II

Or est afermez Atile de coraç

Cum sa host çhivaucer, ver chrestiens fer pasaç.

Jure l'avoit a Mahomet et afiez a ses ymaç

Que mes nen torneroit ne baner, ne aufaç

5

Desque nen semetoit Ytaire et lor ombraç,

Et tel mortalite feroie ot suen braç,

Que tot chrestiens se tiront por folaç.

A l'intree d'estee, qu'el solaux chaut li raç

Del biaus mois d'avril, ch'au pre floris li herbaç,

10

Se muit il dispieteus Atile ploins de raç

A mout belle compaigne et a grant vaselaç.

Chi veist a grant host paser li grant rivaç,

Tant distrer aragons, ongreis et aufaç,

Tant scu, tant heumes, tant grant baronaç,

15

Tant baner, tant penons ventoler sor li estaç

Et tant insaigne a or que tot li boschaç

Resplent dou vigor quant li solel li araç.

Tot seree çhivauçent blans et noir, fol et saç,

Passent terter et poy desquement Dalmaç.

20

In l'Istrie et in Friul invoie lor foraç

Le rois de Sclavons ad Aquilee incharç.

Ce ert une cite mout fort, grant et larç,

Mout riçhe et bien poplea de homes de avantaç,

Que ia firent Troiens pue le suen daumaç.

25

Par dame Aquille, que le fist aubergaç,

Fu Aquillee nomee la ville par suen lignaç.

Le rois de Sclavonie le fist mout outraç,

Mes ne le puit forfere la munte d'une raç,

Prendre nen puit la terre, ne avoir li peaç,

30

Mes inviron la ville voit façant grant raç.

Desquement Maran au port font grant daumaç,

Brulant et degastant vont de chrestiens li habitaç,

Feme, homes et infant oncirent çil sauvaç.

Nulle merci li ont, ne foy, ne buen usaç

35

Fuer que de lor oncir, çest fu suen viaç.

Ce fu au temps de may quant Atille passoit

A le portes de Itaire, ou tout devoroit;

Chasteus, cites et villes davant soy destruoit,

Ni atrue fortelices que in tant forteçe soit,

40

Que por grant insforç e gent que il avoit,

Ne meist abais et tout gent desfoit.

Desquement Aquillee tot terres creventoit,

Pues lonc temp inlec la cite asiçoit

Tant che par achans et par forçe la sometoit.

45

Et ce fu puis li temps que Yhesu Crist nez estoit

Quatre cent .xxi. ans, si con atroves oit

In la croniche segeillie; ond amentie m'en estoit

Que çelle çhivauçee que Atille fesoit

Fu de si grant daumaçe, cum çeschuns oir poroit,

50

Che squas li batisme trestout ne sometoit;

Mes la puissançe divine non laisse, si'l deveoit;

Nen vost pas sofrir son orguel maleoit,

Que alla fin dereain, quant plus puissant il croit,

Furent destruit et oncis, petit ni eschampoit;

55

Ceschuns fu bien paies de çe que perchaçoit.

En Aquilee estoit un rois de grant signorie,

Saçes et preudomes et de grant chevalerie,

Fort, fier et orgoilos, n'avoit in lui folie.

Nuellement croit au Fil sancte Marie

60

Et amoit fortment tot cil de chrestentie.

Saint Hermercora patriarche l'avoit mout exemplie,

E'l patriarche Nichet in n'est mout penie

In axemplir le rois sovent nuit et die

In la loy chrestieine et in lor sancte vie.

65

Et il bien si croit in la divine mercie.

Il non fu Menappus quant il fu bateçie.

Quant intist le nuelles que tot la paianie

Estoit esmohue cum Atille d'Ongrie,

Et que lor fureres estoient ia intrie

70

In suen pais robant et faisant robarie,

Onciant homes et fames, saies, fort l'impie.

Par ses barons mande que non tardasent mie,

A sa cort venissent, mister avoit d'ahie.

Nen targe mie pas le rois Menappus,

75

Par ses barons mande que a cort soient venus

Armes de totes armes sor buen çhivaus crenus

A lances et a brant, ad heumes et a schus.

A voisins, a luntains oit le rois tramitus

Par secors et haje, non tardassent plus.

80

A le rois de Concordes tramist le rois membrus

Tot demantinant mesaçer esleus

Que il gart bien sa terre, que nen soit failus

Da Saracins d'Ungrie qui l'avoit asailus,

Et s'il poit lui doner secors et nul ajus.

85

Car se il seront insambles le rois ambesdus

Molt impirarent Saracin mescreus.

Forment s'ahaste le rois et de jus et de sus

Asembler sa çent et estre secorus.

Le chevalier as armes que sunt de grant vertus

90

Et que quaerent les fas d'armes ont mantenus,

Venirent viaçement au roy par sa salus.

E Menappus apelle suen frer Ariochus

Cum un autres cuens que li avoit pertenus,

Li quel fu apeles Galeran li polus.

95

De lor fist mesaç et si li oit dius:

- Alez tost in la Marçhe, in Patafie la jus,

Davant le rois Gilius et aiez desponus

Tout quant l'afaire, con Atile est corus

Sor moy a grant insforç des paiens mescreus.

100

Diez, se la loy de crestiens oit mantenus,

Que moy, ne ma terre il ne mete in refus,

Envoie moy secors que soit de grant lous;

Et, se il meisme nen poit venir avec vus,

Envoie de sa çant li meutres esleus;

105

Et se ne'l fait por Deu, ou ie ai creus,

Et ie perde ma terre, mal seroit receus

In le suen pais, guere ne li ert failus.

Nen vos diroie plus, soies amentheus.

Vos veez bien la besoingn que nos avons trestus,

110

Faites que mantinant soiez arer revertus. -

Coment l'ambasee fu exponue, de bot

Ariochus et Galeran non dirent plus mot

A fuer que le congee prenent et vont de sot.

A çhivaus muntarent et galopent d'un trot.

115

Instrent d'Aquillee et passarent le grot,

Devers le Chaloir laissent li plains de sot

Par Ongreis que l'ingombrent a miler et a frot.

La montaigne peroient et esploitent tot drot,

Le poy et le grant terter passent a grant dot

120

Que a la retornee son chemin nen soit rot.

Tant ont çhamine ambdous a grant frot

De ior et de nuit che ont veuz l'aperchot

Dou pales de Pahue, que Patafie si disot,

Que ia fist Antenor que de Troie insoit.

125

Inlec cascun d'eus in le grant plan chaloit

Ou le grant montaignes la Lomgbardie clot.

Quant li dous mesaies furent desis au plan,

De Patafie cloisirent le grant pales autan,

Por le çhamin ferez tornarent ses fran,

130

Tant que il ioindrent a la porte Choe luntan.

Dedens intrarent un samedi doman

Et ioindrent a la place a mout grant achan,

Au peron desist Ariochus et Galeran

Et muntarent au pales ancian.

135

Le rois atruent a tot la saille plan

De chevalier, de princeps et de çapitan

Que ont ohi le servis de Deu soveran.

Et li mesaçer venirent man a man,

Partent la presse des barons patafian,

140

Le rois sauvent in lengaç friulan:

- Cil Yhesu Crist cui adore christian,

Cil qe fait nastre et le vin et li gran,

Que se ombrioit in la Verçen in Betelan

Et in su la crois sofri pasion et achan,

145

Por nos peçhere treir de li faus ingan,

Sauf le rois Gilius et chi con lui roman

Et le rois Menappus, qu'ert de li soveran,

Et si destrue Atile et li paian.

Rois franque coroine, intendes nos reclan,

150

Fai nos intendre çeschuns et cortois et vilan,

Nuelles t'aportons que ne sunt mie in van,

Mes mout sunt graveusses por Jhesu Naçeran.

Ci besoign consoille, haie et grant afan

Se volez desfendre la loy Filz Marian. -

155

Le rois Gilius regarde ambdous li mesaçer

Que si hautement començent a parler,

Mout fu desiros ces nuelles escouter.

Li barons starent qoy, nul li oit mot soner.

- Franc mesaç - dist Gilius - ne v'estoit smaier.

160

Sehuremant devez le vos besoign nunçer,

Je sui tot aprestez servir Deu et sa Mer. -

Ariochus et Galeran ostent li heumes d'açer,

Lor scuz et lor espee ont bailiz a lor scuer.

Davant le franc rois sont çeschun inienoiler,

165

Mes Gilius li oit fet dreit sus relever

Et Ariochus parole in haut tot in primer:

- Rois, or intendez, ie sui de Menappus frer

Che porte la corone de Aquilee li terer,

Que mout vos tient ami par droit heriter,

170

Car vos tenez la foy que il tient de saint Pier

Et estes bateçie, laiseez avez li ascler,

Que tot sunt perduz que croit lor çhativer;

Et que tint la foy divine droiturer,

Car a la fin est sauf, si oit in cel munter,

175

Ou est ioie sempiterne que mes non deit finer.

Le Saradins d'Ongrie et ceus d'autres terer,

Que nen croient in la Verçen, ne in son Filz n'ont sper,

Ont passez le grant mont, terter, bois et furer.

En Freul sor Aquillee sont venuz hostaçer

180

Por destruir chrestiens et ceus que sunt hateçer.

Atile n'est sire que fu filz a un livrer,

L'ispieteus et l'ingreus, li felons pautroner.

Il n'atruent chrestiens, ne veilz, ne baçaler,

Dames, ne pucelles qu'il n'aient atuer;

185

Nulle merci li vaut, ne volent prisoner,

Et sunt tant innubles que hons ne le puit esmer.

Nen n'aust la moite Pompeu a li mesler

Quant in Tesaille le sconfist l'imperer;

Ne le rois Alisandre, filz a l'inchanter,

190

Quant il sometoit il persians rois fer;

Ne le rois Porus ne n'avoit tant numbrer.

Or penses, sire rois, que nus avons a fer.

Se il se perd Aquillee e'l Freul et la river,

Mal aures ci dedans in Patafie converser.

