Por ce qe je say le francois

E qe [je] soy parler ancois

Franchois qe nul altre lengaje,

Si me samble strange e sauvaje

5

De ce qe j(e) aipris en enf(r)ançe

Laiser, car le lengue de Françe

Est tels, qi en primer l'aprent

Ja ni pora mais autrement

Parler ne autre lengue aprendre.

10

Por ce ne me doit nus reprendre

Qi m'oie parler en francois,

Qe j'apris [a] parler anchois.

Or vos voil en françois retra(h)ire

Tel chouse qe molt pora faire

15

Grant bien a ceus qi l'entendront

E qi en memorie tendront

L'istoire qe j'ai en talent

A dire por Deu solement.

E por Deu me voil travaler

20

E de jor e de nuit veiler

Por mostrer a ceus qi seront

Quant tote choses feniront,

Queus merveille devra venir

Quand li mundes devra finir.

25

E sunt plus de set anz passé

Qe ay molt sotilment pansé

En vision de Danïel

E ço q'en dit Eçochïel

E qe l'Apocalixe a dit,

30

E Ysaïe ai tot escrit.

E sait zo q'en dien li Greu

E li Latin e li [E]breu,

E qe sainz Pol l'apostre en dit,

Qui en ses epistres l'escrit,

35

De la fin del mund ensement,

Qi en dit molt oscurement.

E sai ce qe Sibile en dit

En un libre qi est escrit

A Rome, o je l'ai bien veü

40

E si l'ai maintes fois leü.

Tuit traitent de la fin del mond;

Cascuns nos amaistre e semond

D'aprester nos de sostenir

Les dolors qi devront venir

45

Quant li mondes se finira.

E sacienz qe mult en ira

Des cristians a Antecrist,

Qe refuçerunt Jesu Crist,

Si c'a poines se sauverunt

50

Cil meïsme qi bon seront.

Li bon se sauverunt a peine,

Car li delit de Deu demeine

Avront tante temptation

E tante tribulation

55

Q'il ne se savront conseiler;

Ja nus ne lor pora adier.

Ja ni sera nul si ardi

Qi la ne soit acoardi.

Aintecrist avra gran tresor

60

E tant donra argent et or,

E fera doner largement

Au ceus qi son ameistriment

E sa dotrine retendront;

Car li autre qi remandront

65

Se leserunt marturïer,

Ainz q'il voilent Deu renoier.

E anchois qe veigne Antecrist,

Si cumme li vangile dist,

Hert grant chietés e fein en tere,

70

E par tot le mond sera guere;

Les vignes ne poterunt fruit,

Ainz (se) secoront li arbre tuit,

E qeirunt foudres e tempestes

E moront les gens e les bestes

75

Par moutes partie del mund,

E les terremotes seront

Par les citenz et par les terres,

E les batailes e les gueres,

E l'ocisions de la genz

80

Sera par le mond esemenz.

E li quinçe signe cairont

Del ciel, de quoi la gent serunt

Par le munde toit esmaiez.

Lors sera Sathan deslïez,

85

E tuit li diable seront

Sor le tere, qi antendront

La gent e ferunt renoier,

Qi por paor, qi por loier.

En toz les senz qe il poront

90

Avoir e richeçe don(e)ront

A qi en voldra recevoir;

Car des tresors e de l'avoir

Qi desor la tere seront

A cel tens, de tot en feront,

95

E de doner e de despendre

A lor senz, qi en voldra prendre.

E saciez qe molt i sserunt

De ceus qi la foi [les]seront.

De l'iglise e de Jesu Crist.

100

Adunqes vendra Antecrist,

Qi les grans merveles fera

E les mors resuscitera,

E qui donra l'or e l'argent

Par quoi [i]l soduira la gent.

105

Lors sera la dissescions,

E iert si grant divissions

En le glise e si grant martire

Q'il n'est hom qi le saçe dire.

Foudres e tempesta fera,

110

He iert teus jor ke il sera

Vermeus come sanc (sic),

E l'autre jors sera toz blanc.

Ja ni sera roys qe il truisse

Qe de lui defendre se poisse;

115

Les regneç (el) prendra e les terres

E fera les pais e les gueres.

Tuit li demoine [l]i seront

Obedïent, e tuit ferunt

Ce que il lor comandera.

120

Trois ainz e demi regnera.

En la terre courra la mer.

Mesia se fera clamer.

La jent, por ce que il veront

Les merveiles, e q'il (fe)oront

125

Qe deça e dela [la] mer

Se fera Mesia clamer,

E puis verunt qe ço qe dist

Le nostre seignor Jesu Xrist

Fera tot a nïent tenir,

130

E dira q'il voldra venir

O ses angles au jujament:

N'iert pas merveiles se la jent

Creront ço qe il lor dira,

Por les merveiles q'il fera,

135

E q'il donra l'or e l'argent,

Causteus [e] citez largement

A qi unqes en voudra prendre

E sum amaistrament aprendre.

Adonqes a cel tens vendront

140

Dous prophetes, qi mantendront

Le meistrement de Jesu Crist

E les paroles qe el dist.

Apertement preïcheront

. . . autresi feront

145

. . . ront a tote le gent

. . sacent certainement

Qe ço q[e] i[l] lor dit sont flabes,

E sacent qe c'est cil diables

Qi Eve e Adam fest pechier.

150

Or est venust por engengier

Tot ceus qe il pora [sor]prendre,

Qi or e argent voudrunt prendre.

De sac seront andui vestui,

E avront licence e vertu

155

De faire qanqe il voudront;

Car li mors resusiteront

E saneront les maledies.

Enoc avront nom e Helies.

Enoc a fait Damedés estre

160

Grant temps en paradis terestre,

Puis i fu El[i]e porté;

E unt issi ensamble esté,

Tant q'il do[i]vent issi venir,

Come j(e) ai dit, por maintenir

165

La foy de la cristïenté.

