres,

Qui li dist qu'Alix. est alez en gibers;

De zai gardent les tentes Dan Clins e Thol.,

E de l'autra part si a quatre des pers:

Licanors e Filotes, Perdicas e Listés.

4090

L'amiranz a juré e ses leis e ses des

Anceis que li reis vencha les asaudra aus tres

E derumpra les cordes e seiara les p(r)es

E metra contra terre e forches e frestrés.

306

Lo dreit a l'amirant en vindrent si baron,

4095

Il li unt demandé: "Sire, quel la feron?

Enfreci qu'a la porte venent li pavallon,

Faites la nos ovrir e si nos en istron."

L'amirant lor respont: "Per ma fei ne feron;

Veez vos ci devant Thol. e Cliçon,

4100

E sunt ensemble o eus li .xii. compagnon;

Si creire me volet, zai dedenz esteron.

Se nos ovrons la porte, ja mais ne la clorron,

Anz serions tuit pris per icesta achaison."

"Sire, dïent si home, beus est si l'otrion."

307

4105

L'amiranz est armez e ot ot lui sa gent,

E sa gelda lo set itant celeement

Que unques hom de l'ost une mie n'en sent.

Il fesisent aus tres tel envahisement

Ben en vausist la honte .c. mile mars d'argent,

4110

Se ne fust dan Philotes, a cui li reis s'atent,

C'est uns des doce pers o li ches de l'ost pent,

Qui s'en estuit essuz por esbaniament

E veit les gonfanons qui undeient a vent;

Aus tres s'en retorna, dist aus [s]eus belement:

4115

"Segnors, adobez vos e nel faites pas lent,

Quar l'amirauz chivauche vers nos ireement,

Il nos volt assallir, per lo men escïent.

L'asaut qu'il cuide faire e ço qu'il i atent,

Se nos lo poons metre a un torniament,

4120

Se il s'en vait sens perde molt per li sera gent."

308

Si dreit cum d'ambes parz se sunt antravenu

Li Gré levent lo cri e l'amiraus le hu.

Thol. ot la noise des tentes o il fu,

Antra lui e Clinçon i ssunt pognant venu.

4125

Nabuzardan les veit, unques tant lez ne fu,

Il fait ovrir la porte, li sen s'en sunt issu,

Enfreci qu'aus arberges ne se surit retenu.

Tel set cent pavallon i ffurent destendu

Li pires valeit bien .c. livres d'or molu,

4130

Chargé s'en vont de pailes cil qui i sunt venu.

Thol. vint premers e sist el vair crenu;

Nabuzardans le veit, qui l'a aparceü.

Tant cum li bon chival lor unt eslais(t) rendu

Lai o il s'antracontrent s'en sunt antrabatu.

4135

Thol. saut en pez cum hom de grant vertu,

Grant cop li vait doner sur sun helme agu,

Que les eises en trancha si l'a tot deronpu;

Si ne brisast l'espee, tot l'oüst perfendu.

Del trençon que il tint si l'a el vis feru,

4140

Un petit l'a naffré e lo grenon tondu.

Nabusardan s'esmaie del cop qu'a receü,

Volenters s'en alast si li fust consentu,

Mas Thol. lo prent, qui l'a reconeü;

Ne fust Salec d'Egipte, tot l'oüst retenu.

309

4145

Salec fu nez d'Egipte, fil lo rei Faraon;

Quant ot Nabusardant gari de la prison,

Pas ne se meschoisisent antre lui e Cliçon;

Tant cum li dui destrer les portent de randon,

Se ferent es escuz, o sunt pengt li lion;

4150

Ambedui s'antrabatent devant un pavallon.

Pois sallirent em pez ambedui li baron,

Ot les espees nues s'esmovent la tençon.

Dan Clins lo ferit ben a lei de chanpion,

Ot l'ausberc li trancha un pan del cisclaton

4155

E tot l'os de la cuise jusqu'au mestre breon.

Ne pot ester sur pez, anz chet sur lo sablon.

Salec crie merci e demande perdon,

Dit que porter l'en face el tenge en prison,

Quar molt est riches hom e de grant reençon.

4160

Dan Clis li demanda cumment il aveit non.

"J'ai non Salec d'Egipte, filz lo rei Faraon,

Ne por vos ne por autra ne celerai mon non;

Toz les tresors mon pere vos metrai a bandon."

"Amis, ce dit Dans Clins, molt me promez gent don,

4165

Tu n'i morras oi mais se per mes colpes non."

310

De cele part de l'ost o l'amiranz torneie

Anilac de Lalande de joster se desreie,

Vait ferir Licanort que sa lance peceie;

E Licanorz fert lui, qui de mort lo guerreie,

4170

L'escu li a fendue l'ausberc li peceie;

Josta lo cors li passe lo gonfanon de seie,

Tant cum l'aste li dure l'abat mort en la veie.

Uns danceus de l'Aresse del poindre s'amaneie,

Lo chival Anilac saisist per la correie;

4175

Au prest Dan Clin lo conte Licanors li otreie,

Que Dan Clins n'es pas tes que veer lo li deie.

311

Li donzeus s'en torna quant ot lo chival pris,

E vint dreit a Clinçon, qui ot Salec conquis.

Dan Clins lo veit venir sil comanda a treis Gris

4180

Qu'il le meinent au tref, quar si el'n estort vis

Teus hert li gueherdons que n'en sai dire pris.

Li damiseus l'esgarde si li a fait un ris,

Lo chival li presente, qui fu ners arrabis:

"Cest destrer vos enveie Licanors li gentis."

4185

Dan Clins li respondi: "Molt est beus, ce m'es vis."

Il li saut aus arçons, qu'a estref ne s'i pris,

La lance sur le feltre s'est tost es galos mis.

Lai o veit Licanort si li dis: "Beus amis,

Pognez seürement, ben poëz estra fis,

4190

Ja mais n'amerai home qui seit vostra enemis."

Uns druz a l'amiraut li vint en mi lo vis;

Dan Clins lo vait ferir com hom volenteïs,

Que tot l'escu li tranche e l'auberc a malmis,

Tant cum hanste li dure l'eslunge des estris.

312

4195

L'amiranz lo regarde se dist a un seu dru:

"A mia fei, amis, maus nos est avenu.

Maudiz seit ciz torneis quant il commencez fu,

Ren i ai gahagné e si ai molt perdu;

Se li deu me garisent ma force e ma vertu,

4200

Anceis que ge m'en alle m'i avrunt coneü."

Il fait dos cors soner e un graisle menu,

E cil de Babiloine sunt entor lui venu;

L'amirant laise corre per mé un champ erbu,

Vait ferir Thol. devant en sun escu,

4205

Que lui e lo chival a a terre abatu.

313

L'amirauz abati e lui e son destrer;

A icele rescose veïsez comencer

Un tornei merveillos tant perillos e fer,

Tanz escuz estroër, tantes hastes percer.

4210

E l'amiraus s'escrie: "Or avant, chivaler;

Se cestui ne pois prendre, ne me pris un dener."

Tol. i fust pris, quant sol .xx. chivaler

Li sorstrent des herberges e quatra vint archer

Qui traient tuit ensemble si les funt esmaier,

4215

O il vollent o non, lo lor estuit laiser.

Dan Clinz, li filz Carduit, li rendi sun destrer

E dist: "Ores montés, fil a franc chivaler.

Que disesa ja ore Alix. d'Ailer,

Mon segnor naturel, qui nos aime e ten chier?

4220

Si vos en pois mener, n'i quer plus gahagner."

314

Une joste i ot faite dunt tuit orent envie;

Eminedus li proz la fist per ahatie

Per son cors solement ot lo rei d'Elanie;

Dedevant toz ses homes requert chivalerie,

4225

E ot en sum braz destra une mange s'amie;

Quant li solleilz reluist, li ors i reflambie.

Amdui se vont ferir, l'uns l'autre n'i desfie,

Li escu ne lor valent une pome porrie,

Ambedui s'antrabatent en mi la praerie.

4230

Quant il furent a terre, ne s'aseürent mie;

Eminedus lo fert, qui fu duiz d'escremie,

L'espee li decent a la destra partie,

Lo poing li fait voler desus l'erbe florie.

Li reis se sent blecez, por Deu merci li crie;

4235

Il li a dit en aut raison amanevie:

"Merzi, francs chivalers, ne m'ocire tu mie,

Plus te donrai or fin e autre manentie

Que ne porreit porter per mer une galie."

Eminedus respont, quant li reis s'omelie:

4240

"Vos n'i morrez oi mais, si Des me beneïe."

Clinçons e Tol. l'unt livré a un mire

E si li prïunt molt de lui torner en vie,

Que mult es riches hom e de grant manentie.

Il respont volentiers, e cil les en mercie.

4245

Quant l'amiranz l'entent, s'a s'ensegne esbaudie,

Il fait soner ses cornz, si lung en vait l'oïe

Qu'Alix. l'entent d'une liue e dimie

O il ert en gibers ot dos faus de Rossie,

E a dit a ses homes: "Ne mecreez vos mie,

4250

Per lo men escïent, que l'oz est asallie.

Pognez, fran chivaler, que jo chaz a folie.".

315

Per lo torneiament vait pognant Rodoanz,

Frere fu l'amiral, soe fu Sarmaganz.

Li chivaus o il sist fu pomelez ferranz,

4255

E Aristé chivauge lo vair qui fu movanz.

Es escuz delor cous s'antradonent si granz

Que jus s'antrabaterent des bons chivaus corranz;

Quant il furent a terre, si s'acollent au branz.

Rodoanz fu lassez, quar armes ot pesan,

4260

E Aristé surporte un poi sis maus talanz;

Ja en preïst la teste, si ne fust uns serganz

Qui per mi lo braz destra lo ferit a un lanz.

Si nafrez cum il est, lo saisist aus pendanz,

A estros l'en menast, si ne fust l'amiranz.