195

Nen pores si tost li eschach mender.

Or vien, si le secor, si fares comme ber,

Avant que le pericles vaigne in vestre terer. -

Ençi feni suen conte et feit soy un poy arer;

Et le rois Gilius commençoit a noter,

200

Quant le cuens Galerans davant soy prist parler:

- Sire rois de bon aire, oiez li mon reclan. -

Ce dist l'autre mis, le cuens, molt in altan.

- Respondes nos in brief, ne ales trop delaian,

La çouses n'est liçiere, mes gref est li afan,

205

Con vos dist li frere le rois Aquilian.

Pensez, sire rois, et ne'l metes in van,

Se il seroit dous luf que asalist un çhian,

Non se poroit desfendre a le point derean,

Mes dous chiens li metront tost in le malan.

210

Ensi poez prosmir de Atila li paian.

Par le lus sens piete cum Ungreis et Chuman

Se vos cum le rois insembles fustes man a man

Tost li feisses muer estal mout vilan.

Ce est raison et droit cum poez savoir certan.

215

Por dous riens solemant chel Saradin africhan

Ne auroit puissançe contre nos chrestian,

Ne contre suen criator Yhesu Crist sovran.

L'autre ne çoit desfiez in trestot suen vivan,

Ne mes ne li offendimes a mont ni a plan,

220

Si vait contre la loy de Yhesu Naçeran.

Or le devons combatre et recevre poine et achan

Par amor de celui que fist la çent human,

Si ce recomparoit de sa çarnes et san,

Por nus fu mis in crois por li pesme ingan

225

Et por amender li peçhe de l'omes primiran.

Or le devons vençer ver Ungreis et Chuman.

Sire rois, que ferais? nen siez pas ingnoran!

Vien! si nos secor cum ties Patafian

Et fa asembler ta çent, Lomgbars et Marchian;

230

Se nos le posons retrair par inçins o par afan,

Seur seroit ta terre, ne auroit nul dan.

Or nos respondes - ce dist Galeran -

Que aves porpensez? vestirez il clavan?

Vus fares con saçe se esauçhe crestian.

235

Le rois Gilius sta quoy quant intist li mesaç,

Un poy porpensoit dedens le suen coraç

De celle nuelles que molt li soit sauvaç,

Quant sor chrestiens corent li aufaç,

Le cuer li croist d'ardir et de fer vaselaç.

240

Garde soy inviron, vit tant franc baronaç,

Tant chevalier ardis et tant bon guionaç,

Que sovent l'ont prie de fer un pasaç

Et une çhivauçe vers Saracin li raç,

Mout sunt goleros mesler a çent de put aç.

245

Or sunt venuz al point que li ont in ses staç,

Donc le rois paroler vers li franc mesaç,

Humblement et cortois li conte ses ymaç.

- Franc chevalier - feit il - molt me crois vaselaç

Quant Yhesu Crist me doint que puis açater li aufaç,

250

Veez ma baronie et mon riçhe bernaç?

Tot sunt apreste de fere grant daumaç

Vers de Saradins et mostrer son coraç,

Et ie o tot lor li vendrai li peaç,

Se ie pois açhater de Atile suen ombraç. -

255

Dont le rois parole vers li franc mesaç.

- Mesaçer - dist le rois - ie n'ai mout grant talant

De metre Saradins et la loy mescreant

Desouz quant ie puis por Deu onnipotant,

Vençer devons nos sires que por nos spaint le sanc

260

Sor le leingn de la crois le ior del vener sant.

Por nos oit passion et recei gref tormant

Par tot nos pechere metre a sauvemant,

Et nos le devons vençer de foy et loiaumant

Et tot chrestiens et le bateçamant.

265

Or se poroit proer et mostrer suen ardimant

Que in soy ait vaselaç contre la paine çant.

Or diez, franche ieste, que aves in pensemant? -

Lor escrient ses barons tot comunablemant:

- Ay iantilz rois, franque coroine sant,

270

Leves pur le doy et nos fetes comant,

Aprestez sunt li petit et li grant

De fer vetre voloir et mostrer cuer et dant

Contre Saradins, paiens et aufrichant. -

Ne li est nul que deldeist par la teste coupant,

275

De cuer et de talent si proferent davant.

Ceschuns fu talentos de fer l'invasemant,

Mes li proverbes dist, si croy bien qu'il non mant,

Li homes coraios, que estre veult sorpuissant

E fer tot le posibles, sovent le iambes li offant,

280

Outre la imposiblites nen puit homes niant.

Ensi avint au roy que li coraç oit grant

Et a ses Patafiens que li sunt davant,

Que Ungreis creent destruir; in autrui chasemant

Conviront partir por forçe de li aufrichant,

285

Par anc que le rois fust saç et insiant,

Ardis outre misure et chevalier vailant.

Sa terre oblioit avant le finimant

Que fust guerre fenie, por le insforçemant

D'Ongreis et Bougres et de li mescreant;

290

Mes bien fist de Atile puis le vençemant

Que la teste i cupoit a sa spee trençant.

Quant le rois Gilius oit bien intendu

Ses barons patafiens invirons trestu,

Mout in fu liez et baut, ioie li est creu.

295

Ses freres apelle, qe Iordans nomez fu.

Joenes fu baçaler ardiz et biem membreus,

D'un piere sunt filz et de douz mer nasu,

Car le rois Gilius l'oit mout çhier tenu.

Ver Visintins l'invoie et a Marmorea la su,

300

A Breses et a Mantue, si con ie ai leu.

Por tot le contree a ceschuns ses dru,

A princeps et a cuens et a chevalier membru,

Que tantost, con il aussent ses frer veu,

In voie se metissent a lances et a scu

305

O tot son insforç armez sor le crenu

Et tot ses forterices garnissent por vertu,

Car guere li movrent Saradins mescreu.

In Friul veult chivauçer, in Aquillee la su,

Por secors la ville que ia est asailu;

310

Le rois Menappus li oit mesaç tramitu.

Quant celor l'intendent sunt tot esmou

Et si venent a Patafie ad armes et a scu.

L'autre iors meismes li est Forest venu,

Un barons mout grant, ardiz et fort esleu,

315

Princeps fu d'Estes, Vicence oit mantenu

Feutre et li Calour por dous neveus de lu.

Un filz avoit garçons in Est remansu,

Que a ses temps fu preudomes, con aures intendu,

Con ambdous li chusin mout furent cremu.

320

Le princeps fu molt saçes, au rois oit apartenu;

Mout bien li receit li franc Gilius membru,

.v. .c. chevalier avec lui condu.

Grant fu les host que inlec asembles fu,

Mais ne mie si tost con ie vos ai diu;

325

Plus de dui mois et demi anchor plu

Avant que le rois oit sa çent o lu.

Et li dui mesaies, que vos ai desponu,

Le terç ior venent, que non demorent plu;

Arer volent torner, mes le rois Giliu

330

Li oit fait retenir trosque l'autre iorne fu,

Compagnie li daroie, con aures intendu.

Desque li quart ior li dui franc mesaçer

Sunt remansus por le roy suen prier.

Mout furent honores, con s'avint a sa per,

335

Ses armes firent forcier, fornir et afaiter,

Et li franc rois Gilius, que molt fist apriser,

Dous grant distrer li baille amblant et corser,

Tot li milor qu'el oit in suen hoster,

Et a sa compagnie fist le suen chançer,

340

Che furent .xl. de ardi gueroier.

Pue ont reposez iusque l'autre iorner.

Le roy fu in sa çhambre la soir por soy chouçer,

La royne ot lui, que tant fu belle et cler,

Joenes de haaç et de biautes plener;

345

Ja de si franque dames ne açatas sa per

De sens, de cortoisie, de savoir et in parler,

Gracieuse fu a Deu et de buene mainer

Et bien savoit au roy buen consoil delivrer.

Quant la vit Gilius, que tant soit adaster

350

Par fer sa chivauçe contre li grant ascler,

La dame le prist douçment apeler:

- Franch rois de buen aire, mon mari et ma sper,

Por Deu de gloire vos pri que non fetes a blasmer,

Non siez si corant a sta impris començer

355

Que tot a la fin non possiez torner arer.

Savoir le diez bien, ie vos l'ai recorder:

Sens et maistrixe veult a guere mener.

Je ai veu sovent hom fort foloier,

Que bien un çatif l'a fait trabuçer,

360

Nen valt a dir tant ie sui fort et fer

Et ai grant insforç de çent amaser,

Plus vault ingens sovent a ovrer

Que non vait folie por forçe demostrer;

Car de ce que ie die, mon seignor dreiturer,

365

Vos prie et claim merçi que in vos aies noter.

Se voles ces diables, ces fil a le livrer

Amater et conquire et fer lui stal muer,

Cites et forterises fetes fortifier

De çent da defendre, da boir et da mançer,

370

Et hors della cites ne lasez nul converser.

Pain, ne vin, ne straim, ne noine por li distrer,

Tot dens la fermetez fetes li aporter.

Quant vos frer seroit venus o tot le gueroier,

Lor pores veoir d'Atile et penons et bainer

375

Et fer vestre puisançe de Saracins daumaier,

Selonc que veres corer inviron ses furer. -

Au roy parole la dame que avoit colour de graine,

Plus belle, fresque et clere que la stelle Diaine,

Son droit non avoit la roine Seraine,

380

De consiler le roy forment la soir se paine.

- Jantilz rois - dist la dame - non siez pas vilaine,

Mostrez ton valor con fist Hector truiaine.

Bien sembles que fustes de la jeste anciaine

Que sempres sormuntoit sor tot çent straine;

385

Mais domain por maitin, se il vos semble sotaine,

Feites li mesaies de le rois Aquilaine

Torner arer con vos soraç germaine,

Qu'est fort et ardis et de sens molt plaine,

Le princeps Forest, con une grant gualdaine

390

De vos chevalier, soldaier, chastelaine,

Et Perot dal Borc seroit in sa compaine

A mil .v. .c. chevalier dont seront çapitaine;

Cest ahie seroit a Menappus molt saine. -

- Par ma foy - dist le rois - consiles molt bien m'aves.