E Deus lor donra poësté

De fayre ço qe il vouldront,

Car li morz resusciteront,

Et autres miracle feront,

170

Si qe les gens en doteront,

Si come j(e) ai ça desus dit

E com le trovei en [e]scrit,

Au cui el se doi(i)ent tenir.

Antecrist les vera venir

175

En tel forze e en tel vertu,

Et ore avra veü (sic)

Qe grant partie de la gent

Entendront lor amaistrement,

E fera por eus esbaïr

180

Feu e foudre de ciel venir,

E sse combatera ad heus

Et les vençera tost andous,

Devant toc, e les occira.

E puis apertement dira

185

Qe ce qe il a ensegnié

E qe il avra preechié

Soit de toz tenu fermement,

Car il est Jesu v(e)raiement.

Hai, Deu! qe poront donqes dire

190

Les gent qi qeus verunt ocire

Qe [Deus] a fait si lonc tens estre

Esanble en paradis terrestre,

E puis les avra fez venir

Por crestïenté maintenir,

195

E les leira si tost ocire

E morir a si grant martire?

Nus n'i puet respondre autrement

Mais qe trop sont li jugiment

Dei Nostre Seignor mervelos.

200

Lors (l)iert Antecrist orgoillos:

Sus el Mont Olivant ira

E au ceus q'i (la) seront dira

E comandera fermement

. . . . amaistrement;

205

. . . cil a comendé

. [bi]en tenu e bient gardé.

. . a q'or sera venuz

[Li] tens qe il sera tenuz

A retorner a Deu sun pere,

210

E sera Deus, si cum il ere.

Lors (e)les enseignira briement

E les ameistrera coment

Il se [de]vront pois contenir,

Tant qe li mund(e)s devra fenir,

215

Qe il vendra au jugement

E q'il voudra juger la gent.

E quant il se devra partir,

Si veront tot lo ciel ovrir,

E foudres dou ciel descendra

220

Qe parmi lo cors le fendra

E l'ardra tot devant la jent,

E ventera la poudre au vent.

Plus de mil diables seront

Sus en l'ayr, qe tuit criarunt:

225

«Cum nos a traÿ Lucifer!

«Or seron nos el feu d'enfer,

«Qi nos bruïra toz jorm mais,

«Ne d'iloc n'iserons jamais.

«E[n] la malora t'ay veü

230

«E ton mauvès consey creü!

«La joie avons par toé perdue,

«Qi ne nos sera mai rendue».

La jent veront mort Antecrist

Si creront tuit en Jesu Crist;

235

Li [j]uë se batiçerunt,

Tuit [cil] qi a cel temps seront,

E creront l'incarnacion

E avront tuit sauvation.

Puis en port[e]ra saynt Mich(a)el

240

Elië e Enoc en ciel

A grant honor e a grant gloire. -

Or se començe ici l(e) istoire

Des merveiles qe Deus fera

Quant li mundes se finira.

245

Los rendra la tera son fruit

E reviv(e)runt li abre tuit,

E sera pleine de tot bien,

De pain e de [tres]tote rien.

Par tot lo mond[e] sera pais,

250

Ne la guerre ne sera mais,

E tot[e] la gent cuideront

Estre gari, e iseront

E feront maixons e palais,

Si com il fissent onqes mais;

255

Vignes e arbres planteront

E lor mariajes (si) feront

E creront, si com il soloient,

Faire (de) tot si com il fasoient.

Mes lor termes sera molt corz;

260

Solement qarante çinc jorz

Puis la mort d'Ant[e]crist durra

Li mundes, e puis finira.

Vint e .v. jors reondement

[S]eront il [en] pais solement,

265

Puis se cominçerunt a faire

Des signes qe [je] voil retraire;

Volunters les devés oïr.

Nus n'iert qi les puisse fuïr,

Ja ni vaudra sanz ni savoir

270

Ne bontez qi l'en poisse avoir,

Ja nus ni se pora defendre.

Hay, Dés! qe devons nos atendre?

Por qoy nel pensez vos, seignor?

Les merveiles del primer jorn

275

Qe Dés fera primerament

(E) diray, se vos vollez, briement.

Se vos me vollez escouter,

(E) ja me porez oïr conter

Les quinçe signe qi seront

280

Qaint totes çouses feniront.

El primer signe qe sera,

(E) qe Deus omnipotent fera,

Vos conteray primerament;

Or entendez devotament!

285

Les enfans qi encors seront

A naistre, es ventrez crieront

A [a]utes voiz, si les pora

Oïr qe oïr les voudra;

E demanderunt autement

290

Merci a Deu omnipotent:

«Sire, rois de misericorde,

«Se toy pleis, de nos te recorde.

«Tu nos crias, tu nos feïs,

«E ci en prison nos meïs,

295

«Ne mais nestre ne voudrions,

«Ne ocire ne nos poons.

«Sire, ne nos laisez mais nestre!

«Meis voudr[i]un(t) nos nïent estre

«Qe veïr la fin de cest mund,

300

«E ceus qi en cest monde sont

«Par lor gré ne voudrogent estre.

«Bieu Sire, or ne nos leisiez [n]estre

«Por esgarder la grant dolor

«Qe [i]cil veront çascuns jorn

305

«Qi el mund[e] devoient estre,

«Qi oimès doit [molt] petit estre.»

Li enfans crierunt issi

E diront tuit: «A Deu, merci!»

C'est li signe del primer jor.

310

Mais li autres sera maior

E sera molt plus merveilos

E plus grant e plus perillos.

La mer e les aigues qi sont,

E qi corent par tot lo mund,

315

Se leveront en l'air lasus

Cent [t]oisses sor la terre, e plus,

E seront issi cum un mur;

Nus ni sera donqes seür.

Par tot le mund sera veüe

320

La mer, qe si ert aut creüe,

E li flum(i) seront tuit veü,

Qe autresi seront creü.

