Ystoire de li Normant, metà XIV sec., It. mer.
Ystoire de li Normant, Édition du manuscrit BnF fr. 688 par Michèle Guéret-Laferté, Paris, Champion, 2011 («Les classiques français du Moyen Âge», 166).
Traduzione (XIV sec.) dell'Historia Normannorum di Amato da Montecassino (XI sec.)
Manoscritto: Paris, BnF fr. 688, ff. 125v-199r (XIV sec.)
Edizione digitalizzata a cura di Serena Modena
Marcatura digitale a cura di Serena Modena e Luigi Tessarolo
Permalink:
| TESTO | MODIFICHE ALL'EDIZIONE |
Modifiche all’edizione Guéret-Laferté 2011
a cura di Serena Modena
Per la trascrizione delle forme del congiuntivo passato, rispetto all’edizione di riferimento, si accoglie nel testo l’uso grafico dell’edizione della cronaca di Vincenzo de Bartholomaeis, Storia de’ Normanni di Amato di Monte Cassino volgarizzata in antico francese, Roma, Istituto storico italiano per il medioevo («Fonti per la Storia d’Italia», 76), 1935, secondo la proposta di Françoise Vielliard 2011, p. 279.
Guéret-Laferté 2011 Modifiche
auïsse I, 35; III, 24; VII, 27 avisse
auïsses VIII, 27 avisses
auïsons I, 28 avisons
auïst III, 52 (2 occorrenze); VI, 22; VII, 22; VIII, 13 avist
beuïssent II, 33 (2 occorrenze) bevissent
deuïsse II, 29; IV, 32; VI, 21 e 43 devisse
deuïssent I, 30; II, 6; II, 18; III, 16 e 21; V, 18 e 19; VII, 11; VIII, 7, 9, 10 e 16 devissent
deuïst III, 11; VII, 9 e 19 devist
sauïst VI, 1; VIII, 2 savist
[31]
[1] Et quant Robert vit que Transmunde non vouloit donner la terre por sa delivrance, cercha de [l']acquester par vertut et ordena lo siege sur la forte tor de Ortonne; et la fist castel et ficcha li paveillon. [2] Et la moillier de Transmunde et li autre parent, c'est un autre Transmunde qui lui estoit consobrin, fil de lo frere carnal de lo pere, et un autre autresi qui se clamoit Transmunde, avec Berarde, fil de Adam, et avec Bernart, et esperoient de vainchre en champ cil qui estoient dedens les chasteaux. [3] Et toute la contree vont cerchant jusque a Ravane, et non lessent chevalier ne evesque ne abbé, et promete[nt] lor les chozes de li Normant, et li legier cheval et li optime arme afferment que seront tost lor! [4] Et cest vain et fol desirrier fist venir la gent tost a la vaine proie et gloire qu'il se creoient avoir de li Normant. [5] Et puiz que furent assemblez, se troverent X mille. [6] Et Robert, quant il sot lo avenement de ceste gent, se feinst de fouir : et recolli li paveillon, et ardi lo chastel. [7] Et li mol chavalier sequtoient ceste gent et se confidoient qu'il fugissent. [8] Coroient alegrement par lo pré, et finalement vindrent a un pas ou estoient abscons Il cent chavaliers de Robert. [9] Et lui, o troiz cens, atendoit enmi lo champ la bataille. [10] Et adont avoit Robert Vc chevaliers, comment ce fust chose que premerement non avoit de li sien propre [fol. 188a] que LXXX, quar li plus en rechut de son oncle quant il le manda contre Bajalarde, secont qu'est dist. [11] Et puiz, a lo issir de la silve, avoient passee la poste; si s'aprocerent toute la multitude. [12] Et Robert vint vers eaux, et les chevaliers qui estoient repost les secuterent derriere. [13] Et li chevalier, qui non estoient hardit, non savoient ou se peussent torner pour fouyr, quar non avoient lieu ou peussent eschaper. [14] Et li Normant vainceor reteinrent lor main pour non traire sanc, ne encoire non prenoient li foible aimés mes li meillor. [15] Li fill de Bernarde avec lo neveu de Transmunde furent pris. [16] Lo evesque de Camerin avec molt d'autres fu retenut. [17] Jehan, evesque de Penne, estoit prison, mes que estoit saint et reverende persone, (mes) fu laissié aler. [18] De li autre non covient que disons, se non ceux qui escamperent por la pitié de Robert et qu'il leissa aler. [19] Et gaingnerent quatre mille chevaux, et de autre bestes et de autre masserie non est besoingne de dire. [20] Et Robert o II prospere victoire s'en torna en sa terre o honor de lui et de li sien chevalier.