395

Ja meutres nen quere, ne n'aurai demandes.

Vos diz m'avoit la çhivauçee trastornes,

Car vos consoil semble plus colores.

Volist il Deu et sa Mere incorones

Que ambdous nos filz fuissent in aites,

400

Que tant sunt biaus che aves alates,

O vos meisme aust la poestes. -

La royne s'en rit et dist: - Or seur estes

Quant a cil point fust, ne auroit refusses

Jostre ne batailles par homes dou mond nes,

405

Je sui pres de vos que n'aves libertes.

Se Deu li consent, mon cors l'ai immaçines,

Ancor verai con iaux cil paiens decoupes.

Atile, filz au livrer, se l'aures incontres,

Nen poroit contre vos, car ie l'ai insoignes,

410

A vetre brant trençant la teste li coupares.

Por vos seroit sa çent et mort et amates. -

Quant le rois l'intist forment s'en est ioes,

Le braç au col li iete, troy foy l'oit bases.

Puis s'en ala coucher et la roine dales.

415

Celle nuit prist ioie cum sa dame honores

Et elle fu inçainte d'une belle herites,

Si con ie puis savoir et ai in escript troves.

Au termen di .viiii. mois, quant la fu infantes,

La royne a partori d'une fille honores

420

Que fu de biautes tant clere et acesmes

Sor tot les autres dames, cum est li sol in estes

Cler sor les autres planet; et fu la dame apeles

La belle Justine, que iuste fu ades,

Sainte vie la fist et sainte fu apeles.

425

Or leisons de li que ioie n'ont ases;

Quant le rois ne fu da la dame certifies

Feste et cort in tient, forçe i fu redobles.

A la demain maitin li mesaç honores

Davant le rois venirent, si cum il fu leves,

430

Et l'ahie et li secors li ont demandes,

Nen voudrent plus targer, ni estre inlec remes.

Dote ont dou chamin que ne li soit ambles,

Car une nuelles ont anchor escoutes

Que dever la marine sunt Saradins a frotes.

435

Cil de Sclavonie et de Daumaç li regnes

Dever Aquillee ont pris le contres

Et au rois de Cordes ont grant asaut dones.

Ce dist Ariochus: - Car, rois, plus non tardes,

Fetes vos respons et çhonçe nos dones,

440

Del plus seiorner ne avons libertes.

L'ahie que voles a nos rois delivres,

Si que vestre arme soit in l'aut vie sauves.

Qui serf Yhesu Crist, por voir voil que saves,

In sta vie et in l'autres grant merit li aprestes. -

445

- Mesaçer - dist Gilius - de çe ie voil bien croire,

Qui serf Deu in buen intante oit puis sa vie in gloire;

Cest mond est un vant et un fum que descoire,

Se sumes hui in ioe, domain sumes in ploire.

Qui mas valt conquir manantie, ne avoire,

450

Ne in desduit fair repos, in ces siegles manoire

Par delit suen cuers in mançer et in boire,

Pue que de sta vie nos cors convint movoire?

Nuls nen seit que fere, si'l dist il preveoire,

Qui non serf Deu li sovran criatoire,

455

Que nos degna sauver a suen sanc dou coire.

Or voil estre çelui que por li ses amoire

Voil vençer le ses plaies a ma vie nuit et ioire

Ver de Saradins ou tant ont de foloire,

Ses champion voil estre in sta vie con voloire. -

460

Lor garde le rois de ses baron li miloire,

Forest suen choisin, ou molt oit de valoir,

Princeps fu d'Estes, si n'avoit tot l'onoir,

Franc, fort fu et ardis et de grant pooir.

Bien ses piez et demi, nos mostre li auctoir,

465

Fu grant et mesures et membrus tot de voir,

Le vis oit riant, le chef blond plus que oir.

Bien fu colones, nervu braç et li coir,

Tot fois oit heu de plus bataille honoir,

De tot Friul soit l'alee e'l guez, doves savoir,

470

Mant mois et semaine le fist ses habitoire

Cerchant torniament et asaçant son pooir.

Le rois Gilius l'apelle, sens plus tençon tenoir,

Et çil li vint avant, sembloit qu'el fust Hectoir

Que de nulle travaille ne aust mes paoir,

475

Liez et ioant fu quant fu apele par l'istoir.

- Soraç - dist le rois - mon voloir or oiez:

Vos estes de ma iestes, de ma maison privez

Et estes grant et fort et ploins de voluntez.

In batailles et in stormes molt siez adotrinez.

480

En vos forment me fie que aures honor avançez

Sor tot autres barons ver Saracin et asclez.

Or est venus li temps qu'en seres aproez:

Li paiens d'Ungrie ont ver Aquillee passez,

Atilla, un cruel roy, que iadis fu iniendrez

485

Da un çhiens in la tor, que Ostrubal oit fermez

Por garde sa fille, insi fu mal gardez

Quant cil diables nasqui por tel avoltez,

Que gaste crestentez in tot torn Aquillez.

Or voil que in haie del roy Menappus alez

490

A mil .v. .c. de chevalier bien muntez

Et troy mil peons et .vi. .c. balestrez.

Le cuens Perot dau Borc seroit o vos convoiez

Que la peonaille aroit conduit et guiez.

Cum li dui mesaies, que iluec sunt aprestez,

495

Çhivauçes sta soire quant li sol est couçhez.

Et ie amasserai ma gent, fornirai la citez,

Avant troy moys ou demi ans passez

Cum ma grant baronie da moy secors aurez. -

Mes ce nen puit estre car li fu ingombrez

500

Sa grant çhivauçe et li pasaç amblez;

Donc remist in sa terre, si avoit dapuis aihez

A le rois de Concorde, seignur, con vos oirez.

Quant Forest l'intis fu si ioiant et alez,

Plus que si li aust done tot la milor citez

505

Qu'el tenoit in seisine, ne fust in li regnez.

Merci et graçe li rant; si li base li pez.

Ambdous li mesaçer furent fort esioi

Quant intendent et verent suen secors et hai,

Le rois mercient, ceschuns s'incline ai pi

510

Et loent Deu le Filz sancte Mari.

Forest et Perot ne sunt mie esbaudi,

De fornir soy as armes penent tot le di;

Mil ans li sembloit de la nuit obscuri

Par çhivauçer a scus quoiament in secri.

515

Mes avant que departist nul homes signori,

Oiez que fist le rois: une banere il pri,

Ou dans fu depainte li crois el Crucefi,

A Forest la baille et dist: - Coisins ami,

Cest insaignes portares tot al vestre demi,

520

Ce li poes veoir l'ymaiges et scolpi

Del nostre Salveoir que oncistrent li Jui,

Il se lasoit pasioner por nos trair de peri,

De l'infernal torment ou n'oit ioie ne ri.

Insi ce recomparoit con poez veoir inçi.

525

Or penses, franc hon, fer la veniançe de li

Ver paiens d'Ongrie, de Greçe, et d'Arabi. -

- Sire - dist Forest - or se gart Saradi,

Puis que ai la digne arme nen li serai faili

A li ior de ma vie, que ne li aie invai

530

Et nen serai mes lez se ne voi inroçi

La pree et la champaigne de li suen sanc vermi;

Se puis atruer cil Atile, ie jur a saint Ienetri,

O moy o soy convindroit de mort sentir le stri. -

Lor oit pris l'insaigne, reverent si'l merci.

535

A un cuens de Monbroil l'ait delivre et baili,

Que molt fu as preudomes tegnuz por tot fi.

.c. chevalier oit mis a la garde de li,

Que d'intor la banere ne sunt mes departi;

Se trovent Saradins seront por lor asaili,

540

Guere ne i faudroit a grant, ne a peti

De quant poront manoier lor brant et lor espli.

A la prime soire avant que çant il gal

Se departirent li baron chomunal.

Forest, l'orgoilos, armes sor suen çhival,

545

Prist conçe da li rois, da ses amis real,

Ovec lui li mesaçes et Perot dau Borgal,

Que fu molt ardis et de noble chasal.

Hors de Patafie instrent, si passent li portal.

Le rois le convoie plus de troy leives ogual,

550

Puis se departirent li amis charnal,

Larmoient çeschuns quant ont volt lor spal.

Le roy torne in sa terre et non fist trop estal,

Son pais oit fornie a mont et a val.

Grant gent oit asembles de Lomgbards bon vasal

555

Et de Marchisens ardis et iovençal.

Forest çhivauçe d'autre part sens fal

O tot sa masnee, semble aler a un bal,

Si lie et joiant vont trestot por li teral.

Trivisaine passent ates li grant costal

560

Et intrent in Friul tot li quart iornal,

Desore Pordenon, et verent in la val

Tant distrer aragon, palefroy et somal,

Tant heumes, tant escus a or et a esmal,

Tant baner et confanons de pail et de cendal,

565

Tant insaignes a or ventoler al frontal.

Tot n'est chuvert il plains de la çent criminal.

Forest quant les vit si se fist il segnal

De la crois deigne et dist: - Ai Deu spirtal!

Or ai que vai cerchant, venuz est li iornal

570

Que ferai desepline de sta çent felonal

Ou ie morai tra els et moy et mon corsal. -

- Par Deu - dist Ariochus - nen feites sta laidure,

Gardez de li milor, ni aies tant ardure,

Trop luntaim sumes de Aquilee le mure,

575

Tirons nos dalez pres celle grant alture.

Alons a sauvemant, se poons, sens paure.

Bien pores anchor combatre li tanfure.

Plus valt inçins que forçe in bataille et droiture,

Se nos sions asaili da çil della valure

580

Combatre li porons et estre a la sehure,

Se nos arons le peior ferons notre troiture

Desor cil grant terter por dales la verdue,

Nus serons desor lor, si li farons paure.