Puis començerunt tuit a braire

[E tel] cri e tel noisse a faire,

325

. . parront li cri si grant

[Q'o]m n'i oroit pas Deu tonant.

[P]ois torneront a lor canals

E descendront si jus avals

Qe ja nus veoir nes pora,

330

Ne mer ne flum [plus] ne parra,

Q'il seront si bas descendu

Qe ne poront estre veü.

E puis après retorneront

A lor canals, si com il sunt.

335

N'il est criature qe sace

Por coi Nostre Sire lo face.

C'est li signe del segon jor

Qe mostrera Nostre Seignor.

Or devom[e]s nos tuit penser

340

Por qel pas nos convint passer,

Qi atendons si grant dolor.

Puis monstrera Deus au tierz jor

Lo tierz signe qe nos trovons

En escrit, e veü l'avons,

345

Qi sainz Geromes le nos dit

E reconte en un sun escrit

Qe li poisson se leveront

Qi pormi lles aigues seront:

E poisson e bestes de mer

350

Se doivent (tuit) au tierç(e) jor lever

Sor les aigues par les riveres.

E dit qe de tantes manieres

..........................................

Nel s'il crient a Deu merci.

Le quint(e) signe hiert contre nature,

355

Car, si come dit l'escriture,

Les erbes devendront vermeiles,

Ki ier une des granz merveiles,

Ke li arbre seront tuit blanc,

Puis seront vermeil come sanc.

360

Puis chaira une grant rosee

De sanc come [une] grant fumee,

Dont tote la terre hiert sanglente:

Ne cuidez pas qe je vos mente.

Au seste jor par tot chairont

365

Tuit li [e]difici(i) del mund (qi sunt);

Ja n'iert el mund palais ni tor

Qi tot ne caiçe au sesto jor.

Donqes cairunt tors e palais,

Qi ne se leveront ja mais,

370

E li mur e li casament

Si caïront tuit ensement.

Le sept(i)me jor se combatront

Les peires, si ch'el[s] se fendront

En trois parties o en qatre,

375

E ne fineront de combatre

Tant qe [e]les seront parties

En trois o en qatre parties.

E a l'oteme jor fera

Teremote, qe si sera

380

Granz e tereble e merveillos

Qu'onqes ne fu si perillos

Ne si granz come cil sera,

Car tot le munde desfera,

Ne ja la gens ne se savront

385

Conseiler qe donqes ferunt.

Au novisme jor se plan(e)runt

Par tot [e] li val e li mund,

Et i(h)ert la terre tote plaine;

E Monte Cavaire dema(r)ine,

390

La o Deus fui crucifïez,

Sera donc tot aplanïez.

E sera donc tot plain lo mond.

E la genz qi donqes seront

N'avront [ne] force ne vertu;

395

Ainz seront lors toz esperdu.

Li fil ne conoistra le peire

Ne fera le fille la meire,

Ne savront dire ne parler,

Ainz les vera ele donc aler (sic)

400

Come pere esperdues (sic)

Qi aient les bontez perdues.

Lo disme signe vos dirai,

Si come en enscriture l'ay

Veü e trové en escrit,

405

E cum[e] li prophete dit:

Totes les [e]steles cairunt

Del ciel e en tere seront,

Q'el ciel n'en remandra [nes]une;

E si caira assi la lune:

410

Au disme jor s'en descendra,

Ja plus el ciel ne remandra.

A l'onçesme jor descendront

Li angle qi el ciel seront;

Apertemente irunt par terre

415

Por la gent qe il voudrunt qerre;

E molt en [re]conforterunt

De çeus qi a cel tenz seront,

Por ce(l) q'i[l] les oront parler

E les verunt por tere aler.

420

E li angneli diront a ceus

Qi parlerunt ensemble o eus

De la part Deu q'il ne s'esmaient,

Car a cele joie se traient

O Deus a toz jor mais promis

425

De metre a la fin ses amis.

Au douceme jor descendront

Tuit li diable qi seront

En l'air e seront en enfer,

E sor la tere Lucifer

430

Sera iloc o eus ensemble,

Ne n'i sera nus qi ne tramble.

E tot illoc s'ansenbleront

De toz les leus o il seront.

Lucifer, qi est lor seignor,

435

Parlera primers entre lor

E dira: «Seignor, li men senz

«Ne vaut rien, cant je bien i pens,

«Car celui qi li mund sustient

«Torne tot li me sens a nient,

440

«E fait merveiles en cest mond

«De totes les coses qi sont.

«E fait a son sens (si) com il veut,

«E fait asez plus q'il ne seut

«Des merveiles qe il fet ore,

445

«Qe il ne fist onqes encore.

«E ne savons qe il veut faire

«Ne a qel fin nos devons traire.

«E de ce me faz grant merveille

«Qe il de rien ne se conseille

450

«A nos, ne rien [ne] nos en dit;

«Ansi nos prise toz petit.

«Qe vaut li sens qe nos avons,

«Qant de nulle rien ne savons

«Qe il face, plus q'en savrons (sic)

455

«Celui qi point de senz n'auvront (sic)?

«Il ne nos ama onqes mes;

«Qant il dona a Moïssès

«Les comandament de la loy,

«Onqes n'en vout rien dire a moy,

460

«Ainz me tolli totes les genz:

«Ceus qi les diz comandemenz

«De la loy garderent e tindrent

«Oques pois devant moy ne vindrent.

«Pois manda un soen Jesu Crist,

465

«Qi mult grant domance nos fist,

«Por cho q'il fu en la croiz mis

«Si trast d'enfern toz ses amis.

«Ne ne savons de cel Jesu

«Dunt il vint ne qi(l) fils i[l] fu.

470

«E pois enseigna une vie

«Qe li vangile nos deslie

«Qe li apostre enseignerent

«Qe par le munde preheicherent.

«E pois fist la gent batiçier,

475

«Nos e nos ovres renoger

«El betisme, pas ne vos ment,

«Et a si sorprise (tote) la gent

«Qe tuit nos unt abandoné

«E tuit se sont a lui doné.