316

4265

Per son frere rescorre vint pognant Nabuzorz,

A estros l'escosist, si ne fust Licanorz,

Qui sist au chival neir qui vint d'oltra les porz;

Tel li done en l'escu, qui fu peinz a Morz,

Contra mont vont les chambes e a terre li corz,

4270

Li ches ot trestot l'eume est el sablon reporz.

L'amirant get iloc, dotosa fu sa sorz,

Por lui a retenir en fremist tote l'oz,

E cil de Babiloine sonent graisles e corz.

D'espees e de lances i fu granz li aporz,

4275

Treis chivalers ot ben a la rescose morz.

317

L'amiranz fu de mort e de prison gariz,

Del tornei maudit l'ore qu'il unques fu bastiz,

Quar tant y a perdu que toz en est afliz.

Ben set si le reis vent toz sera desconfiz,

4280

Ses archers met tres sei si s'est des Gres partiz.

Li reis vent de gibers, si ot del champ les criz,

Des morz e des nafrez vit lo defoleïz,

Mas por ço qu'il ne fu a icel chappleïz

De mautalant e d'ire est toz espaluïz.

4285

Il s'en vait a sun tref, decent sur un tapiz,

Toz irez s'est couchez sur un lit cordaïz.

318

Tol. oït dire que li reis est irez,

Antre lui e Clinçon li sunt venu aus pez,

Content li del tornei com en fu comencez

4290

E coment l'amiranz les aveit enginez

E cum Salep d'Egipte fu prise mahagnez;

Les prisons li ameinent si li unt deslïez.

Li reis veit Rodant, si s'est del lit dreicez, .

Ne li chaut de la perde, tant est des prisons lez.

319

4295

Per main leve li reis si fait ses oraisons,

E quant il ot oré, si disne ses faucons.

E l'amiranz li manda per .vii. de ses barons

Qu'il li donra mil pailes, trestoz penz a lions,

E .vii. somers chargez d'or cuite de mancons,

4300

Mas rende li sun frere e ses autres preisons.

Alix. en jure ses des e toz ses nons

Que ge, tant cum il poscha chaucer ses esperons,

D'un de ceus qu'il en ait n'ert prisa reençons,

Il les fereit anceis tuër come moltons.

320

4305

Li mesatger s'en tornent sil dïent l'amirail,

Que quanc que il mantent li reis ne prisa un al;

Il les fareit anceis toz tuër a un mal

Que de lor delivrance se mesist en traval.

L'amiraut li respont: "Del tenir ne li fal.

4310

Maudïent mei mi deu e si me dongent mal,

S'anceis que del sen n'aie si au tres nes asal."

321

Per main leve li reis si cum l'aube s'esclaire.

Desoz un oliver qui molt soëf li flaire

Se set li maines reis si fait ses engins faire;

4315

Escheles pl[e]eïces y ot plus de cent paire.

La cité cuide prendre e l'amirant fors traire,

Sens engin la prendra, ne li tardara gaire;

Des morz e des nafrez sera la perda maire.

322

Quant il dut avesprer, s'aseent au manger,

4320

E quant il unt sopé, si'n eisent li forer;

Li geldun furent ben entrosqu'a .xx. miler,

Por les peons garder i vont mil chivaler.

Dan Clins e Tholomés i vont par chastïer,

Licanors e Philotes furent gonfanoners,

4325

Quis tenent e quis gardent, s'il volent folïer.

323

Tot lo val Danïel unt pris e peceié.

De preies e de roubes veneient tuit chargé;

E cil del païs l'unt a l'amirant nuncé.

Cil dedenz s'en isirent a chival e a pé,

4330

Jusqu'a .lx. mila furent li aubergé.

Cil qui l'amirant guïent l'unt si ben adreicé

Qu'anceis que li Greceis fusant aparellé

Orent pris de la gelde tota l'une meité.

Dan Clins e Tholomé s'en sunt fort esmaé,

4335

Regratent Alix., dunt sunt desconsellé,

Qu'il orent des arseir aus herberges laisé.

324

"Segnors, fait Tol., ci vei une maison,

Tot es clouse de marbre senz chauz e sens sablon,

Une loëe dure li vergers environ;

4340

Entrem nos en dedenz si nos i defendron.

Un de nos por soucors jusqu'au rei envion;

Mandons nostre segnor que grant besoin avon."

Trestot lo premeiran en apela Clinçon:

"Quar i alez, fait il, vasaus, filz de baron,

4345

E dites mon segnor que nos nos combaton."

Dan Clins li respont : "Tenez mei por bricon,

Qui per l'areregarde m'en voise a esperon?

A malvaz me tenez, a voz diz lo savon,

Qui dites que m'en alle a guise de geldon.

4350

Daha ait qui volt estra allors se ici non;

Quant ja serai feruz el peiz suz lo manton

E mis escuz ert fraiz sur mei toz environ

E li sans de la teste(te) me corra au(s) talon

E tendrai en ma main de ma lance un tronçon,

4355

Ne semblerai pas home qui venge d'oreison;

Lors irai au socors si anceis ne l'avon."

325

Thol. vit Clinçon de l'aler si engrés,

Il apela Philote, cil i vent a eslés.

Il li dist: "Beus amis Philotes, quar i vais,

4360

Socorra nos li reis quant il ora lo feis."

Philo tes li respont: "Tenez mei a malveis

Qui dites que m'en alle e ci iloc vos leis

E port de mon escu totes sairies les eis?

Toz jors vos en areie sel me disïez meis.

4365

Ni lareie a ferir, des que les vei si preis,

Qui me donreit tot l'or qui fu au rei Sarceis."

Thol. li respont: "Beus amis, gel mi leis."

326

Thol. a veü de ceus dos lo bofei,

Il apela Aristé si li dist en secrei:

4370

"Aristés, beus amis, quar en alez au rei;

Il nos vendra aider quant il orra por quei."

Aristés li respont: "Ne ferai, per ma fei.

Si del fil vostra mere volet prendre conrei,

Vos irez en l'ahie dun estes en esfrei."

327

4375

Thol. vit qu'aus treis ne pot ren espleiter;

Licanort en apele, faire en vol mesatger:

"Licanort, beus amis, vos en vol ge preier

Que alez tost au rei por cest besog noncer;

Des qu'il orra por quei, il nos vendra aider."

4380

Licanor li respont: "Trop me sentez laner.

Por ço que soi malvais m'en volez envïèr?

Se lo fil vostra mere en volez conseller,

Vos irez en l'ahie desus vostre destrer."

328

Thol. veit des pers que nus ne s'en remue;

4385

Antigoné apele a la teste crenue,

Soldaers ert lo rei, nez fu de Vagrenue.

Il li dis: "Beus amis, quar e[n] vais en l'aüe."

Orgoillose parole li a ceus respondue:

"Ahi! dan Tholomé, que[l] la m'avez moüe?

4390

Envier me volez corner la recreüe.

Aucune malvesté avez en mei veüe?

Anceis fust terre mere desoz mes pez fundue

Que ja ceste paroule fust de ma boche issue.

Quant avrai l'escu frait e la brogne rumpue

4395

E ge avrai del sanc e de la char perdue

E m'en irai nafrez el poin l'espee nue,

Ne tendra pas li reis ma parole a treslue

Que ge li conterai que perde avons oüe."

329

"Segnors, fait Thol., or ne vos sai que dire,

4400

Ne pois prendre consel que lo sage mis sire.

L'amiraus a eci amené sun enpire,

Por nos geudons qu'a pris nos cudent desconfire;

Anceis que sïuns mort ne livré a martire

Nos combatons ot lui si li vendons nostre ire.

4405

Ot les bons branz d'acer les poüns si aflire

Quant il istra del champ n'avra talant de rire."

330

"Sire, ce dit Filotes, or avez ben parlé,

Cesta raisons nos vent a talant e a gré,

Qui de cesta vos faut, ja ne veie il Dé.

4410

Por l'amor del segnor, qui tant nos a amé,

Conbatons nos por lui e en sa feelté."

Quant que (il) dïent antr'eus a uns g(r)arz escolté,

Espie l'amirant, tot li a recomté.

Quant l'amiranz l'entent, si a un ris gité,

4415

A una part a trait lo meuz de sun barné:

"A mie fei, segnor, cist Greceis sunt desvé."

331

"En mia fei, segnor, cist Greceis sunt molt fer,

Per lo men escïent, molt sunt bon chivaler:

Li uns d'eus ne pot l'autre au socors envïer.

4420

Se vif se laisent prendre, ges ferai menaider,

Ja ne lor veerai ne bevre ne manger

Ne por lor reençon ne lor ferai danger.

Se per cesta manere nes poüns enginer,

Quanc que des lor avrons comparrons nos molt cher,

4425

Que meuz en porrums a Baudar barginer."

Si home li respondent: "Pensez de l'espleiter."

332

L'amiranz y envie Cassandran de Surlendre,

Qui de la soe part lor die e face entendre

Qu'il les menaidera, se vif se laisent prendre,

4430

E s'il les prent per force, il les fera toz pendre.

"Coment? fait Tholomés, volt nos il dunc atendre?

Se per tens ne s'en fuit, de nos l'estut defendre;

Quanc que del nostre a pris li cuduns molt cher vendre.

Quant il istra del champ e il devra decendre,

4435

N'avra il conpaignon n'ait a lui a entendre."

333

Li mesatger s'en tornent, qui l'amirant unt dit

Que ja ne se rendrunt si hanz ne sunt aflit.

Quant l'amirauz l'entent, vers ses homes s'en rit,

E jure toz ses des c'unques tel gent ne vit,

4440

Qui combatre se volent e si sunt si petit:

"Vint tanz y ai je d'omes, qui trestuit sunt eslit."

334

"Seignors, fait l'amiranz, cesta batalle voil.

Desconfire me cudent li Grec per lor ergoil;

Aucuns m'en est(r)ordra si de zai nes acoil.