- Voir - dist Forest - molt li aves mis chure

585

Et ie seguirai ton consoil et la venture. -

Par ces pareules partirent li baron,

Tot chomunal traversent por desor Pordenon

Et alent avant chevalier et peon;

Ne aient mie gaires, si con l'autor despon,

590

Que avant soy gardent a un terter reon,

Et ont veuz desouz grant gent a un penon.

- Por foy - dist Forest - cilli sunt sclavon,

Ne sunt gaires de çant, car nus li combatron,

Se ie le puis vincre ne mener a prison

595

Ie sarai le convenant de Atilla li felon

Et tot la mainere de la ieste Mahon. -

.c. chevalier eslist de suen real confanon

Et broçhe avant les autres plus de cinch treit de polcon,

A la coste s'apoie, si fait semblant felon.

600

Quant cil desor lo verent si traent li peron,

D'arc et gavelot et balestre a fuson,

Et cil se covrirent chief, teste et menton.

Quant jus devalle a li pendant a un squilon

Bien .ii. .c. chevalier armez tot in arçon,

605

Lor lances ont infeltre, l'eumes alaçe au fron.

Et ce fu Girardet li valet de Fregon,

Fancel et Colet da Spilambert il toron,

Juliens da San Vi et Comuz de Fresmon

Et li cuens Arman et Floret de Valveson.

610

Inlec sunt asembles trestoit çil preudon

Por doner secors au roy de Concordes inson.

Quant verent li .c. vers soy venir imbron,

Croent qu'il soient Ungreis ou Sclavon,

Vers çils avalarent plus tost que li troton.

615

Quant Forest le voit n'oit ioie a fuson,

La lançe paumoie que non fist autres ton

Et fert Girardet que vint au primer fron,

L'eschu li speçe et l'usbers li confon,

Por mer li flanc li passe fer et tronchon,

620

Innavres l'abat schunçament au sablon.

La lançe oit oblie par la chaue li baron,

Il treit nue li brant, que oit indore li pon,

Et veult ferir Colet, ma'l distrer li despon

Que l'ait trapasse maugre con li speron.

625

Un autres in fert que fu ses compagnon

Que tot l'eumes li trançe, con fust d'aquiton,

Desquement li dant la spee li repon,

Mort l'oit ietes au pez de ses ronçon,

In l'autre ient s'afiçe come fust un dragon

630

Ferant et mahagnant davant soy çascun.

A la bataille fert Fancel et Colet

Que sunt desis a val et insuz del boschet,

Ver la gent Forest brocant ceschuns se met.

Ni a nul que non abatist il suen su la novelle herbet,

635

A poine ont rescos et relevee Girardet;

Julians de san Vi oit feru un valet

Et Comuz de Fresmon oit innavrez Folchet;

Li cuens Armans si broche con Floret,

Davant Forest que sa çent maumet,

640

Distrent: - Ne toy vaudra la forçe de Mahumet

Que non soiez huimes in tel peor et stret,

Que mielz seroit que fust in ton pais tot bret,

Que venir gastant la loy crestiaine e'l destret. -

A ces mot d'ire ne font point arest,

645

Ambdous comunelmant si ferirent Forest,

Li preu et li ardis sens paor et molest.

Le lances tronchonent desor le scu et sa vest,

Et s'el nen fust portant qui clament Deu celest,

Ad ambdous auroit li barons trançie la test;

650

Dont fort s'en mervoil quant intist celle iest.

Atant Ariochus fu çoint a la champest

Et le cuens Galeran con Perot li robest.

Chevalier et peons venent cum tis balest.

Le cuens da Monbroil porte la baner ancestr,

655

Arman et Floret la garde, si clament la maiest:

- Ay pecheors nus! cist sunt de nostre vest. -

Al princeps criarent: - Merçi, barons honest,

Car nus sions crestiens cum vos sembles d'estre,

Ases aurons tornoier contre la pute iest. -

660

Grant aleeçe firent quant s'aconoirent in cest,

Çeschuns se fist quoy et non firent la pest.

Desor li grant terter estoit ia desendu

Bien plus de .ii. .m. de peons esleu

Ad arbalestres et a dart, lances et a scu

665

Et a fronde, con Peron si avoient combatu.

Mais quant bien verent et ont soy aconeu

Que li sunt crestiens de ça et de la stratu,

Si grant fu la ioie, grignor nen fu veu.

Et quant il verent Ariochus li membru,

670

Li frer rois Menappus, son sire et suen dru

Que cil biaus secors in Aquilee condu,

Dont si li otrient a mort et a vie stratu,

A soy se abassent li çhastelans de Friu,

Clament soy merçi. Ariochus li a respondu:

675

- Franche baronie, non siez experdu,

Siez franc et ardiz, Saracin sunt confondu,

Car ne i valeroit Mahomet, ne Balçebu.

Le rois Gilius de Patafie, o tant ait de vertu,

Avant dous mois inter, ne passez, ne choru,

680

Nos viroit secorer, armes sor li crenu,

Cou Marchisens et Lomghars, sa forçe n'est falu;

Suen chusins le princeps cum moy ai tramitu

A mil .v. .c. chevalier bien cremu

Et troy mil peons balestrer et a scu,

685

Le cuens Perot dau Borc cum soy est venu.

De combatre Atila sunt convoitos tot plu

Que n'ert damoisiaus de veoir sa belle dru,

Quant plus la desire avoir in ses braç nu. -

- Sire - dient li chastelains li grant et li menu. -

690

Et nus li otriames quant vos avons in desdu

Et serons compaignons in grant stor combatu,

Si soit traslasie la folie et li bru

Et tra Saracin soit vengez li offendu. -

- Par ma foy - dist Forest - bien aves desponu,

695

Et ie ne sui contant de començer li hëu

Tra çist felons paiens que vos ont tant failu. -

Lor se trabraçent et basent du a du

Et donent soy la pais et le verais salu.

Son çhapitaine ont fet Ariochus li membru,

700

Li cortois mesaçer que in Aquilee li condu.

Ceschuns fu alez de çelle acordançe,

Pue que Ii ont insamble la belle acontançe

Se metent au çhamin. Cum II. coroy s'avançe

Forest l'orgoilos, cui proeçhe non schançe;

705

A .v. .c. chevalier fu la soe seurançe,

Que furent de sa terre et de sa conoisançe.

Ariochus de Aquillee apres lui si se lançe

Et le cuens Galeran que oit le chief blond et blançe.

Con Friulans çhivauçent, de guerre font bien semblançe,

710

Li heumes ont alacie et le scus a sa pance,

Lor lançes infeltre por fer stor et burbançe.

.ii. .c. .xx. chevalier, conte nos li romançe,

Et .ii. .m. peons apres çelle numbrançe,

Que sunt tot seres por fer grant smenomançe

715

De la ient paiaine e tor lor puisançe.

Pres le coroy Forest, meins troy treit de lançe,

Sunt tot esmohue la compaigne iovançe.

Apres de Friulans Perot au cuers ardi

Chivauçe et est mohue cum ses coroy ausi.

720

Mil chevalier lomgbars avoit apres de li,

Marchisens et de Pahue n'avoit une parti,

Troy mil homes d'armes de peons bien forni

Que tra i mil chevalier oit sere et stabli.

Forest çhivauçe avant o tant oit de galardi,

725

De sot sa chuisses li bon chival honi

Au passer d'un fluns ou fort l'eue froi,

Forest si garde avant, oit da luntain sclosi

Une grant somaire et de charetes floti,

Que menoient palefroy et distrer arabi,

730

Que tot de vituaille sunt incharçes et basti.

Un cuens le conduit de terres arseilli,

Molt feloneus et ingreus que oit non Garboi,

.iiii. .m. chevalier avoit o soy d'Ongri,

Molt biem muntez et de cors infeloni.

735

Arer lui çhivauçe d'Atile un suem ami,

Que estoit suen parant da part le roy Flori,

Oncles sa belle miere, que cum li chiens faili,

Il duc Brain apelle, si oit grant signori,

.xii. .m. chevalier il conduit et gui.

740

Prendre veult li champ par Atila, çela di.

Forest quant le vit si forment in ioi

Plus que se alast a noçe ou a danser s'ami.

A sa çent pareule demostre et desgrai:

- Franç chevalier de bon aire, nen siez pas esbai,

745

Veez le Saradins, la vitaille, la charari,

Si aiez cuer de ferir pres moy invers de li,

Vaselaç et honor ni v'est hui faili.

Qui muert hui in bataille ert in saint paradi,

Et qui puit eschamper ert exaute tot di,

750

Riçhes et manant seroit sempres in sa vi.

Et qui n'ait cuer, ne intant, se part tost de çi,

Que buen grez li saurai avant qu'el fue inçi. -

Lor dient li barons in oiant a un cri:

- Maldeit soit cil que mais vos ai gerpi.

755

Alez, sire, avant! ferez, ferez ami.

Trop atardons de fere cest mesli.

Cil que vos faille soit destruit et honi. -

Quant Forest intist le voloir de sa çent,

Il ne atarge plus, ne fist arestament,

760

Sa baner oit charçe a Savin sou parent

Et broçhe le distrer que cort plus que vent.

Ver la grant somarie il se fiçe et destent.

Un saradin incontre que ver soy se deffent.

Tel i avoit done cun sa lançe pungent,

765

Ne scus, ne aubers ne i valt un flor de lent,

Que outre part passe, li fere açarent.

Mort il trebuçe sul prez scunçement,

Sa lançe recobre et crie hautement:

- Ay Saradins, ioint estes au torment;

770

De vos ni schampira ne veilz, ne jovent.

Mort estes infins a grant destorbament,

Se ne prendes trestuit il saint bateçament. -

A cest mot et a cest continiment

Que fist Forest, l'om plains de ardiment,

775

Desor son scuz plus de dis lo ferent.

Se il fust fobles hom et de catif intent

Mort fust stratorne del coup et del torment,

Me ne li aprise, cum lus berbis que fent.