480

«L'altrier veïstes d'Antecrist

«Come devant nos toz l'ocist,

«Qi estoit sire d'Orïent

«E li toloit tote la gent;

«Or a tot lo mund[e] desfait,

485

«Ne por nostre conseil n'a fait(e).

«Vos qi avez estei seignor

«Des contre[e]s e gardeor,

«Et a qi les genz entendoient

«Qi por les contrees estoient,

490

«Dites en zo qe vos en senble;

«Pois nos acorderons ensemble

«De retenir la meilor part.

«Nos [s]avons tant engein et art,

«Trop hiert sages e engignos

495

«Sil pora savoir plus de nos.»

Adonc (se) levera lo maior,

Cil qe sera lazuz seignor,

E sera plein d'orgoil e d'ire

Si qe tuit la jent voudra dire,

500

E dira: «Sire, j(e) ay eüe

«En ma bailie e retenue

«Tote Françe e tote la tere

«De toz les reignes d'Engeltere

«E de Morguele e d'Alemagne

505

«E de toz les reignes d'Espagne,

«Si qe tot a moy respondoient,

«E [c]il qi bailié les avoient.

«Qe toz les maus qe faiz i ont,

«Des qen sen comença le mond,

510

«De batailes, de jent occire,

«De faire morir a martire

«Cheus qi la foy de Jesu Crist

«Tenoient, e ço qe il dist,

«Toz les ai fait e comenciez;

515

«E toz les maus ai enseignez

«Qe en totes ceus terre[s] sont

«Fait, des qe comença le mund.

«Des diz part de tote la jent,

«E de plus, au mien (a) esïent,

520

«A totes les armes perdues

«Et en paines d'enfern rendues

«E [si] say tant d'engein e d'art

«C'onqes encore en nulle part

«Ne poy un sol home trover

525

«Qi de moy se peüst (onqes) garder

«Qe je de sont fet ne seüse,

«En qel manier[e] qe [ço] fuisse.

«Mes de cestui vos di ge bien

«Qe unqes ne poit savoir rien;

530

«E saciez qe, se cist ne fust

«Ja (ne) en tot le mund[e] n'eüst

«Home qi ne nos obeïst

«E q'a nostre sens ne faïst

«Mes qant nos plus penserions

535

«De cestui, meins en savrions.

«Cestui nos cria e nos fist,

«E ço est icil qi nos mist

«En paradis, dont nos chaïmes

«Maitenant, des qe nos volimes

540

«Estre si aut cum il esta.

«Çil manutenent nos çeta

«De la gloria o nos estions,

«Por l'orgoil qe nos av(r)ions,

«La o nos avons poy esté

545

«[E]s peines d'enfern tormenté.

«Por noient i penserion(t)

«D'avoir nulle defension(t)

«Econtre lui, car nient seroit,

«Fors tant qe peiz nos en seroit.

550

«Il a li sens e la vertu;

«Veez cum tost est abatu

«Anlent le fait d'Antecrist (sic).

«Qe nos vaut ore ço q(e) il fist?

«Saciez, nos en sumes tenu

555

«Per plus febles, e meins creü.

«Folie est de relever soy

«Ne combatre a plus for de soy,

«Qi poyt pre(he)ndre e en preson metre;

«Ne vo(i)s en conseil entremetre.

560

«Bien vos di qe il vos morroit

«Anqois q[e] il vos aidiroit.

«Qi est qi li face contraire

«Di rien nulle q'il voille faire?

«Il a tot le mond[e] destruit,

565

«Homes et femes muerent tuit;

«O il veut lo mond[e d]esfaire

«O il voudra autre gent faire.

«Se il voloit fere autre gent,

«E ne nos creveroit nigent,

570

«Car les genz qi noveus seroient

«Ja de nos ne se defendroient

«Qe nos nes feïsons cheoir ·

«O en oïr o en savoir

«O en autres peciez carnaus,

575

«En mortaus o en venïaus.

«S(e) il veut oire le mond fenir,

«Ce nos poroit trop mal venir,

«Car saciez qe il nos fera

«Trestoit li peiz que il pora.

580

«Donc seroit il bien, ce me semble,

«Qe nos (ne) trai[ssi]ssons toz ensemble;

«E se nos poission (sic),

«O par usance o par raison

«Qe l'un li mostrat e d[e]ïst,

585

«(De) defendre q'il ne nos f[e]ïst

«Sostinir maior paission

«Ne maior mal qe nos n'avon,

«Je vos di qe ce seroit bien.

«E se il n'en veut faire rien,

590

«E q'il ne nos deüst encore

«Fare paiz, qe nos n'avon ore,

«Ne la nostre raison entendre,

«Faissomes senblant de defendre.»

Un autre qi voluit parler,

595

Qi alai se Lucifer lever (sic),

Qi seoit après Lucifer.

Des toz les diables d'enfer

N'i e nul qi [si] sotilment

Deçoive e engigne la çent.

600

Por la malic(i)e q'il savoit

E por le sens qe il avoit

Si est Maletrie apelez,

Plus saluez e enorez

Sor toz les deables d'enfer

605

Qe nus q'i soit, fors Lucifer.

E dit: «Sire, vos m'entendrez

«A parler si cum vos voudrez.

«]e sui cil qi le primer home,

«Adam, fist mangier de la pome

610

«E(n) qi en forme de serpent

«Eve engingnai primerement.

«De l'inpire de Rome ai fait

«A mon senz, e molt [e]n ai trait

«Des armes a perdicion

615

«(E) qe ja n'avront sauvation.

«Et ay la Marche e Lonbardie

«Toz jor mais [eü] en bailie,

«Et entendent a moy encore

«Tuit cil qi l[a] abitent ore.