4445

Veez lai cel baron, qui s'arme sus cel foil,

Devant mei prist mon frere si quel virent mi oil,

Il me dona un cop dunt encore me doil;

Se ne poise passer de mon palais le soil,

Se ge pois son cors prendre, s'a mes mains ne l'esboil."

335

4450

"Segnors, fait l'amiranz, je vos pri e enort

Que de cesta batalle me donez tuit confort.

De cel verger lai enz vei essir Licanort,

Desus cel chival neir son gonfanon destort;

Devant mei prist mon frere e mei dut aver mort.

4455

Maudïent mei mi dé e mon ches e ma sort

Si ja de cest merché envers lui m'en acort.

Gardez quil porra prendra que lo chep m'en aport."

336

Li Grec se sunt armé tost e isnelament,

Ne sunt que .vii. escheles, que poi y orent gent;

4460

E cil de Babiloine s'adobent epsament

E jognent lor batalles, plus en i ot de cent.

"Segnor, fait Thol., d'une ren me repent,

Que nel set Alix., qui au tres nos atent.

Ja nos dona il tot quanc que il tolt e prent,

4465

Nos armes sunt cuvertes totes d'or e d'argent.

E li amiranz dit morz est s'il ne nos prent,

Ores seruns vilain si chascus no s'i vent."

337

Thol. sest armez el vair d'Escalidoine.

Se trovast a tanz quanz yceus de Babiloine,

4470

Molt lor cudast cher vendre sun cors e sa persoines,

Mas ne furent que mil de ceus de Macedoine

E cil furent .xx. mile si jostent a essoine.

338

Quant li .xx. mila sunt avoc les mil josté,

Li miellor chivaugerent per isi grant ferté

4475

N'i a gaires des lor n'ait lo seu enversé;

Cui chaut? quar trop sunt poi, n'i unt gaires duré.

De l'alene des cors e del poldra levé

E del fum des chivaus qui erent tressüé

Estes vos l'air del cel en espeise müé,

4480

A peine s'antraveient quant se sunt regardé,

Ot tot ço que il sunt de la sei si maté

Tuit li plusor se sunt de l'angoise pasmé.

Li amiranz i fist auques sa volenté;

De ceus qui pris n'i sunt en es li plus nafré,

4485

A une part s'en seivre Dan Clinz e Tholomé.

Quant Dan Clinz vit ice qu'il sunt del champ gité,

Del grant dul qu'il en ot a si lo cor sarré

Que ne pot panteiser, mas un poi a ploré

E regrete Alix., que ot laisé el tré.

4490

La lance sur lo feutre a Baiart galopé;

El chep de la batalla a un rei encontré.

Grant colp li vait doner sur sun escu listé,

Trestot li a tranché e l'ausberc a fausé,

Que veiant l'amirant l'aveit mort gravanté.

4495

Quatre lo vont ferir, dunt li dui sunt nafré;

Cui chaut? pas no l'abatent, sun(t) tor(t) fait per lo pré.

339

El cham o li Greceis furent mort e vencu

Thol. se defent cum hom de grant vertu;

Antre lui e Dan Clin hunt lo champ mantenu.

4500

V. chivalers i pognent s'un[t] Tholomé feru,

Sun chival li unt morte lui hunt abatu;

E il chet a la terre cuverz de su[n] escu.

Dan Clins beneïst l'arme qui dedenz sun cors fu;

Ne pot mais endurer, quar trop y a perdu.

340

4505

Dan Clins crie s'ensegne, ne pot aver solaz.

Se il fust sei e autra o se terz o se quarz,

De l'aler en l'aiue ne fust il en porchaz,

Mais il esteit navrez en la testa e el braz,

Li escuz de sun col resenbla talavat.

4510

E l'amirauz l'escrie: "Zai esterez, coarz!

N'en savra oi per vos noveles li bastarz."

E Dan Cliz li respont: "Mentez y come garz,

Molt sui ores malvais quant dolent ne vos faz."

Del tronçon de sa hansta, dunt il tent les clifaz,

4515

Li peceia tres denz, si lo fert lez la faz.

L'amiranz est plaiez, si est chaüz toz plaz;

Si home lo redreicent; Dan Clinz s'en vait viaz,

Trosqu'au tref Alix. l'en aparte Baiarz.

341

Devant lo tres lo rei est Dan Clins decenduz.

4520

Alix. lo veit, devant li est venuz.

Il li dist en riant: "O fu cil vostra escuz?"

Il li a respondu cum hom aperceüz:

"De la val Danïel sui n'a garres venuz,

Lai s'est li amiranz aus forreus combatuz;

4525

A mes armes me pert com je soi coneüz,

Mi compagnon sunt pris e jo m'en soi venuz.

Qua[r] socors, reis, tes homes, que toz les as perduz."

342

"Sire, ce dist Dan Clins, por quei vos demorez?

Quar somonez vos homes e voz armes prenez;

4530

Je vos y conduirai, se creire me volez.

Anceis que l'amiranz se seit del champ tornez,

Vos josterai ot lui, si vos y combatez.

Grans honors vos seret si vengtre les poëz;

Vostra home serant rescos e prise la ciptez."

4535

"Dan Clinz, fait Alix., yci vos remanez,

Ne vendrés pas ot nos, quar trop estes lassez."

"Sire, ce dit Dan Clins, por nïent en parlez,

Mi compagnon sunt pris e jo m'en soi emblez;

Si ge n'ere au rescorre, je seroie desvez."

343

4540

Li reis a pris ses armes e per l'ost montent tuit;

Toz premeirans chivauge Dan Clins, li filz Carduit;

Si nafrez com il ert, el champ toz les conduit

O cil de Babiloine meinent joie e desduit;

Per lo verger s'onbroient e manjoënt lo fruit,

4545

Iloc volent atendre la freidor de la nuit.

A tant ec vos lo rei enz el champ, cui qu'enuit,

Tant i sonent des cors que toz li vaus en bruit.

De ceus de Babiloine n'enn i a un, ço cuit,

Qui por son cors garir en sun chival ne puit;

4550

E l'amiranz lor dit n'i a nuil, s'il s'en fuit,

Que a tot son vivant Babiloine ne vuit,

E cil de sun lignatge serunt ars e destruit.

344

Quant Alix. vint, qui lai veïs[t] les Gris!

Unques Deus ne fist home, tant seit poësteïs,

4555

Ses atendist a champ, ne fust o morz o pris.

Li reis y vint pognant e sist sur Lofalis,

O seeit Achillés quant Hector fu ocis.

L'amiranz lo conut, premeiran l'a requis,

Mervellos cop li dona devant en l'escu bis,

4560

Que li tros de la lance li vole per le vis.

Alix. le fert come sis enemis,

Que tot l'escu li trenche e l'auberc a malmis.

Il l'enpein de vertu, si li tolt les estris;

L'amiranz chet a terre, Dan Clinz lo chival pris.

345

4565

Dan Clins prist lo chival com hom aperceüz;

Quant lo tint perles rennes, de parler ne fu muz:

"Li filz lo rei de Grece vos mostra ses vertuz.

Oi main lo laidengastes, malvais est vostra arguz,

Molt tost vos en est ores li gueherdons renduz.

4570

Ot lo chival m'en vois dunt estes abatuz;

Autre vos querre hom, que cestui es perduz."

Nabusardaz l'entent, molt s'en est irascuz,

L'amirant fait monter el bai qui fu crenuz.

E cil de Babiloine hunt si les sens perduz

4575

Que unques de defendre n'i fu granz plaiz tenuz.

Quant l'amiranz ço veit, ten le a confunduz,

D'anbesdos parz de sei en veit aler ses druz;

Ben seit se il remant pris est e reteinuz.

Deci que en Babilo. s'en est fuiant venuz.

4580

.............................................................................

.............................................................................

.............................................................................

346

.............................................................................

.............................................................................

4585

.............................................................................

.............................................................................

.............................................................................

.............................................................................

.............................................................................

4590

.............................................................................

.............................................................................

.............................................................................

.............................................................................

347

.............................................................................

4595

.............................................................................

.............................................................................

.............................................................................

.............................................................................

.............................................................................

4600

.............................................................................

.............................................................................

348

.............................................................................

.............................................................................

4605

.............................................................................

.............................................................................

.............................................................................

Il li donent a bevre por la chalor lascher,

Lo chahaleit lo rei li funt apareller,

4610

En la cipté l'en portent li gentil chivaler.

Alix. lo vit, rens nel pot corrocer,

E aveit dit al mire que pens de(e) l'espleiter;

Plus li donra or fin que ne voldra bailler.

"Sire, ce dist li mires, yze laisez ester,

4615

Tot sain lo vos rendrai jusqu'a un meis enter."

349

Oëz, franc chivaler, del mont la desvarie:

Avarice est montee per molt grant estoltie,

Servizes est perduz e largece enhahie.

Or m'escoltez, baron, que Deus vos benehie!

4620

Qui Deus dona lo sen ne lo deit celer mie,

Mas ben se deit garder que a tel gent lo die

Qui digne seit d'oïr, quar zo est granz folie

Se nuils a son porcel ge[te] sa margerie,

O qui vol por froment semer la jargerie.

4625

Teus se tent a corteis plens est de vilenie;

Bontez est avilee, e leve tricherie,

E cil si est honiz qui sert de janglerie;

Honors est declinee s'est proëze faillie,

N'ert ja mais recovree si hom ne li haïe.

4630

Por zo le dic, segnors, si Deus me beneïe,

Que voil que ma chançons seit de tel gent oïe

Qui ben sache entendre que ele signifie.

Qui chanta au cul del bof sa rraizons est perie;

Qui vilan volt aprendre faire chivalerie

4635

Ne de buzat hostor se peine e estudie

Cil est toz fous provez, la letre lo nos crie.

Salemons fu mult sages, qui ce dit e otrie

Que costuma ensegne home e tres ben lo chastie,

Mas au lonc a nature tote la segnorie.

350

4640

Segnor, cesta chançon devreient cil oïr

Qui d'aut parage sunt e terre hunt a bailir.