Cum l'espli oit mort plus de sis in un tenent,

780

Puis de li trois n'oit fet mant sanglent

Quant a la spee fist suen recourament,

Et fert intr'eus et fist tel invasament

Car li plus sehur in fue s'en tornarent.

Mout bien fist le princeps a celle començaille,

785

Biem semble a ses coups hons de grant vaille,

Nul l'atent a sa spee que non l'atue in l'erbaille,

Tot le chareter et la somarie sparpaille;

Quant le cuens Garboins de terre de Arsaille

Vit il chevalier fer telle smenomaille

790

De sa gent saradine, si voltent tot l'espaille,

Lor celle part broçhe, il bon distrer si chaille

A .iiii. mil chevalier armez de scu et de maille.

Et li .v. cent gueroier de Forest si raille

Secorent suen seignor tot seres sens faille.

795

Or commençe bataille et mout grant desvaille

Tra crestiens et Saracins in la val de la quaille.

L'un crie: - Mahomet! l'autres: - Ihesu spirtaille! -

Au ferir delle lances que firent chrestien,

Fu grant la bataiz de cil mauves paiem,

800

Por livre forçe cescuns de nos abat le suen;

Desor le princeps cort Garboins, il mauves cuen,

Sor le scuz li fert cum un abraive çhien,

Li espli li oit frasne, ne'l muit de l'arçon rien.

Et cil fu outre puissant, retient li coup si bien.

805

Au passer qu'il veult fere li consuit de sa mein,

Davant, desor l'escus sa spee que in man tien,

Que arme ne li vaut la munte d'une pien.

La teste li trençoit con fust un ram de fein,

Mort cheit a la terre, dont pain se spavein.

810

El princeps d'Est escrie: - Ferez, Patafien,

Nus avons le milor, le peior ert il suen. -

Lor chi veist bataille proeçe fer a li lien,

Trencer et decupere cil Saradins chumein,

Fuir cil distrer et strainer li frein,

815

Tot l'erbe fu vermoille dou sanc di paien.

En celle foy fu mout grant le chaut,

Li solel luist que forment l'esbaut,

Et cil Ongreis desor il si tresaut

Traent et bressent lor freces a li asaut,

820

Car nen fu distrer de crestiens que ren vaut,

Que nen soie navres por dales un grant gaut.

Quant, li sorvint Ariochus ardiz, fresque et baut,

Et Galiran, li bon mis, que pas ne li faut,

Con li çhastelains de Freul crient tot a vos haut:

825

- A la mort pain, mort estes tot ribaut,

Que non crie batisme, ia nulle merçi ne i vaut,

Tot seres ocis por li cors Saint Tibaut. -

Mout bien firent Friulens et sa çent bataler,

Entre li archier se ficent de Saradins ascler

830

Et cupent lor testes, si voident lor distrer.

Tot avant les autres Ariochus fert im primer,

Que dou rois d'Aquillee estoit mis et frer,

Un Saradins d'Abilons et cont et principer

Oit feru et insene de sa lançe inter.

835

Ne scu ne haubers ne i puit la vie tanser,

Li fer passe son piz et stratorne darer.

Bien plus d'une tors l'oit mort por ter,

Pues oit sa lançe de suen cors desficer.

Quant dou Saradins l'oit veuz ses frer,

840

Li grant Marchilot d'Abilon li terer,

Ni laisse trop in pois, vient suen frer vençer,

Un hante oit pris mout fort d'un pomer

Et broche son chival, vint Ariochus ioster.

L'uns incontre l'autres con fuissent dous singler,

845

Desor le grant targes ont lor lançes fermer.

Quant vindrent au iondre si grant fu li toner

Che plus d'une grant leve s'oist li soner,

Desquement li usbers li fer ont paser

Et cil furent fort ne le puissent fauser,

850

Et li chevalier ardis que ne li ont oblier,

L'un se charge ver l'autres que i distrer font ploier

Tant fu lor forçe que im piez ne poent ster,

L'un cheit au destre, l'autre au sinistrer,

Cum tot le chivaus semblent devier.

855

Bien .ii. .m. Saradins broçhent au recobrer,

Quant li Friulens li vont au contraster.

Ne'l veut le cuens Arman de Porcie comporter,

Por mautalent fert un orgoilos ascler

Que por le piz li passe li fer roide d'acer,

860

Mort il trebuçe, puis treit li brant litrer,

A mant Saradins fist le sanc verser.

Floret et Galeran n'oit mant fet trabuçer,

Juliens et Colet et Girardet il bacaler,

Ceschuns buen chevalier, inlec broche et si fer.

865

Mout firent Friulens dens Ongreis grant mesler,

Bien semblent homes que volent defenser

Ses maisons et terres que li ont chalonger.

Gref fu la bataille orible et pesme stor,

Quant meslent insemble li nos et li lor,

870

Car mout furent Friulens a ceus bon iostreor.

Pesme meslee rendent a la loy paienor,

Et cil sordent si fort que ingrossent plusor

Que Marchilot ont metu sor un grant minsaldor.

Et Ariochus sailli par forçe et par vigor

875

Sor un distrer de Puy ferant et coreor,

La spee tient tot nue pesant et trençheor,

Cui il fert un cous, ou grant, ou menor

Convint dou tot cheoir mort et in grant langor,

Bien fu sa proeçe tra la çent l'aumansor

880

Esprovie et saçhie con grant ardir li ior.

D'autre part Marchilot, li paiens sudutor,

Si con il fu eschuis da le mans li franchor,

Por sa veniançe prendre se mist a grant furor

A une maçe de fer, que n'est sençe paor,

885

Depart la grant presse de chrestiens la flor,

Mant n'oit atue et versez sor li albor:

Fançel cete mort et Comuz anchor,

Al cuens Galeran fist voider il minsaldor.

Quant Forest li garde tot fu in trasuor,

890

Se ne le reschuis et vençe li dolor,

Bien se poroit tenir cil Saradins il milor.

Mes avant que departist, ne alast lungor,

Forest li cort desus com fondre que cheit desor,

Parmi suen heumes li done un coup de tel vigor

895

Que tot li trençoit desque li dens menor,

Mort l'oit reurse, perduz ait son valor.

Quant Saracin lo verent cum larmes et con plor

Laissent la meslee et mistrent soy au retor

Et li Chrestiens l'inchalcent con vigor,

900

Mant ne mahagent, si confondrent plusor.

Car a çelle foy chrestiens ont il millor.

Quant li sorvint il duc Brain et Fribor

A .xii. .m. chevalier, la plus part arçheor,

Le fuant font torner et poignent a li stor,

905

Ceschuns tesent lor strailles et font nosse et crior.

A le stor ponçent pain et Saradin,

Lor arch ont intis ceschuns ploins de venin;

Mout ferament le moine Fribor e 'l duc Brain,

Car i ont bien intis da li fuant pain

910

Que sa vituaille, arnois, pains et vin,

Estoit chalonge da chrestiens sul çhamin,

Et mort sa cent, ses barons palatin.

Donc çeschuns broçhe cum li cors serpentin,

Et quant furent in le stor, tot insemble ad implin

915

Traent tot ses freces il sitament verin.

Si grant fu le trair et li grant deseplin

Que voir sembloit pluie que desendist inclin.

Mout ont nos chrestiens recule au çhamin;

Forest quant ce voit reclain Deu Naçarin

920

Et iure a Celui, que nef fu saint Joachin,

Que avant que il volt de son distrer le crin

Hui ferai tel martir de sa çent cum mastin,

O finelment faroie tra çest gent ma fin.

Forest fu molt grant et gros et orgoilos

925

Et de guere fu mastre et fer et inçignos,

Quant vit les Ungreis venir a tel insfors,

Desor lor bresarent çeschuns molt talentos,

Et venrent a furor cum fait a berbis li los,

Donc ralie sa çent de sot un penon ros,

930

A un lions indore, de sot oit la cros;

Cest fu l'insaigne de Gilius l'orgoilos.

Forest oit a sa insaigne d'argent un alicors

Depaint in champ celestre que molt fu mervilos,

Desouz cest dos baneres sa çent oit reclos.

935

Ariochus apres li, que molt fu afaros

De destruir Saradins et metre li au desos.

Le ses schilles stroignent in une seule ambdos,

S'il li menent serez intr'eus ver li stors.

En demi li chevalier sunt li peons trestos,

940

Que lor arbalestres traient et font grant nos.

Mes li plusor ont bon chival rescos.

Ungreis li pugnent tot intorn li galos,

Si li vont bressant spoisse et menue ados.

Quant Forest broçhe, que ne fu mie ascos,

945

Vers un paiens d'Ongrie, si forment l'a perchos,

Que armeure ne i vault, que li part carn et os,

D'autre part le passe, mort il gete al grevos,

Sa lançe debrise, car nen fu molt gros.

A la bone spee mist la main tot inclos,

950

Ver Ungreis se fiçe, ni sembre mie spauros,

Plus de dis n'oit mort avant qu'il fust mos;

Ariochus molt bien li oit done son secors,

Con ses coroy broche criant: - Jhesu! - a une vos.

Quant Fribor regarde nos chrestiens venir

955

Entr'eus si ferament et lor Ongreis oncir

Et oit veuz Forest qu'en fist tel martir,

Vençer se veut de lui, iure a son diex Chebir

Que mes non torneroit, si li feroit tel ir,

Dont li chrestiens se poront poy tenir

960

Chiere sa vie, s'el cors ne m'ait failir.

Il broche suen distrer, un hante oit brandir,

Desploie li penons, vait Forest a ferir

Davant sa targe, ne vos croy mentir,

Que bien l'ait trençe, inlec fu al veir;

965

Mais li usbers e'l clavan l'oit tenir,

Ne 'l puit fauser, ne la lançe croisir.

El coup fu grant et por si grant poir,

Ne s'en aperceit il princeps, mais bien s'oit tenir;

Çingles et petraus se ront et oit sgrair,

970

Cum tot la selle convint a la terre çir,

Tout au declin s'oit il chivaus flatir.