620

«E tant [i] ay mis d'eresie[s]

«[E] de setes e de parties,

«E de batailes e de gueres

«Ai tant engignés par les teres

«Qe vesqes qe abez qe moines,

625

«Qe clers qe prestes qe caloines,

«E merqeant e chevaler,

«A toz ai fez Deu renoier.

«Plus sunt ames de Lonbardie,

«Qe par(s) clercs qe par [e]resie,

630

«Qe par batailes qe par gueres,

«Perdu(e) qe de set autre teres.

«Sol a Roma, en la cité,

«Per la tere, par le conté,

«Ai ge fet tant homes ocire

635

«Q'il n'e(u)st nus qi le sace dire,

«Les pulceles despulcellees

«E les yglises violees,

«Les villes arses e destruites,

«Dont les armes sunt or condutes

640

«El feu d'enfer, e la seront

«Toz jor mais, qe (je) ja n'en istront,

«Ceus qi les traïsons faisoient

«E qi l'avoir en retenoient,

«A qi ge les faisoie faire,

645

«Por ce qe ges volloie tra(h)ire

«Au feu d'enfer, o [il] sont ore.

«E savez qe je fis encore?

«Ge fiz les granz divisions,

«Les parjures, les trahisons

650

«En poble e en cevalerie,

«Par le Marche e par Lombardie.

«Qant li Lonbard(e) se combatoient,

«Cil de les glises i estoient,

«Evesces, (e) moines e abez

655

«E clers e prestes coroneç.

«Cil comenzoient les male[e]s

«Dont les armes sunt ore alees

«El feu d'enfer, o remandront

«Toz jor, qe jamès n'en istront.

660

«A Rome ai ge faiz les grans mals

«De paupes e de grandenaus,

«De patriarches e de vesqes

«E de legaz e d'arcivesqes,

«De notaires e de scrivans;

665

«Trestoit les avoie en mes mans,

«Toz les ai en enfern mandez.

«Or oi [j]e qe vos demandez

«Conseil qe vos poüssiez faire

«Del mont qe(s) vos veez desfaire.

670

«Mes beus sire, cil qi a fait

«Le mund, saciez q'il [l']a deffait.

«Por noient en menterions,

«Entre nos toz ne porions

«Faire un gran de panice nestre.

675

«Or gardez qe nos poons estre,

«Qel forze e qel vertu avons,

«E qe vaut qant qe nos savons;

«Qe ne poons rien par nos faire

«Ne rien qe soit faite desfaire.

680

«Mais si dit l'om qe totevoies

«Doit l'om de dous mauvèses voies,

«Se l'om poit, la meilor eslire

«E leisser, se l'om poit, la pire.

«D[e] combatre contre celui

685

«De qi ne se poit hunc nelui

«(De) defendre, je ne vos di mie

«Qe çe soit sens, ans est folie.

«E vos meïsme le devez

«Savoir(e), se vos ve recordez

690

«Come nos seme[s] decheü

«E come il nos a chier vendu

«La folie qe nos feïmes,

«En qel prechon nos incaïmes.

«E totevoie[s] si devom

695

«Metre li sens qe nos avom

«En pre(he)ndre la meilor partie.

«Ge ne (vos) cuit k'il nos feïst mie

«Faire plus mal qe nos n'avon,

«Se il nel faisoit por raison;

700

«E raison ni vei [j]e nesune

«Qe face encontre nos qe une;

«Car bien comande l'escriture,

«E raison le veut e driture,

«Qe cil qi vers autrui mesprent,

705

«Se il primers ne se repent

«E ne qier a celui pardon

«A cui defaut [par] deraison,

«N'est usance qe l'en li doie

«Pardoner, tant qe l'en li voie

710

«Repentir e qere pardon.

«Por ce qe nos ne repenton

«Si nos puet por raison honir.

«E quant il devra ja venir

«Au jugement, si nos pora

715

«Tormenter, si cum il voudra,

«Por raison, mes se volez prendre

«Une raison qe voudrai rendre,

«Le consoil qe je vos dirai,

«Je ne vei autre ne ni sai:

720

«Qant il dira au jugement:

«‘Alez, malleoit, il torment

«‘D'enfern qe vos ai apresté,

«‘Tot jor i serez tormenté’;

«Se nos [a]lors tuit crieron(t)

725

«A une voiz e [li] dir(i)on(t):

«‘Ja por toi nus de nos n'ira,

«‘E verons qi le nos dira,

«‘Ainz voluns estre en paradis,

«‘O tu en primer nos meïs;

730

«‘E li angle qe sunt el ciel

«‘Veignent in enfer, e Mich(a)el,

«‘E si avront cil q(e nos) avons trait

«‘A infer, puis qe'l mond(e) fu fait';

«Se nous serons bien tuit ensenble

. . . . . . . . . . . . . . . . . . . . . . . . . . . . . . .

735

«Espoenter, q'el se teira

«[E] qe ja peiz ne nos fera.»

Si dira q(e) il se defendront

Qant il au jugement vendront.

Au treçeme jor (se) leveront

740

Li os dez mors qi lor seront

Enterrés par les sepoutures,

Si cum dient les escritures.

Au quatroçeme jor moront

Tuit li home qi lor seront,

745

E gi(i)ront sor la terre mort.

Ja n'iert nus hom qi les cumport

Ne qi les mete(s) en sepouture(s);

Come il seront par aventure(s)

Toz vestu, gi(i)ront por la tere;

750

Ja n'iert nus qi les veigne qerre.

Del quinçeme jor ai veü

En un livre qe j'ay leü,

E come les prophetes distrent

Qi en escriture le(s) mistrent,

755

Com(e) l(i) angele del ciel sonera

Une bossime, qi sera

Entendue par tot le mond.

Maintenant resusiteront

Totes les genz, e seront tuit

760

El Val de Josaphat, ce cuit.

Iloc s'asenblera la gent

Qi devront estre au jugement:

La seront li sainz tuit ensenble,

Ne n'i sera ce[l] qi ne trenble

765

De la paor qe il avront,

E por ce qe il ne savront

S'il seront digne d'estre mis

En enfer o en paradis.

