Daniele Deloc da Cremona, Le livre de Moamin, 1249-1272

Moamin et Ghatrif. Traités de fauconnerie et des chiens de chasse, édition princeps de la version franco-italienne avec trois planches hors texte, par Håkan Tjerneld, Stockholm-Paris, Éditions C.E. Fritze-Librairie J. Thiébaud, 1945 («Studia Romanica Holmiensia», 1).

Manoscritto: Venezia, Biblioteca Nazionale Marciana, gall. app. 14, ff. 85r-107v (XIV sec.)

Edizione digitalizzata a cura di Serena Modena

Marcatura digitale a cura di Luigi Tessarolo

Permalink: https://www.rialfri.eu/texts/moamin|002 Copia

[1] Ici finist le premiers traitiez dou livre de Moamyn fauconier et comenze li segontz de dispositions des oissieax de rapine et dou mecinemant de lor enfermité rescoses. [2] Et est divisez par soissante chapitres, dont le premiers contient qatre rubrices, dont li trois divisent trois regles.

[3] Dou prologe des enfermitez rescoses des oissieax de rapine.

[4] De la premiere regle.

[5] De la segonde regle.

[6] [D]e la tierçe regle.

[1] Dou prologe des enfermitez rescoses des oissieax de rapine.

[2] Cum il soit ensi chonse qe, la merci Deu nostre seignor, je aie devisé assez souffissemant, el premier traitié de cest premier volume de cestui livre, ce qe a deviser i estoit, selonc ce qe je trovai divisé par metre T[heodre] en suen livre dou latin, [3] en cestui segont aprés vos diviserai des enfermitez rescose des oissieax de rapine et de lor mecines, le qelle sunt de maintes et diverses manieres, ce est por la diversité des complexions et de l'aire et dou tens de l'an, dou leu et de l'abitaxon et por le speciliaté diverses et estranges dels oissieax de rapine et por la foiblece et por la forteçe de lor diverses complexions. [4] Voremaint mainte autre mecine se trovent, diverse de cestes qui sunt divisee en cestui livre, por ce qe li experimant dels ancieins et del moders sunt outre ce qe l'en ne porroit comprendre.

[5] Mes savoir devés premieremant q'il avint aucune foee qe le occaison des infirmitez dels oissieax de rapine sunt foible et lor cors et lor nature sunt fort, et adonc vaut par aventure la mecine aucun pou. [6] Et aucune autre foee avint qe li cors et le nature des oissieax de rapine sunt foible et le occaison de lor enfermitez sunt fort, et adonc ne vaut rien la mecine, tot soit ele fete rasnablemant. [7] Et por ce nos defaut aucune foee, a la perfection de la cure, retorner a jondre, minuoir et changier, ce est a dire q'il nos defaut a retorner encore une autre foee a fere la mecine ou a joindre li aucune chonse ou a minuoir en ou a changier la dou tot, [8] selonc ce qe l'en puet aprendre et conoistre soutilmant la diversité de dispositions et des nature des oissieax a cui sunt oes ces mecines usser. [9] Et a ce devés encore savoir qe la cure des enfermités n'est pas tele au començemant de l'enfirmité cum ele est el acroissemant ou en l'abeissemant de li, por les occaisons qe je vos ai contees desus et por les autres resemblables a celes meemes, dont l'en poroit tantes ciduer qe, qi vousist entendre a diviser et a retrere chauscune, par la chonse dureroit par tot tens mes, si q'i jamés n'avroit fin.

[10] Mes ce qe je trovai divisé par mestre T[heodre] el libre dou latin de totes ces chonses, je le vos diviserai en cest mien livre tout si bien et si parfitemant, o l'aide de Dieu et de mon segnor le noble roi Henri, qe je n'i leisserai rien q'il en deist. [11] Et mestres T[heodres] meemes afferma bien en suen livre apertemant et dist qe chonse qe a ceste ovre pertenist il ne leissa a translatier de l'hebreu et a diviser en suen livre, [12] ainçoins l'en ajosta da soi propremant maintes bones reisons et veraies, q'il meemes exprova manifestemant au tens mon seignor le magne empereor Freiri, suen lige seignor, et a suen meemes tens autresi, qi molt soit et vit et qi en ce mist molt ententivemant toute sa cure.

LIVRE II