Et Fribor broçhe, la lance oit gerpir,

Sa bone spee treit, que molt fist a cremir,

Et fert Galeran, que inscontre in suen venir,

975

Si grant coups in l'eumes, que tot ie l'oit partir,

La chuffie dou fer ie fist molt sartir,

Innavres l'abat qu'il ne s'en puit tenir.

Puis desor lui fist son çhival guenchir,

Mout l'oit daneçe, mais de lui retenir

980

Nen puit fer niant, car ne li oit il poir.

Ariochus li cort desus par grant air,

Si li oit done grant coups, bien se le croit conquir,

Desore li heumes, car niant l'impir.

L'açer Fribon ne li poit descloir,

985

Mes non portant le fist turber il veir.

S'el ne s'aust au chuel de son çhival tenir,

Bien fust cheu, la place oit gerpir,

Car il ne savoit s'el fust ior o sir.

Par li coup Ariochus Fribor oit gerpi

990

La plaçe mantinant, nen sait s'el est nuit o di,

Et Ariochus apres l'inchalce et li sevi.

Quant davant lui le duc Brain feri

Desor la targe painte a or imbroni,

Tel coups li done que tot le scu sfondi.

995

L'usbers et li clavan da mort il garenti,

Mes non portant li coup fu de si grant pi,

Que Ariochcus convint cheoir cum l'arabi,

Desor li vient Brain et crie: - Tu is honi,

Or te rent a moy, ne voloir morir çi. -

1000

Et cil fu relevee de ver li tost im pi,

Sa spee brandist in main et crie: - Jhesu, ahi!

Or te retrais arer et ne toy aproçer ci.

Se ie te puis iondre a ma spee forbi,

Hui te vendrai chiere le stor que aves invahi.

1005

Or desent a pez, se volez la mesli

A cors a cors cum moy et serez agrai,

Honor feras de toy et muntares in pri. -

- Par Mahomet - dist Brain - creuz nen serais, nemi,

Plus valt un hom a chivaus que abatuz a pi.

1010

Puis que ne toy randi, n'aurais de toy merci. -

Lor li cort a dos por ferir soy a lui,

Mes chrestiens li sordent, font grant nosse et cri.

Nen puit si tost ferir le duc Brain, ne trer

Auchuns coup de spee por nos barons mesfer,

1015

Que chrestiens li sordent a dos cum sa baner,

Car li çhastelains, que Friul ont garder,

Plus de sis l'ont feru sor la targe a quarter,

Si que por livre forçe li ont fet au champ reurser.

Fribor est revenus que tient la spee d'acer,

1020

A Friulens l'oit vendus çil ior molt çhier,

Le cuens Arman fist a li pre trabuçer,

Florent de Valveson et Colet il bacaler,

Girardet et Julian fist a li prez aler.

A plus de .xx. chevalier fist la selle voider,

1025

Nen remist baron cil ior a distrer,

Si grant fu la forçe de çella gent ascler,

Que chevalier et peons ont fet in volte aler.

Le duc Brain apres fu remunte a distrer,

El princeps se desfent tot a pez au verçer,

1030

Quant peut trer cum sa spee nul li osse aproçer.

Plus de .xl. n'oit fet intor soy sangleter.

Il crie: - Patafien, venez moy aider! -

Quant Perot dau Borc çoint a li mesler,

A mil bon chevalier et orgoilos et fer

1035

Et a mil .viii. .c. peons et coraios et liçer.

Ongreis ont veuz l'insaigne Deu li Per,

Il saint crucefis, dont le fist spoanter.

Li asaut Forest lassent, si sunt retreit arer.

Plus ne agrevarent nos chrestiens baçaler,

1040

Mes arer sunt retreit, ses arch ont inteser,

Ver le coroy novel comencent a breser,

Car li virent si stroit, ne li porent defeltrer.

Le cuens Perot dau Borc a la franque persone,

Bien fu armes sor un distrer de Guascone,

1045

Lomgbars et Patafiens stroitement il moine;

En la bataille çeschuns fert et sperone,

Avec lui point chevalier et peone.

Davant les autres dan Perot s'abandone,

Veit un amirant que davant lui esprone,

1050

Tel coups li done in la targe a machone,

Scuz et usbers li trançe, bien semble qu'el fust trone.

Au cuers li passe li fer dont cheit mort li felone,

Nen tarde pas Perot, oit pris suen aragone,

Ou il vit le princeps si li apresente et done:

1055

- Tenez, franc chevalier, chusin a la corone,

Fior de chevalerie, muntez tost in arçone,

Saradins sunt maumis, car ne li soit perdone. -

Forest si le mercie, in stref se refaçone

Et oit treit le brant dont Saradin tastone,

1060

En la grignor presse se mist, con un falcone

Que prent le faxan quant plus fort derandone.

Mout ferament broçhe Forest tra cil Ongreis,

Seres sot son scus tent li brant litreis,

Le primer qu'el incontre nen puet avoir defeis,

1065

Que tot l'eumes li trançe in squilant, si'l desfeis.

Desor la spaul sinestre li bon brant deseis,

L'armeure li trançe et tot la çarn et l'eis,

Li coup avance outre, si'l fent iusque au budreis,

Mort trebuçe a terre, l'erbe dou prez sangleis.

1070

Suen çhival s'en fuit plus de quatorze teis

Trainant sa reane, car un peons le preis,

Dont ne fu revestuz, ad honor de Christo saleis.

Ensi ferent les autres peonere tot desfeis,

Çeschuns prent çhival quant nul fust desfeltreis,

1075

Ensi bien la moite furent a chival desteis.

Au ioindre in le champ que fist Perot il vasal

O tot sa banere et sa çent general,

Au basser de lor hantes fo le criz molt in al,

La noisse e'l feraiz et li grant batistal.

1080

Mout n'ont defeltres de çella çent criminal.

Lor çhival furent recoli da la gent peonal,

Et Forest mout se paine par meter a çhival

Tot li abatus, dont fist cil coup crual

Quant oncis l'Ongreis, parti la sinestre spal.

1085

Li Saradins fuirent tot davant sa frontal,

Mais le duc Brain li done un coup tal

Que le cercles de l'eumes li abat contreval,

De si que a le scus son brant trençant chal.

Un quarter ne cupoit, ne le fist autres mal.

1090

Au trepasser que fist Forest il mareschal

Oit recobre un coup par travers le gorçal,

Que reondement le chief li trençe, con fist pal.

Un mot li çete et dist: - Fel desloial,

Plus de toy n'aurai haie, consoil, ne ris, ne bal

1095

Atille filz au livrer, li mauves et li crual. -

Son çhival oit pris por le rean dou cristal,

Ou il vit Ariochus, li baron natural,

Frere le rois d'Aquillee, ie l'oit done sençe fal.

Et il li est muntes mainer cum un çifal,

1100

Rengraciant Forest dou servis tant real;

Pue intrarent in le stor ambesdous comunal.

Mout s'esmaient Saradins dou duc Brain qu'est mort,

Cescuns li plure et regrete et son poingn si destort;

Si s'en fuirent arer, li plus se desconfort.

1105

Fribor si le sostint et crie a vos mout fort:

- Ay crestiens mauves! ne alira insi la sort.

Venus estes al juis, Atila nos secort. -

Lor fist un eslais, son distrer broçhe et cort

Et fert un soudaiers toschains de l'Alalebort,

1110

Que ne li valt armes, versez l'abat tot tort.

Avant qu'el se partist d'iluec da Fribort,

Forest l'oit asene, que veille et pas non dort,

Un tel cols li dona, que l'abat au pres par mort,

Scunçament innavrez au çhief qu'el sanc ne cort;

1115

Jus por mi un riu son çhival si stracort,

Forest le fist recolir, a Galeran li aport.

Dont saili a çhivaus frois con çio d'ort.

Mout bien la fist cil ior Galeran d'Aquilee,

Puis que il fu das mains de Ungreis recobree

1120

E'l bon çhivaus li fu por Forest livree.

Tant Saradins avoit a terre creventee,

Navrez et maumis et a li champ atuee,

Que tot li destre braç oit por li cols inflee,

Le brant o tot le poingn avoit insangletee.

1125

Quar tot ses Friulens sunt por lui muntee

Et della peonaille sunt muntez a plantee,

Bien plus de .ii. .m. que soloient a pee

Aler, a le besoingn chevalier sunt or nomee.

Mout bien le ferirent Patafiens a li pree,

1130

Marchisens et Lomgbars Perot li oit bien guiee,

Et desor Saracins si fort sunt avançee,

Que ne li est baner que fust si bien afermee

Que por leur nen fust tost au pre trabuçee.

Ne li est Saradins che tant soit ossee,

1135

Que plus renge tenist contre nostre masnee.

Al fuir sunt mis, si ont li champ lassee,

Charet et somarie ont dou tot obliee,

Et baner et pennons ont dou por terre çitee.

A cellui vint bien que davant fu alee,

1140

Et celui que remaint fu sa vie abandonee;

Bien puit estre ioiant que vif n'estoit scampee.

Fribor se n'est fui quoiament a lairon,

Car por un Ongreis avoit un ronçon

Dont ne le daroie por tot Aragon.

1145

La teste oit avelopie d'un drap de siglaton

Et fuit a soy quart ateis un grant boison.

Galeran s'en perçuit, que muntes fu in arçon,

Bien l'ait aconeus a l'arme del dragon

Que l'ert cil Ongreis que tant li fu felon,

1150

Que l'avoit abatus a terre de l'arçon,

Si l'avoit schalcegie li flanc et li gropon;

Dont iure a Jhesu Crist et a saint Symeon

Que mais non tornerai çhivaus ne li fregnon,

Se il nen feit de soy mout aspre vençeson,

1155

O voirment morirai qu'en puit estre ou non.