E pois dient qe dexendront

770

Li angele qi en ciel seront

E le Seignor au jugement,

E trenbleront tuit ensement.

Çascuns de paor tremblera.

L(i) angle qi la croiz portera

775

E criera ha autes voiz

E dira: «Or v(e)ez ci la croiz

«O celui sofri paxion

«Por nos traire a sauvacion

«Qi fu batuz e fu lïez

780

«E fu por nus crucifïez.

«Or vient por rendre a ses amis

«Le don ce il lor a promis

«Qi ont atendu e gardé

«Cho q(e) i[l] lor avoit comandé;

785

«Maintenant lor sera rendu.

«Cheus qi ne l'avront atendu

«Ne gardé son comandamant

«Sera rendue durement

«A toz la merite rendue

790

«De l'ovre q'el avront tenue.»

Deus!, seignor, por quoi n'i pensez

Qi en si poi d'ore (vos) pasez?

Bien savez qe l'en doit morir

E soz zele tere pourir;

795

Ja ni vaudra sens ni savoir

Ne riens qe vos possiez avoir.

Toz nos convendra trespaser;

Por cel pas nos convaint passer,

Ne ja nïent ne porterons

800

De tot l'avoir qe nos avons,

Vair ne gris ne or ne argent,

Ainz serons vestu solement

D'une stamine o d'um celice.

Qe nos vaudront li edifice,

805

Les granz sales ne li palais

Qe nos n'i entrerons ja mais!

Ge ne vos ai encor toz dit

Zo qe je trovay en escrit,

C'un home de reli[gi]on

810

Vit une mult grant vision,

Qe il estoit u jugement

Venu si come l'autre gent.

Qant tuit furent resusité,

Ausi cum je vos ai conté,

815

Si paroit estre ensue fors

Devant tot une arme d'un cors,

E disoit molt ireement

Au cors, oiant tote la gent:

«Hai, cors, par toi son ge perdue!

820

«Tu m'as occisse e confundue,

«Car cant je fui dedenz toi mise

«G(e) estoi[e] nete en tote guise

«E munde e nete de peciez,

«Mais tu estoie[s] enteciez

825

«De ciel pecié original

«E de mortaus e de carnal.

«[E] pois qe tu ais renoié

«Le malegne, e fus batïé,

«E qe tu fus a Deu rendu,

830

«Tu sas cum tu as atendu

«La foi qe tu li prometis:

«Onqes purement ne feïs

«Coses qe tu duüses faire.

«Je ne te poroie retraire

835

«Les ordures qe tant ais fates,

«Mais ja te seront bien retreites

«Qant tu [en] devras raison rendre.

«Comant te poras tu defendre

«Des malices e des ordures

840

«Qe tu ai[s] fait(es), e des ordures?

«En glotonie e en luxur(i)e

«La metis t'atente e ta cure,

«Plein [e] d'orgoil e d'avarice;

«Ge ne sai onqes mauvès vice.

845

«Ne miracle qe l'en te die

«De Deu ne de sante Marie

«Ne te poet honc in cuer entrer.

«N'est nus qi te peüst mostrer

«Aucun bien qe tu mes feïsses

850

«Ne qe tu en ovre meïsses;

«Avouterre, boire e mangier

«Fo totevoges ton mestier.

«Mervelle est q'il ne te recorde

«Con ta vie fo laida e orde,

855

«Qe si m'as mortë e destruite

«Et en penes d'enfer conduite.

«Or ne say qi je poisse faire

«Ne a qel fin je posse traire;

«Ne vivre ne pois ne morir,

860

«Ne de toy ne me pois partir.

«Hai, Deus! Por qoi me faïs nestre?

«Meiz me venisse nïent estre

«Qe tu m'auves[es] onqes faite,

«Qi tante passion ai tra(h)ite

865

«E sostenu tote ma vie.

«]e n'ai fors de la mort envie;

«Ne vivre ne morir ne pois,

«Ne consolation ne trois

«Fors tant de retorner a toi;

870

«Ne pois autre, ce poisse moy.

«Ensenble serons tormenté,

«Qui tant avons ensemble esté.»

Pois [si] s'en est torne[e] au cors

Dont elle estoit ensue fors.

875

Maitenant son venu li angles

O le Seignor, e li archaigeles,

Qi vendront tuit au jugement,

Se le scriture ne nos ment,

Qe ja un n'en i remandra.

880

Juste e pecheor y vendra.

Or vos conteray [je] breument

Cum se fera le jugement,

Mes je ne voil en escrit metre

Fors ce qe j'ai trové en letre

885

Et en [e]scritures escrit.

Mes si sanble qe il en vit

Un saint en une vision,

Ne say se ce fu voir o non:

Qant tuit seront resuscité,

890

Si come je vos ay conté,

E li Sires sera venu

E li angele(s) o lui descendu,

Lor me semble qe cil sainz die

Qe ma dame sante Marie

895

Sera o le Seignor venue

[E] o les angeles dexendue.

Nus n'iert qi posse de paor

Regarder envers le Seignor,

E li pecheor trembleront

900

De la paor qe il avront;

Ne savront qe il poissent faire

Ne a qel fin il poissent traire.

Vers la dame regarderont,

Ha autes vois si crieront:

905

«Hoi, ma dame sainte Marie,

«Dame, or ne nos oblie mie!

«Roïne de misericorde,

«So toi plaist, de nos te recorde,

«Por ta pieté proie por nos,

910

«Qi en sumes si beisognos.

«Dame, roïne gloriose,

«Qi fos sempre bien eürose,

«Pleine de peicié e d'amor,

«Proie por nos Noistre Seignor

915

«Q'il ne nos rende cainge mie

«De la nostre mauvèse vie.»

La dame, qant ella entendra

Le cri, pecié l'en prend[e]ra,

Car molt est douce por entendre

920

Ceus qi a lei se voillent prendre.