Li gentils hom malvais, cil fait molt a haïr,

Qui volt aver servise e donc nel set merir;

Mas proëcze e lagerce funt ben terre tenir.

4645

Ice fist Alix. essaucer e thehir

Quant il conquis lo monda trestot a son plaisir;

Cil qui se desmesure si pot molt tost geïr.

Ardiz fu Alix., Hunc ne degna fuïr,

E fu tant larges reis que qui lo volc servir

4650

Unques de sun servise ne se pot repentir.

Ben sot cui det amer e cui il dut haïr,

Coment il dut doner tres ben lo sot veïr,

Ne hunc ne volc en cort faus jutgement oïr.

Ben sot prodome amer e garder e theïr,

4655

Segont zo qu'il esteit e doner e partir;

E quant venc en besong, ben se sot esbaudir

E sot ben en estor premerement ferir,

Ne hunc ne volsist d'ome la malvasté covrir.

351

Li gentil chivaler e li clerc sage e bon,

4660

Les dames, les pulceles ot la gente faiçon,

Qui sevent de servise rendre lo gueherdon,

Cil devent d'Alix. escolter la chançon.

Or s'en trahent en sus li aver, li felon,

Quar ja ne lor fareit li oÿrs si mal non;

4665

Li curs lor durcireit encontra lo sermon.

Fous est qui d'esbriver cuida faire falcon,

Ne de roncin destrer, ne lebrer de gagnon.

Nature e norreture demeinent grant tençon,

Mas au lonc veing nature, ce dist en la liçon,

4670

E si'n trai a garent lo satge Salemon.

Alix. le dist e mostra per raison:

Fous est qui conseil creit de serf ne de garzon

E qui en fait de nuil sergant en sa maison;

S'il gahain i pot faire, ne dotta trahison;

4675

Ci devent prendra essemple li prince e li baron.

Ardiz fu Alix. e plus fers d'un lion

E satges por parler, larges por doner don,

Del dreit sot e del tort faire devision;

Por zo ot il lo munde en sa suggecion.

4680

Cil qui tot volt tenir lo tot pert a bandon,

E s'est hom tost honiz per malvais compagnon.

352

....................................................................................

....................................................................................

....................................................................................

4685

....................................................................................

Ci...............................................................................

......................................................................................

....................................................................................

....................................................................................

4690

A ................................................................................

B ................................................................................

....................................................................................

....................................................................................

....................................................................................

4695

....................................................................................

....................................................................................

....................................................................................

....................................................................................

353

Segnors, em Babiloin. en icele saison

4700

Avint une merveille per grant demostreison:

Une feme ot enfant de diverse faiçon;

E aveit demei mort lo piz e lo manton.

A val entor les anches el costé de viron

Aveit chef de leupart e testa de lion

4705

E si aveit chef d'orse autra de dragon;

E menoënt antr'eus grant ire e grant tenzon.

E ohit o li reis conter a un garzon,

Si a fait apeler son seneschal Sanson

E comanda li querre molt tost cele maison

4710

Si li ament devant la mere e l'enfançon.

Tant ala per demandes qu'il vint a l'ostelon,

Molt tost i est entrez, qu'anc ni quist acuison,

E vindrent a la dame qu'aveit cel lait feon.

Jusqu'au rei les amena dedinz son pavalon;

4715

Quant les vit Alix., ce dit en la liçon,

Por les devis marida de cele region

Por saver s'i aveit signification.

Un [e]n i ot molt maestre que claiment Abiron,

Cel embronche sun chef dedinz sun chapiron.

4720

Li reis lo conjura: "Dite[s] por gueherdon

Se ço torne sur mei, n'en faites celeison,

Quar de ço ne me pot a venir si bes non;

Departirai mon or e ma possession.

Ci sunt li .xii. per, qui sunt tuit compagnon,

4725

Qui tant m'avrant servi a cuite d'esperon;

Des terres qu'ai conquises ferai devision."

354

"Sire reis Alix., ne lairai nel te die.

Li ches morz de l'enfant yzo vo[s] signifie,

Vos estes ches del mont, tot l'avez em ballie;

4730

Ore sachez por ver molt est bres vostra vie.

Li chef de zai desoz, qui funt tel envahie,

Ce est des .xii. pers tota la compagnie.

Li uns voldra aveir tota la segnorie,

Si coma li lïuns a la chere hardie;

4735

L'autra, qui est leuparz, lunc lui ne cosent mie;

Li terz si est li ors qui contra cels grongdie;

Li quarz est li dragons qui contr'aus treis foudrie;

E li quinz, qui lops est, la rapine polplie.

E si tost con seras morz e ta vie ert fenie

4740

La guerre ert commençé e to terra sasie.

Faiz lo meuz que tu pois, mult est curte ta vie."

"Deus! ce dist Alix., com faite desverie

N'est fez encontra aver, la letre lo vos crie.

Trahisons est amee e lehautez hahie,

4745

A varice est montee e largece fallie,

Lausenge est en cort, vertez en est pertie.

Encors sera el mont si granz la felonie

Que ja hom n'avra cure ne d'ami ne d'amie."

355

Quant Alix. ot de sa mort la rumor,

4750

Se a dit a ses homes: "Ja n'en menrai dolor,

Que ben sai de verté chascuns mort a sun jor;

Se sunt mort devant nos tuit nostre ancessor.

Laisom cest dul ester, menons joie e baudor,

Quar en dul demener n'a hom poc de retor."

4755

L'endemain per matin n'i ot plus de sojor,

Tant tost cum il perçurent del sollel la luior,

Dreit au temple Jovis [e]n meinent l'aumançor,

Vestu(e) e conreé a lei d'enpereor.

D'iluc l'en unt mené sus el palais auzor,

4760

Tumbent y açopart e chantent jogleor;

Lai poüsez veer maint maistre enchanteor.

E furent plus de mil que duc que vavasor;

Lai porta Thol. lo cepdre e l'oriflor

E Aristé l'espee, qui fu de ver color;

4765

Dan Clins porta la hache, qui covint a anor.

356

Per tota la merveille c'ont veü li devin

Ne qu'il hunt purparlé del rei e de sa fin,

Ne porta il lo jor de ren lo chef enclin.

Trestuit li .xii. per se levent per matin,

4770

Avoc eus sunt li duc, li comte palazin.

Lo rei vont coroner de corone d'or fin,

A grant joie l'en meinent jusqu'au temple Apollin,

Dreit desoz lo lorer qui fu josta lo pin.

La terre fu cuverte de polpra e d'ostorin,

4775

Li riche drap de seie furent mis per trahin;

Sur lo rei Alix. por oster lo chalin

Firent un conopé de paile alexandrin.

Tuit l'en unt mené sus el grant palais marbrin,

Il n'i aveit celui n'ait pelliçon hermin,

4780

Lo jor servirent tuit a la table del vin.

357

...................................................................................

...................................................................................

...................................................................................

...................................................................................

4785

...................................................................................

...................................................................................

...................................................................................

...................................................................................

...................................................................................

4790

...................................................................................

...................................................................................

...................................................................................

...................................................................................

...................................................................................

4795

...................................................................................

* * * * *

358

Or s'en vait l'amirant, tot i lait sun herneis;

De cel de Babiloine s'en vait li plus corteis

E li Gré les enchaucent aus chivaus qu'il hunt freis.

4800

Ot ceus de Babiloine se metent li Greceis,

Per les rues les chaicent e ferent de maneis.

Tres devant lo palais s'est arestez li reis,

Per tota la cité a fait crïer ses leis

Que cha mal se movra chivalers ne borgeis,

4805

Ne mal i destendrunt ne pailes ne orfreis,

Que tot que il perdrunt il lor rendra a peis.

359

Alix. li reis a prisa la cité.

Quant l'amirant le veit, grant dol en a mené,

Sa blange barba tire, molt fort a sospiré,

4810

Ben set que li Greceis l'unt tot deserité.

Pognant vait per lo champ, ben semble home desvé,

La lance sur lo feltre a lo vair galopé;

En mé sa vie encontra Clinçon enz en un pré,

Grant cop li vait doner sur son escu listé

4815

Si que tot li a frait e son hauberc fausé,

Tant cum hanste li dure a terre l'a versé.

Cil gehi del chival tot dreit lez un arbré;

Damideus lo gari, qu'en char ne l'a toché.

360

Quant Cliz se sent a terre, n'i ot que corrocer,

4820

Au plus tost que il pot est salliz au destrer,

Pois a traite l'espee aus bruns costeus d'acer,

Vait ferir l'amirant a lei de chivaler.

Li reis lo vit venir, sot qu'il se volt venger,

Membra li del grant cop qu'il li dona l'autr'er

4825

Per mé les denz devant d'un tronçon de pomer;

Fuiant s'en est tornez, que ne l'osa aprotcher.

E Dan Clins ponct aprés des esperons d'or mer,

Tel colp li a doné jus le fait trebucher,

Pois a traita l'espee dunt li poins reluist cler,

4830

Le chef li fait voler a us pez sur lo graver.

Nabuzardan le veit, n'i ot que corrocer,

E ponct lo bon chival por son segnor venger,

Grant cop li vait doner sur l'escu de quarter.

E Dant Clins ferit lui, qui nel volt esparner,

4835

A mont desus le heume, qui molt fait a preiser,

Trestot l'a perfendu entrosque au braier,

Li cors get a la terre, l'arma en porta avarser.

D'iloc s'en est tornez, n'i volt plus demorer,

E entre en la citté sens negun encombrer

4840

E vent dreit au palais lo chemin plus plener.

Iloc trova le rei soz l'ombra d'un lorer,

Entor lui sunt si home, que il aime e tent ger.

"Sire, ce dit Dan Clins, ne vos deit enuier

Si ge faz per mon brant dunt hom me deit preiser;

4845

Je ai mort l'amirant qui fu filz Futifer."