Embraces oit l'escus, alaçe l'eumes reon,

Paumoie le roide espli a un vermoil penon,

Broche il buen distrer de li indore speron,

Li quel Forest conquist da Fribor par tençon,

1160

S'in fist a Galeran present et un riçhe don.

Plus cort le çhivaus que nef quant plus randon,

Tot heure vait criant: - Atendes moy, gloton,

Ne alires insi, cum cuides, a lairon;

Voltez in ver moy ou rendes moy prison,

1165

Car se ne gerpis Apolin et Mahon

Mort seres trestuit, a vos n'ert perdon. -

Fribor intist la frate et le criz dou baron,

Donc se mist in çhief de fer un çapiron

Et veult retorner a ferir li preudon.

1170

Mes uns de çil quatres, que l'avoit a compagnon,

Broche inver lui, sbaset l'espli reon

Et fert Galeran sor le scu a bandon,

Que tot li trançe et sfondre, mes l'usberg framiron

L'oit scampes da mort, dont çil ne fist tronchon

1175

Et Galeran fert lui, ne li oit redencion.

Le schus, li haubers li fause, la çarn et l'os deron,

Li fer le mist al cors, mort il verse in trabochon.

L'ante oit oblie, nen puit autres il preudon,

Mes a la bone spee fist sa recoureson,

1180

En li autres .iiii. chevalier se mist con un lion

Tot heure criant: - La crois del bon Jeson. -

En aventure de mort ou d'avoir honor

S'est mis Galeran, le cuens ploins de valor,

Sa lançe oit oblie, prent li brant trençeor

1185

Et broche ver li quatres por ferir Fribor.

Mes un autres Saradins chuvert losengeor,

Cun un serpant li vent por ferir lui desor,

Un coup li oit done sor l'eumes pint a flor,

Mes ne l'impire mie for de li la color;

1190

Li brant torne arer por li açer fortor.

Et Galeran fert lui, cum plet au Criator,

Sor la destre spaules por tel forçe et iror,

Ne li valt arnois la munte d'un tambor.

Tot li l'a detrençe, si l'abat al verdor.

1195

Mort cheit il pain, si fist un grant crior.

Quant ce vit Fribor et li autres suductor,

Ados li sunt corus tot trois a furor,

Et çil se treit arer, feit soy defenseor.

Quant Fribor parole: - Ne schampares, traitor,

1200

Quel fu çil leires que mon çhival ambleor

T'ait insi rendus? ia n'ert de tuen labor.

Or moy li rendes, vasal, avant que mor. -

Dist Galeran: - Tu in serais mentior,

Ans voil le tuen et anch çil de lor,

1205

Ou vos morires, ou creons al Criator,

Ne schamperai un sol, s'el nen fust par amor

De Yhesu Crist de tot nos salveor.

Rendes vos a perdon, çeschuns la crois ador,

O voiremant morires, ne paseroit le ior. -

1210

Fribor fu ragie, ne li veut plus atendre,

I le cort de sus, cum sparaver oit desendre

Que la quaille veult in ses artille prendre,

Et illa cort souz un spins, ne la puit ofendre;

Ensemant Fribor ver Galerans au contendre:

1215

Quant se le croit ferir, çil ne l'oit pas atendre,

Un saut fist son çhivaus sor l'erbe vert et tendre

Et fert un de les autres, que'l voloit sorprendre.

Que li oit parti la teste e'l cervel fist spendre.

Fribor fu eschernis qui oit un aubres comprendre,

1220

Croiant son çhival au barons çhier vendre.

Fribor crie fort in haut quant son coups oit failis

Et de .iiii. compagnons vit le troy oncis.

- Filce puitan - dist il - ne schampares insis

Por inçeins ne volpine que ne soies maumis. -

1225

Lor broche son chival, si l'oit ferus al vis,

Qu'il cercle li trençoit de son heumes bronis,

Autres ne le fist, mais forment fu stordis.

L'autres Saradins son çhival oit feris,

Parmi li ventre i mist un espli molt pontis,

1230

Si que le buelles e'l magons for infis,

Le chival tornoie troy fois, li quart chais,

Et Galeran saut mantinant im pis,

Em braç oit suen scus et la spee brandis,

Ni semble hom cohart, ne que il fust spoantis.

1235

Luntain fu da sa çent pres d'une leue et demis,

Tant avoit Fribor et les autres sevis.

Fribor et l'autres i cort de sus fort a devis,

- Rent toy - distrent il - avant que siez sorpris. -

Galeran tient la spee, dist: - Non sui si çaitis,

1240

Ancor me croy vençer de toy con a nemis.

De ça vient çhivauçant ma ieste, mon hais. -

- Par Mahomet - dist Fribor - ce vient da choardis

Et da grant creme, dam franc, çe que dis,

Ne sui mie por menaçes amates ne spoantis. -

1245

Lor l'oit feru Fribor, nen feit plus contis.

Et il sor li fort scus oit son coup recoilis,

Que tot li oit speces un quarter et debris,

Et, s'el nen fust un saut que li baron fis,

Bien l'auroit fendus desquement a le pis.

1250

Mout bien n'aloit al cuens, seignor, celle foy,

Que sor la targe il grant coup reçoy

Dou fer Saradins, por l'asaut manoy

Non reste Galeran, ains son brant palmoy,

Ferir veult Fribor, mes davant soy

1255

Vient l'autres Saradins plus felons et croy,

Que serpant o dragon por conturber sa ioy.

Mes le cuens Galeran son coup li otroy,

In soch parmi la gorçe la mastre vaine pasoy,

Si qu'el cheit mort, non tenist plus choroy.

1260

Fribor l'oit veus, de duel por poy raçoy.

La plaie de la teste tot le sangletoy:

- A tenir plus tençon, çatif, con la faroy?

Mon compaignon sunt mort, se crestiens sordoy,

Plus nulle reançon de vivre ert in moy. -

1265

- Lor torne son çhival, in le bois se ficoy.

Fuant s'en vait blastegnant sa loy

Et dist: Mahomet, cum m'ais feit hui grant enoy,

Que m'ais fet laidir a sti crestiens bufoy.

Mais se ie puis ioindre in mon mastre manoy,

1270

Le çhief vos romprai et le braç et le doy,

Si que mes non serai baron par vostre foy

Inçegne ne maumis que n'aies le sordoy. -

Ensi fuant Fribor se lamente al chamoy.

Fribor s'en fuit et Galeran remist,

1275

Que li .iiii. felons onçis et oit conquist.

Son chivals fu mort, un autres il ne prist,

Par la reane il tent et in su l'arcon salist.

Con grant devocion grace et merçi li ofrist

Que l'ert schampes a nos sire Yhesu Crist

1280

Et que l'avoit vençe sor la çent antecrist

Son duel et son daumaç et sa grandisme pist;

De retorner arer suen chamin il prist.

Forest fu a li champs, se fist sa recolist,

Ariochus et Perot et les autres menist,

1285

Mes de Galeran nul soit, nul le veist.

Croient qu'el soit mort, mes nul l'aconoist,

Ne mort, ne vif trover ne se poist,

Dont Ariochus n'oit la mente trist.

Sa çent ont ralie, li champ ont recolist,

1290

La somarie et charetes de Saracin ont prist,

Car ne li est nul plus que le defendist,

Tot sunt sbarate et in sconfiture mist.

Ariochus d'Aquillee et Forest li vailant

Le champ ont recolie et pris ont prehe grant.

1295

Desus un grant somer d'un blanc mul ferant

Ont atrue il pavilons d'Atille il mescreant,

Biaus outre mesure, portreit molt richemant

De soie a or filles cum mant pieres lucant;

Se lla devisees deisses et la mervoile manant,

1300

Seroit tegnu a mençoigne de voir da li auquant,

Mais bien vos li conterai a leu et au tant.

Forest in fu investuz por suen fer ardimant,

Donc iure a l'aute Deu, s'in fist sairemant,

Que desouz Aquille voudroit fer auberçemant

1305

Desouz cil pavilons que oit de biautes tant,

Ne mais se partira s'el nen fait dolant

Atile fraielum Dei, si ert a lui combatant,

A cors a cors insembles, a lançes et a brant.

Molt est desiros de veoir cil amirant,

1310

Volunter le fait sailir in ardir con soe çant,

Mes avant que pais huit mois in avant

Se poroit saoler de bataille et de chant,

Chon ia pores oir avant çhançon finant.

Ioiant fu Forest a mervoil, bien saçhois

1315

Dou biaus pavilons de Atile il fause rois,

Que l'avoit conquis, çeschuns a soy l'otrois,

Puis vont reculant par le champ tot l'arnois,

Pris non retinent Saracin ne Turquois,

Tot li oncirent que non prent la sancte crois.

1320

Mes de Galeran furent molt dolorois,

Ne l'atruent mort ne vif, nul le percois;

Dont le dolor fu grant que ceschuns ne façois.

Forest molt lo regrete et Ariochus plurois

Et dist: - Ay, sire cuens, mon compagnons cortois,

1325

Filz a la buene miere, parant buen et drois,

Que poroie dir a Menappus le rois,

A mon frer, a mon seignor, quant sens vos me n'alirois

De vos nen sai noelles s'est pris al tornois.

Mes tant puisse iurer desor la sancte crois

1330

Que dens in Aquillee iames ne intrarois,

Se de meutres de l'ost ou Atila l'orgolois

Ne aie in prisons ou recreant farois. -

Ce jure Arioçhus que il mantinirois,

Si que le chang de lui, Re l'est vif, se farois.

1335

Nos chrestiens tornent ver Aquillee il çhamin,

Molt bien apareles sor bon amoravin,

Bien .v. .m. s'atrovent a çhival le maitin,

Car tot li peons ont gaagne bon ronçin.

Muntes sunt a distrer et a palefroy fin,

1340

Dont avont mort Ongreis et Saracin.

Forest chivauche avant a .v. .c. de son lin,

Desot dos intresaignes de cendal porporin,

Ou fu la voire crois de Yhesu Naçarin,

Et un lion arpant d'or fu in color sanguin,

1345

Que tenoit une spee sanglant in suen sasin.