Pleine de picié e d'amor

Regardera vers le Seignor

E [li] dira molt doucement:

«Sire, je vein seürement

925

«A toi si cume a mon seignor

«E mon pere e mon criator;

«Tu es [e] mon fil e mon peire,

«E je sui ta fille e ta meire.

«Por ce sui devant toi venue

930

«Qe j(e) en sui destroite e tenue

«De proier toy devotement

«De ceus qi a cest jujement

«Sont asemblé devant toy (i)ci:

«Ge te proi q'en azes merci.»

935

Le Seignor respondra breument:

«Belle mere, j(e) ai doucement

«La vostre proiere entendue,

«Mes ja lor sera ci rendue

«Segont lor ovres la merite,

940

«Car j(e) ai tote lor vie escrite.»

Une bosine sonera

Maintenant, qi asenblera

Ceus qi seront resusité

Seront [tres]tot representé

945

Ensenble devant le Seignor.

N'est nus qi sace la paor

Reconter qe çascuns avra.

Ja nus donqes ne se savra

Conseiler qe il poissent faire

950

Ne [a] qel ceus il poissent traire.

Le Seignor iert si autement

En l'air, voiant tote la gent,

Adonqes n'i sera celui

Qi onse regarder vers lui.

955

Sus en sa maiesté sera

E doucement regardera.

Por noient li demanderont

Merci nus hom qi la seront;

Segont ce qe zascuns avra

960

Feit en sa vie, recevra.

Notre Sire meïsme dit,

Qi sainz Mich(a)el mis[t] en escrit,

Qe dit, qant le Seignor vendra

O ses angles, qe il sera

965

El seigle de sa maiesté:

Si cum[e] je vos ai conté,

Ja n'iert nus qi l'ost regarder

Ne une parole parler.

Adonqes fera le Seignor

970

Si come fet lo boin pastor

Qi sues oëles depart:

Les boines met a une part,

Les autres fet ester ensenble;

[En]si fera il, ce me senble:

975

Toz les boin(e)s metra a la destre

E les mauvès a la senestre.

Donqes lor dira saint Mich(a)el,

Qi sera dexendu dou ciel

(La sera cilla compagnie

980

Deus bons e de[s] mauvès partie):

«Or veut Deus rendre so loger

«Segont ses ovres a l'ovrier.

«Entendez ze che vos dira

«Qil qe pas ne vos mentira,

985

«Qi por vos fu pris e lïez

«E batuz e crucifïez.

«Les comandemenz de la loy

«E les articles de la foy

«Qi vos avoit l'ameistrement mostré (sic)

990

«Vos fist enseigner e mostrer;

«Ne se poit nus de lui blaimer,

«De ce vos sai bien dir lo ver.

«E totesvoi(e)s oÿ aviez

«Qi ze qe vos ne savïez

995

«En l'eglise vos enseignogent;

«Doucement vos amaistr[oi]ogent

«La loy de le glise a tenir,

«E qe vos dovïez venir

«A la fin ci au jujement

1000

«Vos enseignoient ensement.

«Cil qi l'avro(ie)nt bien atendu,

«Maintenant lor sera rendu;

«E qi avront fet autrement

«Poront estre gram e dolent.

1005

«Ja orez la sentenze dire

«A celui qi de toz est sire;

«Nus ne poet encontre venir,

«A toz la convendra tenir».

Tels asenble[e] ne fu unqes

1010

Veüe, cum la sera donqes.

E saciez qe tuit trembleront

De la paor qe il avront.

Le Seignor rendra lor la croiz

E criera a autes voiz:

1015

«V(e)ez ci la croiz o ge fu mis

«Por traire d'enfer mes amis.

«Veez [ci] les mainz e les piez

«Per o ge fui crucifïez.

«V(e)ez les plaies don ge mori,

1020

«V(e)ez (vos) come Longinz me feri.

«Por vos tra(h)ire en sauvation

«Sofri je ceste passion,

«Por vos qi voluntiers m'oïstes

«E mon comandement feïstes,

1025

«Qi avez ma loy mantenue

«E ma dotrine retenue,

«E sostenu peine e torment

«Avez por m'amor ensement

«E por moy jeuné e veillé,

1030

«Et [en] mainte part travaillé

«Vos estes par la moie amor.

«Mes or sera venu le jor

«C'a cent dobles vos iert rendu.

«Lonjement avez atendu,

1035

«Por ce vos ai [j]e mis a destre

«Qe vos devez tot ensenble estre

«E[n] la joia de paradis

«Qe mon peire [vos] ha promis,

«Des q'il vos fist e vos cria,

1040

«E la beinicion vos ha

«Promis, e qe vos bien avrez.

«Vene[z] avant si recevez

«La joie qe il vos promist,

«Qant il vos cria e vos fist.

1045

«Qant j'oi faim, vos me saolastes,

«E qant j'oi sei, vos m'abevrastes,

«E l'ostel, qant je ne l'avoie,

«Me donastes, se le voloie;

«Si [j]e fui nui, vos me donastes

1050

«Vestiment, e me vesitastes

«En la prison, qant je i ere.

«Deus omnipotent, li meiz peire,

«Veut q'ore aiez sauvation

«Segont vos ovres e pardon.»

1055

Lors diront tuit a une voiz:

«Sire, bien savons q'en la croiz

«Sostenis mort e passion

«Por nos traire a redemption.

«Nos n'avos mie deservi

1060

«Ce qe tu nos promeiz ici,

«Mes bien veons q'il te recorde

«De nos par ta misericorde.

«Beus Sire, o te passime[s] nos

«E t'abevrames, di l(e) a nos?

1065

«Qant vestimes te e calzames,

«Et en qel leu te herberjames?

«Biau Sire, o fus tu en prison

«La o nos te visi[ti]on?

«Nos fumes senpres neglegent

1070

«De fere ton comandament,

«Ne onqes [nul] bien ne feïmes,

«For tant qi la loy mantenimes.»