E respont Alix., qui lo corage ot fer:

"Amis, de cest servise vos vol molt mercïer,

Ja n'avrai contra vos lo vallant d'un dener."

Antra ses braz lo prent sil comence a baiser.

4850

Li reis monta el palais e ot lui si princer

E si duc e si conte e si gonfanoner.

Per son sens, per lor force ot il a justiser

Lo mont desoz lo cel, ja celer nel vos quer,

Quant la morz enviosa li fist tal encombrer

4855

Quar venin li dona a beivre por plaier,

Quar tolir li voleient ço que il ot plus cher,

Ce esteit sa corone e son ceptre d'or mer.

Or oëz s'avencture a trait e sens danger,

Nus hom qui sages seit ne s'en deit enoier.

361

4860

Li reis de tot lo monde est au palais monté

Per un degrez d'argent de grant antiquité.

Au piler s'aresta, qui fu d'or treschité,

E vit per lo palais la granda richeté

De l'or, des margeries, qui fu al mur listé.

4865

Un faudestal aportent quatra rei coroné,

Qui fu d'un grant bericle cuvert d'un blanc cendé;

Li reis s'i est asis per grant nobilité,

Pois li hunt soz ses pez un eschamel posé

De rubin qui reluist come fos alumé.

362

4870

Alix. li reis ot la fere vigor,

Qui unques nen ama felon ne trahitor,

Coart ne trop engrés ni fol losengeor,

Or [est] en Babiloine cum hom de grant valor.

Je ne cuit qu'en cest mont oüst unques melor,

4875

Si corteis ne si sage, si bon guerrïeor.

Des chivalers de Grece ot devers lui la flor,

Qui hunt sofert por lui manc freit e manc ardor,

Tanta faim, tanta sei e tanta aspre dolor,

En terre de Persie e en Inde maior,

4880

En Caspeis e en Baustre o orent grant tristor,

E pois en Etyope o est tes la chalor

Qu'es maisons desoz terre dorment trestuit lo jor

E la nuit eisent fors e si funt lor labor.

En Inde la salvage firent il manc estor,

4885

Entor la Roge Mer se sirent il un jor

E prirent per grant force la terre arabior.

Lo flun Jordan passerent tuit li Macedonor;

Cil de Jerusalen, li Jueu ancessor,

Vindrent contra Alix. ot lermes e ot plor,

4890

Revestu come prestre de cisclatons am flor,

En granz lanternes d'or qui funt grant resplandor,

E portent le haut non de Deu lo creator

En mé lor fronz escrip per creime de paor.

Quant les vit Alix., si'n ot molt grant tendror,

4895

De tot les clama quites por Deu e por s'amor.

Quant dedenz ot esté lo mangne empereor,

En la sancte citté ne fist autra demor.

Des Ebreus prist congé, torna s'en a baudor

E vint a la mer Roge e trestruit sé contor.

4900

Les granz monz des areines am chaut e an suor

Passerent li Greceis per force e per vigor.

Soz Monte Sinaÿ lai firent lor sojor

E tendirent lor tentes de diverses color.

Quant sojorné se furent la genz de grant valor,

4905

En Egipte s'en vindrent senz dotce e sens cremor,

Le flum de Paradis passerent sens destor.

363

Babiloine fu prisa si cum vos ai conté.

Li reis a vit sa gent, si l'em prist grant pitez.

Per un sen mareschal sun barnage [a] mandé

4910

Si lor a dit a toz per bone volenté:

"Ami, bon chivaler, qui tant m'avez amé,

La vostre grant merci de ce qu'ai ci trové;

Esgardez quel aveir e com grant richeté,

Per vos l'ai ge conquis, vos m'avez tot doné.

4915

Or em pregne chascuns tant cum li vint a gré,

Quar toz jors m'avez faite tota ma volunté;

De tant con ge porrai vos ert gueherdoné,

Longues emprés ma mort vol qu'il en seit parlé."

Li reis sist au palais de grant antiquité,

4920

Ill ot molt fer lo vis e ben encoloré,.

Regart fer cum lions qui est enchaené.

E tint lo brant d'atcer au pom d'or afiné,

Sovent muot color e rendeit grant clarté:

Un hore esteit toz verz cum est erba de pré;

4925

E pois trestoz vermeuz come fos enbrassé,

Blanchor aveit aprés, n'en dirai fauseté,

Epsament cum li lirs: oëz quel dignité.

Li reis leva le brant si l'a un poi branlé,

Li oz en retentist, tant per a cler soné.

4930

Dos cenz serchanz apela si lor a commandé

Qu'il s'en augent es chans o l'estors fu josté

E queirent l'amiraut lai o il fu tüé.

E li vasal s'en tornent, quant il l'ot comandé,

Il sunt venu au champ si l'unt iloc trové

4935

O Clins, li filz Carduit, li ot le chef colpé,

Pois l'unt levé em bera, el palais l'unt porté.

Quant lo vit Alix., si l'a molt regreté

E de chivalerie molt prisé e löé.

Ovrir le fist li reis devant tot son barné,

4940

E l'entralla del cors vehent lui fors geté.

De vin e d'aiquarose si l'unt aprés lavé,

E pois l'unt come rei e oint e enbasmé.

E quant il l'unt trestot en ordre conreé,

A mon[t] Tygris lo flum vers Alphat l'unt porté;

4945

Iloc hunt un sepulcre basti e manovré,

E quant il l'orent fait, lo cors unt enz posé;

Lo cuvercle desus i unt ensaelé.

E li baron l'unt planct e li serchant ploré,

Quar il lor aveit molt e promis e doné.

4950

Alix. li reis i fist une citté,

De son grant n'ot si bele en trestot lo regné,

Alix. l'apelent, cest nom li unt doné,

E set desur Tygris, lo flum de grant beuté.

364

La citez est asise sur lo flum sagement,

4955

Molt ot bele rivere si cum a val decent,

La gravele de l'aiqua reluist cum fait argent;

Lai greissent esmeraudes, prenent norrisement,

E autres bones peres de riche chasement;

Tos tens i trova hom aiglenters e piment

4960

E flor qui renovela e eist tant docement

Que tot replenist home qui la doçor en sent;

Li fluns est molt vallanz qui tel aver porprent.

E la cité marbrine fu faite maistrement

O l'amiranz fu mis quant ot definement.

4965

Quant li home Alix. l'ont servi richement,

Retornent s'en arere trestuit hastivement.

365

Alix. ot fait l'amirant conreer;

Des barons qu'ot perduz se prent a dementer,

Li cors li atendroie, si prent a sospirer;

4970

Il ne se pot tenir, anz se prent au plorer.

Dan Clins, li filz Carduit, lo prent a conforter:

"Sire, dist li vasaus, laisez cest dol ester,

Quar en grant dolor faire ne pot hom recovrer

Ne en plor mantenir nulla ren gahagner.

4975

Ice sagez vos ben, n'es pas a deviner,

Quar il nos covent toz per mé la mort passer,

Ja n'enn i avra un qui s'en poscha eschaper

Ne cha uns ne porra sun terme trespasser

Ne cha nus ne porra sun peril destorber.

4980

Faites querre vos morz sis ferons enterrer,

E les vis faites prendre si les ferons saner.

Sos cel nen a tel chousa cum lëauté mener."

"Per fei, dist Alix., molt savez ben parler,

Por nïent i vendreit nus clers por sermoner;

4985

De ço que vos me dites vos covent a penser."

Xxxv. chivalers en a fait apeler;

Dedevant Alix. en sont venu ester.

"Oiez, franc chivaler, que je vos vol conter:

Alez mes barons querre sis porrïez trover:

4990

Licanor e Filote, Perdicas, Tholomer,

Listeu e Licomas e Festivon le ber,

Aristé, mon parent que je sol tant amer,

Eminedun d'Aufage, qui fu filz Josüer,

Anthiocun lo fort, celui ot lo vis cler,

4995

E pois Antigonun de Galipe sur mer;

Les vis ferons garir e les morz enterrer."

366

"Sire, ce dist Dan Clins, ce est molt grant conforz

Que Aristés est vis, Philote e Licanorz.

Cil qui les irunt querre portent aiqua en lor corz

5000

Qu'il ne sïent esteint del chaut qui est si forz,

E querrent Tholomé grant pecce lunc des morz;

Oi main lo vi gehir soz l'escu de Niorz.

De ceus de Babiloine il laisa tant des morz

Que sis chivaus esteit en sanc entrosqu'aus gorz."

367

5005

Li reis i enveia e fist les rens cerger;

Les morz e les nafrez trovent per lo verger.

Grant pecce lunc des autres, lo trait a un arger,

Troverent Tholomé desoz un aiglenter,

Cuvert de son esçu, ne se poeit aider;

5010

Il li donent a beivre por la chalor laiser.

Le chaaleit lo rei unt fait appareller,

A l'auberges l'em portent li gentil sosdaer.

Quant le vit Alix., rens nel pot corrocer,

Molt docement lo baisa, qu'il lo teneit molt ger.

5015

A un sen mire dist: "Pensez de l'espleiter;

Plus vos donrai or fin que ne voldrez baller,

Mas cez me rendez sains, qu'il en ont grant mester."

"Sire, ce dist li mires, ja n'enn estut plaider,

Toz sains les vos rendrai jusqu'a un meis enter."

5020

En un leit de fin or funt Tholomé colger,

Cuvert d'um blanc diaspre qui molt fait a preiser.

En l'ost i funt grant joie serchant e chivaler.

368

La batalla fu faite e prisa la citez,

L'amiranz fu ocis e ses riches barnez.

5025

Alix. li reis de ce fist que senez

Qu'aus chastelains rendi totes lor eritez

Por ço que il li unt tuit juré feeltez.

En la tor de Babel en est li reis entrez,

Que li chaiant fermerent per lor granz poëstez.

5030

"O! Deus, dist Alix., or ai mes volentez,

Tote la terre est mie e trestoz li regnez;

Or vol deci qu'a poi estra reis coronez

E desur tot lo mont estra sires clamez."

