RIALFrI

Aldobrandino da Siena, Régime du corps, metà XIII sec.

Le régime du corps de maître Aldebrandin de Sienne. Texte français du XIII^{e} siècle, publié pour la première fois d’après les manuscrits de la Bibliothèque Nationale et de la Bibliothèque de l’Arsenal par Louis Landouzy et Roger Pépin, Paris, Champion, 1911.

Edizione digitalizzata a cura di Serena Modena

Marcatura digitale a cura di Luigi Tessarolo

Permalink:

 

 

II. DEL FORMENT

[1] Fourmens est uns blés temprés, convignables sour tous blés à nature d'oume, mais il tient .i. pau de caut et diversefie se nature par viellece ou par nouvieleté, et par le tere en coi il croist, et por autres coses assés.

[2] Et celui c'on doit mengier doit on eslire qu'il soit creüs en boinne tere, et qu'il soit purs de tot autres coses, et ki soit entre viès et le nouviel, et qu'il ait coleur entre rouge et blance, et qu'il soit tenus netement, ne mie en fosse ne en relent, ains doit iestre <en> maisons où vens puist entrer. [3] Tel fourment convient à homme user, car li sans ki est engenrés de tel fourment ke dit vous avons, est plus temprés ke nus sans qui soit engenrés de nul autre blé.

[4] Et sachiés que li pains qui est fais de tel forment ke dit vous avons est plus caus que li fourmens, et tel caleur prent il ou four quant il cuist, et nus pains n'est si boins ne si tost cuist à le fourcele com fait cis, mais qu'il soit bien levés et soit .i. pau salés.

[5] Et li pains alis de fourment est durs et ne se cuist à le fourciele, ainsi demeure moult, et fait le ventre bruire et enfler, et estoupe les voies du foie, et engenre pierres, et por ce, de tel pain se fait boin garder.

[6] Et se li fourmens est cuis avoec lait ou avoec autres coses, si fait boin sanc, mais qu'il se puisse cuire à l'estomac, car il se cuist à grant painne, et qui l'use moult si fa<i>t venir maladies ke dites vous avons, ausi comme de pain alis.

 

 

 

 

 

 


Warning: file_get_contents(http://mizar.unive.it/mqdq/public/res/risorse_it.properties): failed to open stream: HTTP request failed! HTTP/1.1 404 Not Found in /home/rialfri/public_html/rialfriPHP/library/stella_galaxy/models/Language.php on line 27

Notice: Undefined index: query in /home/rialfri/public_html/rialfriPHP/application/controllers/TestoController.php on line 43