Li Seignor respondra briement:

«Vos m'avez demandé coment

1075

«Vos me vestistes e calçastes

«E boire e mangier me donastes

«Et en vestre ostel me ten(e)istes,

«E qant ce fu qe vos venistes

«A moy, qe je fui en prison.

1080

«Je vos en rendrai bien rason:

«Cho qe vos feïstes por moy

«As povres, feïstes a moy,

«Qe vos sera gueredoné

«Ce qe vos lor avez doné.»

1085

Lor sera l'angel saint Mich(a)el

Toz mis en la gloire dou ciel;

N'est nus qi la vos saze dire

Ne qi la vos poisse descrire.

As autres dira ensement:

1090

«Alez, maleoit, el torment

«D'enfer qe vos ai apresté,

«O vos serez mais tormenté.»

E pois dira a Lucifer:

«Va t'en, maleïz, en enfer,

1095

«E li ton angles tot o toy;

«Ne venez vos mas devant moy.

«Alez tuit el vostre torment,

«Menez ceus o vos ensement;

«Li plus pech(e)or e plus mauvès

1100

«Avront lor peine des or mes.»

Maitenant en meïsme l'ore

Hiront in infer sanz demore

E sofriront tel passion,

N'est hom el segle se Deus non

1105

Qi [en] peüst la moité dire

Ne qil seüst onqes escrire.

Ainz ce le jujement soit fait,

Si come l(e) istoire [re]trait

E sainz Geromes le(s) vos dit

1110

Et reconte en un son escrit

Qe li ciels e la tera ardra,

Ja nulle rien ne remandra

Qi tot n'arde pleneirement.

Ainz qe soit fait le jujement,

1115

E ciel e tere tot ardront.

Mes li dui ciel qe desus sunt

Ne sentiront de cel'ardure.

Nos trovons bien en escriture

Q'il sont troy ciel. Li dui qi sont

1120

Plus aut lasus, onqes [n']ardront;

L'autre ciel e la tere ardra.

Jus en abis en descendra

Li feus qe devra tot ardoir;

Ja ni pora rien remanoir

1125

Qi ne bru[ï]se e arde ensenble.

Ansi sera donc, ce me senble,

Qe Deus fera li ciel novel(o),

Et li fera diz tant plus bel(lo)

Qi n'est ore, e la tere avra

1130

Diz beleces plus q'ele n'a;

Ansi iert toz li mund novels

E sera lors diz tant plus bel

Qi n'est or(e e). Li solei avra

Diz clartez plus qe il nen a.

1135

Ansi sera la tere lore

Molt plus belle q'e[le] n'est (l)ore,

E li cels sera molt [plus] bels,

Ca[r] il sera fat tut novels;

Et al solei sera rendue

1140

La clartez q'il [n']eüst perdue

S'Adam n'eüst fait le pecé(z)

Dont nos sumes tuit entencé(z).

E li diables nin enseront

Jamès d'enfer, o il seront

1145

Tormenté pardurablement;

E li pechaor ensement

Seront autresi tormenté

El feu qi lor est apresté.

Segont ce qe çascuns avra

1150

Fait en sa vie, recevra:

Lors avront si grant resplendor

Li saint, onqes no l'oit grignor

Li soleils qi luist en esté,

Come zascuns avra clarté.

1155

Ja n'avront mes tentation

Ne volunté se de bien non;

Ne de boire ne de manzier

Ne lor sera ja mes mester.

N'est nus hom qi poisse savoir

1160

La joie q'il devront avoir,

Ne ja n'est nus qil seuse dire;

Por ce ne li voil nient escrire.

Bien di(en)t encor[e] l'estcriture

Tel çose qe je ne met cure

1165

A reconter, qe tel seroient

Qe ja entendre nel poroient;

Mes co che vos poëz entendre

E [o] poëz grant bien aprendre

Et qe j(e) ai t[r]ové en escrit

1170

Vos ai conté breumant e dit.

E vos qi entendu l'avez,

Huimès cui [j]e qe vos savez

Qels merveiles devron ve(o)ïr,

Qant li segles devra finir.

1175

Or nos devons apar(a)eller

E de jor e de noit veiller

En ovres de misericorde,

Qe Nostre Seignor se recorde

De nos (a vos) au jor deu jujement

1180

Et de nos (s)ovres ensement.

Car saciez q'il nos jujera

Segont ce q'il nos trovera.

Deus!, qi font li ciers e li preste,

Qi sevent qe il doient estre

1185

Iluec au jor del jujement

A respondre destroitement

Des provendes q'il ont eües,

Coment il [les] ont despendues;

Q(e) il (n)en devoient (fors) solement

1190

Avoir vië e vestiment,

Et il ont les granz vesteüres

E les rices cevaucheüres,

Et sont fort . . . . . . . vermeil.

Qi(l) veroit le lor aparail

1195

De granz deliz, de guarniment,

Ja ne cuideroit autrement,

Qi les veroit apar(a)eiler,

Mes q'il deüst prendre moiller.

Ja ne se poront il rescondre,

1200

Ainz lor ert besoing de respondre

Des ovres q[e] il avront faites,

Et des armes q'il avront tra(h)ites

El feu d'enfer, o il seront

Toz jor mes, ja n'en ist[e]ront.

1205

Cuidez vos q[e] il aiçent cure

D'evangile ne de scriture?

Ja el cuer ne li entrera,

Ne ja mes de l'arme n'avra

Paor, por rien qe l'en [li] die,

1210

Ainz atorne tot a folie

E fet gab(e)s e derisions,

Se il ot predications.

Si les a Damedés jujez

E adorbez por lor pecez.

Explicit liber de Antecrist[o]. A[c]tum est hoc [anno] m°. .CC.LI. die Jovis [post?] festum sancti Thome(i) apostoli super carcer Polorum in contrata de Monteculis de Verona.