Deci qu'a .xv. jors fu li termes grantez.

5035

Dunc fait ses bres escrire, ses homes a mandez

De per totes les terres dunt est sire clamez.

Mas Calapf de Baudaç, li veuz e li barbez,

Il a dit tel parole dunt ben fu escoltez:

"Sire reis Alix., vers mei en entendez.

5040

Ne vos vol pas desdire, por nïent vos vantez;

Encors sai ge terre, ce est tot veritez,

Ainz que l'aiez conquise avrez affaire assez."

"Amis, dist Alix., e quar la me nommez."

"Sire, gel vos dirai, quant saver le volez:

5045

Amazoine est, beus sire, cil regnes apelez,

E est de totes parz d'un flum environez,

E toz li païs est de fennes abitez."

369

"Encors i a, beus sire, tot el que ge ne die:

Molt est proz la reïne qui celes fennes guie.

5050

Une feee en l'an enprenent companie,

E quant sunt asemblees, passent Meothodie,

C'est li fluns qui lor terre environ cenct e lie.

A une feste i venent qui lor est establie,

Li chivaler i venent, chascuns d'eus por s'amie.

5055

Lai parolent d'amor e de chivalerie

E funt lor volentez trestuit per drüerie.

Si nulle'n est encencte e li enfes ait vie

E seie vasletons, n'enn est pas esmarrie,

Quar sun pere l'enveie, de ren ne s'i detrie;

5060

E si ce est pucele, ot sa mere est norrie

Deci que ele pot faire chivalerie."

"Per fei, fait Alix., or ai mervelle ohie,

Si ge icele terre nen ai em ma bailie

E nen aie sur eles tote la segnorie,

5065

Duntc porrai ge ben dire ma proëcce est fallie.

Lo matin i irons quant l'auba ert esclarzïe."

370

"Sire, ce dist Sanset, la terre est si salvage

C'uns fluns la cenc entor dunt haut sunt li rivage;

Nus hom n'i pot trover pont ne gué ne pasage.

5070

Molt est proz la reïne qui tent cel heritage,

E totes ses puceles sunt de molt haut parage,

Armes sevent porter e faire vasalage.

Cha ne sera la terre conquise senz damage,

Anceis que l'aiez prise i ferez lunc estage."

5075

Quant l'oït Alix., s'enbroncha lo visage,

E quant il se dreiça, si a dit son corage:

"Si ne la pois conquerre, petit pris mon barnage,

O s'eles ne m'en rendent a mon talent treuage."

"Sire, ce dit Sanset, encors funt autra oltrage:

5080

Eles n'unt unques cure de faire mariage,

Mas une fez en l'an venent a cel rivage,

E tuit li chivaler d'environ cel estage

I venent chascun an sens negun guionage,

E si funt d'eles dames tot selunc lor corage."

5085

"Per Deu, dist Alix., ge metrai lai mon gage,

Quar ge lor ferai rendre per force treüsage."

371

"Segnors, dist Alix., or est remés li jors

De porter ma corona e partir mes honors."

Dunques a dit li reis: "Molt sunt de grant valors,

5090

Unques en nulla terre n'a chivalers mellors

Por lor armes porter ne por tenir estors."

"Per fei, dist Alix., si nes tor a mes mors,

Dumques soi ge plus vis que tuit mi ancesors."

Segnors, por ço le dist Lucans, li bons auctors,

5095

De toz les autres reis fu Alix. flors.

Lors asist ses prevoz por ben garder ses tors,

E .v.c. chivalers ardiz e fereors

Fait li reis remaner por saner lor dolors.

A .xxx. mila sains fu donez li sojors,

5100

Se il en a mester, qui li farunt socors.

L'endemain per matin fait soner ses tabors;

Alix. s'en vait ne n'i fist plus demors,

Ot lui mena Sanset, son novel vavasors.

372

Alix. s'en vait per icele achaison

5105

Qu'il volt veer la terre o n'a si fennes non

E il la volt aveir en sa subjecion.

Son novel vavasor mena ot lui e Clinçon,

Phelipon e Aristé, Perdicas lo baron;

E li autra gardoient la tor e lo donjon,

5110

E il ot en batalla tota la region.

Or s'en vait Alix. pognant a atison,

Pain e vin e char porte e autra garison,

E passe cez granz vaus e ces pois a bandon.

Au chef de .xv. jors, ce dit en la liçon,

5115

Une jornee pres tendet son pavalon.

L'endemain sojorna por itele raison

Qu'il envia devant en taphin un garçon

Por cerger les pasages d'entor e d'environ.

La dama de Mazoine avint une vison.

373

5120

Un songe mervellos a songé la reïne

Qu'il aveit une poe en sa sala perrine

E aveit paoneus que aprés li trahine.

Dedevers Babiloine trestot une gastine

Vent un aigle volant per molt grant aatine

5125

Qui li voleit tolir ses paons per ravine.

La poe s'en fuieit tot dreit en la cosine;

Quant ele i dut entrer, si chet tote sovine.

Au demain per matin manda une devine,

En un chardin la mena desoz une sapine.

5130

"A mei vos ai mandee, fait ele, ma cosine.

Je ai songé un songe dunt ai dol e corine,

Mas cha ne sai a dire si ben o mal destine."

374

Le soncha li conta, cela le volt oïr;

5135

Quant cele l'entendi, si geta un sospir,

E quant fu porpensee, ne se volt plus taisir:

"Dama, trestoz les songes deit l'om a ben [ver]tir.

Vos esterez la poe, n'i poëz pas fallir;

Uns reis si est li aigles, ne vos en quer mentir,

5140

Il vos voldra de guerre e confondre e matir;

Si vos i conbatez, vos nel porrez sofrir;

O vos vollez o non, vos estrovra fuïr.

Je vos lo cest rëaune de part lui a tenir

E per an treü rendre trestot a son plaisir;

5145

Meuz covent ce faire qu'en batalla morir,

Pois que la chouse est faite tart est de repentir."

375

[L]or consel unt finé, la reïne la creit.

En son maistra palais s'en vent trestot dreit

Enz en un chaelleit, d'ivoire faiz esteit.

5150

Les coites sunt de paila sut qu'ele se geseit,

Les barres sunt d'ivoire qui les cordes teneit.

Ec vos une pucele qui apognant veneit

E sist sur un destrer qui cort a grant espleit.

Lai o vit la reïne, molt gent la salueit:

5155

"Jupiter li granz deus, qui haut set e lonc veit,

Saut e gart la reïne si cum il pot e deit,

E li deus de batalla en ahie te seit,

Febus te gart de mal, n'aies trop chaut ne trop freit,

Juno te doins richece, Pallas la te otreit,

5160

Venus te dunt amor o ele ben s'empleit.

Noveles te sai dire, mas qu'enuis ne te seit."

La reïne fu sage, bonement respondeit:

"Diana la deesse les autres des empleit

Que nos saives seiomes; or dites sens destreit

5165

Ques sunt cestes noveles." E cele li diseit.

376

La reïne comanda, si decent la pucele

E comença a dire encontra sa novele:

"De devers Bab., ce dit la damisele,

Vent uns reis Alix., la genz ensi l'apele;

5170

Fortune l'a levé tot en sum la roële,

Manc prince a afolé e abatut de sele;

La gent que il conduit est hardie e isnele,

Tot lo mont a conquis - durement se revele -

Fors salement cest isla, qui li sembla molt bele.

5175

Ben set qu'il n'i a masle ne il ne crent femele;

S'il le pot espleiter, fera de tei s'ancele."

Quant la reïne l'ot, rogist com estencele,

Desfubla son mantel, remest en sa gonele,

Un petit s'embroncha, sa main a sa maisele;

5180

Quant se fu redreicee, la meschine apele.

377

"Dites mei, damisele, si ço est veritez,

E vol molt ben oïr come vos lo savez."

"Dama, gel vos dirai, quant sa ver lo volez.

Je m'en esteia alee oi matin a cez guez,

5185

Lai esteit uns bateus venuz e arivez.

Li païsans d'entor unt gurpi lor citez

Por la paor de l'ost, tot ensi lo sagez.

Ceus d'entor la rivere vi ge molt esfreez;

Distrent que l'oz veneit, mas granz esteit asez."

5190

Quant la reïne l'ot, ités fu sis pensez,

Ben set qu'ores sereit sis songes averez.

Li conseus de ses fennes fu trestoz asemblez;

Quant fu toz li convenz venuz e ajostez,

Consel de cele chouse lor fu dunc demandez:

5195

"Uns reis de Babiloine, granz est sa poëstez, -

Alix. l'apelent per trestoz ses regnez, -

Tot lo mont a conquis, e tant s'est esforcez,

Fors solement cest isle qui tant li est loëz.

Tant per est, ç'ohi dire, d'avarice desvez

5200

Que trestot icest mont a mis desoz ses pez."

Dist une sage dama: "E vos l'en trametez,

Se il volt, de l'aver, e vos trop l'en donez."

"Dama, si ferai ge, quant vos lo me loëz."

Dos puceles apela, jovnes, beles asez;

5205

L'une ot non Florete, e l'autre ot non Beutez.

Unques encors li fluns ne fu d'eles passez

Ne hunc ne fu encores rotte lor chasteez.

"Alez, dist la reïne, vostres cors conreez;

Au fort rei Alix. mon present porterez,

5210

Prïez li docement que ait de nos pitez,

Per lui ne seit ma terre ne mis païs gastez;

Chascun an, s'il comanda, li ert traüz donez,

Anceis que il s'em parte en ert aseürez."

378

Floire e sa compagne s'en vont isnelament.

5215

Chascune a son ostel vesti son cors lo gent;

Floire vest un blïaut molt ben a son talent

Qui trestoz fu vermeuz trangez menüement;

La char pert blange e tendre per lo destreicement,

Le mantel de meïsme detrangez epsament.

