La grant Queste del Saint Graal del ms. Udine, Biblioteca Arcivescovile, 177, 1284-1299, ms. esemplato a Genova da copista pisano
La «grant Queste del Saint Graal»: versione inedita della fine del XIII secolo del ms. Udine, Biblioteca Arcivescovile 177, a cura di Aldo Rosellini et al.,Tricesimo (Udine), Vattori, 1990.
Anna Rizzato, "La grant Queste del Saint Graal" del ms. Udine, Biblioteca Arcivescovile, 177. Edizione digitale e commento, Tesi magistrale in Filologia moderna (Classe LM-14), relatrice Francesca Gambino, Padova, Università degli Studi di Padova, 2022.
Edizione del manoscritto Udine, Biblioteca Arcivescovile, 177
Edizione digitalizzata a cura di Anna Rizzato
Marcatura digitale a cura di Anna Rizzato
Messa in linea a cura di Francesca Gambino
Permalink:
[III.9]
[1] Issi furent li conpaignon en la chapelle, ne onques puis que il se furent esveillé ne se [f. 55r] endormirent, ainz pansoit chascun mult formant a ce qu'il avoit veu en son dormant.
[2] Qant li jor fu venus, il alerent a veoir leur chevalz ou estoient, et le quistrent tant qu'il le troverent; si mistrent les selles et les frainz et pristrent leur armes et monterent, si se partirent de la montaigne. Et quant il furent venus en la vallee si encontrerent un vallet qui chevauchoit un roncin et estoit sanz conpaignie nulle. Et qant il vindrent pres de lui si le saluerent, et il lor rent lor salut mult debonairemant. «Biaus amis, fet messire G[auvain], saurés nos vos ci pres enseigner un hermitage ne nulle religion?». «Sire, fet li vallet, oïl». [3] Lors leur moustre un petit chemins a destre et dit: «Cist santier vos merra a un haute hermitage que est en une peure montaigne; mes elle est tant roiste que chevalz ni i puet aler, et por ce vos i convendra a descendre et aler contremont a pié. Et quant vos seroiz amont venus, vos troveroiz une meson povre et petite et un hermite qui est li plus preudomes et de la meillor vie que len sacche orendroit en ceste païs».
