I

Euminiadus esgarde vers li poi d’Or[imo]nde

e vit la gent de Gadras, dont tot li vaus seronde:

n’a mie por grant vent in aut mier tant honde

cum cil vinent espois la vallea porfonde;

5

autresin les acingient cun villans fait sa fonde,

toç les voillent enclure deu tot alla reonde.

pou gent a por combatre ni acors qui responde

ni paor di mort n’i a cil qui s’asconde,

mes dans elç de son chief ne piet estier non [fo]nde.

10

Euminiadus apelle Lucanors de Normonde:

«Biaus amis, ia aes tu destriers isnel plus de ronde:

car va di Alessandre se tost ne nos abonde,

uy perdra la gent qu’a plus amé en cist monde».

Qua[n]t Lucanors l’intent ne puet estier non gronde;

15

ne laisse porant qu’il ne li responde:

«Nen feray, dist il, por ceste teste blonde

aenç i para mon escuç este tarçe reonde

et aura detrençé d’ençor la mastre sponde,

nen istray du canp se mant de lor n’i tonde».