5220

Li palafreis fu beus, n'ert pas li frens d'argent

Anz ert toz de fin or, ovrez molt richement

Ot peres precioses dunt plus i ot de cent.

Florete i est montee, que arçon nen i prent.

Beutez revest blïaut a son comandament,

5225

Li manteus de meïsme, si l'estoire ne ment.

Li palafreis fu beus, li frens tant solement

Valent mil besanz d'or trestot per dreit convent.

Cela qui l'amena per la renne li tent,

E Beutez i monta per son estré d'argent.

379

5230

Beutez e sa compagne s'en vont lez la marine.

Chascune ot [un] chapel de seie a sembeline;

Un topaice ot en son por oster la chaline,

E quant il fait oscur reluist e enlumine.

Or oëz lo present, la letre lo devine:

5235

Sur un char fist charger une riche cortine.

Savez vos qui la fist? Une noble meschine,

El ot non Adriane e fu de tel doctrine

Que encontra Pallas ovra per aastine;

Tres ben comença s'ovra e tres ben la define.

5240

Pallas esteit deese a toz les des cosine;

Quant si ben vit ovrer la pucele orfenine,

Molt en fu corrocee e tint un raim d'espine

S'en feri la pucele tres per mi la peitrine,

E cele s'em pendi de dol e de corine.

5245

Pallas esteit deesse qui li fist medicine,

En iragne la mue e trestote s'orine.

380

De cez chars i ot quatra, molt richement chargez

De riches dras de seie e de pailes roëz,

E furent trestuit nof, unc n'enn i ot un vez;

5250

Dos cenz chivaus avoc, provez e essaiez.

Encors fu li presenz durement enforcez:

Xxx. enas de safre de tel tempre alïez,

Primes les enversez e pois les redreicez,

Ja tant nes urterunt que uns en seit brisez;

5255

Salamonz les tempra, qui tant fu ensegnez,

Quar ce fu li plus sages dunt parler oïsez.

"Mon anel li portez avoc per amistez,

Preiez lo docement que li prenge pitez,

Qu'arse ne seit ma terre, quar ce sereit pechez."

5260

Quatra chameus a pris d'or e d'argent chargez,

Au bon rei Alix. les a toz envïez.

381

Alix. au rei cest present enveia

E per ses dos puceles docement li manda

Chascun an, s'il comanda, autretant en avra.

5265

Ot mil de ses puceles la reïne monta,

Trosque Meothodie lo present enveia,

Sur l'aiqua s'arestut domentres qu'il passa,

Tant cum les pot veer tos tens les esgarda,

E quant ne les vit mais, arere s'en torna.

5270

Alix. li reis ot son ost sojorna,

E l'espia revent qui lo païs cercha;

Au demain per matin nostra granz ost s'en va,

E unt tant espleité que un aiqua trova,

En un pré decendi, un petit se disna.

5275

Dan Clins e Aristés, desur un mont monta

Por l'engarda purprendra, s'ensegna iloc ficha.

382

Florete e sa compagne chivaugent a baudor,

E chivauge chascune palafrei ambleor

E chascune fait traire un destrer milsosdor.

5280

E chantent un sonet qui est de grant dozor

D'un doncel qui cha fu, si cun dit en l'autor;

Por ce que de beuté aveit si grant valor,

Ne volt unques amer pucele per amor.

Une mesavencture si l'en avint un jor,

5285

Qu'il vint a une fontaine, tot las de son la bor;

D'un cerf qu'il ot chaicé si aveit grant chalor,

Il se baisa a l'aiqua s'en but per grant doçor;

Iloques vit sa umbra, d'amor ot tel tendror

Qu'il la coveita plus que chivalers segnor;

5290

Tant jut sur la fontaine e mena dol e plor

Que li deule müerent en une bele flor.

383

Floreta e sa compagne chivaugent a bandon,

Amblant li palafrei, chantent une chançon,

En hauta voiz la dïent, molt per unt cler le son.

5295

Dan Clins e Aristés, ambedui li baron,

Chivaujoënt devant de toz lor compagnon.

Quant il oënt les voiz, sagez molt lor fu bon,

Chascuns tire sa renne si s'apoie a l'arçon.

Aristés premeirans comença sa rraison:

5300

"Ahi! Deus, sire peres, per ta beneïçon,

Si c'est voiz de sereine dun nos oons lo son."

Trestot premerement apela un garçon:

"Amis, alez me la dedelez cel boison;

Frere, alez i tost per tel devision

5305

Que tu me saches dire, si'n avras gueherdon,

Si ce est voiz de fenne que nos ohi avon."

Li vaslez s'en torna, qui coveita lo don,

Ben pres d'une loëe a corru de randon,

Delez une forest a pris aresteison,

5310

Vit venir les puceles qui unt gente faiçon.

384

Quant les dames lo virent, premer l'unt apelé.

Florete fu corteise si apela Beuté,

De lei prent lo congé, premeirana a parlé:

"Amis, dunt estes vos? ne me seit pas celé."

5315

E cil a respondu: "Cha'n orez verité.

Se saver lo volez, ge soi hom Aristé,

Qui hom est Alix., au fort rei redotté,

L'engarda fait de l'ost per molt grant feelté;

Dan Clins est sis conpancz, qui est de grant ferté,

5320

Si sunt des .xii. pers preisé e alosé."

"Amis, dist la pucele, per vostra lehauté,

Por ço que il vos seit encors gueherdoné

Dites vostra segnor, per sa grant honesté,

Se il nos veneit faire e onor e bonté,

5325

Qu'il nos venist conduire devant son avöé

Tant que li oüsons cest present presenté."

Li vaslez s'en revint, n'i a plus demoré,

Tot premeiran ha son segnor encontré.

Tant [tost] com il lo vit, si li a escrïé:

5330

"Mervelles vos sai dire, si g'en cuit aver gré."

Por icele parolo sunt amdui aresté.

Ce li a dit Dan Clins: "Or as tu fol pensé.

Di tost cela mervelle si cum tu l'as trové,

Quar del gahardon rendre somes tuit apresté."

385

5335

"Sire, dist li vaslez, mervelle dirai grant.

Ce sunt does puceles qui lai venent chantant;

Chascune devant sei fait traire un auferrant

Cuverz trosqu'enz aus pez d'un paile frambeiant

E chivaucha chascune un palefrei amblant,

5340

Ne cuit qu'il ait mellors en trestot Oriant.

Sur l'arçon de derere e sur celui devant

Lor pendent li chevel bels e blois e lusant;

Unques si beles fennes ne vi, mon esciant.

E unt espees cenctes dunt riche sunt li brant

5345

E font porter lor armes per mervellos semblant,

Escuz a bocles d'or, li heume surit lusant,

Lor lances sunt agües, li confanon pendant,

E les chauces de fer, li hauberc jacerant;

Plus beles damiseles ne vit home vivant.

5350

Un present aconduient molt riche e molt vallant;

La reïne de Macedoine Alix. al Persant

Lo tramet e enveie por aver pais avant;

Ne vol que sis rëaunes seit gastez tant ne quant,

E dit que chascun an l'en donra autretant.

5355

Per mei vos a mandé, gel vos di a itant,

Que les alez conduire per vostra bon talant."

Quant Dan Clins l'entendi, si respont en riant

E dist a Aristé: "Quar i alons pognant."

Lor chivaus demanderent, que meinent dui enfant.

386

5360

Des palefreis desendent si montent aus destrers,

Li vaslez les en meine le chemin qu'est pleners

Deci qu'aus dos puceles qui hunt les cors litgers;

Quant les donceles virent amdos les chivalers,

Sempres les enamerent e si tengent molt gers.

5365

Dan Clins parla avant sis salua premers:

"Cil Deus qui maint en haut vos dunt voz desirers."

E Aristés a dit: "Deus! quant beus sosdaiers!

Compagnie ferai avoc eus volenters."

387

Dan Clins vint a Florete, per la renne la prent,

5370

El ne fu pas vilaine, volenters le consent.

Aristés prist Beuté per la renne d'argent,

Cele fu proz e saive, qui pas ne li defent;

Li uns parla a l'autra d'amors e de jovent.

"Pucele, dist Dan Clins, faites me un convenent

5375

Que me dites vostra estre: dum estes, de quel gent,

Coment avez vos non? ne m'en celez nïent;

E ge vos redirai de mon estra epsament."

"Sire, dist la pucele, au Deu comandament,

Je dirai volentera tot lo vostra talant.

5380

Je soi molt gentis fenne e trestuit mi parent

E si ai non Florete." E quant Dan Clins l'entent,

Dunques li respondi e dist molt gentement:

"Bele, la vostra amor m'otrïez lëaument

E vos avrez la meie sens nul deveement."

5385

"Sire, dist la pucele, je l'otrei bonement

Que vos aiez la meie sens nul destorbement."

Quant Dan Clins l'entendi, molt grant merci l'en rent,

Quatra feiz la baisa per amor docement.

Lor amistez aferment amdui molt lëaument;

5390

Pois l'ot il a moller, si l'estoire ne ment.

388

Aristés e Beutez parolent en requei,

Il la tint per la renne de l'amblant palefrei.

"Pucele, si vos plaist, dites per vostra fei

Si estes fille a conte o a duc o a rei,

5395

Ben pert a la beuté certes que en vos vei

Que estes gentil fenne, e per itant vos prei,

Si ge vos vol amer, autresi faites mei."

"Sire, fait la pucele, ne vos tort a enoi,

Vos dites voz plaisirs, mas molt petit vos crei."

5400

"Bele, ce dist Aristés, ci somes en requei;

Per cele lëauté que Alix. dei

Ne per trestoz les des dunt nos tenomes lei

Que jo por vostra amor soi en molt grant esfrei."

"Sire, dist la pucele, ne sai autre conrei,

5405

Tote ma drüerie e m'amor vos otrei;

Si je fal a la vostra, malament me folei,

E si aver la pois, molt bel en ert a mei,"

Quant Aristés l'entent, si l'estrenct endrei[t] sei,

Per amor la baisa, unc n'i ot nul desrei.