Or se gart da luy luntains et voisin,

Que veult contraster a la loy devin.

Celle fu l'insaignes rois Gilius il palatin,

Que semper aust honor in bataille et in destin;

1350

L'autres fu l'alicornes d'argant in camp celestrin

Que mout fu redotee par Forest que la demin.

Au vent le ont sventolee çhivauçant a train,

Apres lui çhivauçe mant homes de ses lin,

Que conduent la somarie, charetes, pains et vin,

1355

A mil balestreres le conduent con inçin.

Se dedens Aquillee le condurent infin,

Plus de troy mois n'aront çeschuns in plin.

Darer çhivauçe Ariochus et Perot suen chusin

A .iiii. .m. .vi. .c. homes muntez, con ie indevin,

1360

Armez toz a fer et de cuer buvalin.

Forest garde avant parmi un bois sapin,

Galeran oit sclosi, que çhivauçe a train

Sor un chivaus mauves, feruz apres le crin,

Mout semble sangletez le braçes et le rin

1365

Et tot la renge dou buen brant açarin.

Forest broche ver lui cum joie frois et serin:

- Bien venez, vos, frer, mesaçer d'aut lin,

Estes vos eschampez des mains de barbarin?

Ou ert le distrer que a vos done in domin,

1370

Li quel conquis da Fribor, ceil mauves mastin? -

- Par ma foy - dist il cuens - il jut in celle spin.

Fribor ai persevi par metre soy a fin;

A soy quatre fuoit, la meslee fu ausin;

Lor compagnon sunt au pre, si gardent le çardin,

1375

Fribor m'est eschampez, mort m'ait l'amorain

Et ie pris cist çhivaus, que forment me train;

Donc se ie mais le voy, ne m'apris un sterlin,

Se ie no me venge de son mauves venin. -

- Forment in ioist Forest quant Galeran il veit

1380

Que arer fu retornez sençe estre mal retreit.

Il dist: - Baron de bon air, Yhesu Crist loez seit

Que arer estes tornez sains et sauf da cist pleit,

Alez Ariochus, que por vos se desfeit,

Si vos restevreris, il est raison et dreit. -

1385

- Par ma foy, - dist le cuens, ancor nen sui si leit

Ne ma force si alenis, que ie par nul mesfeit

Bataille ne stormes gerpist por tel mesfeit. -

Forest dist in riant: - Cuens, siez beneeit

Car Saracin aves metue in tel destreit,

1390

Que nul seroit ardis veoir li vos conspeit. -

Quant Galeran intist Forest que li rampoigne,

Nen sai bien se le dist in gabant o in perdogne,

Mais de plaider cum soi a li cuens non sogne,

A for que le dist et nen fu mie mogne:

1395

- Forest, se çatif sui, ancor seroit tesmoigne

Avant que pas le mois ne la semaine reogne. -

Lor sperone il chivaus et da lui s'esloigne,

Et iure intre soy a Saint Antoines de Borgoigne

Que, s'el viroit leu que a Forest besoigne,

1400

Un distrer li donrai por forçe de suen poigne,

Que mais in reproçe n'aroit que tel manogne,

Que ie ne puisse ausi fer atrui que m'insoigne.

In cest aler pensant ad Ariochus açoigne.

Da la luntaine garde Ariochus Galeran,

1405

Que vers soy venoit galopant por li plan,

Ver lui broçhe il distrer, a soy retint il fran,

Si crie: - Bien venez, iantilz chusin german,

Molt bien ais ovres puis que torn vif et san,

Si puis bien jurer por l'apostre saint Iohan

1410

Que hui t'avons recovre qe mort vif par man.

Or n'apris plus trabaille que aie heu ne afan,

Iusque ci avons l'onor tra Saracin et paian. -

- Por mon Dieu - dist il cuens - s'ie sui in grant achan,

Mes ne paseroit il mois ne fors bien la seman,

1415

Que ie autrui reprocerai, soit de qui veult il dan.

Se ai hui perduz, ie gaagnerai doman.

Hom ne puit sempres vincre ne perdre au deran. -

- Voir - dit Ariochus - por Yhesu Naçeran,

Non sai por que'l diez, si n'ai li mon cors van. -

1420

- Bien le sara çelui - dist le cuens - certan

Avant guere fenie, ne seroit trop luntan. -

De ce se mervoille Ariochus li real,

Mes Galeran li cout coment fu sa traval

De Fribor que sevi lez li grant boschal,

1425

Par soy vençer fist stor et batal

Et coment li fu mort desot le çhival,

Que li avoit livre Forest il bon vasal;

Mes se deust morir et avoir coup mortal

Par moy seroit vençe sor la çent criminal,

1430

Que reproce n'arai da nul homes charnal. -

Ariochus respondi: - Chusins, non pensez mal. -

Atant vint la nuit et decline li iornal,

A un receit sunt joint dedens une grant val.

La atrovarent dous barons, ce il cont de Cividal,

1435

Le quel fu apeles Argus et fu siniscal

De .viii. .c. chevalier, et vont vers de Grual,

Por dote de Ungreis que ont gaste son chasal;

Ovec mil peons oit a un trapal

Que li vont sivant, ne font ris ne bal.

1440

Bordains si le conduit que fu molt bon vasal,

Que tenoit Vencon la tor et li chasal,

Çief a le mil peons sor un chival corsal,

Parant et compaignon fu Argus il mareschal.

Argus et Bordains cum tot sa çent haie,

1445

Lez un grant receit et une auberçarie,

Tot furent armes chome par far meslie.

Quant verent Forest et l'autres chevalerie,

Si furent spoantez, ne vos merviles mie,

Ietez sunt por force dehors de ses contrie,

1450

Et ont abandone tot sa manentie,

Tant furent Ongreis et gent de paianie,

Dont s'en vont fuant par schamper lor vie.

Mes non portant li sunt bien aparelie,

D'armes et de chivaus si sunt tot ascherie.

1455

Femes et infant avont une partie,

Que ver la mer menent par estre asehurie.

Forest quant le voit, ne le aconuit mie,

Mais ses coroy oit fermez et stablie,

Puis broçhe avant par savoir de lor vie.

1460

Quant li fu apres ad haute vos escrie:

- Quel ert il chevalier? estes vos de Ongrie?

Çent Atilla le rois, le cruaus renoglie,

Fil au diables, que Deu li maudie?

Si estes paiens, mal estes arevie.

1465

Bataille domant et stormes et meslie.

Ne schampares par le Fil sancte Marie,

Que tot non sies a le brant trençie. -

Quant le ardi Argus la parole ohie,

Mout fu joiant et fortment escrie:

1470

- Bien venez, sire, vos et vestre compagnie,

Saies de voir, tot sumes bateçie,

Da Cividal sui nez, Argus sui anomie.

Et cestui Bordains da Vencon li ardie,

Qu'ert avec moy de sta çent cief et guie.

1475

Car deschaces sumes hors de nostre manentie,

Au roy de Cordes volons aler in haie.

Si mandrons nostre dames et nos infant petie

Ver lo lez de la mere et serons a sauvetie. -

- Par foy, - dist Forest - bone fu la pensie.

1480

Ora pesez trestuit de fere chevalerie,

Et ie serai o vos in secors con ma bailie. -

Grant ioie n'oit Forest quant l'avoit intendus

Que çil vont in haie au roy de Cordes barbus.

- Par ma foy, - dist Forest - bien vos n'est avenus

1485

Que nen siez intrepris tra paiens mescreus.

Parmi davant la voie ou de ius et ou desus,

Si vos di voirement, se de çent n'estes plus,

Grant partie d'Ungreis celle part est corus.

Mais por vos sauvement, se ie serai creus,

1490

Que venisses ovec nos in Aquillee stratus,

La ert li port dou mer, si serez tost garus.

Nus sions bien .v. .m. de chevalier et plus.

Li frer rois Menappus çhivauçe par la menus,

Veez le grant coroy que moy oit seus.

1495

Car et charetes avons da Ongreis prendus

Et sa grant sumarie, ad il sions combatus.

Le rois Gilius de Pahue m'avoit tramitus

En ahie et secors Menappus li polus.

Se cum nos venes, bien seres receus,

1500

Et frer et compaignon in batailles cremus. -

- Par ma foy, - dist Bordains - ia serez creus,

Pur qu'el place au sire mon compagnon Argus,

Plus sehur seromes et plus çhiere tenus

Quant a ce beisoignes nus seromes venus. -

1505

- Ensi soit - dist Argus - cum m'aves desponus.

Car au passer dou Tigaiment arons grant brie heus,

Par la grant pluie l'eue ert fort creus,

Et par la grant nois que dau terter vint ius. -

- Si ferons - dist Forest - a li nons de Yhesus.

1510

Ne mist mes au besoing son amis in refus.

Ie sai bien tot li guez por itant que no i fu nasus. -

Atant çoint le charetes et la vitaille sus

Et la grant sumarie que il avont venchus,

Ariochus et Galeran et il castelan trestus

1515

Et tot la baronie li grant et li menus,

Si sunt in la place trestuit desendus.

Lor firent grant ioie quant sunt aconeus.

L'acontançe fu grant de Friulans e'l jeus.

Inlec aubergent, si ont la vitaille prendus,

1520

Qu'il ont conquis tra la gent mescreus.

Peins et vins et beschot n'ont a grant infus.

Buef et vaçhes choirent, si firent grant fus.

Ceschuns n'oit a plante et joenes et çanus.

Inlec fu de Atilla son pavilon extendus,

1525

Que avoit conquis Forest, si li estoit rendus.

De sa biaute dirai, si serai intendus.

Or oiez, seignor, coment il fu esleus,

La grant richeçes que i fu establis desus

Valoit plus ases que la terre de Porus.

1530

Or insforçe, çhançon, bataille n'i ert falus,

Et Deu vos benehie que in la crois fu pandus.