389

5410

Trestuit comunaument en son[t] a l'ost venuz,

Soz un arbre decendent qui beus ert e folluz.

Molt furent esgardees de granz e de menuz

E lor beutez loëe de veiz e de chanuz.

Alix. esteit fors de son tref issuz

5415

E veit les dos mesages a terre decenduz.

Quant vit que ce sunt fennes, lors se s'est arestuz.

Floreta parla avant si li rendi saluz:

"Sire reis Alix., por vos fait Deus vertuz,

Del regne de Macedoine vos vent ci li traüz,

5420

E per tot lo mont estes e dottez e cremuz.

La reïne vos manda que vos estes sis druz,

Ne volt que seit sis regnes gastez ne confunduz,

Chascun(e) an vos sera tot autretant renduz;

Comandez que il seit gardez e receüz."

5425

Lors parla Alix., qui pas ne se fist muz:

"Sanses me dist tot veir, je m'en soi perceüz,

Iciz regnes esteit toz au men os perduz;

Se li païs volt estra de mei reconeüz

E li convenz que dites me seit ben atenduz,

5430

Lance n'en ert brisee ne estroëz escuz,

Chivalers n'en ert morz ni de selle abatuz

Ne che mais n'en sera cops d'espee feruz."

390

"Sire, ce dist Beutez, ne lairai nel vos die:

La reïne vos manda que el est vostra amie,

5435

Sun anel vos tramet per molt grant drüerie,

Vez le ci em present, nel refusez vos mie.

Son treü vos enveie per molt grant segnorie

E trestot son rëaune met en vostra bailie,

De vos lo volt tenir si'n estera plus fie.

5440

Per itel covenance seit de vos recollie

Que si guerre vos creist ne nus vos contralie,

Ot mil de ses puceles vos vendra en ahie.

Ja n'enn i avra nulla que n'ait brogna vestue,

Laccé elme lusant, cencte espee forbie;

5445

Volenters i ferrunt, nel mescreez vos mie,

Quar molt aiment le pris de la chivalerie.

Del treü chascun an seit vostra comandie;

Si aver lo volez, preste en este garnie.

Unc mais reis n'ot treü qui fust de Femenie.

5450

Or manda la reïne devant ta baronie, .

Seürté vos fera ela e sa companie."

"Certes, dist Alix., quant ensi s'omelie,

Se ge ce refuisoe, ce sereit vilanie."

391

"Certes, fait Alix., vostra dama est molt sage,

5455

Qui si beles puceles tramet en son mesage,

Corteises e aprises ede molt jovne eage;

Vos me resenblez ben fennes de haut parage.

Por la vostra beuté e por lo vasalage,

Devant toz mes barons perdons ci lo chevage,

5460

Que ge mais en ma vie n'enn avrai treüsage

Ne de vostra rëaune nen avrai segnorage.

Quant la vostra reïne m'avra fait son homage

E ge la recevrai au los de mon barnage,

Pois li rendrai en feu trestot son eritage,

5465

Si que ne l'en ferai ne vilté ne damage."

"Sire, ce dist Dan Clins, entendez mon corage.

Certes jo aim Florete, mas non pas per putage,

A moller la vol prendre, n'en quer autre ostage."

Ice a dist Aristés: "Dans reis de haut parage,

5470

De mei e de Beuté faites lo mariage."

392

Alix. respont: "Volenters lo feroie

Si les puceles volent e chascune l'otroie."

"Sire, ce dist Florete, unques n'oi si grant joie;

La deese d'amors plus grant don ne m'otroie:

5475

Mes premeres amors si aveir les poeie."

"Certes, ce dist Beutez, plus lee ne seroie;

Fors le cors mon ami autre ren ne queroie."

Ec vos un chapelain, qui a la crine bloie,

A la lei que il tenent ensemble les aloie.

5480

Dist Dans Clins a Aristé: "Fait avons bone preie,

Quant or est Beutez vostra e Florete est moie."

Alix. li reis por la reïne envoie,

Ben volt que ele venge e que il parler l'oie.

Quant la reïne l'ot, richement se conroie,

5485

Ot mil de ses puceles cui li sojors enoie,

Qui molt hunt les cors genz, cler vis e blancha doie,

Les olz vars e rianz e la colors rochoie;

Molt sunt ben acesmees, qu'om volenters les voie,

De vermel cisclaton dunt li ors reflamboie.

5490

Chascune lait defors sa crine qui blanchoie

Pendre per les espalles, molt forment s'en congtoie.

Chapeus unt cembelins, qui del chaut les unbroie,

E cegnent les espees dunt li atcers brunoie.

Chivaus funt traire en destre qui sunt cuvert de soie

5495

E escuz penz a flors dunt li curs envit ploie.

La reïne fu cencte d'une large corroie,

Panthasilee ot non e volenters guerroie,

Amie fu Ector, por lui ala a Troie.

Montent aus palefreis si acollent lor voie

5500

Trosqu'a Meothodie, l'aiqua qui n'est pas quoie;

A navie la passent au port desoz la poie,

De l'autra part arivent sur l'erbe qui verdoie,

En un poi s'en monterent e vont per une arbroie.

La reïne chivauge delez une brooie,

5505

Vint au rei Alix., docement merci proie.

De quant que ele a dit a li reis molt grant joie.

393

La dama de Macedoine est de son regne issue,

Ot .m. de ses puceles a sa veie tenue

E vint a Alix., come rei lo salue,

5510

E li reis l'a molt ben, ce sachez, receüe.

Por faire sun hamage est a pé decendue,

Dunc parla la reïne, qui pas n'est esperdue:

"Sire reis Alix., si guerre vos argüe,

Ot mil de mes puceles vendrai en vostra ahue,

5515

Ja n'i avra celei ne ait brogne vestue,

Laccé elme lusant e targe a or batue,

Avront cencte l'espee forbie e esmolue.

La batalla sera de ma part ben ferue,

Quar nos amons mais guerre que aler a charrue."

5520

"Per fei, dist Alix., cest ai ge entendue.

Or vos dirai noveles: Florete avez perdue,

De Beuté n'avez mie, quar amors l'a vencue;

Dan Clins si a Floreta a amie retenue

E Aristés Beutez a moller e a drue."

5525

Quant la reïne l'ot, de maltalant tressue,

Otreier li estut, quar li reis l'en argüe.

394

La reïne demanda congé por retorner.

"Certes, dist Alix., primes vol esgarder

Coment voz damiseles sevent armes porter."

5530

Ce respont la reïne: "Ben fait a otrïer."

Isnelament a fait sun chival amener;

La reïne i monte, n'i vol plus demorer,

Desfubla son mantel por son gent cors mostrer.

Ses puceles comanda d'une part atorner

5535

E les armes a prendra e eus chivaus monter.

Qui veïst les puceles des armes acesmer

E poncdra les chivaus, guenchir e trestorner

E faire les aprestes ensi cum por joster!

Quant la reïne volt les autres trespasser

5540

E volt des esperons lo blanget adeser,

Plus tost vait sis chivaus c'oiseus ne pot voler.

Il a un grant peison en cele Roge Mer,

Ce est uns chivaus peis, ensi l'oï nommer;

Cest chival engendra, si cum oï conter.

5545

Alix. prist molt lo chival a loër;

Quant lo sot la reïne, si li fist presenter,

E li reis Alix. l'em prist a mercïer.

La dama prist congé, n'i volt plus demorer;

Li bons reis l'a baisee quant vint au desevrer.

395

5550

Quant la reïne fu au palefrei montee,

Congé a pris del rei si s'en est retornee,

Jusque Meothodie n'i ot renne tiree;

Quant ot lo flum passé, si fu en sa contree.

E li reis Alix. a sa veie astee,

5555

En Babiloine en vint a l'uitisme jornee;

Or sera de fin or sa teste coronee.

De per tote sa terre fu sa genz demandee,

E li prince e li conte furent a l'asemblee.

Olimpias sa mere, qui sach[e] ert e membree,

5560

Qui ert de Macedoine reïne en haut levee,

Li tramist une chartra en or fin saelee.

Dromedaire chivauge cil qui l'a aportee,

Quant il vit Alix., si li a presentee.

Li reis prist lo sael, la chartra en ha ostee

5565

Si a lite la letre; quant il ot esgardee

E il sot qu'ele dit, s'a la color müee,

De mautalant suspire s'a la teste crollee.

En son cur le destrenct, tel chouse a pensee

Qui li vint a damage; la mort en a gostee

5570

Anz que la quaranteine fust tote trespassee.

S'or esteit ma raisons oïe e escoltee,

En romanz vos dirai per parole menbree

Qu'il trova en la chartre qui li fu presentee.

La faiture sa mere i esteit saelee.

396

5575

Olimpias sa mere, qui molt forment l'ameit,

Aus premers vers davant mil saluz li mandeit,

E en celui aprés sachez que il aveit

Que danz Antipater, qui Sidoine teneit

E trestota l'onor que il i apendeit,

5580

De son servise faire molt forment se fegneit,

E Divinuspater, cil qui Tir manteneit,

Por son comandament servir ne li degneit,

Anz porchaiça son mal s'espleiter lo poeit.

Li uns parola a l'autra e sovent coselleit,

5585

Mas non pas de son pro, tot de fin o saveit.

Or li manda sa mere per la fei que li deit

Que d'iloc en avant que nus garda n'en seit

E de ce qu'ont forfait si prenge molt aut dreit.

Quant li reis l'entendi, forment li enuieit,

5590

De ce qu'ele li manda molt forment li peseit;

De mautalant s'enbronge, en son cur deviseit

De ce qu'ele li manda saver que il fereit.

Or a tot porpensé c'um bref li trametreit;

Se c'est ver qu'ele dit, molt sera ben proveit,

5595

E s'il le set de veir, grant justise en fereit.

397

Quant la chartra fu lite, li reis s'est porpensez